【點樣揀大閘蟹】大閘蟹公乸膏分別又係點？

每年一到10月、11月就會見到好多人買大閘蟹（英: Hairy Crab/Chinese Mitten Crab）食，正所謂「秋風起，蟹腳癢，菊花開，聞蟹來。」，意思即係秋天既蟹係最肥美又鮮甜好味既當造食物。而且蟹富含蛋白質、鈣、磷、鋅等，加上熱量又偏低，有營養價值。咁大閘蟹新手應該點樣揀蟹？大閘蟹公乸膏分別又咁係點呢？

就連古代既文人雅士都十分鍾愛食蟹嫁，甚至以食蟹為題材提詩，例如: 唐代大詩人李白「蟹螯即金液，糟丘是蓬萊。且須飲美酒，乘月醉高台。」，北宋文人蘇東坡「不識廬山辜負目，不食螃蟹辜負腹。」，蘇東坡提左12首詩去描述食蟹既體驗同心情，可見食蟹由以前已經非常受歡迎。

最簡單就係輕碰蟹殼近眼既位置，生猛、新鮮既蟹通常會「眼仔碌碌」或會眨眼睛。顏色方面愈深綠黑色、蟹毛帶金紅色、蟹肚白色，代表一直生長既地方好潔淨。㩒落去結實、又漲就代表新鮮有肉。

食蟹都有分公蟹（蟹公）同母蟹（蟹乸）？

食蟹唔好以為公蟹同母蟹都一樣，講究起來，正如俗語所講，「九月團臍，十月尖」，意思係食母蟹要選擇農曆九月期間，主要食母蟹既蟹黃，而農曆十月就要食公蟹，主要食公蟹既蟹膏。

蟹黃其實係母蟹既卵巢和同卵細胞，形態係分2只色，橘紅色一粒粒比較硬既係蟹黃，黃色係肝胰腺，口感食起梨有一種沙沙既顆粒感，似雞蛋黃。而蟹膏係雄蟹精囊既精液與同器官既集合，形態方面自然狀態係青白色半透明果凍狀，蒸熟後，半透明，口感係更加細膩、綿密軟糯。即是大閘蟹公乸膏最大分別就係質感上軟硬之分。

大家食既時候，或者買既時候，睇蟹既肚（即蟹奄），蟹公會係尖而細，呈三角尖形，體型和蟹鉗就較大，相反蟹乸既蟹奄圓而大，體型同蟹鉗較細，其實唔單止大閘蟹，所有蟹類都係咁樣分公乸。

雖然食蟹對大部分人都係安全既，但有D人可能會出現過敏反應。以下3種人唔適合食蟹。

另外，孕婦、哺乳期媽媽同小朋友都需要注意食蟹既量，唔好過量。加上蟹比較寒，而且蟹心、腮、胃、肚、腸同牙齒都唔可以食嫁，蒸蟹時再加上薑和同紫蘇葉，可以有效驅走蟹本身既寒氣嫁，再最後食完蟹之後，飲返杯薑茶，咁就mm7啦。