【2024九宮飛星佈局】龍年催運旺財桃花話咁易

2024九宮飛星佈局 | 龍年催運旺財桃花話咁易

【2024九宮飛星佈局】龍年催運旺財桃花話咁易

大家都知道九宮飛星每年都會飛移轉位,2024龍年九宮飛星佈局係點?飛星座落亦代表各個運程方位包括桃花位、病符位、是非位、文昌位、五黃煞、偏財位、正財位、破財位及喜神位,如果你相信玄學之說,隨著九宮飛星於2024龍年入值方位嘅變更,佈局亦需要作出相應改變,放心催運方法唔駛大費周章或者洗好多錢買開運擺設,雖然我哋每一年都有介紹九宮飛星佈局,響了解催運方法之前,都簡單介紹一次,溫故知新。

九宮飛星係咩?

2024九宮飛星佈局

所謂天有九星,地有九宮,大家成日聽到果句「風水輪流轉」就係講緊九宮飛星,每年九宮飛星都會根據洛書軌跡飛移,所以未來咁多年嘅飛星去向亦有跡可循,而所謂九宮飛星佈局,係將你嘅住所,或者寫字樓辦公室平面圖根據方向套上九宮格,找出所有運程方位,催旺吉星,壓抑凶星。

2024九宮飛星圖

九宮飛星分別是一白貪狼星、二黑巨門星、三碧祿存星、四綠文曲星、五黃廉貞星、六白武曲星、七赤破軍星、八白左輔星及九紫右弼星,九星各主吉凶,催運方式是透過五行屬性提高吉星力量,抑止凶星之力,所以我哋要先認識五行。

五行分為金、木、水、火、土,倆倆相生(吉),倆倆相克(凶):

木生火,火生土,土生金,金生水,水生木
木克土、土克水、水克火、火克金、金克木

2024九宮飛星
正東桃花位
一白貪狼星(屬水)

2024一白貪狼星

主:感情、人緣

正東巽位:木

水木相生,星宮主吉

催旺方式:於正東位置擺放鮮花,但唔好擺太多,太多會惹埋爛桃花,鮮花可選擇藍色、灰色花材,切忌帶刺,藍灰屬水,可提高一白星的力量。

2024九宮飛星
東南方病符位
二黑巨門星(屬土)

2024二黑巨門星

主:疾病、傷痛

東南方巽位:水

水土相克,星宮主凶

避凶方式:睡床切忌置於病符位,容易被病痛纏繞,亦要避免擺放雜物,亦要避免動土,減煞可以擺放綠水晶,以木破土。

2024九宮飛星
正宮是非位
三碧祿存星(屬木)

三碧祿存星

主:小人、是非、官非

避凶方式:忌於正宮位置擺放綠、青、黑、藍及灰色物品,宜以粉紅色物品如揮春、利是封對抗三碧祿存星的力量,粉紅色五行屬火,火克木,藉此減低三碧祿存星的威脅。

催旺方式:如果靠是非、官司推動事業者,如明星、網紅、律師可以於正宮位置擺放綠植,木木相扶,有助提高三碧祿存星的能量。

2024龍年生肖運程【健康、事業、財運、姻緣完美解讀】

【2024龍年生肖運程】 新年運程係大家每年都非常關注嘅環節,龍年運程2024邊個先係行運超人?為你剖析十二生肖響2024年嘅龍年運程,開始龍年運程之前,有五個生肖喺2024要特別注意,分別係屬龍、兔、狗、牛、羊,每年都有五個生肖會受太歲影響,波及運程發展⋯⋯ 繼續閱讀

2024九宮飛星
西北方文昌位
四綠文曲星(屬木)

2024四綠文曲星

主:事業、學業、官位

西北方巽位:金

金木相克,星宮主凶

催旺方式:四綠文曲星因為星宮相克,力量有所折扣,所以催旺方式是增加木嘅力量,可以於家中西北方放一杯水(水生木),再加四棵水種富貴竹或者水昌文昌塔(水生木)加四支木製毛筆,一定要一加四,所謂一四同宮發科名,大利學業及事業。

2024九宮飛星
正西五黃煞
五黃廉貞星(屬土)

2024五黃廉貞星

主:災禍、死亡

正西巽位:金

金土相生,星宮主凶

避凶方式:五黃星入值西方,配合金土相生,威力強大,與病符星一樣,睡床必不可以置於五黃位,比起病符位五黃之力有更大傷害,必須以化煞聖器泄走五黃煞氣,首選六帝錢,但要留意六帝的排列次序必須係順治、康熙、雍正、乾隆、嘉慶、道光,而且唔好亂咁俾人摸。

2024九宮飛星
東北偏財位
六白武曲星(屬土)

2024六白武曲星

主:偏財、貴人

東北巽位:金

金土相生,星宮主吉

催旺方式:六白星星宮主吉,催旺可旺上加旺,偏財一向以貔貅擺設作為催運神器,呢度介紹多一個方式,就係石春,在數量上亦有講究,分別是六粒及八粒,六粒有利催旺偏財,八粒有助聚財,亦可提高貴人出現嘅機會。

風水盆栽 | 新年催運推介 | 5款室內植物帶旺屋企辦公室

【新年催運風水盆栽推介】新年催運風水盆栽大行其道,家中或辦公室擺放綠植除了可以讓人舒壓,改善空氣之外,亦可增強運勢改善風水。香港地寸金尺土,以綠植盆栽增強運勢亦係大勢所趨,綠植盆栽在風水中有增強財運之談,綠植及綠色正行屬木,木代表不繼生長⋯⋯ 繼續閱讀

2024九宮飛星
正南破財位
七赤破軍星(屬金)

2024七赤破軍星

主:破財、損失

正南巽位:火

金火相克,星宮主凶

避凶方式:龍年正南方係破財位,七赤破軍星主損失、火險等,如七赤星力量過大會引致火災或盜竊,星宮相勊下主凶,化煞可以響擺放麒麟擺設化煞,同時應避免擺放雜物或利器,減低煞氣。

2024九宮飛星
正北正財位
八白左輔星(屬土)

2024八白左輔星

主:財運、置業

正北巽位:水

水土相克,星宮吉凶參半

催運方式:八白星為吉星,星宮龍年好壞參半,催財方式可以於正北方擺放大葉嘅綠色植物,可以擋煞之餘更可聚財,如黃金葛、萬年青等可置於家中、辦公室,更可改善空間質素,綠化環境。

2024九宮飛星
西南吉神位
九紫右弼星(屬火)

2024九紫右弼星

主:財運、置業

西南巽位:土

水土相生,星宮主吉

催運方式:最後到喜神位,主喜事,訂婚、求婚、結婚、添丁、買樓、創業等,喜神位必須要空氣流動,唔可以擺放太多雜物,最好有陽光照射到,而且龍年大利女主人,趁龍年星宮相合,以紅色及紫色花材提高九紫星的火屬力量,或者擺放紫水晶、麒麟擺設都可以提升喜神位氣場,龍年更多喜事發生。

龍年九宮飛星催運方法就同大家分享哂,當然玄學之說只作參考,唔能夠太迷信,除咗以上催運方法,仲可以開新年聚會派對提高喜慶氣氛,Kama Delivery嘅新年美食到會套餐正在密鑼緊鼓準備,無論公司開新年聚會、親朋好友開Party,都非常歡迎查詢我哋嘅美食到會服務,同時預祝大家新年快樂!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Taobao

*未經許可,以上文章不得轉載或引用*