10個經典校園鬼故【港台大學都市傳說】

10個經典校園鬼故【港台大學都市傳說】

就到農曆七月鬼節，又稱中元節或盂蘭節，趁著鬼門關即將大開，湊湊熱鬧講下校園神怪、靈異事件俾大家聽，相信大家都有聽過不同大學流傳既鬼故，想大學迎生嚇下新人又好自己回味又好，今日小編同大家一齊分享一下香港同台灣大學既10個經典大學鬼故。

傳聞六十年代時，有一位自中國大陸既辮子姑娘藏匿係火車中打算偷渡來港，當火車行到中大附近鐵路站時，佢就打算跳車前往下個目的地，但由於辮子太長，導致佢在跳車果陣卡住係火車度，令到頭皮和臉皮同時因為火車快速移動時被扯下，但當時辮子姑娘並無立刻死亡，反而去到中大附近先死。據說之後曾經有個中大男學生係學校附近見到一個背對住自己既女仔係度喊，於是行上前去慰問，點知對方轉過來既係一張無臉皮而血肉模糊既臉。

HKU鬼故你又聽過未？香港大學鈕魯詩樓 10 樓有一條橋同圖書館相連，有一年夏天，一位女同學因成績考得唔好而抑鬱，由鈕魯詩樓躍下自殺，但係跳落黎既時候，頭因為天橋既設計而卡住而身首異處，之後當救護員到場，只係見到血跡，人頭就搵唔到。之後有人半夜路過事發地點附近向上望，就會見到一個頭懸掛在係橋上面。

科大每間宿舍房都會安裝防盜眼，但有一間房就因為係安裝既時候，唔小心將防盜眼倒轉左安裝，所以變成可以係外面看見到房入面。聽講有男同學發現左，而且佢仲發現自己鍾意既女仔就住呢間房，所有周不時都會去偷睇。點知有一日，男同學由防盜眼中望過去，只係見到一片紅色，佢就以為係房門後面掛左紅色既物品，加上發現房入面無聲無氣，拍門無人應，所以就推門，結果發現原來個女仔已經吊頸自殺死了左，最可怕既係佢對紅色既雙眼正正對望住防盜眼。

PolyU成個校園外牆都以紅磚為主調，平台上遮雨棚用左好多鮮紅色支架為主。傳聞為了搭建呢D支架，曾經有工人係工作既時候失足墮下而死亡。之後陸續有學生聲稱係支架上見到有黑影一直徘徊，而學校就澄清表示D黑影係因為天花板既玻璃反射出地面既人。但就算澄清左都好，都係有同學見到，而且仲係得自己一個經過都係遇到怪影。

我地講左5個香港大學既鬼怪傳說，而家講下台灣5個大學傳說啦。

話說台大有一對情侶因為分手傾唔掂數，於是相約係傅鐘鐘下談判，點知個女仔一直等到夜晚11點都見唔到男仔出現，係醉心湖自殺。結果之後就有人講見到女亡魂係鐘下面來回奔走既傳聞。但亦有人講，有人係夜晚11點左右經過醉心湖附近，會聽到有人問：「而家幾點？」但係見唔到係邊個問。

台灣文化大學既大仁館曾經有同學想搭Lift，但Lift到左又入唔到去，Lift內既人問點解唔入Lift，對方答佢架Lift滿載，但明明得一人搭Lift。後來，學校既老師親自去搭呢架Lift，但一直不斷向下，甚至超過左地下樓層，老師仲係電梯入面昏迷不醒，醒返之後表示，當時Lift門打開時，身處既地方並唔係大仁館，而係地府既「奈何橋」，所以呢架Lift從此被封鎖。

文化大學除左鬼Lift，仲有另一個鬼故傳說，「幽靈公車」係指深夜會有一班公車，傳聞呢班車係俾某D「人」搭，車入面既燈係熄左既，曾經有學生上車後發現成架車得佢一個人，但係落車鐘每一站都會著燈，咁司機每一站都會停低，兼打開車門，感覺就係每站有人落車咁，所以就稱為「幽靈公車」。

台灣政治大學男宿舍係四人房，但其中有一間係三人房，傳聞有個學生體弱多病，成日夜晚要落床吃藥，有年寒假，其他Room-mate都返左屋企過年，只剩低呢個男學生係宿舍，到大家過完年返到宿舍先發現，呢個男學生因為本身既心臟病發而死亡，屍水滲滿左成個床單床板，後來學校將呢間房改做儲藏室使用。傳聞幾年之後，呢間房重新裝修為寢室，之後仲會有人半夜聽到咳嗽既聲音。

台灣中興大學既綜合大樓自從80年代完工之後，幾乎年年都會有人跳樓，所以校方係天井位置裝設防網，想要阻擋意外發生，但結果跳樓地點變成隔離新起好既社管大樓。但奇怪既係，只要綜合大樓既防網被拎去清洗，就會「馬上」就會有人跳樓。

所以係學生之間廣為流傳「鬼王傳說」，話幢大樓係因為有種「無形力量」去迷惑人「無意識」既情況下跳樓自殺。而且附近既店家都有謠言，話中興大學以前俾鬼王占據過，仲有一部電梯曾經係「鬼王出入口」，而呢部電梯仲俾人貼左好多符咒，仲不斷更新，所以令到D人都唔敢搭。

傳言有個患有重度憂鬱症既學姊，係宿舍食左安眠藥之後，再將紅白膠袋套頭自殺，之後就有人偶爾發覺房間既溫度突然間驟降，任何角落亦會無端端出現紅白膠袋，甚至有人睇到塑膠袋飄過。