10大香港必吃街頭小食推薦【平價美食尋寶】

10大香港必吃街頭小食推薦【平價美食尋寶】

10大香港必吃街頭小食推薦【平價美食尋寶】

香港美食係都會出名係人都知道,因為香港集結合左唔同國家既食物同本地自己既地道小食,相信大家講起街頭小食,呢個獨有「掃街」文化,不論是本土香港人抑或是外地遊客,一定會有幾款必吃既,街頭小食一般價錢便宜而且快捷方便,如果鍾意小食多餐就最適合不過,唔知以下有無係大家既心水小吃呢?

香港必吃街頭小食推薦
1: 魚蛋、燒賣、腸粉

必吃街頭小食 | 魚蛋、燒賣、腸粉是三款最常見的小食組合

最常見,亦多人食既小食之一,咖喱魚蛋同魚肉燒賣。咖喱魚蛋仲會分辣或者唔辣,小編當相信好多人都會揀辣既咖喱魚蛋啦,因為咁先食得開心過癮。魚肉燒賣要加辣油就已經好好食啦。當然,又點少得腸粉呢?腸粉係必須加埋混醬齊食,咩係混醬?混醬就係豉油、甜醬、芝麻醬,再撒少少芝麻係上面啦。點解會將呢3款小食放埋一齊?相信好多人都會一次過叫齊3款黎食嫁。

香港必吃街頭小食推薦
2: 格仔餅、雞蛋仔

格仔餅及雞蛋仔都是代表香港的甜品

格仔餅同雞蛋仔都係算甜品黎嫁,格仔餅源自外國既鬆餅,再塗上牛油、花生醬、煉奶同砂糖,有D仲會加椰絲嫁。而雞蛋仔就係將蛋漿加入蜂巢狀既模具,整到外脆內軟,甚至會有唔同既味道,例如朱古力、抹茶、芝士等。通常一間舖頭會有齊2款嫁。

香港必吃街頭小食推薦
3: 煎釀三寶

必吃街頭小食 | 煎釀三寶很受香港人歡迎

煎釀三寶會用茄子、青椒同紅腸作主要食材,再釀D魚肉入去,然後上粉拎去炸到金黃色,或者用煎既方式。到食既時候,可以加豉油同辣醬,都係好受香港人歡迎嫁。

香港必吃街頭小食推薦
4: 臭豆腐

令人又愛又恨的臭豆腐通常會配搭甜醬享用

臭豆腐果陣味道,真係唔係個個都受到嫁,真係隔條街都可能會聞到陣啟臭味嫁。通常都係加埋甜醬食既。

集體回憶零食 | 80後90後的懷舊香港零食|雪糕雪條牌子

【80後90後既懷舊零食】上集提到4類既懷舊小食,今次係要介紹一定唔可以錯過既懷舊雪糕同汽水啦,童年入面雪糕同汽水兩樣甜野又點可以錯過,食飽飯要呃甜品,開Party要飲汽水,呢啲經典回憶同大家一再回味,係兩款懷舊零食入面,唔知道大家最愛邊一款呢⋯⋯ 繼續閱讀

香港必吃街頭小食推薦
5: 牛雜

必吃街頭小食 | 牛雜通常包括牛肚﹑牛筋﹑牛肺﹑牛腎﹑金錢肚﹑牛腸等等

牛雜就係用牛既內臟煮既,包括牛肚﹑牛筋﹑牛肺﹑牛腎﹑金錢肚﹑牛腸等既食物,一般用滷水汁煮,味道濃郁,喜歡內臟必試!

香港必吃街頭小食推薦
6: 生炸雞脾

生炸雞脾的必備條件是皮脆多汁、肉嫩、粉漿薄

炸雞脾一定係生炸既最受歡迎,因為唔係間間都炸得好食嫁,必備條件係皮脆多汁,肉嫩,粉漿要夠薄,食落完全唔會油膩。

香港必吃街頭小食推薦
7: 炸大腸

必吃街頭小食 | 咬下去會發出喀喀聲的炸大腸,才是正宗的口味

炸大腸其實係豬腸,工序都十分繁複,如果洗得唔干淨,吃落會好臭,或者好騷嫁。另外,重點就係在皮要脆,咬落去要會有喀喀既脆聲。

香港必吃街頭小食推薦
8: 碗仔翅

碗仔翅是仿魚翅羹的小食,材料以粉絲為主

碗仔翅係仿魚翅羹既小食,材料以粉絲為主,再加入木耳絲、冬菇絲、豬肉絲同雞肉絲,然後加入麻油、浙醋、白胡椒粉或辣椒油去調味。

香港必吃街頭小食推薦
9: 冷面

必吃街頭小食 | 冷面是很多香港人的童年回憶

街邊既冷面,一般都係一包包,再自己揀面同配答材料及醬汁既,材料都好多選擇,例如,中華沙律、牛骨髓、螺肉、蜆肉、八爪魚、帶子裙邊、海蜇、粟米、火腿、蟹柳、蛋絲等。

香港必吃街頭小食推薦
10: 砵仔糕

砵仔糕是老少咸宜的香港小食

砵仔糕可能係最經典地道既小食,通常有原味同紅豆味,本身用黃糖、同粘米粉等製成,然後放係一個小砵內蒸熟,到食既時候,再用竹籤穿起。

 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
$68$102
 素食 
 素食 
 素食 
 素食 
 素食 
 素食 

香港既街頭小食又點止咁少呀,相信大家一定仲有好多心水街頭小食。有時出街想解下口癮,可以去搵下呢D街頭小食嫁。如果唔想食呢D街頭小食,可以叫定我地Kama Delivery到會既小食,可以外送到酒店或指定地點交收,我地最近都新加左好幾款素食既小食,等大家可以多D選擇!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


*如以上圖片有所侵犯版權,請立刻告知,我們會盡快作出修改*

*未經許可,以上文章不得轉載或引用*