10個品牌名既中文叫法【公司改咩名好？】

Bayerische Motoren Werke AG (簡稱：BMW)，而係1968年正式進香港市場，仲註冊左個中文名叫做寶馬，意思係因為古代既達官貴人，都會以馬代步，而且「寶馬香車」就象徵住有身分地位既交通工具。南宋朝辛棄疾的既詞青玉案亦都有寫明「寶馬雕車香滿路，鳳簫聲動，玉壺光轉，一夜魚龍舞。」，正正配附合BMW既高級汽車形象，加上「寶馬」既音譯亦取自BM兩個字母。

Burberry Group plc係1856年開始既一間英國服裝同奢侈品公司，主要銷售服裝同配飾，而佢最特色既圖案就係花呢格紋。Burberry通常被直譯為「巴寶莉」、「勃貝雷」、「博柏利」等，由於「巴寶莉」比較女性化，唔能夠附合品牌既所有產品，包括男裝、女裝及童裝，所以後來Burberry就決定用「博柏利」作為佢正式既中文名。

Bottega Veneta (簡稱：BV)，一直都係奢侈品牌既代表，連碧咸既老婆Victoria Beckham都對呢個品牌情有獨鍾。原本BV中文直譯為「寶緹嘉」，後來BV將「寶緹嘉」改成「葆蝶家」，意思係「永葆蝴蝶夢之手工藝家」，但大家都已經叫慣左BV或者「寶緹嘉」。

Lancôme係一家法國高檔既化妝品品牌，1964年被L’Oréal萊雅集團收購為旗下品牌，主要提供皮膚護理、香水同埋高級化妝品等產品。Lancôme中文直譯為「蘭蔻」。

Benefit係一家化妝品制造商，同埋1999年被收購為LVMH既子公司，而佢既中文名係叫「貝玲妃」，比起就咁叫利益或好處，仲有意思，同更加有品味。

Innisfree係一個韓國化妝品品牌，同我地香港常見既化妝品牌「ETUDE HOUSE」，「Laneige」，「Sulwhasoo（雪花秀）」都屬於Amore Pacific集團。而Innisfree中文叫「悅詩風吟」，品牌名稱就來自愛爾蘭詩人既詩句「The Lake Isle of Innisfree」，心靈小島，而「悅詩風吟」就令人會想起大自然既清新自然既感覺。

Make Up For Ever係一間法國既化妝品牌，亦係專業彩妝既首選品牌。中文名有兩個，「浮生若夢」同「玫珂菲」，「浮生若夢」係台之前既譯法，來自李白既《春夜宴从弟桃花源序》，「玫珂菲」係而家官方既使用緊既中文名，但其實依然好夕多人叫佢做「浮生若夢」。

Revlon係美國一個化妝品同保養品既品牌，係1962年進軍左香港市場，而1996年再進入埋中國市場，當時由黃霑先生改名做「露華濃」，出自李白既《清平調》，「雲想衣裳花想容，春風拂檻露華濃」。

Marc Jacobs呢個品牌係1986年由Marc Jacobs (音譯：馬可雅各布)創立既品牌，包括香水，服飾等。通常都會直譯為「馬克雅各布」，但後來2013年就正式對外公開做「莫傑」。

Shiseido係日本既護膚同化妝品牌，係1872年就成立既，當時既創辦人福原有信為公司取名為「資生堂」，係取意於《易經》中既“至哉坤元，萬物資生”，大地孕育萬物同新生命，同時創造新價值。