香港網購懶人包

香港網購懶人包

香港網購 | 購物懶人包 | 網購攻略

一部手機可以做到嘅嘢實在太多,網購嘅方便推動普及性,特別係疫情期間,除左透過外國網購平台買嘢之外,香港亦有好多企業紛紛投入網戰,尤其香港服務文化漸漸科技化,如存款可以透過機器、商場透過機械人解決客戶咨詢、餐廳透過送餐機械人及手機下單等,零售業當然唔可以執輸啦!特別係生活日用品、消耗品等,網購平台嘅便利性解決咗幾個客戶煩惱:

 1 

實體店地方有限,貨架上款式不足,繁忙時間冇人手理貨導致客戶要再花時間先搵到要買嘅嘢。

 2 

實體店太依賴人手,貨品如遇改價錢經常出錯,但網購平台改價錢只係幾分鐘而且低出錯率。

 3 

節省客戶排隊俾錢嘅時間。

 4 

客戶可足不出戶買到日用品,亦唔需要自己抬返屋企,因為日用品一般都會買多啲,相對比較重。

 5 

完善網上交易付費系統,完善規避員工找續錯誤嘅問題。

香港日用品網購平台有咩好選擇呢?

1. 屈臣氏

香港日用品網購平台 | 屈臣氏

屈臣氏基本上一星期點都去一次,貨品種類繁多包括護膚、個人護理、化妝品、幼兒用品、寵物用品及防疫用品等,應有盡有琳琅滿目,而且提供會員優惠、購物優惠、信用卡優惠等等,買滿$399更可享免費送貨到你屋企,而屈臣氏網購平台亦有將個人護理產品如洗頭水、沐浴露等套裝價出售,網購獨有專享,買野唔洗出去仲有人幫你搬埋,咁多著數又咁方便,即刻去睇下有冇心水產品啦!

屈臣氏傳送門

2. 零食大王

香港網購 | 日用品網購平台 | 零食大王

零食對香港人嚟講非常重要,返工定放假係屋企睇Netflix,零食呢樣野都可以撫慰我地日夜操勞工作嘅心靈,零食大王網購平台嘅產品入口來自多個國家如日本、台灣、泰國或韓國特色零食,非常啱亞洲人口味,除左零食外,飲品選擇由茶類、汽水到酒類都一應俱全,而且更有急凍產品,以急凍甜品為主,如心太軟、蛋糕、雪條等,肉類選擇就少啲,零食始終係主業,大人細路都啱,快啲去零食大王搵你嘅煲劇伙伴啦 !

零食大王傳送門

網購有咩要準備?

香港網購 | 
 申請一張網購都有回贈或者積分嘅信用卡

首先,開始介紹外國網購平台之前,個人需要準備D咩呢?先去申請一張網購都有回贈或者積分嘅信用卡,呢樣野好緊要,可以提升你網購嘅著數程度。小編為大家推薦一個信用卡比較嘅網站moneyhero.com裡面可以篩選你想要信用卡嘅功能同邊張最為突出,個別卡申請成功仲有禮品送添! 

如果唔想申請信用卡嘅朋友仔都唔洗擔心,可以Download支付寶或者PayPal都好好用,兩者都可以於便利店購買充值卡。第二就係註冊一個轉運平台,點解要用轉運平台?因為直運翻香港嘅運費比較貴,尤其是你買好多樣野,就會一樣一樣直運計運費,咁樣計落運費直情可以食多餐飯。小編推薦一個好用嘅轉運平台「轉運四方」,呢個平台嘅轉運倉除左歐洲之外,幾乎每個地方都有轉運倉。其中美國,韓國,日本都有,仲時不時會有優惠,新註冊亦有折扣金,非常方便!並且「轉運四方」係香港有幾十個自提點可以自己選擇,幾乎每區都有,夠嗮方便!詳情Click入轉運四方可以登入了解,可以直接用手機號碼註冊。以上兩樣都準備好就可以開始血拼啦!

Amazon 亞馬遜

香港網購 | Amazon係美國最大嘅電子商務平台

Amazon係美國最大嘅電子商務平台。成立於1995年,係最早期嘅電子商務平台有20幾年歷史。網站入邊包羅萬有。價錢相對於日本樂天同韓國Gmarket來講較便宜,Amazon亦有正品保證,如果你不甚買到假野都可以無條件直接退貨,呢樣係Amazon嘅優勝之處。大部分商品都係三十日退換貨,詳情可以瀏覽Amazon退換貨條款。另外如何盡量避免買到假貨呢?優先購買Amazon自營或者Amazon物流嘅商品,呢商品都係經過Amazon官方嚴格認證過,確保正品同質量!另外都有其他獨立嘅賣家,呢D風險就相對較高,買到假貨或者質量差嘅商品風險都高,並且退貨係由獨立賣家負責,處理上來不及Amazon自營嘅快,Amazon係只係當中嘅協助,所以能避免購買就避免啦。通常係網址Menu度就會有一欄係Amazon自營,或者搜尋商品後可以篩選為Amazon自營,甘樣就可以無憂購物啦!

另外需要留意嘅係商品留言,對新手選購都好重要,通常都係買家嘅真實描述,可以給你多一點嘅購物意見,當然當中亦難免會有一些虛假嘅留言就要自行斟酌啦。最後最值得一提Amazon作為美國最大嘅電商,優惠亦多,除左一D大型嘅購物節例如Black Friday之外,佢自身係有優惠購物日,每年唔同,詳情可以登入了解,同埋每日都有超優惠嘅秒殺商品,手快有手慢無,買到賺到非常刺激!並且Amazon都有中文版網頁,貨幣單位亦可以調整為HKD,岩嗮普羅大眾又方便計數。最後選擇信用卡付款,再填寫埋轉運倉嘅地址,咁就完成網購啦! 

Rakuten 樂天

香港網購 | 日本樂天係日本最大最全面嘅購物平台

日本樂天係日本最大最全面嘅購物平台,主要商品為日本境內嘅商品,鐘情於日本產品嘅朋友仔必然不能錯過。首先,留意翻日本樂天有分境內同境外嘅購物網站,日本境內樂天購物嘅商品只能寄日本本土,而日本境外嘅樂天購物就可以直郵香港。當然只要用日本嘅轉運倉就搞掂嗮,不過值得一提嘅係,通常經日本轉運倉嘅貨品都會慢D,直郵雖然貴但亦快D,所以如果有急用又唔想麻煩嘅朋友仔都可以選擇樂天嘅直郵服務,而如果選用日本轉運倉又唔太熟嘅朋友,小編響度俾個選擇你,「樂一番日本轉運」。

⬇︎ 樂一番日本轉運 ⬇︎

樂一番日本轉運

⬆︎ 資料自「樂一番日本轉運」網頁轉載 ⬆︎

「樂一番日本轉運」提供四種轉運方式,詳情可以響上表睇到,你可以依照你心目中收貨時間,揀返一個最合適既轉運方法,價錢仲要比起老品牌Tenso平一截,倉庫更加係全年無休,老實講,大家都係用同樣既轉運系統,費用平D,買多幾樣野仲化算啦。

日本樂天嘅優勝之處就係本土產品,如果你要買日本零食玩具等等就優先考慮日本樂天,日本商品都係以高質數保證。同埋日本樂天有一個特別嘅地方就係可以購買「中古」商品,即係二手商品,日本人都中意「中古」嘅味道,因為有種復古嘅味道。通常會有飾品,波鞋,奢侈品。尤其是中古嘅奢侈品係非常之多選擇,值得留意嘅係雖然日本樂天亦有正品認證都保證但退換貨就無無條件嘅三十日退貨,所以購買奢侈品時一定要留意以下幾點,間商鋪成立得耐唔耐?成立次數多唔多?同埋留言評分高唔高,綜合以上幾點如果都達到要求就可以安心購買啦。

另外小編都有小小個人嘅Tips比大家,就係盡量唔好買全新外國品牌嘅商品,例如Nike波鞋,日本樂天嘅售價比香港較貴,再計埋運費,就再貴多一D,不過除非係一D「日本限定」或者係限量嘅商品就買得過啦,具體最好都係同香港嘅零售價比較先再購買啦!另外根據尼爾森NV於2019年公怖的市場調查,潮流服飾、食品、健康食品、家具、名牌商品都比較適合於日本樂天購買,因為無論商店數量或質素都比較佔優,所謂「買野要平,質素都要贏」!

日本樂天亦有積分系統,你購買商品都會獲得積分,而積分可以用於換購禮品或者作為折扣金用作下次消費減免金額,小編當然推薦係用作折扣金減免金額啦,因為通常換購嘅商品都好舊。另外日本樂天亦有集運嘅服務,但通常就唔會平過轉運倉,不過就比較方便。題外話,日本嘅樂天同韓國嘅樂天係無關聯嘅,大家留意啦!

Gmarket

香港網購 | 泡菜國最大網購平台Gmarket

泡菜國最大網購平台Gmarket,成立於2000年。並且Gmarket係美國龍頭網購Ebay嘅子公司來嘅。Gmarket嘅優勝之處同日本樂天較為相似,就係本土商品特別受歡迎。尤其係彩妝,韓國嘅彩妝業相對較為發達同埋Gmarket嘅彩妝商品亦好多種類。Gmarket亦有分中英韓文嘅操作版面,方便大家購物。同埋Gmarket同樣都有分境內版同境外版本,境內版本只支持運送韓國境內,購買需要使用轉運倉就得,雖然境外版本就支持海外直送嘅,不過響呢度,小編一樣會介紹一個轉運倉服務商選擇俾第一次用嘅朋友,話哂都平D先,呢間係樂郵轉運Lotpost。

⬇︎ 樂郵轉運 ⬇︎

樂郵轉運的集運收費

當你買完野,貨又去到韓國轉運倉,因為韓國境內是不需收運費,所以呢$18一磅就係由韓國送到樂郵香港自取點嘅收費。而樂郵響香港,九龍,新界總共有28個自取點,非常方便。

九龍區:紅磡、九龍灣彩虹、觀塘、旺角、新蒲崗、荔枝角、尖沙咀、土瓜灣、油塘、麗晶、長沙灣

新界區:粉嶺、荃灣、屯門、大圍、葵芳、元朗、馬鞍山、大埔、將軍澳、葵涌

香港區:柴灣、灣仔、鰂魚涌、香港仔

以上自取點詳細地址: https://www.lotpost.com/index.php/Faq/service

資料自「樂郵轉運Lotpost」網站轉載

樂郵轉運的集運收費

樂郵轉運亦提供派送上門服務,收費如上表,但要留意有某D地區係冇呢個派送服務(下方),所以你決定用之前睇清楚啦。

不派送地區

車站、電視廣播城、電訊盈科機樓、泳池、醫院、遊樂場、護老院、海洋公園、隧道收費站、香港國際機場、馬灣、清水灣、赤柱、大潭、深水灣、淺水灣、山頂、港島半山、石澳、貝沙灣、碧瑤灣、大嶼山、迪士尼樂園、愉景灣、離島區、梅窩、東涌、大澳、南丫島、榕樹灣、索罟灣、坪洲、長洲、東龍灣、蒲臺島、龍鼓洲、索罟群島、貨櫃碼頭、柯士甸道西一號、漾日居、凱旋門、天際100、天壐、君臨天下、擎天半島、中環新世界大廈、中環國際金融中心一、二期、大帽山、珀麗灣、碼頭、鐵路站、鐵路站內店舖、殯儀館、地盤、禮賓府、領事館、春坎角、墳場、會展(只提供派送至辦公/行政大樓)、羅湖、落馬洲、文錦渡、指定禁區內、打鼓嶺、米埔、荃灣屠場、中環纜車徑、數碼港、深灣

 ⬆︎ 資料自樂郵轉運Lotpost」網站轉載 ⬆︎

了解左韓國Gmarket嘅貨運方式啦,咁Gmarket又啱我地買D咩呢?原來除左彩妝之外,零食亦十分受歡迎,可以網購韓國樂天零食,價錢便宜質量亦高,非常之推薦。另外Gmarket 經常性會發放折扣卷,折扣卷有使用日期,通常都分比率折扣(例如30% Off)或者定額折扣(例如5000韓幣),不過需要留意使用條款並不是每款商品都岩用嘎。

另外當你購物成功,Gmarket都會贈送 Gcash嘅商品代金幣,同日本樂天嘅積分制度如出一轍,不過積分獎勵就分左三種(Smile Point / Smile Cash / Gstamp)

  • Smile Point就可以轉換為Smile Cash直接減免使用,但需要夠10000分先可以轉換​
  • Smile Cash就係代金幣用於付款減免,除左積分換領外亦可以通過充值去使用
  • Gstamp就係你寫商品嘅評論,或者係Gmarket嘅活動抽獎所得,用途係可以換取折扣卷或者參加抽獎。通常根據你嘅會員等級去獎勵你相對應嘅積分,只要經常購買會員等級就會提升!
香港網購 | 理性消費先為上策

最後小編提醒大家除左比較商品價錢同運費之外,都要控制自己嘅消費,理性消費先為上策。如果唔急嘅朋友仔不妨等到各大網址做大型特價再一次過購買!

香港網購 | 香港到會套餐外賣介紹 | 專享免費送貨 | Kama Delivery Catering Service

以上資訊由Kama Delivery提供。我地一直致力提供多元化嘅到會外賣服務,為客人打造最合適嘅餐飲,迎合唔同場合嘅美食外賣需求。除咗外賣套餐之外,我地同樣設有過百款嘅單點美食,包括沙律、小食、主菜、甜品、飲品等等,大量美食任君選擇。我地期待為你送上誠意炮製嘅美食,等大家以合理嘅價錢,享受到非一般嘅滋味!

【點我查看精選到會外賣推薦】

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

【派對食物外賣】 到會 vs 餐廳?

【叫外賣到會懶人包】 6個必睇注意事項

好食到會菜式全新登場 【每月更新】

【跨區外賣速遞推介】 最快30分鐘送到你手上

到會餐單全面睇 Party食物外賣任你揀

【高級到會推介】讓你自訂獨一無二嘅外賣餐單

部份圖片出處

https://www.pexels.com

https://www.businessinsider.com/how-to-sign-out-of-amazon-app-website-devices

https://www.inside.com.tw/job/detail/22717

*未經許可,以上文章不得轉載或引用*

*以上資料只供參考,如有變動或錯誤,恕未能立即更新*

發佈留言

發佈留言必須填寫的電子郵件地址不會公開。