10大香港必吃街頭小食推薦【平價美食尋寶】

最常見，亦多人食既小食之一，咖喱魚蛋同魚肉燒賣。咖喱魚蛋仲會分辣或者唔辣，小編當相信好多人都會揀辣既咖喱魚蛋啦，因為咁先食得開心過癮。魚肉燒賣要加辣油就已經好好食啦。當然，又點少得腸粉呢？腸粉係必須加埋混醬齊食，咩係混醬？混醬就係豉油、甜醬、芝麻醬，再撒少少芝麻係上面啦。點解會將呢3款小食放埋一齊？相信好多人都會一次過叫齊3款黎食嫁。

格仔餅同雞蛋仔都係算甜品黎嫁，格仔餅源自外國既鬆餅，再塗上牛油、花生醬、煉奶同砂糖，有D仲會加椰絲嫁。而雞蛋仔就係將蛋漿加入蜂巢狀既模具，整到外脆內軟，甚至會有唔同既味道，例如朱古力、抹茶、芝士等。通常一間舖頭會有齊2款嫁。

煎釀三寶會用茄子、青椒同紅腸作主要食材，再釀D魚肉入去，然後上粉拎去炸到金黃色，或者用煎既方式。到食既時候，可以加豉油同辣醬，都係好受香港人歡迎嫁。

臭豆腐果陣味道，真係唔係個個都受到嫁，真係隔條街都可能會聞到陣啟臭味嫁。通常都係加埋甜醬食既。

牛雜就係用牛既內臟煮既，包括牛肚﹑牛筋﹑牛肺﹑牛腎﹑金錢肚﹑牛腸等既食物，一般用滷水汁煮，味道濃郁，喜歡內臟必試！

炸雞脾一定係生炸既最受歡迎，因為唔係間間都炸得好食嫁，必備條件係皮脆多汁，肉嫩，粉漿要夠薄，食落完全唔會油膩。

炸大腸其實係豬腸，工序都十分繁複，如果洗得唔干淨，吃落會好臭，或者好騷嫁。另外，重點就係在皮要脆，咬落去要會有喀喀既脆聲。

碗仔翅係仿魚翅羹既小食，材料以粉絲為主，再加入木耳絲、冬菇絲、豬肉絲同雞肉絲，然後加入麻油、浙醋、白胡椒粉或辣椒油去調味。

街邊既冷面，一般都係一包包，再自己揀面同配答材料及醬汁既，材料都好多選擇，例如，中華沙律、牛骨髓、螺肉、蜆肉、八爪魚、帶子裙邊、海蜇、粟米、火腿、蟹柳、蛋絲等。

砵仔糕可能係最經典地道既小食，通常有原味同紅豆味，本身用黃糖、同粘米粉等製成，然後放係一個小砵內蒸熟，到食既時候，再用竹籤穿起。