2022九宮飛星圖【寅虎年風水旺位大公開】

2022九宮飛星圖【寅虎年風水位大公開】

2022年寅虎年風水位嘅擺怖係點呢？根據九宮飛星由中心點中宮嘅飛移，組成一個九宮格，分別代九個方位，東、南、西、北、東南、西南、西北、東北同中宮，每個方位進駐一顆飛星，亦代表著唔同嘅風水位，如果你相信風水位，家居怖置得好嘅話，趨吉避凶就基本，財運、桃花分分鐘如魚得水，當然，玄學之說信則有，不信則無，求個安心理得，當參考都無妨。

西北方

偏財位

六白武曲星

主橫財、貴人

正北方

桃花位

一白貪狼星

主感情、人緣

東北方

正財位

八白左輔星

主財運、置業

正西方

破財位

七赤破軍星

主破財、漏財

中宮

五黃煞

五黃廉貞星

主凶災、禍患

正東方

是非位

三碧祿存星

主是非、官災

西南方

病符位

二黑巨門星

主疾病、傷痛

正南方

喜神位

九紫右弼星

主姻緣、感情

東南方

文昌位

四緣文曲星

主事業、官位

2022九宮飛星圖 – 寅虎年風水位及九宮飛星分佈

中宮：九宮飛星格中心位置

五黃廉貞星進駐（兇星／五黃煞）

主兇災、禍害

五黃星唔止係兇星，仲要係最兇果隻，代表著意外、疾病、傷害、甚至死亡，中宮風水位進駐兇星，鬥唔過就避啦，意思係唔好響中宮位工作、訓覺、讀書、食飯等，唔好一堆雜物堆響中宮位，尤其金屬制品，亦唔好響中宮位煮飯，否則容易出意外。

【化解中宮兇星影響】中宮進駐兇星，主意外傷害，即血光之災，過馬路唔好貪快、避免使用利器、或者洗牙都係可以某程度上規避兇星嘅影響。

正西方：九宮飛星格中心左邊位置

七赤破軍星（破財位）

主破財、漏財

寅虎年正西方風水位主破財、損失，正西方唔好擺放雜物之餘，更加唔好擺放刀劍或猛獸，包括擺設、畫像，否則容易有血光之災，影響家人健康，亦會容易唔見錢，跌銀包、被人偷、借錢唔還等。

【化解七赤破軍星影響】可在正西方擺放寓意吉祥之物，如葫蘆、麒麟等，以吉制兇。

正東方：九宮飛星格中心右邊位置

三碧祿存星（是非位）

主是非、官司

三碧祿存星代表是非、矛盾、爭執及官非等，所以要留意一家人食飯訓覺嘅方位響正東方的話，容易發生衝突，致家宅不寧，但觸碰是非位如果係律師、明星的話反而係好事，律師能提高跟官司嘅關連性、明星有利炒作提高知名度。

【化解三碧祿存星影響】如果工作或生活嘅地方響正東方，就少說話多做事，避免太多口舌之爭，亦可以於工作嘅地方擺放紅色嘅擺設，利是封都得，但你唔該揀個紅色利是封。

西南：九宮飛星格右下位置

二黑巨門星（病符星）

主傷痛、疾病

病符星屬土，西南為坤宮同樣土屬，所以病符星力量強，尤其脾胃、腹瀉等腸道疾病，如果廚房咁啱喺西南位，要小心病從口入，注意生熟衛生等，坤宮代表媽媽，如果懷孕婦女或已為人母嘅女仕睡房響西南位，亦要特別注意健康。

【化解二黑巨門星影響】金屬銅鐘聲可減低病符星影響，金屬風鈴，音樂盒都可以放響今年西南方風水位。

正北：九宮飛星格中心對上位置

一白貪狼星（桃花位）

主感情、人緣

一白貪狼星進駐正北，主桃花、感情嘅風水位，如果做單身人士就算一個人住，響正北嘅擺設都應該一雙一對可摧桃花，從事銷售嘅亦可以擺花摧旺桃花位；已婚人士唔好亂摧桃花，桃花太旺影響夫妻關係，如果睡房於桃花位，用粉色寢具有助增進夫妻感情。

【旺運之道】桃花位最忌混亂，如果雜物垃圾放桃花位容易引嚟爛桃花，以花、粉色擺設或用品都可催桃花，如果桃花位咁啱響廁所、廚房，可以搵專業師父尋求解決之法。

正南方：九宮飛星格中心對落位置

九紫右弼星（喜神位）

主姻緣、感情

呢個風水位亦可稱桃花位，主訂婚、結婚、人緣、生BB等，主各種喜事，正南方保持乾淨整潔，明亮氣透，有利喜事降臨。

【旺運之道】將吉祥擺設放呢個風水位有助摧旺喜神位運勢，尤其雙雙對對嘅擺設如麒麟、貔貅等。

西北方：九宮飛星格左上位置

六白武曲星（偏財位）

主偏財、貴人

六白武曲星進駐西北，西北方為2022年偏財位，摧旺偏財位可以提高投資成功率、或者佣金制工作者都有正面幫助，做生意亦有機會遇貴人。

【旺運之道】財位最忌亂，保持乾淨整潔，將吉祥擺設放呢個風水位有助摧旺偏財位運勢，如咬金蟾蜍、貔貅等。

東北：九宮飛星格右上位置

八白左輔星

主正財運

八白左輔星主正財、置業、財富，亦主升職加薪，除左正財位唔好亂七八糟之外，響正財位放水、貔貅、金蟾都有助摧旺正財位。

【旺運之道】今年中宮五黃煞影響之下，助運擺設功效有機會受五黃煞影響，所以除咗要擺助運擺之外，仲要響中宮位放五帝錢，減低五黃煞影響。

東南：九宮飛星格右下位置

四緣文曲星

主事業、學業、升官

四緣文曲星進駐東南，木木相旺，利功名、文貴、學業、事業，家長辦工可以響東南位，小朋友書枱亦可以設於東南位，如果書房響東南位就更加好，一邊做嘢一邊教小朋友做功課，親子時光。

【旺運之道】掛4枝毛筆同擺放文昌塔可摧旺文昌位，但溫柔督促孩子努力讀書先係致勝關鍵。

「睇埋麥玲玲師傅嘅講解，相信大家黎緊呢一年嘅風水一定會越黎越好！」

　新推出　

2022九宮飛星圖 – 寅虎年風水位及九宮飛星分佈

訂購到會服務熱門問題【不斷更新】

【派對食物外賣】到會 vs 餐廳？

【農曆新年傳統食物有啲咩？】6款必食推介你要知

精選新春賀年送禮推介【第一次見家長拜年必讀】

【2023新年到會外賣速遞 】5大預訂要點你要知

【屋企Party食物推薦】9款必食療癒美饌

登入

註冊

【2023新年到會外賣速遞】5大預訂要點你要知