養貴婦狗前6大注意事項【新手主人必讀】

貴婦狗Poodle（貴賓狗）屬水獵犬品種，天生適應力強，善於幫主人於打獵後將獵物拾回，貴婦狗分為標準貴婦犬、中型貴婦犬、迷你貴婦犬（又名茶杯貴婦狗）、玩具貴婦犬以及近年新興嘅巨型貴婦狗，以體型劃分，香港常見嘅係迷你貴婦犬及玩具貴婦犬，因為香港土地問題，養體型較小嘅狗種比較合適，易於照顧打理，標準貴婦狗Size最高可達超過40厘米、身長可達70厘米，迷你貴婦犬及玩具貴婦犬只有標準貴婦犬嘅一半身高及長度，甚至少於一半，屋企唔大都夠活動空間。

養貴婦犬之前，先認識一下貴婦狗，避避雷先，源自於美國嘅貴婦狗，除左體型上嘅分別外，就係顏色上嘅分別，常見嘅純種貴婦狗分別有7種顏色，棕紅、黑、白、灰、啡、杏及混色，之前有商人向首次想養貴婦狗嘅準主人介紹，聲稱泰迪犬最受歡迎，價錢亦最貴，但其實泰迪犬並非貴婦狗嘅品種，只係一種美容嘅方式造型，每一隻貴婦狗都可以以呢種方式美容，但棕紅色貴婦狗毛色跟毛公仔泰迪熊差不多，所以以泰迪熊方式美容猶如一隻有生命嘅泰迪熊，但並不存在呢個狗種，好比我攞住吳彥祖張相叫人跟住嚟整，只係一個造型，而毛色較稀有嘅好似灰色，深啡色價錢會比較貴。

貴婦狗於犬類智商中排行高居第二名，僅次於牧羊犬，貴婦聰明易教亦平易近人，乖巧而且攻擊性低，一般壽命可達12-15年，雖然毛髮濃密捲曲，但健康程況良好嘅貴賓甩毛情況並不嚴重，而細小身型加上可愛嘅外表成為好多養狗準主人嘅首選。

貴婦狗對事物好奇心重，好似小朋友咁咩都放入口咬下，亦都係常見犬類行為，愛玩又貪吃，地氈、床單、鞋、紙巾、毛公仔、甚至係電線等通通都無一幸免，所以自細必須耐心教導，貴婦狗智商高，憑主人語氣、動作可以理解信息，有耐性去訓練，貴婦狗絕對係養狗入門好選擇。

貴婦狗雖然甩毛情況唔嚴重，但係由於毛髮太濃密加上天生捲毛，可能係貴婦缺點之一，容易打結變成死毛，唔好睇少狗毛打結嘅情況，狗毛打結會影響美觀外，打結處亦容易成為細菌溫床，嚴重起嚟會引致皮膚病，影響健康，最好定時每日梳毛護理，亦係好好嘅親子時間建立關係。

OneDegree「毛價保」寵物保險有三款計劃：精選計劃／全方位計劃／專寵計劃

OneDegree 毛價保首年保費75折優惠

貴婦狗對於運動量嘅要求唔算太高，但每日一個鐘係最基本，最好每日兩個小時，貴婦犬運動量唔大但必須運動，否則容易情緒暴躁、精力發洩唔到加上鐘意咬嘢就會周圍搗亂生事，唔帶佢哋出去行下運動下，佢就拆屋當運動，如果你連呢啲時間都冇法給予毛孩，就唔好養貴婦狗，甚至唔適合養狗，可能養貓會比較適合！

相信好多貴婦狗主人都發覺貴婦狗隨年齡增長，毛色會出現褪色情況，毛色淡化同時係營養流失或不足嘅原因，飲食上要特別注意，選含深海魚油嘅狗糧、避免食帶油鹽嘅食物或零食，另外貴婦狗洗澡後必須完全吹乾，唔好剩低少少等佢自然乾。

貴婦狗天生腿較細長，從幼犬時期開始訓練教育，避免從高處蹦跳，容易造成骨折，對於腿較細長嘅狗種，同時要嚴密監控體重，磅數過重導致腿部長期過份受壓，腳仔容易受傷，別係迷你型貴婦犬品種，主人亦可選擇鈣質高嘅食物或者奶類，強化狗狗骨骼健康。

貴婦狗天生係白內障高危犬種，唔好以為只會發生喺老年狗身上，要時刻留意狗狗眼部變化，特別留意佢地走路方向感，定期做到獸醫做身體檢查，一發現以下情況即時就醫。

1. 經常檢查貴婦狗瞳孔有冇出現白色物質。

2. 視力有否衰退，如行路時經常撞到嘢，行路唔穩。

3. 雙眼對唔到焦，眼神空洞。

白內障係熱門貴婦狗疾病，主人亦在選擇食材俾狗狗補眼護目，所謂預防勝於治療，減低白內障發生嘅機會，如藍莓、紅蘿蔔、雞蛋、南瓜、蕃茄等成份嘅狗糧，都有助狗狗護眼，呢啲食物仲營養豐富添。