【香港網絡潮語】20個必學潮語讓你溝通無障礙

香港網絡潮語 | 20個必學潮語讓你溝通無障礙

【香港網絡潮語】20個必學潮語讓你溝通無障礙

新手上司同00後溝通唔到?總是同Z世代格格不入?咁你就就先要融入佢地嘅溝通文化喇,每個時代都會有屬於大家既潮語,特別係而家社交網絡咁發達既社會,潮語日新月異,相信大家一定見過聽過,或者好常會用到,學懂潮語更有助隱藏真實年齡,小編今日同大家溫故知新一下從2021年至2022年既呢20個人氣潮語先,認識每個年代嘅潮語文化對建立人際關係一定有幫助!

00後潮語 1) 世一

「世一」點解 | 00後潮語

其實「世一」即係「世界第一」既簡稱,主要係歌迷用黎讚美自己偶像係Number 1,或者對於自己鍾意既事物既一種形容詞語。

00後潮語 2)知我咩料啦

香港網絡潮語 | 知我咩料啦 | ERROR成員193

「知我咩料啦」來自男團組合ERROR成員193既口頭禪,用黎表達自己好勁好威威。193係ViuTV節目《Error自肥企画》同《考有Feel》中,經常都會聽到佢講「知我咩料啦」。

00後潮語 3)自肥

「自肥」一字因ViuTV節目《Error自肥企画》而爆紅

「自肥」係指利用不正當既手段令到自己得益或中飽私囊。之前就係因為ViuTV節目《Error自肥企画》而令「自肥」再次爆紅而係網絡經常使用。

00後潮語 4)前夫

香港網絡潮語 | 前夫 | 我老婆嫁咗比Mirror導致婚姻破裂關注組

「前夫」一定成日聽到,依加變成潮語,係因為人氣男團組合MIRROR既出現,導致FACEBOOK一個群組出左名,「我老婆嫁咗比Mirror導致婚姻破裂關注組」,入面既成員普遍係MIRROR既女歌迷另一半,呢班男朋友或者老公就稱呼自己做前度或「前夫」而引來熱話。

00後潮語 5)打你咩

「打你咩」其實是廣東話粗口「X你咩」的諧音

「打你咩」來自男團組合ERROR成員Dee既口頭禪,其實係廣東話粗口「X你咩」既諧音,當佢係節目太憤怒但又唔可以講粗口嘅時候,所以衍生出嚟「打你咩」去釋放憤怒。

00後潮語 6)我受形柳

香港網絡潮語 | 我受形柳 | 我愛牙柳

「我受形柳」其實係同人氣男團組合MIRROR既成員柳應廷(阿Jer)有關係嫁,有一次柳應廷出現係個人歌迷Telegram群組,有個歌迷太激動,心急咁將「我愛牙柳」打成「我受形柳」,後黎就變成歌迷既專屬潮語啦。

00後潮語 7)MM7

「MM7」其實是「正」字的速成碼

「mm7」其實係輸入法代碼,不過又係同人氣男團組合MIRROR既成員柳應廷(阿Jer)有關係,有歌迷係留言既時候打左「MM7」,之後柳應廷仲以「MM7」命名個人歌曲名,咁就變成潮語。

00後潮語 8)Siu4

香港網絡潮語 | Siu4 | 笑死的諧音

「Siu4」係笑死既諧音,通常都係以文字表達多,意思係勁好笑。同另一個「SLS」既意思差唔多,「Siu Lun Say」 既縮寫,意思就係「笑撚死」。

00後潮語 9)Emo

「 Emo」的全寫是Emotion Hardcore,代表傷痛、消極、頹廢等情感

「Emo」全寫係Emotion Hardcore,早係80年代出現,後來「Emo」音樂流行,「Emo」就代表Emotional,用作形容傷痛、消極、頹廢等等。

00後潮語 10)NMSL

香港網絡潮語 | NMSL | 源自於中國互聯網

「NMSL」係普通話「你媽死了」既拼音,源自於中國網絡,係用作罵人或侮辱對方既意思。有時候亦會同「WSND」、「HIYZ」一齊用,意思係「我是你爹」同「回家養豬」。

00後潮語 11)LM

「LM」常出現於討論區,代表「留名」的意思

「LM」意思係留名既意思,通常會你討論區,或者唔同既社交平台既留言區出現,是留低腳印,之後等通知,跟進其他留言者嘅回覆。

00後潮語 12)OJ

香港網絡潮語 | OJ跟OK的意思是一樣?

其實「OJ」係OK既意思,因為英文鍵盤中,J同K就係隔離,經常令到人將「OK」打成「OJ」,變相大家就是將錯就錯,直接打「OJ」。

00後潮語 13)好99 / ho99

香港網絡潮語 | 好99 | 解作好可愛、好QQ

「好99」即係解作好可愛,好QQ,通常係讚揚意思。因為英文字母q同9望落好似樣,「好99」源於Telegram。

00後潮語14)躺平

「躺平」是指年輕人對社會、工作及生活上的最消極態度

「躺平」源自大陸,指年輕人對社會、工作同生活既疲倦,與其要完成其他人既期望,情願選擇「躺平」,不過分追求,降低生活慾望,維持最低標準既生活,比起「佛系」更消極態度。

00後潮語 15)阿姨我不想努力了

香港網絡潮語 | 阿姨我不想努力了 | 被有錢大媽包養

「阿姨我不想努力了」源自大陸,形容有錢大媽用錢去包養年輕氣盛既小鮮肉陪伴,後來意思變成唔想努力工作,只想享受生活,用身體去換取高物質生活。

00後潮語 16)立Flag

「立Flag」源自動漫《龍之塔-烏魯克之盾》

「立Flag」代表有人講完一D事情之後,但就出現同講既野完全相反既事。而「Flag」 出自於動漫《龍之塔-烏魯克之盾》主角基魯登塔者隊伍,所有戰鬥前講「我打完這場仗,就回老家結婚」既人,全部都會你戰鬥中當場死。所以衍生出呢個潮語。

00後潮語 17)壞過凱婷

香港網絡潮語 | 壞過凱婷 | 凱婷是誰?

「壞過凱婷」係因為一個舊貼衍生出黎既,突然係連登討論區紅左,舊貼內容就係凱婷個朋友講點樣鬥壞,後黎D人就指一個人好壞既時候,就可以話對方係「壞過凱婷」。

00後潮語 18)幫緊你幫緊你

「幫緊你幫緊你」是電影《保持通話》的一句經典對白

之前有條片段係講緊的士司機同一個女乘客既對話而被廣為人知,但其實最初係一套電影《保持通話》中出現。「幫緊你幫緊你」背後意思反而係用作敷衍對方既。

00後潮語 19)脫單

香港網絡潮語 | 脫單 | 成功出Pool

「脫單」係指脫離單身既簡稱,包含擺脫單身、告別單身既含義,一般情況用係祝福人地成功出Pool既意思。

00後潮語 20)帽事嘅

「帽事嘅」代表戴綠帽的意思,常出現於連登的感情台

「帽事嘅」既係「無事既」既發音相近,呢度既「帽」字則含有戴綠帽既意思,即暗示另一半有出軌既行為。

當然仲有好多潮語未能盡錄,大家不妨上網了解一下發掘更多潮語應用,唔係好容易就聽唔明身邊既人講咩嫁啦。BTW講左咁多新興潮語,Kama Delivery嘅到會食物都係咁與時並進,推陳出新,款式口味多元化,絕對唔會Out!大家知道我咩料啦,唔好忘記我地D食物都好MM7嫁,見字仲唔快D去落單試下我地啲食物?

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

訂購到會服務熱門問題【不斷更新】

【海外留學保險邊間好?】7大承保範圍為你逐一檢閱

謝師宴籌辦攻略2022【一文睇清場地選擇及慶祝方式】

【DSE、大學生暑期工】Part Time招聘攻略2022

【學生信用卡邊張好?】推薦4張網民最熱門選擇

部份圖片出處

https://lihkg.com/

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。