【10個渣男特質】如何分辨渣男定義？

【10個渣男特質】如何分辨渣男定義？

成日聽到人講渣男，但渣男係咩意思？有D女人一生人總會遇到一兩個渣男，可以點樣分辨渣男特質呢？

渣男其實係指人品出左問題，男人壞但唔一定係渣，有D男人唔壞但就非常之渣。由於渣男自我感覺極好、非常自私、擅長向人索取感情／好感／著數、唔負責任，主要以玩弄別人感情既「好男人」，佢地對待感情唔會認真，對另一半唔專一，容易出軌，或者有時間就會同其他人搞曖昧。如果結左婚，佢哋對家庭都唔會太投入同無擔當，當然，亦有D男人表面做到「好好先生」，但背後就同其他女人保持親密關係， 完全違背造一個男人真正嘅定義！

現今亦出現另一種網絡流行名詞，叫「甘蔗男」，意思亦同渣男差唔多，就係一開始表面做到好「暖男」feel，就好似甘蔗咁甜，結果原來到最後得返D渣，簡而言之就係「渣男」。著名中港台渣男代表有吳亦凡、張致恆、王力宏、羅志祥，大家有時間可以睇返佢地「成渣之路」。

點樣分辨渣男特質？今日小編同大家討論一下，渣男有咩行為特徵？

渣男好享受同唔同既女性調情，搞曖昧，而且對身邊既異性好好，又體貼，又細心，正如大家講既「中央空調」，但永遠都係打住「朋友」既身分去相處，當對方想確認關係時，渣男就會話大家做朋友幾好呀，相處舒服呢啲廢話，總之就唔會確認關係。如果本身有另一半，而又被另一半發現，渣男通常會解釋係對方自己痴埋黎既，將責任推卸俾人，行為舉止凌駕係「人渣」之上。

渣男特別鍾意講自己既事，分享自己既事俾其他人知，但當對方講自己野果陣，渣男好快就會靜落黎，又或者簡單回覆，比較著重係自己身上，對對方既事偏向敷衍了事，做人我行我素。

渣男唔會將你既身分公開，無論係佢既屋企人，朋友，都無人知你既存在，甚至所有社交平台，例如Facebook、IG等，佢都唔會提及你既存在，如果你想公開，渣男可能會話，大家關係未係好穩定，又或者社交平台上全部都係工作上既同事或者客戶，所以唔方便等既藉口黎拒絕公開。有D渣男仲會透過社交平台塑造自己一個好男人，健康既形象。

渣男會係異性面前成日都會講同自己另一半相處唔開心，又或者批評自己另一半唔好、說三道四、港女乜乜77等等，之後會用甜言蜜語去氹對方，呃對方感情，仲有可能令到對方以為佢真係無辦法，「無可奈何」咁俾唔到一個光明正大既身份對方，令到對方諒解佢既痛苦，而不知不覺做左第三者。

渣男經常訊息唔讀唔回，或已讀不回，可能一消失就消失一日，甚至更耐，然後再出現時又會若無其事咁同你傾偈，可能你會忍唔住問佢點解消失咁耐，渣男做得好少少既，會覆你一聲佢好忙，有D渣男反而會唔高興，唔耐煩，覺得你管住佢，會指責你無俾空間佢等等，反過來責備你。

渣男性格偏向大男人主義，對於某D女性，可能會覺得好MAN，但渣男不知不覺間，掌控你既外表、性格、行為；甚至局限你既交友圈子，稍微唔順佢意，佢就會嬲嬲，或者認為你唔愛佢，而且唔會尊重你，潛在控制狂性格。

渣男智商高，識得變通，而且腦筋又轉得快，萬一被另一半發現左出軌，又或者被懷疑，渣男都會好解決問題，迅速毀滅證據。但某部分渣男既EQ會比較低，情緒可能易失控，甚至會出手打女人，所以要小心呢種有暴力傾向既低級渣男喇。

渣男經常會同其他人抱怨過往感情問題，又會時不時講前度壞話、當初被前任背叛等等既經歷，而令到自己唔再相信愛情，所以而家唔敢愛上其他人，令自己踏上渣男之路。甚至會責怪其他人，包括自己另一半，又鍾意推卸責任俾另一半。

渣男因為試過出軌，會比較享受刺激感，久而久之就愛上一腳踏兩船甚至幾船嘅行為；當然，一次不忠，百次不用，對於呢種渣男行為，大家千萬唔好心軟。

根據Ashley Medison網站研究發現，身高接近180CM既男人，因為女性比較鍾情於高既男性，所以身邊比較多女性朋友，變相呢類男性容易受到美色誘惑，從而更容易出軌。