整蠱朋友的派對遊戲|測試友情大考驗|Kama Delivery西式到會外賣公司

 

【3個整蠱方法融入派對遊戲】測試友情大考驗!

 

派對聚會大家都應該成日去,尤其係室內派對,一班朋友點都會玩下遊戲,最開心當然係睇輸家受懲罰,但更開心嘅係將整蠱方法融入遊戲,大家可以一直睇住某玩家一直受懲罰而佢自己唔知,仲要好努力參與希望睇人地輸左受懲罰,以前一啲室內遊戲都係咩撞機、拍7、爭下櫈仔之類,隨住綜藝節目將室內小遊戲呈現大家眼前,簡單遊戲充滿反應、智慧及人性嘅測試,如果想透過派對小遊戲突顯自己嘅才能,或者見到人受懲罰會特別興奮嘅人,絕對係天選之人,將整蠱人方法融入遊戲,對象只有一個人,其他人都只係成個整蠱計劃嘅成員,無論咩遊戲都好,懲罰都有咁誇張得咁誇張,有咁尷尬得咁尷尬,被整果個先會更認真參與被玩過程,整人方法就係要一個人受罪帶俾多人快樂!

 

_____________

 

大整蠱遊戲 1. 猜猜恐怖箱

猜猜恐怖箱|派對聚會遊戲Idea|整蠱朋友|Kama Delivery美食速遞外賣

 

【準備功夫】箱、黑布、動物(恐怖果隻)

【遊戲玩法】靠摸猜中箱入面有咩

【整蠱方法融入遊戲的方式】恐怖箱之所以恐怖,除左個箱入面你唔知係咩,最恐怖係睇人地摸果時,被人地嘅表情同表現嚇親,做成自己嚇自己嘅情況,被選中嘅人最好安排響最後一個摸,之前摸嘅參與者預先知道答案,可以扮摸,同時扮嘅時間表現有咁恐怖得咁恐怖、有咁驚青得咁驚青,最好安排青蛙、蟑螂、蜘蛛(冇毒)、麵包蟲之類,扮摸嘅唔會真係摸,扮到好恐怖就得,打開答案被整蠱果個睇到就會更驚,到佢果時淨係放水同泥,佢唔會摸到D咩,但摸咁耐驚咁耐,所以懲罰一定要夠阻嚇性,以防佢放棄,呢個整蠱方法非常殘忍,因為入面嘅水同泥會俾到佢腦海無限幻想,再加上睇左之前人地摸嘅咁恐怖,陷入放棄又唔得唔放棄又唔得嘅矛盾中不能自拔,相當陰毒,定必為大眾帶來唔少歡笑聲!

 

_____________

 

大整蠱遊戲 2. 寂寞扑傻瓜

寂寞扑傻瓜|Party整蠱類型遊戲|帶動派對氣氛|Kama Delivery美食速遞外賣

 

【準備功夫】兩個空水樽、兩個眼罩、一段音樂

【遊戲玩法】兩人對坐,音樂會隨機由主持人停頓,停頓時間兩人可自由攻擊或閃避,音樂再開始要收手等待音樂下次停頓再攻擊,被擊中次數多者為敗,途中眼罩萬不能除低,直到遊戲完結。

【整蠱方法融入遊戲的方式】雙方帶上眼罩後,悄悄為被玩者更換更大型嘅水樽,增加能擊中對手的機會,再同佢講已經同全部人夾好哂,大家就係要睇對方受懲罰,叫佢努力打好呢場比賽,當佢攞住加大版武器,再加上以為全人類夾好哂,就會瞬間變身東奧選手,信心百倍,呢個時候,整蠱方法係安排佢對手離開,即係遊戲開始後,被玩者對面只剩下寂寞嘅空氣,音樂一停,大家就會見到被玩者對空氣作出多角度攻擊,但擊中嘅亦只有寂寞,大家亦唔好忘記響佢揮擊嘅空隙用水樽打佢,第一,唔好令佢懷疑對面冇人;第二,證明遊戲的確可以擊中對方,當只有自己被擊中就會擔心被懲罰,往後對空氣就會加劇攻擊,旁觀嘅你除左用相機拍低事後恥笑佢外,已經冇嘢好做,最後佢娛樂左大家、流一身汗、仲中左幾下重擊、要唔要受懲罰,由你地決定。

 

_____________

 

大整蠱遊戲 3. 廿一魔咒

廿一魔咒|派對必備的整蠱類型遊戲|測試友情大考驗|Kama Delivery美食速遞外賣

 

【準備功夫】

【遊戲玩法】並排而坐,每人輪住順序叫號碼,由1開始每局至少叫1個最多叫3個,即1至21號順序叫,邊個叫到21號為敗,2人對奕。

【整蠱方法融入遊戲的方式】看似公平嘅遊戲一啲都唔公平,選出整蠱對象後,所有參賽者務必將四嘅倍數霸佔,即4、8、12、16、20,無論被整蠱玩幾多次,都會不斷迫於無奈嗌21,陷入21魔咒玩極都輸,如果唔知規律嘅人,一般都會去到10之後先諗,但其實已經中計,輸家一輸要被罰一次,然後對戰其他人,所以,基本上當日有幾多人,佢就輸幾多次,當然,整蠱就唔建議輸左飲酒,飲下蔥汁、芫茜汁、苦茶都係唔錯嘅選擇。

 

 

搞Party訂美食|多個套餐運費全免|Kama Delivery到會外賣服務
 

朋友、同事開Party都係想開心,所以被整蠱對象必須有返咁上下心胸,仲要有返咁上下Friend底,大玩過後能一笑置之,唔會傷感情,玩完笑完下次再接再勵,Party安排埋Kama Delivery嘅美食到會外送,咁就更完滿,一班人嘻嘻哈哈有得玩又有得食,歡迎瀏覽我地網頁或者WhatsApp我地訂購美食外送!

 

【點我查看派對必備外賣】

 

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

 

追蹤我們

FacebookInstagramYoutube

 

 

延伸閱讀

新手訂購到會必睇【網站手機落單圖文教學】

6款好玩Board Game推介【家庭遊戲必備】

Home Party食物大檢閱2021 【懶人攪手必讀推薦】

【派對食物如何度身訂造】

【Party Food 派對食物到會推薦】

【11款開Party大食會餐單ideas】

 

部份圖片出處

https://www.pexels.com

https://unsplash.com

 

 

*未經許可,以上文章不得轉載或引用*