【香港人自救】6個方法避免去完旅行帶床蝨返屋企

【香港人自救】6個方法避免去完旅行帶床蝨返屋企

【香港人自救】6個方法避免去完旅行帶床蝨返屋企

近期聽到香港好多地方都出現床蝨,連公眾地方,例如巴士同機場快線都有佢地既足跡,咪話唔擔心呀,特別係屋企有小朋友或養寵物,真係會怕帶左床蝨返屋企,搞到周身痕。咁我地點樣先知屋企有無床蝨?床蝨又會鐘意匿埋係邊?如果出現床蝨,我地應該點做?小編之前都寫過一篇關於床蝨既文章,大家不妨了解多D有關床蝨,避免外遊帶左返屋企都唔知,特別係最近去完高危地方,例如法國,英國,韓國,日本,咁點樣去旅行時避免床蝨?

咩係床蝨?

床蝨

其實床蝨係咩?點解個個一聽到床蝨就咁驚? 床蝨(英文: Bedbug),又被叫木蝨 或臭蟲,一種會吸食血液維生既細小寄生昆蟲。床蝨入屋之後會潛伏一1至2星期,繁殖速度極快,而且初期難以察覺,當發現第一隻床蝨,代表可能已經入侵左3至4個月。另外,要徹底解決床蝨係唔容易嫁,千奇唔好亂用滅蟲煙霧、殺蟲水等,分分鐘會弄巧反拙,令床蝨擴散到全屋。

去旅行時如何避免床蝨?

旅行時如何避免床蝨

而家好多人都會去旅行,特別係年尾,加上幾年無外出,大家都會報復式旅行,近至大陸,日本,韓國,台灣,遠至歐洲,所以大家要點樣避免同床蝨共處一室?

吸血鬼害蟲?消滅木蝨6個方法

【吸血鬼害蟲?消滅木蝨6個方法】 如果發現,身上多左好多被咬既傷口,又痕又辛苦,而且通常係瞓覺既時候被野咬,好大機會屋企、被鋪、床褥入面埋藏木蝨,點樣確定自己係俾木蝨咬?木蝨點解會有?木蝨又係咩?點樣解決消滅木蝨?木蝨真係令人好煩既害蟲⋯⋯ 繼續閱讀

外遊時避免床蝨方法 1. 入到酒店房檢查

酒店房床蝨

入到酒店房第一時間檢查間房先,睇下會唔會有床蝨既蹤跡,例如床蝨既屍體、蟲卵、被褥上既血漬,或者有D「甜霉味」/「濕臭味」,可以細心觀察下床墊、枕頭、床既罅隙、床周圍既木質結構,牆同傢俬之間既空隙。如果發現有床蝨,記得即刻要求更換另一間房間,仲要唔好同一層呀,樓上樓下既同一個方向都要避免。

檢查既時候,可以閂晒燈之後,拉埋窗簾,令到酒店房處於較黑既環境,然後用手機照明檢查,包括上面既所提及既地方,床墊、枕頭、窗簾、地毯等,睇下會唔會有「黑點」、「紅棕色小斑點」、「血漬」、蟲卵或者床蝨蛻皮既殼。

外遊時避免床蝨方法 2. 行李擺放位置

行李擺放位置

如果真係無發現有床蝨既蹤跡,都唔可以大安旨意呀,盡可能將自己行李放係行李箱入面,唔好全部物品都拎晒出黎,如果酒店房係用地毯既話,就要小心D,因為地毯都係床蝨可以藏身既地方,如果有需要,可以將行李放係行李架上,或者枱櫈上面。當唔用既時候,記得都閂左佢,或者拉返鏈,減少床蝨走左入去既機會,千萬唔好帶佢地返香港呀。

外遊時避免床蝨方法 3. 自備一次性床單

床蝨一次性床單

如果有需要,其實可以自備一次性旅遊用床單,可以減少俾床蝨咬既機會,又可以用完即棄冇手尾跟!

外遊時避免床蝨方法 4. 選擇乾淨衛生既酒店/住宿

乾淨衛生既酒店

訂酒店既時候,可以做多少少功課,選擇信譽良好既酒店,或者可以上Agoda、Hotels.com、Booking.com、Trip.com等既預訂酒店網站睇睇評價,篩選一下D衛生好嘅酒店或者旅館。

旅行必備清單|出發前Checklist|男女合用檢查表

【旅行必備清單Checklist|男女合用檢查表】 每逢節日或者連假,都係一家大細去玩嘅好時機,大家一定已經搶左平價機票,同安排好行程啦。但太耐無搭飛機出遠門,係咪已經唔太記得點執行李呢?又或者,會擔心執漏野準備不足?小編整理左一個旅行出發前清單Checklist⋯⋯ 繼續閱讀

外遊時避免床蝨方法 5. 唔好將「戰利品」攤在床上影相

床蝨旅行

相信大家去旅行都會買好多野,瘋狂Shopping,例如日本、韓國、泰國呢D國家,香港人就最鍾意將D「戰利品」攤晒係床上影相,打卡放上社交平台放閃,但建議大家唔好咁做啦,因為咁樣會俾床蝨有機可乘跟住D戰利品返屋企嫁。

外遊時避免床蝨方法 6. 返到香港要做消毒

高溫蒸汽熨斗

當返到香港入屋前,記得先望下個行李箱既輪,因為有時D床蝨會匿係呢D位,另外,打開行李箱既時候,不妨搵個空曠少少既地方,萬一真係發現到床蝨,都可以即刻處理。D衫褲有需要都可以用高溫清洗,至少60°C熱水浸泡三十分鐘,如果D衫褲唔可以水洗,可以用高溫蒸汽熨斗處理。

旅行之後處理行李箱係防止床蝨蔓延既關鍵一步,同時預防亦係好重要,外遊都係為左開心同Relax下,如果因為唔小心帶左床蝨返屋企就真係得不償失啦,忍受痕癢之外,可能仲會用一筆費用去搵專業人仕處理,記得外出時好好預防床蝨,將呢D不必要使既錢,拎返黎係香港食返餐好既仲正。Kama Delivery外賣到會服務,期待參與你每個聚會活動,過百款特色一口小食、派對套餐,全港免運費,成為會員仲可以盡享唔同優惠!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Freepik

*未經許可,以上文章不得轉載或引用*