飲品到會重新定義

 

 

到會飲乜好?

 

大家平時搞Party叫到會外賣飲d乜?好多到會公司都只係提供紙包、罐裝飲品呢類超級市場、便利店隨便買得到即開飲品,好多人客都投訴無乜新意又飲到悶悶地唔想再咁hea,有見及此,Kama Delivery全新推出3個系列共15款台式即製手調到會飲品,等大家除左享受美食之餘,仲可以開懷大飲,保證大家「飲飽食醉」!

 

近年刮起新一浪手搖飲品潮,店家開到成行成市瘋魔全球,高峰時期幾乎每星期都見到新店開張,品牌黎自五湖四海或者本土製作,根據統計,港人平均每日消費近55,000杯茶飲,排隊探店人潮絡繹不絕;當中行業表表姐有天仁茗茶、老虎堂、貢茶、喜茶等等,孕育出不少奶茶控、珍珠控、奶蓋控;一旦找到你心愛嘅珍奶、鮮茶,就如癮君子一樣令你愛不釋手,每天一杯簡直係家常便飯!

 

但要將即製手調飲料加進飲品到會的確唔容易,產品質素永遠放係我地團隊嘅首位,畢竟到會外賣要經過運送過程,不論產品味道及外觀包裝都要格外花心思,期望送到人客手上都能達到最佳效果,同事們經歷反覆研究及不斷測試,終於成功研發多款不同口味嘅特色到會飲品!以下小編為大家逐一介紹!

 

 

 

冷萃茶系列

 
Kamadelivery推出的冷萃茶到會飲品系列

 

朝慕(青茶)|午後(金鳳茶)|晚霞(桂花烏龍)|影月(白桃烏龍) 

 

喜歡茶香濃郁醇厚首推來自台灣阿里山嘅午後(金鳳茶),作為「茶王」絕非浪得虛名,為左減低入口澀味而經過深度發酵烘培,絕對係品茗首選,能夠發揮茶葉本身最純粹嘅香氣;嫌金鳳味道太濃?另一杯女仕們至愛影月(白桃烏龍),未飲已經被名字深深吸引,淡淡白桃香氣能發揮柔和作用,而烏龍茶本身抗氧化有助美肌、抗衰老,飯後呷一口去油解膩!

 

 

 

果茶系列

 
Kamadelivery推出的果茶到會飲品系列

 

夏日水果茶|粒粒荔枝蜜桃茶|熱帶菠蘿薄荷茶|戀上草莓玫瑰茶

 

4款果茶均提供3個糖度選擇,迎合人客不同嘅喜好,當中不得不提夏日水果茶,最適合炎炎夏日,集合多款新鮮水果制作而成,酸酸甜甜開胃又清新!另一款小編推薦係熱帶菠蘿薄荷茶,粒粒果肉配搭清爽薄荷葉,菠蘿含豐富維他命A及C又可以促進腸胃消化,可謂到會飲品最佳拍擋!

 

 

 

奶茶系列

 
Kamadelivery推出的奶茶到會飲品系列

 

經典波波奶茶|黑糖波波奶茶|奧利奧奶茶|滑嘟嘟奶茶(仙草)

滑嘟嘟奶茶(原味布丁)|奶茶三兄弟(仙草、布丁、波波)|抹茶雙響炮

 

7款奶茶款式除左可以選擇3個糖度外,仲可以自由添加不同topping,咁多口味總有一款你鍾意;身為咀嚼控嘅小編最貪心,每次都爭著「測試」奶茶三兄弟(仙草、布丁、波波),一杯滿足晒3個願望,波波珍珠有咬口、仙草凍有益又消暑、布丁滑溜有蛋香,配口手調奶茶口感十足,作為飯後甜品絕對無得頂!

 

 

 

用心製作

 

整個飲品到會系列全用上置頂式密封透明可食用級PET膠樽,確保外送時不會倒瀉之餘又可回收作為再生材料;Kama Delivery Catering成立至今一直秉承「親民價格,貼心服務」的承諾,專注產品發展及食物衛生、認真解答顧客問題、售後細心聆聽不同聲音,能夠得到你們支持鼓勵,就係我地繼續做好嘅源動力,希望為你下一次嘅活動送上最佳嘅到會體驗!