10款港式面包卡路里【早餐增肥小陷阱】

10款港式面包卡路里【早餐增肥小陷阱】

香港人平日返工返學，為左解決早餐，但求快靚正，仲要價錢比較平，行入附近既任何一間面包店，隨便都會買到想食既早餐，而且又容易進食，用餐時間分分鐘用1-2分鐘就已經KO完，但隨時會跌入增肥小陷阱嫁，因為大家都會以為一個面包對身體唔會有太大影響，甚至以為有食早餐就健康，但其實好多面包無意間令你增肥，又唔係油炸食物，舉個例，一個無餡既甜餐包已經有210-260卡路里 (Kcal)，而一碗白飯都係講緊220卡路里 (Kcal) 既熱量。小編今日就搵左10款早餐最常食既港式面包，睇下習慣早餐食面包既大家，平時食開既面包有無「3高」（高糖﹑高油﹑高鹽）啦。

雖然每間面包店既配方同製作上會有唔同，但用到既食材都係偏向「3高」，要食得健康，盡量少食呢D「3高」面包，建議早餐選擇配搭鮮奶、脫脂奶、無糖豆漿等蛋白質飲品，減少血糖升糖指數高，如果真係時間太趕，避免唔到既話，亦可以揀豬仔包（約215卡路里）、提子包（約210卡路里），或者白面包（一塊約70卡路里）代替「3高」面包。而且成年人每日平均攝取既熱量，男性係2500卡路里內，女性2000卡路里內，如果要精準既，可以利用網上既基礎代謝率BMR計算機（TDEE計算）去睇下自己每日可攝取熱量，所以要健康就要花少少心機，去研究一下早餐可以食咩代替呢D「3高」面包。