【香港癌症3大殺手】肺癌、大腸癌、肝癌

【香港癌症3大殺手】肺癌、大腸癌、肝癌|同場加映防癌食物推薦

香港癌症3大殺手 【肺癌、大腸癌、肝癌】

根據2020報告,香港三大癌症3大殺手分別係肺癌、大腸癌及肝癌,癌症響香港屬於幾普遍嘅疾病,而肺癌、大腸癌及肝癌致命率最高,肺癌患者男性死亡率約30%而女性約15%;大腸癌患者男性死亡率約17%而女性約9%;肝癌患者男性死亡率約16%而女性約4%,雖然醫療科技日益進步,但癌症嘅擴散速度快,而且出現明顯症狀嘅時間好多時已經踏入第三期,所以對付癌症,預防勝於治療,注意日常飲食或者改善生活習慣都可以有助防癌,所謂知己知彼,一開始當然要先認識癌症係乜東東。 

癌症係乜東東?

癌症亦即係惡性腫瘤,腫瘤亦有良性,一般切除就可以,但癌症唔同,指嘅係細胞唔正常地增生,形成腫瘤,同時會攻擊身體其他地方,一旦呢啲唔正常嘅細胞響身體內四圍走,就切都冇用,癌症3大殺手同生活或飲食習慣有密切關係,其次係遺傳、生活環境等,幾乎每個細胞都係潛在嘅癌症腫瘤細胞,直到而家響人體發現嘅癌症超過100多種,亦有癌症腫瘤擴散速度同侵略性極低,甚至只會停留響發病位置,稱為原位癌,治癒率高達95%,但如果一直冇發現置之不理,亦有可能病變擴散。

香港癌症3大殺手 – 首位肺癌

香港癌症3大殺手 | 肺癌是香港癌症的頭號殺手,主因則為吸煙

香港癌症3大殺手中嘅首位係肺癌,肺癌成因首當其衝當然係吸煙,肺癌患者90%係煙民,其餘大部分非煙民患者係因為二手煙、三手煙或遺傳而患上肺癌,香煙中嘅焦油同甲醛會破壞某啲掌控細胞分裂過程嘅細胞,一旦呢啲細胞被破壞得七七八八,細胞就會唔正常地新增形成惡性腫瘤,肺癌擴散速度快而且侵略性高,好多時發現已經係第三期,華陀在世都冇用,所以吸煙人士盡快戒煙可以大大降低患上肺癌嘅機會,而非煙民的話,遠離二手煙、三手煙,尤其屋企成員有癌史的話,就更加要謹慎保護自己。

【香港癌症第二位殺手】大腸癌

香港癌症3大殺手 | 大腸癌是香港常見的癌症,成因與飲食習慣有莫大關係

香港癌症3大殺手中嘅第二位大腸癌,曾經係首位癌症殺手,大腸癌同飲食習慣有莫大關係,尤其是多肉少菜嘅朋友仔,患上大腸癌嘅機會就更高,我哋都知道蔬菜水果有豐富膳食纖維,可以增加腸道蠕動,有助防止便秘,但如果膳食纖維不足,宿便滯留腸道變硬,會阻塞腸道,細菌有機會誘發腸道細胞病變,令瘜肉唔正常地增生,形成惡性腫瘤,初期症狀亦唔明顯,所以如果要預防必須改善飲食習慣,唔好輕視便秘問題,攝取適量嘅膳食纖維,唔好集集大魚大肉。

【香港癌症第三位殺手】肝癌

香港癌症3大殺手 | 肝癌是本地第三號癌症殺手,酗酒為其主要成因

肝癌成為癌香港症3大殺手之一亦實至名歸,酗酒係首要原因,肝臟係人體中唯一一個解毒嘅內臟,當中包括藥物、酒精等,肝臟一般可以應付飲食上嘅毒素,不良嘅飲食或生活習慣會加重肝臟負擔,例如熬夜、食無定時、煙酒等,肝臟長期受損,容易出現肝硬化,導致身體攝取過多毒素,肝硬化一開始無病徵,而且非常漫長,肝硬化會令肝臟逐漸壞死,過程中病毒會進入肝臟細胞,導致細胞唔正常地增生,產生惡性腫瘤。

最佳防癌食物

癌症係預防勝於治療,除左戒除煙酒,改變飲食習慣之外,日常飲食中加入以下防癌食物,亦有助預防患上癌症,甚至可以餓死潛在體內的癌細胞。

 防癌食物 1:大豆 

大豆製品中的豆漿是相當普及的防癌食物

大豆即係黃豆,非常普遍嘅食材,大豆成份有效降低患上血管疾病,連帶與血管有關嘅癌症都可以有效預防,例如乳癌、前列腺癌等,大豆製品中最好係豆漿,加過工嘅大豆制品防癌力度會大大減少。

 防癌食物 2:蕃茄 

番茄中的茄紅素能有效預防癌症

蕃茄嘅茄紅素可以有效抑制新血管增生,上文提及癌症係因為細胞唔正常地增生,而蕃茄亦係烹飪中好常見嘅疏果,加入日常飲食中唔難。

 防癌食物 3:西蘭花 

西蘭花可預防乳癌、食道癌及前列線癌等多種癌症

西蘭花嘅成份可以預防嘅癌症好多,例如乳癌、肺癌、食道癌、前列腺癌等,每星期食一兩棵,可以降低15%患上乳癌、降低59%患上前列腺癌,預防率高。

 防癌食物 4:大核水果 

大核水果如桃及芒果能抑制血管增生,從而達至防癌效果

抑制血管增生嘅成份都常見於大核水果果核,如桃、芒果、車厘子、荔枝等,都係防癌水果嘅好選擇,新鮮水果效果更佳。

身體檢查最重要?

當然,最有效嘅防癌方式係定期做身體檢查,肺癌、大腸癌、肝癌之所以成為癌症3大殺手,有一個共通點,患病初期無明顯病徵,到發現果時已經太遲,肺癌、大腸癌、肝癌初期接受治療,會大大增加治愈率,所以除左注意日常日生活同飲食習慣外,體檢絕不可少。

 純素 
 純素 
 純素 
 純素 

健康與飲食息息相關,Kama Delivery貨架上美食種類超過一百款,唔想大魚大肉嘅可以選擇我哋嘅素食系列,到會套餐大部分可因應人數調整食物數量,開返個防癌清腸胃Party都Happy啦!歡迎隨時聯絡我哋或者WhatsApp我哋查詢有關訂購詳情。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYoutube

延伸閱讀


部份圖片出處|PexelsUnsplash

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。