【香港茶樓必吃】20款懷舊點心推薦

香港茶樓必吃|20款懷舊點心推薦

【香港茶樓必吃】20款懷舊點心推薦

講到一盅兩件,大家會一早同屋企人去茶樓飲茶 (英文: Yum Cha),食返幾籠點心。香港飲茶文化其實係源於廣州既粵式飲食文化,黎到香港既時候,最初係叫做上茶樓,或上酒樓,後來慢慢變成左去飲茶啦,飲茶主要包括左飲茶同食點心,亦係一家人假日聚埋一齊既熱門活動之一。

香港茶樓懷舊點心

去到茶樓,大家通常叫咩既點心呢?小編通常都係蝦餃燒賣同腸粉,不過點都會有好幾款點心細過好鍾意食既點心,但而家就好少係茶樓食得到啦,有D甚至已經無咩茶樓有做嚕,每個年代都會有唔同受歡迎既點心,唔知大家最愛邊款茶樓點心呢?

茶樓懷舊點心推薦
1. 七彩啫喱

茶樓懷舊點心推薦 | 小朋友最喜愛的七彩啫喱

講到懷舊茶樓點心一定係七彩啫喱,啫喱既味道其實一般,而重點係果把雨傘仔,受盡小朋友萬千寵愛嘅經典款式。

茶樓懷舊點心推薦
2. 魚翅餃

魚翅餃是經典茶樓懷舊點心之一

魚翅餃餡料有蝦肉同豬肉等,以往有茶樓會放D魚翅係入面,後來改用左素翅或粉絲代替真魚翅。

茶樓懷舊點心推薦
3. 豬膶燒賣

茶樓懷舊點心推薦 | 豬膶燒賣的製作費時

豬膶燒賣都係好花時間既,要處理好豬膶,防治豬膶既臊腥味影響到味道,所以漸漸就唔多製作啦。

茶樓懷舊點心推薦
4. 豬肚燒賣

爽口的豬肚燒賣是令人懷念的點心

燒賣配上豬肚,豬肚既口感爽口,同時又食到燒賣既豬肉餡,都係非常受歡迎嫁。可惜清洗豬肚係最花時間同功夫,而且要注意厚度,太薄同太厚都會影響到口感。

茶樓懷舊點心推薦
5. 麻蓉包

茶樓懷舊點心推薦 | 麻蓉包的口感綿密又香甜

麻蓉包係用白芝麻、豬油及同砂糖製成既蒸包,食落口綿密又香甜。

茶樓懷舊點心推薦
6. 燒腩卷

燒腩卷又名火腩卷,令人回味無窮

燒腩卷又叫火腩卷,個包夾住肥肥既燒腩,加埋調味料之後,令到蒸完之後香味十足,令人回味無窮。

必食港式糖水10款推薦【認識香港糖水文化】

【認識香港糖水文化】作為一個香港人,通常一班朋友食完飯之後,點都會安排下一場,有D人會轉場去飲返杯野,又有D人就會搵個地方繼續食碗糖水,作為聚會完結既活動。而黎香港旅遊嘅遊行,更加唔會錯過,熱門糖水小店每晚都要大排長龍,咁香港人平時最常食既港式糖水⋯⋯ 繼續閱讀

茶樓懷舊點心推薦
7. 糯米包
茶樓懷舊點心推薦 | 糯米包在酒樓已經買少見少

糯米包係用燒賣既皮包住D臘味糯米飯,但由於糯米飯製作需時,工序又多,係香港茶樓已經買少見少了。

茶樓懷舊點心推薦
8. 臘腸卷
臘腸卷一出爐就會充滿臘腸的香味

臘腸卷當然係個包入面有條臘腸啦,一出爐就會充滿臘腸既香味。

茶樓懷舊點心推薦
9. 釀魚肚
茶樓懷舊點心推薦 | 釀魚肚通常被稱為百花蒸釀魚肚

通常叫百花蒸釀魚肚,魚肚釀蝦膠蒸熟,魚肚完全吸收左所有味道及同精華,都係非常經典既點心之一。

茶樓懷舊點心推薦
10. 西瓜盅

由於衛生問題,西瓜盅經已在茶樓不復存在

將西瓜切開一半,挖空果肉後,瓜皮變成器皿,放入雜果和同涼粉,由於而家衛生問題,已經唔多係茶樓賣啦。

茶樓懷舊點心推薦
11. 芝麻卷

茶樓懷舊點心推薦 | 芝麻卷的外型跟菲林十分相似

芝麻卷既外型同以前既菲林相似,所以又叫做「菲林卷」,一黎成本問題,另外炒芝麻、磨漿都好花時間,又易變質,所以已經好少地方有,而家可能係舊式既糕餅店仲有得買。

茶樓懷舊點心推薦
12. 橙汁卷

橙汁卷的口感非常煙韌,並帶有帶淡淡的橙汁味道

橙汁卷同芝麻卷相似,都係口感非常煙韌,會帶淡淡既橙汁味道。

【6-7人餐】Kama Deluxe


自選冷盤、小食、主菜、飯類及意粉


適合家庭及朋友聚會中享用


按需要加購件數食物


點我查看完整餐單

茶樓懷舊點心推薦
13. 紙包骨

茶樓懷舊點心推薦 | 紙包骨於60年代非常著名

紙包骨係60年代非常出名,紙包骨用油紙(或玉扣紙)包住D排骨,加上柱侯醬,然後放入油鍋炸,咁就可以充分鎖住D肉汁啦。

茶樓懷舊點心推薦
14. 沙翁

沙翁又名為炸蛋球、冰花蛋球、沙壅

沙翁又叫做炸蛋球、冰花蛋球、沙壅等,它表面脆口,內裏鬆化,充滿香濃蛋味,材料雖然簡單,麵粉、牛油、雞蛋同砂糖,但要落D功夫之餘,仲要好考耐性,除了茶樓,香港唔少粥店都有提供呢款食物。

茶樓懷舊點心推薦
15. 錦鹵雲吞

茶樓懷舊點心推薦 | 錦鹵雲吞通常會配上甜酸汁享用

錦鹵雲吞係比普通雲吞皮略為厚少少,主要餡料有蝦和豬肉,油炸之後再配上甜酸汁。

茶樓懷舊點心推薦
16. 炸芋角

炸芋角跟咸水角十分相似,但外層以芋頭炸成

炸芋角又叫蜂巢荔芋角,其實有D似而家既咸水角,都係有蝦米、冬菇等配料,但出面就係用芋頭炸成既。

茶樓懷舊點心推薦
17. 正宗灌湯餃

茶樓懷舊點心推薦 | 正宗灌湯餃的底部會有一塊鐵片

香港酒樓以前既灌湯餃並唔係浸湯餃,以前係有一塊鐵片係餃子下面,而且湯亦係餃子裹面,有D似小籠包既感覺。

茶樓懷舊點心推薦
18. 三色水晶包

三色水晶包分別為奶黃、蓮蓉及豆沙餡

三色水晶包又叫三色水晶奶黃包,分別係奶黃、蓮蓉同豆沙餡。

茶樓懷舊點心推薦
19. 蛋散

茶樓懷舊點心推薦 | 蛋散以麵粉、筋粉、雞蛋和豬油去製成

蛋散用以麵粉、筋粉、雞蛋和豬油去製作,將材料混合,然後油炸到淺黃色時撈起,可配上糖醬。

茶樓懷舊點心推薦
20. 鮮蝦銀針粉

鮮蝦銀針粉擁有一個有趣的別稱

鮮蝦銀針粉另一個有趣既叫法,就係「師奶淫得很」,出自90年代電影《新精武門》中既對白,全句係「唔似貓唔似狗,師奶淫得很」,銀針粉放係碟上,以會再用透明碗蓋著。大家又知唔知「唔似貓唔似狗」係咩點心呢?就係魚翅包同魚翅餃。

由於時間既變遷,香港製作點心既手藝都因為無咩人去傳承,而慢慢失傳,所以好多要花心機同時間既點心都已經買少見少啦。大家見到小編總結出呢20款點心,係咪腦海已經浮現好多點心呢?Kama Delivery提供嘅派對到會都係香港獨有飲食文化,為你派對送上美食,過百款款式任君選擇,立即整看我哋最新餐單!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYoutube

延伸閱讀


*如以上圖片有所侵犯版權,請立刻告知,我們會盡快作出修改*

*未經許可,以上文章不得轉載或引用*