【香港10大俗語 地道文化背景大解構】

一文看清香港10個地道俗語的意思、由來及小故事

【香港10大俗語 地道文化背景大解構】

有好多人都話,廣東話係最難學,俗語又多,有時聽完都唔知點解,的確廣東話博大精深,舉個例子,當有人話你知佢老竇係誠仔,你一句「係呀」係對人地講嘅表達肯定,但連續講三次以上「係呀」,就表示否定,廣東話係味好過癮呢?另一樣最為人津津樂道嘅係廣東話有好多有趣俗語,表達唔同嘅感受同意思,咁俗語其實又係咩呢?俗語即係約定俗成嘅慣用語,俗語一般源自民間創作,所以諺語亦包括俗語裏面,而諺語亦來自民間創作,一般有意思有思想,而且通俗易明,例如「一寸光陰一寸金,寸金難買寸光陰」、「人有錯手,馬有失蹄」等,一般可能從字面上理解到意思,廣東話俗語中仲有歇後語,有啲指桑罵槐嘅感覺,字面上嘅意思亦唔係真正嘅意思,例如「和尚擔遮」,意思係無法無天,取髮字同音,隨住時代步伐,俗語已經少左人講,好多已經被網上潮語取代,但潮語中英夾雜代表性低,同時亦缺少左廣東話俗語中富地道文化嘅故事性,呢篇10大香港地道俗語文化大解構,你未講過都一定聽過,包你愈睇愈親切!

香港俗語1. 唔駛問阿貴

唔駛問阿貴|香港常用的地道俗語|解構俗語背後的文化、由來及故事

當遇上一件你好肯定答案,亦已經冇需要問其他人意見嘅時候適用,「唔駛問阿貴,兇手就係你」之類,咁阿貴係邊個呢?相傳源自一清朝貪官李世桂,貪官即係除左好事咩都做,最終被拘捕抄家,大快人心,開心到作左首歌慶祝,曲名問阿桂,歌詞中一句唔洗問阿桂,阿桂如今實在淒慘,意思係做左咁多壞事,唔駛問都知佢被拘捕後好淒涼,從此衍生出俗語「唔駛問阿貴」,形容已知或被肯定嘅事。

香港俗語2. 阿茂整餅

阿茂整餅|香港常用的地道俗語|解構俗語背後的文化、由來及故事

俚語阿茂整餅意思形容冇果樣整果樣,本身唔係貶義,據說廣西有一位叫阿茂嘅整餅師傅,工作非常盡責,巡舖後見到有咩賣完冇貨會即時返廚房整,冇果樣說整果樣,但去到今時今日,冇果樣整果樣邊左形容做左一啲多餘嘢得到反效果,唔整好過整,所以阿茂整餅說就由褒義變成貶義俗語。

香港俗語3. 姣婆遇著脂粉客

姣婆遇著脂粉客|香港常用的地道俗語|解構俗語背後的文化、由來及故事

呢句俗語意思是指一拍即合,放蕩女生遇上風流嘅男生,意指天作之合、天生一對,因為兩者都唔係好嘅形容,所以亦有狼狽為奸之意。

香港俗語4. 狼過華秀隻狗

狼過華秀隻狗|香港常用的地道俗語|解構俗語背後的文化、由來及故事

呢句俚語就比較易理解,狼過華秀隻狗,即係比華秀隻狗仲要惡,但問題係華秀係邊個?佢隻狗又因咩事咁惡呢?相傳華秀係茶葉商人,而且相當鍾意狗,有一次見到一隻奇狗,頭大身短,就重金要求狗主轉讓,而狗狗亦冇令華秀失望,好勇鬥狠實力強橫,為華秀響鬥狗上贏咗唔少錢,係一條好狠好嘅狗,有時會用於買嘢被當水魚後嘅反擊。

香港俗語5. 呃鬼食豆腐

呃鬼食豆腐|香港常用的地道俗語|解構俗語背後的文化、由來及故事

呃鬼食豆腐呢句俗語,意思係形容一件事完全假到離曬譜,冇人會信嘅事,要呃到人嘅機會好比呃隻鬼食豆腐一樣咁難,但大家又知唔知點解要呃鬼食豆腐?有咩故事呢?相傳有一個書生,口才了得,舌粲蓮花,有一晚有隻鬼要食佢,不過佢唔慄喎,佢同隻鬼講自己幾日冇沖涼,臭過屎坑,佢個鍋入面嘅豆腐仲正,隻鬼信以為真,藉此佢亦逃過一劫。

香港俗語6. 冇料扮四條

冇料扮四條|香港常用的地道俗語|解構俗語背後的文化、由來及故事

呢句俗語係指個人冇咩料到,廢廢地但又要扮到好勁,但最終都會被拆穿,最多扮一陣,就有如你你玩德州撲克咁,副牌爛過月球表面,但你扮到自己有四條煙咁,到開牌果時其實百無,就好似有啲人明明唔識某個範疇,為咗利益扮到自己專家﹐一接手就露餡,就係俗語中嘅冇料扮四條。

香港俗語7. 食過下夜粥

食過下夜粥|香港常用的地道俗語|解構俗語背後的文化、由來及故事

呢句俚語意思形容閣下有返兩度散手,同冇料扮四條正正相反,形容人都打得下,似係練過下功夫之類,有啲料到。以前廣東練功夫嘅兄弟收工都會去拳館練嘢,練完會一齊食粥,所以有兩下功夫底都會被認為係拳館弟子,咁一定食過夜粥,用一種反推理概念衍生出嘅一句俗語。

香港俗語8. 我食鹽多過你食米

我食鹽多過你食米|香港常用的地道俗語|解構俗語背後的文化、由來及故事

一口經常出自長輩口中嘅俗語,意思係佢食鹽多過你食米,佢仲坐得響度,證明佢腎臟異於常人,講笑姐,意思係佢嘅人生經驗比你豐富、刻苦,識得嘅比你多,佢講嘅就係道理、係真理,唔需要同佢爭辯任何野,憑佢豐富嘅人生閱歷,佢係唔會錯,即係佢玩晒!

香港俗語9. 盲拳打死老師傅

盲拳打死老師傅|香港常用的地道俗語|解構俗語背後的文化、由來及故事

呢句俗語嘅意思係唔按章法做事卻意外獲得成功,好比功夫師傅精通武術,經驗豐富,但對手完全冇拳法或套路可言,難以預計對方行動,隨時俾佢亂衝亂打意外擊敗,所以呢句俗語係指新手唔一定差過老手,有時老手被太多經驗束膊,新手思維創新,有時反而會有意外收穫。

香港俗語10. 偷雞唔到蝕渣米

偷雞唔到蝕渣米|香港常用的地道俗語|解構俗語背後的文化、由來及故事

意思形容某事風險太大,隨時失敗告終之餘連用嚟拋磚引玉嘅嘢都蝕埋,古時有人以泡酒嘅米餵雞,趁佢醉醉地偷走,雖然最後佢地成功將雞偷走,但現時呢句形容某事成功率低,蝕嘅可能係人力物力時間金錢。

Kama Delivery作為香港地道美食外賣公司,一直都秉持提供高質素嘅客戶體驗,因為俗語「民以食為天」,食係何奇緊要,堪比上天,無論食材定服務上都不斷改進,力求令人客體驗到最體貼嘅到會服務。俗語有話「機會係留俾有準備嘅人」,我地亦會做好準備迎接每個大小派對同宴會,歡迎瀏覽我哋網站或WhatsApp我哋查詢訂購!

點我查看Kama地道外賣套餐

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

訂購到會服務熱門問題【不斷更新】

精緻到會推介2021【商務招待必備】

【甜品甜入心】甜品到會外賣推介2021

【飯盒便當、小食餐盒】到會外賣推介2021

【Staycation外賣食咩好】Room Service太貴?Kama Delivery 外賣5大優勢令你欲罷不能

*未經許可,以上文章不得轉載或引用*

發佈回覆

你的電郵地址並不會被公開。 必要欄位標記為 *