除夕年三十下次要西曆2030年先再出現？

大家由細到大都知道，西曆會出現4年1次既2月29日，因為要彌補地球公轉時所產生既差異。咁農曆除夕呢？大家又有無留意到，除夕有時會係年三十，有時又會係年廿九，到底咩原因而出現呢個情況呢？又係咪會好似西曆2月29日咁，固定有規律出現呢？不得不提係，據天文年曆既顯示，係2018年至2038年期間，「年三十」將會係呢20年缺席8次，特別係進入2024年龍年之後，下一次既「年三十」除夕會係事隔5年後既2030年出現嫁，即係由2025年開始未來5年大家過既農曆除夕係「大年廿九」，而對上一次過「大年廿九」係2022年。

2018年至2038年8次「年廿九」除夕分別係：

2032年之後，再下一次出現「年廿九」除夕已經要去到2039年1月23日啦！

農曆都有分大月同小月？

其實，農曆月份都會分大月同埋小月，準則係根據月亮盈虧圓缺變化既周期而定，天文學上被稱為「朔望月周期」，「朔」指陰曆月既開始，即我地講既初一，由於月球既背光面向地球，所以我們會望唔到月亮；相反「望」係可以見到月亮，因為月球受光面會全部面向住地球既，簡單D講，滿月，即係我地叫既初十五（農曆十五）。由於月球、地球同太陽3者之間既相對運動會有變，唔係固定運轉既，所以「朔望月周期」有長有短，而一個「朔望月」平均長度係29天12小時44分，大約29.5306日，並非係一個整數既日子，而每一個月既月數就需要以整數作表示，所以農曆每月日數會係29至30日，咁29日就叫「小月」，30日就叫「大月」啦，無想像中咁難明白架！

【農曆新年有咩活動？】好快又到農曆新年，農曆新年有好多活動都有既定意思，你又知道幾多？作為華人社會最重要嘅傳統節日之一，亦代表著歲末收尾與新年嘅開始，並承載著豐富嘅文化意義及習俗。農曆新年家庭成員會相聚一堂，慶祝活動此起彼落，而我哋Kama⋯⋯　繼續閱讀

點樣界定一個月有幾多日？

天文學家會固定將農曆每月既初一安排係「朔」既時候，再通過觀測同埋科學推算加以計算確定，所以相連既2個月初一（朔日）之間，就會知道一個月到底有29日定30日啦。

點解農曆除夕會有「年三十」同「年廿九」?

根據上面既界定每月大月同小月既計算方法，以2017年（雞年）農曆12月初一（朔日）至2018年（狗年）農曆1月初一（朔日）為例，之間有30日，所以大家過左一個「年三十」除夕啦。小編再舉一個例子啦，2021年（牛年）農曆12月初一至2022年（虎年）農曆1月初一，之間得29日，所以大家就過左一個「年廿九」除夕。

不過，農曆12月（另稱：臘月）遇上「小月」既情況唔算少見，大約3到5年就會出現，對上3次「年廿九」除夕分別係2013年、2016年同2022年出現過嫁，只係今次情況比較特別，「年三十」會係2025年至2029年連續消失5年，「年三十」下一次連續消失3年既話，已經去到2039年至2041年啦，因為一般「朔望月周期」既平均長度多於29日，所以每年「大月」都係比「小月」出現既次數會多D。

延伸閱讀

訂購到會服務熱門問題【不斷更新】

新手訂購到會必睇【網站手機落單圖文教學】

【撈起外賣推介】2026包你風生水起

【6款年糕熱量】新年健康食賀年糕點4大方法

【新年催運風水盆栽推介】5款室內植物帶旺屋企辦公室

【新年集體遊戲推介】5個抽紅包遊戲喺派對玩餐飽

部份圖片出處｜Freepik

＊未經許可，以上文章不得轉載或引用＊