【10隻手指戴介指的意義】當中意思你又知幾多？

戒指戴喺手指公有咩意義？其實比較少人戴介指係手指公既，因為唔方便亦唔算十分美觀。但戴得係手指公，通常代表權勢、自信或地位既象徵，就好似電視劇咁，達官貴人或皇帝，通常都有隻翠綠既玉戒戴係手指公。

【戒指戴係左手手指公】代表有朝向目標進發既力量，會貫徹自已理念，不忘初心。

【戒指戴係右手手指公】代表可以堅定意志，加強配戴者既行動力，特別係困難時期，更加會有勇氣同力量去面對。

戒指戴喺食指有咩意思？聽講戴食指既人，表示配戴者有渴望愛情，憧憬結婚的既意思。另外，戴食指既配戴者個性比較獨立，會有自己主見同想法，並且具有引導人既能力，提升活動力，令到事情會向前推進。

【戒指戴係左手食指】可以加強積極性，可令配戴者帶住自信同勇氣向住正確目標前進。

【戒指戴係右手手指】可以提升集中力和執著力，有引領跟隨者既能力。

戒指戴喺中指公有咩意義？好多人知道如果戴中指，代表經已訂婚既意思，有時都會見到熱戀中既情侶會將對戒戴係右手既中指來表示自己心有所屬，又類似情定終身既寓意。

【戒指戴係左手中指】代表責任感、重視家庭。另一方面，如果想提升與人既溝通能力同人際關係，可以將戒指戴左手。

【戒指戴係右手中指】可以提升第六感和察覺能力，同時，可以提升創造力及敏銳直覺。單身者配戴亦會增加桃花同異性緣。

戒指戴喺無名指有咩意思？係文章前面已經提過戴無名指既意思，亦會普遍最為人所知既意義。戴係左手無名指，表示結左婚。而且，無名指上有個重要既穴道，將戒指戴係左手無名指上岩岩好可以適度咁按壓肌肉，幫手穩定情緒。

【戒指戴係左手無名指】代表參與同陪伴既意義，象徵永恆愛情。

【戒指戴係右手無名指】含有想安定既意思，同時增進雙方感情。

戒指戴喺尾指公有咩意思？通常尾指就比較少人戴介指，除左顯示單身或離婚外，仲有提防小人既意思。另外，亦有人講，戴尾指容易發生好事，亦容易實現願望，會帶來好運。

【戒指戴係左手尾指】抓住機會既能力，容易願望成真，也可預防與人的口舌糾紛。

【戒指戴係右手尾指】代表敏銳直覺力，會提高對愛情既警覺性，增強魅力。要防小人，避邪擋煞，記得戴尾指啦。但唔好話KAMA無提醒大家，戴尾指都要小心，因為戴尾指都有不婚主義者或者唔想拍拖既含意，所以自己留意啦。

「相信大家再睇埋呢條片，已經可以成為戒指戴法既達人！」