【2023癸卯兔年犯太歲點好？】屬虎兔龍雞鼠必睇攝太歲攻略

屬兔嘅朋友今年本命年犯到正一正，容易出現心緒不寧、情緒不穩起伏不定嘅情況，健康亦容易出現問題，做任何重要決定之前記得三思而後行。感情或工作方面不易作新發展或者改變，切記一動不一靜，但就算攝左太歲唔代表會萬事大吉可以化解一齊，只係盡可能減低犯太歲嘅負面影響，因為本命年運氣本質就差，兔仔朋友想化太歲可以考慮辦喜事如結婚添丁或配戴狗形嘅飾物。

屬鼠嘅朋友2023癸卯兔年刑太歲，生宵與流年生宵相差三年屬刑太歲，鼠、牛、虎、兔，刑者有刑律、刑傷之意，容易惹官非、血光之災或遇上小人甚至官非，而財運亦危機四伏，屬鼠者於兔年應避免過度投資及投資於高風險投資工具，亦要避免與人發生糾紛，想化解太歲應時刻用正面心態面對困境，切記小不忍則亂大謀，流年犯刑太歲可考慮佩戴牛形嘅飾物，咁就可以安然渡過。

屬雞嘅朋友2023兔年沖太歲，所謂逢沖則動、不動則傷，太歲當中就以沖太歲變化較大，容易出現要奔波勞碌，但卻徒勞無功嘅結果，簡單來講做野事倍功半，亦容易發生意外導致甚至破財、流血、嚴重者會涉及傷亡等事故，動即改變，犯大歲唔適合做太大影響嘅改變，但改變下家居怖局、睡床位置都屬於變動，甚至改變屋企牆身顏色等，都係一些不影響自身太多嘅變動；屬雞沖太歲可以配戴蛇形或者牛形嘅飾物，將犯太歲負面影響減到最低。

屬龍嘅朋友2023兔年害太歲，害太歲係犯太歲當中影響力較沖太歲細，害者有破害之意，一般指人事關係，如家人、朋友、情侶等，如與人合作之事，如創業做生意、人生計劃等容易出現小人或被出賣的危機，屬龍者應審慎考慮合作伙伴，事事該親力親為，切勿過分相信別人，提防小人纏身陷害，避免是非之地，癸卯年屬龍害太歲可以配戴猴形嘅飾物去化解！

屬馬嘅朋友2023兔年破太歲，破太歲影響力居最後位置，亦有破害之意，跟害太歲一樣，主要影響人際關係，不論朋友或者夫妻感情都容易亮起紅燈，宜小心處理關係缺口；而擬定好的計劃會有機會因為各種原因胎死腹中，亦即所謂破局，屬馬者要有心理準備，避免意冷心灰，影響工作表現；馬仔犯太歲兔年可配戴羊形嘅飾物去趨吉避凶！