香港腳有咩徵狀?推薦遠離香港腳7個方法

香港腳 | 有咩徵狀?推薦遠離香港腳7個方法

香港腳有咩徵狀?推薦遠離香港腳7個方法

好多時候D疾病既名都會依據發源地去命名既,例如伊波拉病毒、日本腦炎、中東呼吸綜合症等,都係過往既做法,如果提到香港既話,大家係咪會諗到香港腳?不過點解會有香港腳?係咪只係得香港先會有,所以先會叫香港腳?香港腳會唔會醫好?

香港腳來源

香港腳

香港腳(英文: Athlete’s Foot)正確名稱係叫做「足癬」(英文: Tinea Pedis),又有人叫香港腳做「腳氣」,又或者叫「運動員腳」,係因為黴菌感染所造成既皮膚疾病,感染部位除左腳部皮膚外,亦有可能擴散到腳趾甲,甚至手都有機會感染。而引致香港腳既黴菌有3種,分別係紅毛癬菌、指間毛癬菌,同埋絮狀表皮癬菌。黴菌主要出現係溫暖潮濕既環境同天氣之中,例如香港,台灣呢D亞熱帶氣候地區,又或者皮膚長時間保持係D潮濕、悶熱情況下,容易引發香港腳既問題,所以並非只有香港先有香港腳嫁。

點解會叫香港腳?

點解叫香港腳

其實真係一場大烏龍,最初係鴉片戰爭時期,英國士兵平日長時間著皮靴,同時又係潮濕既船艙裡工作或者生活,令到腳起水泡,又癢,所以返到英國睇醫生既時候,D醫生更發現左呢D病症會係公共地方,或者共用既設施會傳染俾其他人,咁D醫生就以為係從香港帶返英國既傳染疾病,所以就叫做香港腳。

運動員腳香港腳

另外,香港腳另一個叫法「運動員腳」,係1928年先出現嫁,有一位醫生Charles Pabst指出,當時全美應該有超過一千萬人有「足癬」(香港腳) 既問題,而當中有 75% 既人係唔知自己感染左,加上當時好多美國人可以享用現代康體設施,例如泳池、哥爾夫球會或體育會更衣室,用家大部份都有足癬,估計係呢D設施中大家互相傳染,所以就叫作「運動員腳」。

凡士林隱藏功能 | 推薦10種花士苓用途

【凡士林隱藏功能】相信唔少人都有用過凡士林,或者聽過花士苓有好多用途,連歌手鄧紫棋都有推介,凡士林 (Vaseline) 係1859年俾人發現既,原名叫「Petroleum Jelly」,意思係由石油中提煉出既啫喱膏狀,後來Robert Chesebrough發明分離精煉既方法,而且命名為Vaseline⋯⋯ 繼續閱讀

香港腳有咩徵狀?

足癬類型

「足癬」有分4類,症狀唔止癢,仲有機會起紅斑、脫屑、小水泡、脫皮,更嚴重既話係可能會有膿包,或者出現皮膚糜爛潰瘍既情況嫁。

足癬類型 1. 趾間型足癬

趾間型足癬初期最常見既香港腳症狀係腳趾縫、腳掌脫皮,更細分乾性同濕性為2種脫皮,乾性可能只係趾蹼乾燥、脫屑,而濕性就係腳趾縫間浸軟、剝落、龜裂、紅斑或滲出液體,不過只局限於腳趾縫。但值得留意既係趾間型足癬係唔會癢嫁。

足癬類型 2. 厚皮型足癬/乾燥角化型足癬

乾燥角化型常見既情況,係腳趾縫或腳掌出現界線分明既紅斑,邊緣附近會有小丘疹,白色鱗狀脫屑同皮膚變得乾燥且角質增厚既現象,會局限於腳掌、腳跟、腳邊,同趾間型足癬係一樣唔會癢嫁。

足癬類型 3. 發炎水泡型足癬

發炎水泡型足會出現小水泡,甚至多個小水泡融合成大水泡,非常之癢,如果當水泡穿左化之後,會呈現糜爛與邊緣破碎既圓形,分佈於腳掌、腳背或腳趾縫。而且,最嚴重時,手同身體其他部位可能因為接觸過足癬,從而感染到而出現小水泡嫁。

足癬類型 4. 潰瘍型足癬

潰瘍型足癬會由腳趾縫開始皮膚呈脫皮裂開既發炎現象,慢慢擴散到腳掌、腳背,經常合併細菌感染,同時要小心,如果出現膿包同出現疼痛感,就要小心引發蜂窩性組織炎。

【潤唇膏邊隻好?】消委會45款評測大檢閱

【潤唇膏邊隻好】每逢踏入秋冬季節,天氣都開始乾燥,雙唇變到特別容易乾裂,容易造成甩皮,另外,過度曝曬、寒冷、極端天氣都會有可能令唇部皮膚變得乾燥,顯得粗糙、暗淡無光澤,甚至出現皮膚龜裂。所以最好嘅護理產品就一定係潤唇膏,但係潤唇膏選擇琳瑯滿目⋯⋯ 繼續閱讀

如何避免香港腳?

避免香港腳

相信好多人會關心香港腳有無得醫好?一般黎講,皮膚科醫師都會表示香港腳係無得斷尾,原因係香港腳屬於感染或被傳染皮膚黴菌所導致,除非接受藥物既治療,透過正確治療去徹底殺死黴菌,同時又要消弭黴菌滋生既環境,阻斷傳染途徑,如果唔係香港腳係好容易因為環境或者習慣而再次復發。

避免香港腳方法:

  1. 沖完涼後請擦乾雙腳同趾縫,維持雙腳乾爽。
  2. 浴室拖鞋要保持乾燥,要避免黴菌滋生。
  3. 避免同有香港腳既患者共用拖鞋,以免交叉感染。
  4. 選擇吸汗功能好既棉質襪,同透氣性好的既鞋。
  5. 強化自身免疫力。
  6. 係公共場所盡量唔好赤腳,唔好著公用既拖鞋。
  7. 如果雨天既時候,淋濕左既鞋同襪,切記一定要完全烘吹乾左對鞋同襪才先好再著。

除左係外在環境影響之外,飲食方面都需要留意呀,濕熱體質者更加要避免過於油膩、含有酒精同辛辣食物,所以盡量要忌口啦。開Party叫到會時,都可以選擇一D健康食物嫁,我地Kama Delivery提供不同種類既食物俾大家,一定有適合大家聚會食既食物既。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Pexel

*未經許可,以上文章不得轉載或引用*