2024龍年生肖運程【健康、事業、財運、姻緣完美解讀】

2024龍年生肖運程【健康、事業、財運、姻緣完美解讀】

2024龍年生肖運程【健康、事業、財運、姻緣完美解讀】

新年運程係大家每年都非常關注嘅環節,龍年運程2024 邊個先係行運超人?Kama Delivery 為你剖析十二生肖響2024年嘅龍年運程,不過先此聲明,運程預測乃堪輿玄學之說,不能盡信,只能稍作參考,命運始終掌握係自己手中,三分天注定,七分靠自己努力打拼,小心謹慎方能逢凶化吉化險為夷,開始龍年運程之前,有五個生肖喺2024要特別注意,分別係屬龍、兔、狗、牛、羊,每年都有五個生肖會受太歲影響,波及運程發展,本文將由十二生肖之首子鼠講起,探究十二生肖於龍年嘅事業運、財運、姻緣感情、健康及學業,男女老幼都可以一作參考。

2024龍年生肖運程 – 子鼠運程

2024龍年生肖運程-子鼠運程

屬鼠出生年份:1924年、1936年、1948年、1960年、1972年、1984年、1996年、2008年、2020年

屬鼠嘅你響龍年運程唔錯,不過凶星都唔少,龍年響事業方面會有唔錯發展,是地位上升年,運逢福星、將星、三合及天在群星拱照,領導能力獲提升,上司會更看重你嘅表現,如果有好機會一定要捉緊事業運,另外接受挑戰,人際關係亦會提升,對網紅、公眾人物更加是一大助力。財運方面就比較遜色,賺錢嘅機會暗地被七粒凶星影響成敗,容易有小人從中作梗,加上官符、囚獄星影響,小心錢財上嘅糾紛演變成官司,建議行事低調,適當讓利,減低凶星影響。健康方面足足六粒凶星,劍鋒、血刃等意味血光之災,尤其留意交通安全及高空擲物等意外,建議洗牙及捐血減低影響,感情方面要避免情免誘惑,紅豔煞嘅影響下一旦把持不住容易人財兩失,已婚者更加要堅持油鹽不進,否則會破壞婚姻,學業方面三星加持,華蓋、三台及八座照耀,考試運提升,但記得讀書依然係一分耕耘,一分收穫,總結屬鼠者龍年運程屬中上。

2024龍年生肖運程 – 丑牛運程

2024龍年生肖運程-丑牛運程

屬牛出生年份:1925年、1937年、1949年、1961年、1973年、1985年、1997年、2009年、2021年

屬牛嘅你龍年破太歲,對運程有一定影響,不過較為輕微,吉星普照下對屬牛嘅事業運有助力,天德、福德、福星、玉堂、攀鞍眾星加持,貴人相助,逢凶化吉,人緣提升,外有太陽、文昌、歲合及天喜相照,令才華得到發揮機會,加上屬牛者天生勤力嘅特質,獲得成功指日可待,凶星有卷舌星困擾,令本身不擅辭令嘅牛人容易得罪人,衍生是非,屬牛者宜凡事多忍讓,做人處事學習圓滑,財運方面亦有上升助力,但由於有桃花及咸池星作祟,要避免財色陷阱,所以感情上要小心選擇伴侶,在天喜星加持下會找到真愛,適合嘅話不妨一試發展姻緣,健康方面無大風浪,小病痛在所難免,但不致影響健康,學業方面運程亦理想,所謂命遇攀鞍,少年登科,在寡宿及孤辰星嘅影響下會偏好獨處,正好好好讀書,總結屬牛者龍年運程亦屬中上,但記得攝一攝太歲。

【單點美食】小食到會


多達80款小食可供選購


適合各類型派對聚會中享用


自訂享用份量


點我查看完整餐單

2024龍年生肖運程 – 寅虎運程

2024龍年生肖運程-寅虎運程

屬虎出生年份:1926年、1938年、1950年、1962年、1974年、1986年、1998年、2010年、2022年

屬虎嘅你事業方面有驛馬星入駐,主奔波勞碌,龍年將比較忙碌,加上祿勛星助力,本身係可以成為亮點,但可惜運逢空亡,空亡代理沒有、空白,代表有機會力不從心,事半功倍,而且更有指背、五鬼、地煞、飛符、地雄、災煞及囚獄等凶星,主小人、是非及官非,屬虎者宜凡事盡力而為,但不要強求回報,亦要慎防與人爭執,埋下被報復嘅種子。財運方面有空亡、歲破、大耗及月煞干擾,小心大破,投資宜保守,加強儲蓄,感情方面出現紅豔星,代表有豔遇,需小心防範工作中出現嘅第三者或仙人跳,引致人財兩空,健康方面亦唔算好,弔客、天哭干擾下要小心自己及家人健康,避免老人獨留家中,外有飛廉、血刃主血光,建議捐血或洗牙緩減影響,總結屬虎者龍年運程一般,但唔算十分差。

2024龍年生肖運程 – 卯兔運程

2024龍年生肖運程-卯兔運程

屬兔出生年份:1927年、1939年、1951年、1963年、1975年、1987年、1999年、2011年、2023年

剛剛本命年犯太歲嘅屬兔者,踏入龍年與大太相害,害表不和、不合,主小人、是非、陷害及出賣等,加上事業有六害、病符、驀越星干擾,更顯事半功倍,幸好有吉星玉堂、地鮮、歲合及同德等照耀,事業上遇到困難請放膽向上司求助,上司亦可以係貴人,財運方面多為正財,投資賭博可免則免,小心因小失大,有年煞、小耗、暴敗、天厄等凶星隨時要破財,龍年宜保守穩健,投資嘅金額應該係對自己生活不構成影響下作出,感情姻緣方面桃花旺盛,但要慎防爛桃花、第三者介入,健康方面病符入守本命官,代表災病,尤其留意肝臟護理,少應酬少飲酒,總結屬兔者龍年運程一般,但記得攝一攝太歲。

三元九運香港 | 2024年八運轉九運邊個行業有運行?

【香港2024年八運轉九運,邊個行業有運行?】 中國術數風水所謂嘅三元九運係乜?先拆開理解,風水學上每一元有三運,一運20年,所以一元係60年,三元入面再分上元、中元、下元,60年為一甲子,而九運由一運排列至九運,每一運由九星輪替主事,一主20年,九星⋯⋯ 繼續閱讀

2024龍年生肖運程 – 辰龍運程

2024龍年生肖運程-辰龍運程

屬龍出生年份:1928年、1940年、1952年、1964年、1976年、1988年、2000年、2012年

屬龍嘅朋友龍年進入本命年,加上本命有天刑,犯太歲加刑太歲下會係充滿挑戰嘅一年,容易情緒波動、悲觀、易有損傷病痛,攝太歲一定要做,事業上會有一定影響,壓力倍增打擊自信,幸好有華蓋及金輿入值,有助完成任務,升職加薪機會一樣存在,建議龍人本命年低調行事莫貪功,否則容易被小人排擠或惡意中傷,畢竟外在有五等、飛符、官符、地煞及指背干擾,要小心處理人事上嘅問題,本命年事業忌作出太多變動,本業唔好放棄亦唔好變更作業模式,財運不俗,多勞多得年,偏財受五等、飛符、官符、地煞影響,小心衝動性消費,避免高風險投資,提防騙案。學業方面有華蓋及金輿星照耀,考運提升,尤其公開考試更加得心應手,健康方面一字記之曰「慢」,唔好趕時間,外有劍鋒、伏尸、三刑、吞焰虎視眈眈,加上犯太歲,小心血光之災及與火相關嘅意外導致受傷,總結屬龍者龍年運程較差,所謂太歲當頭坐,無喜必有禍,萬事小心,三思而行。

2024龍年生肖運程 – 巳蛇運程

2024龍年生肖運程-巳蛇運程

屬蛇出生年份:1929年、1941年、1953年、1965年、1977年、1989年、2001年、2013年

屬蛇嘅你喺龍年同太歲無沖無合,本已經係好消息,再加上命宮有太陽、天喜、文昌、文廚星照耀,大利事業、感情,太陽吉星屬於男士貴人星,事業上對從事男士有關嘅行業如鐘錶、男士服飾之類有幫助,如果你上司係男士不妨多爭取表現,有升職加薪機會,龍年要少說話多做事,外有晦氣星干擾,容易口直心快得罪人,而文昌星入宅更大利學業,可以的話把握進修機會,正財偏財亦有唔錯嘅表現,可以嘗試選擇高回報嘅投資,但要量力而為,做做功課先好入手,姻緣感情方面有天喜星入值,主結婚添丁,單身人士亦有望脫單,但要留意孤辰星干擾,令人容易多愁善感,覺得冇人明白自己,但只要加強溝通問題不大,健康方面有劫煞星影響家宅健康,建議少參與高危運動或極限活動,同時留意身邊家庭成員嘅身體狀況,避免交叉感染。總結屬蛇者龍年運程佳,但龍年後就到屬蛇嘅本命年,第四季開始要更謹慎處理一些重要的決策。

2024龍年生肖運程 – 午馬運程

2024龍年生肖運程-午馬運程

屬馬出生年份:1930年、1942年、1954年、1966年、1978年、1990年、2002年、2014年

屬馬嘅你龍年同太歲無沖無合,係好消息,加上天解、八座入值,雖然凶星都唔少,但只要有耐性及夠堅強,天解之力會驅走凶星的陰霾,事業運程正好反映呢個情況,龍年事業以以難後易的方式運行,八座係貴人星,事業上遇上難關有貴人相助,能迎難而上,財運方面出現浮沉星,要小心投資失利,最好保守啲或者多忍手觀察,健康方面亦有血刃星作祟,容易有血光之災,龍年應避免出席白事或探病,多參與喜事宴會,浮沉亦主水險,水上活動龍年可免則免,感情方面冇咩起伏,由於工作上有凶星困擾,留意會否因工作忽略另一半,總結屬馬者龍年運程中上,但要保持正向心態抑止喪門及时地喪嘅負能量。

2024龍年生肖運程 – 未羊運程

2024龍年生肖運程-未羊運程

屬羊出生年份:1931年、1943年、1955年、1967年、1979年、1991年、2003年、2015年

屬羊嘅朋友龍年並無犯太歲,響太陰星嘅庇蔭下運程唔錯,太陰代表月亮,明淨乾淨,龍年雖有凶星但都唔係窮凶極惡,大陰星代表女貴人,屬羊嘅朋友如果上司或老闆係女性會更容易得到賞識,從事女性有關嘅事業更是一大助力,未羊於龍年屬於多勞多得年,付出會有收獲,另外財運有玉堂加持,大利正財,龍年要注意勾神及貫索,代表拉扯、糾紛,處理合約時要格外小心,羊人今年桃花大旺,尤其是男士,不過大多數係爛桃花,隨時傷感情之餘再破財,已婚人士更加要留意,避免影響婚姻,總結屬羊者龍年運程佳,再把握龍年好好發展。

風水盆栽 | 新年催運推介 | 5款室內植物帶旺屋企辦公室

【新年催運風水盆栽推介】新年催運風水盆栽好快又要大行其道,家中或辦公室擺放綠植除了可以讓人舒壓,改善空氣之外,亦可增強運勢,改善風水。古人喜歡於大宅中建設假山流水,尤其身冠官位,最緊要有靠山,先可以平步青雲,步步高陞,時至今日,香港地⋯⋯ 繼續閱讀

2024龍年生肖運程 – 申猴運程

2024龍年生肖運程-申猴運程

屬猴出生年份:1932年、1944年、1956年、1968年、1980年、1992年、2004年、2016年

屬猴嘅朋友於龍年係申子辰三合嘅生肖,運程穩定偏佳,要特別留意事業嘅發展,龍年有三台貴人星,主升遷機會,加上三合本來勢如破竹,但凶星四粒彷彿全部針對事業,五鬼、官符、飛符、指背,簡單講龍年將陷入人事糾葛,包括是非、中傷等職場傷害,所以做事要謹慎,光明磊落,真金不怕紅爐火,當越過五鬼煞嘅人事攻擊,官符、飛符、指背的傷害會變得輕微,反而推動三台嘅力量,喺事業上可更上一層樓,讀緊書嘅學生哥亦會面對同輩嘅是非,不過只要專心學業,今年讀書運仍然強勁,正財偏財理想,正財會遇到有人邀請合作,小心處理條款細則可以放膽一試,偏財可以嘗試物業投資,但前提要對其有所認識,感情上因為五鬼干擾,會疑神疑鬼,成日怕對方出軌,導致情緒敏感,宜多點信任及溝通,方可修成正果,健康方面龍健要注龍筋骨及皮膚問題,皮膚問題可能因為腸胃問題引致,要注意飲食,總結屬羊者龍年運程中上,緊記遠離是非。

2024龍年生肖運程- 酉雞運程

2024龍年生肖運程-酉雞運程

屬雞出生年份:1933年、1945年、1957年、1969年、1981年、1993年、2005年、2017年

屬雞嘅朋友於龍年係六合生肖,運勢相當唔錯,六合之年不乏與人合作嘅機會,不妨趁龍年發展新事業,事業運亦佳,兩粒貴人星天德及地解加持,遇上困難甚至出錯都有貴人善後,逢凶化吉,財運就差啲,小耗、死符干擾下容易投資失利,不過只係小破財星,所以投資要量力而行,建議買下奢侈品,自行破財可減低小耗影響,奢侈品又可以保值,一舉兩得,感情上出現咸池星,有桃花但爛桃花亦多,尤其女士要帶眼識人,以免被騙財騙色,健康方面亦受死符影響,剛剛兔年犯太歲身體健康可能已被波及,宜做一做身體檢查為妙,以策安全,總結屬雞者龍年運程極佳,把握身體貴人相助,展開美滿龍年。

2024龍年生肖運程 – 戌狗運程
2024龍年生肖運程-戌狗運程

屬狗出生年份:1934年、1946年、1958年、1970年、1982年、1994年、2006年、2018年

屬狗嘅朋友龍年與太歲相沖,沖太歲對於自身事業、健康、感情都會出現變化,所謂一喜擋三災,無喜是非來,可以做啲喜事沖喜下,如結婚、添丁、買樓、創業都可以改善運程,在職人士響國印星嘅加持下,會有升職加薪嘅機會,國印代表著權力,所以更利於管理層、公務員或大機構員工;財運方面有大耗困擾,大耗係大破財星,所以屬狗嘅朋友龍年應避免參與過風險投資,反正龍年要沖喜,可以考慮斥資舉辦婚禮或者趁樓價低入手買樓,破大耗之煞,感情方面亦唔算順利,欄杆星干擾下令情路一波三折,豹尾煞令屬狗者做決定時畏首畏尾,單身人士難以脫單,無論是創業或是戀愛,建議理性衡量得失,以免錯失機會,健康方面有歲破星產生負面影響,尤其要注意腸胃問題,總結屬狗者龍年運程中下,避免作出太多大改變。

2024龍年生肖運程 – 亥豬運程
2024龍年生肖運程-亥豬運

屬豬出生年份:1935年、1947年、1959年、1971年、1983年、1995年、2007年、2019年

最後係屬豬嘅朋友,於龍年有兩大利好運程嘅因素,首先與太歲無沖無合,運程會比較穩定,第二有紫微及龍得兩大吉星普照,對事業發展可謂勇往直前漸入佳境,一條直路一片順利之勢,加上龍年係你嘅工作升遷年,容易被上司或老闆賞識,財運亦佳,正財大利,偏財雖有暴敗星干擾,但紫微星力量巨大,只要控制好投資金額,仍可一試,感情方面屬豬者龍年紅鸞星動,單身者利於脫單,拍緊拖亦可以考慮拉埋天窗,健康方面有天厄星干擾,不利出遊,要注意交通安全,總結屬豬者龍年運程極佳,可以話係十二生肖中龍年嘅行運超人,唯一要留意亡神星干擾令人大頭蝦,容易唔見嘢,不過都唔影響整體運程。

十二生肖2024龍年運程就講哂,再重申玄學之說只能參考,不能盡信,不過有樣嘢新年就一定會發生,就係Kama Delivery嘅新年到會套餐將於農曆新年前上架,而且會加入更多應節嘅新年食品及新產品選擇,美食到會服務於農曆新年團拜聚會非常適合,麻雀耍樂後美食就送到你手,送貨範圍覆蓋全香港,新春期間照常營業,九龍及新界,留意我哋嘅FB或IG緊貼我哋新年美食到會套餐嘅上架時間,同時歡迎隨時瀏覽我哋網站或者WhatsApp我哋查詢美食到會訂購詳情。

點我查看2-100人到會套餐!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Freepik

*未經許可,以上文章不得轉載或引用*