10大抗癌食物排行榜【預防癌症必讀】

10大抗癌食物排行榜 | 預防癌症必讀

10大抗癌食物排行榜【預防癌症必讀】

正所謂一物治一物,食物同癌細胞都一樣,有D食物係可以剋住癌細胞生長嫁。都市人壓力大,生活節奏又急速,食無定時,身體又少郁動,長久落黎自然多病痛,都市病同癌症都逐漸多左,根據香港癌症資料統計中心2020年報告指出,最常見既5大癌症中,肺癌為首位頭號殺手,其次排名係大腸癌、乳腺癌、前列腺癌及肝癌;香港新症既數字上都接近有3萬5千宗,而死亡個案就近有1萬5千宗,全球患癌新症都有大約成2千萬,可想而知,癌症亦趨上升既跡象,所以小編介紹十大抗癌食物俾大家,多D防範下癌症。

根據美國網站《Time For Natural Health Care》列出左好多種癌細胞最唔鍾意既抗癌食物,包括藍莓、黑朱古力、蕃茄、大蒜等,全部都有助抑制癌細胞生長,同減慢腫瘤既形成。

抗癌食物排行榜 1 : 大蒜

抗癌食物 | 大蒜有效預防胃癌丶結腸癌丶食道癌丶胰腺癌丶乳癌等癌症

歐洲癌症與營養前瞻性調查 (EPIC) 研究發現,大蒜有效預防胃癌丶結腸癌丶食道癌丶胰腺癌丶乳癌等癌症,因為大蒜含有豐富蒜素,有效抑制致癌物亞硝胺,從而降低患癌風險。

抗癌食物排行榜 2 : 十字科蔬菜

十字科蔬菜是指西蘭花、椰菜花、羽衣甘藍等,均有效抑制癌細胞的形成

十字花科蔬菜含有豐富既β-胡蘿蔔素、葉黃素、玉米黃質、花青素等抗氧化成份,呢D成分有助清除自由基,從而有抗癌既效果,另外,十字花科蔬菜亦含有硫代葡萄糖苷物質,可以抑制癌細胞既形成。十字花科蔬菜如西蘭花、椰菜花、羽衣甘藍等。

抗癌食物排行榜 3 : 紅菜頭

抗癌食物 | 進食紅菜頭可以增加免疫細胞及產生體內酶,都能有助對抗癌症

超級食品 (Super Food) 紅菜頭含有豐富葉酸錳、纖維和維他命B,而且甜菜鹼 (Betalain),唔單止有益心臟健康,仲可以增加免疫細胞同產生體內酶,都係有助對抗癌症。

抗癌食物排行榜 4 : 紅蘿蔔

紅蘿蔔含豐富的胡蘿蔔素,有助於增強身體的免疫力

煮熟既紅蘿蔔含豐富既胡蘿蔔素,有抗氧化既功效,而且有助於增強身體既免疫力,紅蘿蔔食譜大眾化,簡單煲湯或燉肉都可以自己整得到!

抗癌食物排行榜 5 : 莓果類

抗癌食物 | 莓果一般都富含抗氧化物,可以有效降低患癌的風險

莓果一般都富含抗氧化物如花青素、黃酮類化合物等,有好強既抗氧化劑,又有抗老作用,又可以有效降低患癌既風險。其中藍莓含有豐富維他命C、鉀及錳,除左增強身體免疫力,對預防癌症都有額外既幫助。

抗癌食物排行榜 6 : 黃豆

大豆食品可以減低前列腺特異抗原水平,或者對預防前列腺癌有幫助

黃豆含有豐富膳食纖維、鉀、鎂、銅和錳,當中既膳食纖維仲可以預防大腸癌,另外,有研究顯示,大豆食品可以減低前列腺特異抗原 (PSA) 水平,或者對預防前列腺癌有幫助。

抗癌食物排行榜 7 : 綠茶

抗癌食物 | 綠茶含有的成份可以抑制腫瘤血管新生,同時預防癌症

之前小編都介紹過綠茶可以防癌既原因,含有多種茶多酚(多酚類化合物Polyphenols),而當中既兒茶素 (Catechins) 更具抗氧化功能,主要抗氧化物質,可以抑制腫瘤血管新生,同預防癌症,綠茶生津解渴,仲有效預防生癌添!大家不妨去睇返:

【預防癌症飲品】綠茶 vs 咖啡
抗癌食物排行榜 8 : 黑朱古力
可可豆中的黃酮類化合物能減少細胞損害,有助抗癌

黑朱古力同樣含有多酚類化合物,除左可以預防心血管疾病之外,可可豆中既黃酮類化合物減少細胞損害同癌症,所以唔好以為食朱古力就冇益。

抗癌食物排行榜 9 : 薑黃
抗癌食物 | 薑黃素能夠對抗身體發炎,對修復損害的細胞會有幫助

薑黃(稱黃薑、毛薑黃、寶鼎香、黃絲鬱金)入面既成分,薑黃素(英文:Curcumin)係能夠對抗身體發炎,對修復損害既細胞會有幫助,同時減少腫瘤細胞內血管新生,亦有好強既抗氧化功效。

抗癌食物排行榜 10 : 蕃茄
蕃茄含有豐富茄紅素,有助預防癌症,例如乳癌、前列腺癌、口腔癌、唇癌、舌癌等上呼吸消化道癌症

蕃茄含有豐富茄紅素,可以消除體內多餘既自由基,預防癌症,例如乳癌、前列腺癌、口腔癌、唇癌、舌癌等上呼吸消化道癌症,香港人就經常用番茄煮餸,食譜垂手可得,諸如番茄炒蛋、蕃茄薯仔滾湯等等家常小菜。

小編介紹左以上10款抗癌食品,當然只係佔一小部分啦,大家想要健康既身體,必須均衡飲食,配合有規律嘅運動,減少進食含較高致癌物質既食物。我地Kama Delivery一直為大家把關,除左為你哋預備Party食物之外,仲定期為大家提供有用資訊,記得定期黎爬文喇!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYoutube

延伸閱讀


部份圖片出處|PexelsUnsplash

資料來源|醫院管理局香港防癌會

*未經許可,以上文章不得轉載或引用*