3種日韓台傳統慶祝生日方式

傳統慶祝生日方式 | 3種日本、韓國、台灣的生日食物

3種日韓台傳統慶祝生日方式

一年365日,每日都有人生日,好多朋友經常都需要營造一個與別不同嘅生日會俾身邊嘅人,想俾屋企人、朋友又或者另一伴留下難忘嘅回憶,係唔同國家都有屬於佢地既方式、習俗去慶祝生日呢個大日子,今日小編介紹附近3個國家既傳統慶祝生日方式俾大家認識下啦。

9個特別的慶祝生日方法及活動推介

【9個特別的慶祝生日方法及活動推介】 今年生日點樣同佢慶祝好呢?生日對於好多人黎講都係最重要嘅節日,大家經常都要苦惱頭痕要如何慶祝自己、情人、家人朋友嘅牛一;希望渡過一個難忘、不一樣嘅生日,記念呢個特別嘅moment⋯⋯ 繼續閱讀

韓國傳統慶祝生日方式
1. 韓國 :「미역국을 먹었어요? 」你飲左海帶湯未?

韓國生日海帶湯

韓國既生日(韓文:생일,音:saeng-il)都會飲海帶湯(韓文:미역국,音:mi-yeog-gug),因為韓國人認為海帶含有豐富既鈣同碘,價格又便宜,以前D媽媽生完小朋友,坐月期間就會飲海帶湯,大約會持續一個月去補身同調理身體,例如,幫助孕婦去污血,分泌乳汁、止血等既功效,改善產後可能引起既甩牙、掉髮既問題,所以韓國人一直有呢個習慣,同時紀念媽媽生小朋友咁辛苦,同埋韓國人都會認為飲左海帶湯,會為新既一年帶黎好運。

而家年輕既一代,都會買蛋糕慶祝生日既,係韓國蛋糕店買蛋糕既時候,店員都會問要幾多支蠟燭,事關佢地會用長短蠟燭去代表歲數,長蠟燭代表10歲,短蠟燭代表1歲。另外,韓國蛋糕店係唔會提供紙碟,大家係會一齊分享成個蛋糕嫁。

【小朋友餐】Little Friend Set


免運費的地面交收服務


適合小朋友生日會中享用


按需要加購件數食物


點我查看完整餐單

台灣傳統慶祝生日方式
2. 台灣 :「逢九不過」

豬腳麵線

台灣人點樣慶祝生日?到生日既時候,台灣人會食豬腳麵線去慶祝,由於豬腳麵線有添福添壽既意思,事關豬腳代表「強壯」之意,有祝福壽星能身強體壯、健康平安既含意,而麵線象徵長壽,麵線細長,切忌係唔可以咬斷或者剪斷,因為麵線傳達長命百歲、延年益壽既祝福。

不過要注意一點,台灣人對於生日,都有忌諱既事情,就係每逢9字既歲數,都唔會慶祝嫁,即「歲數逢九不過」,逢九亦分為2種,一種係「明九」,就係9、19、29、39、49等既歲數,另一種係「暗九」,就係9既倍數,例如18、27等既歲數,因為以前流傳「九」係一個關卡,特別容易招致災禍或者病痛,所以大家係唔會特別去慶祝生日。

新年到會外賣2024「龍」重登場【團年飯、開年春茗必備】

【新年到會外賣】 Kama Delivery新年到會「龍」重登場,農曆新年少不免團年飯、拜年聚會、團拜活動或者食開年飯,無論係公司春茗活動還是家庭新年派對,新年到會美食總不能少,響今年嘅新年到會套餐中,人數份量上劃分為4-5人、7-8人、10-12人、18-20人、25-30人⋯⋯ 繼續閱讀

日本傳統慶祝生日方式
3. 日本 :「紅豆飯」

日本紅豆飯

日本人其實以前係無慶祝生日(日文:誕生日,音:Tan-jou-bi)既習俗,自從明治後期(第二次世界大戰)之後先開始出現,最初日本人只會係每年既元旦同屋企人慶祝「生日」,因為日本人都認為係新一年變老了左,佢地一向都無慶祝個人生日既習慣嫁。

不過隨著時代既發展,而家日本人都會開始慶祝生日,邀請D朋友同屋企人一齊慶祝搞下Party,佢地最常食既生日料理就係紅豆飯,因為紅豆飯表達出吉祥如意既美好願望。

而紅豆飯既起源,就要追溯到距離而家約2500年前,當時「紅米」係第一次被流傳到日本。以前日本人會將蒸煮過既紅米用黎祭拜神明,去祈願豐收,當祭拜完後再俾人進食。另外,紅色都會用係神社既鳥居或者墓室壁畫上既顏色,所以會認為具有避邪既力量。隨著稻作技術同時間既變遷,日本人逐漸唔再種紅米,但紅色飯祭拜神明既習慣依然流傳左落黎,係江戶時代中期,日本人就係白飯入面加入紅豆,成為紅豆飯(另稱:小豆飯 或 赤飯(日文:せきはん))既呢個方式就廣為流傳,於是帶有「祈願心意」既紅豆飯,就傳承至今。

日本生日紅豆飯

其實紅豆飯唔止係生日既時候食嫁,因為對於日本人黎講,紅豆飯係屬於喜事之日食既食物,無論生BB、入學、畢業、結婚、退休等人生各個重要時刻裡,或像係特殊節日、慶典、過年等季節性重大日子中都會登場,例如,七五三 (Shichi-Go-San,兒童節)。甚至,日本更係2010年制定左11月23日為「紅豆飯之日」,即係「勤勞感謝日」既國定假日,「勤勞感謝日」係除左表示尊敬外,同時對於自己能夠健康地進行工作而抱有感謝之心,所以係勤勞感謝日呢日會以紅豆飯慶祝。

生日其實除左慶祝自己既誕生之外,大家亦唔好忘記呢日都係媽媽既受難日,所以大家呢日記得感謝偉大嘅媽媽。如果幫小朋友慶祝生日,小編推薦我地既Little Friend Set套餐俾各位媽媽,因為非常多媽媽訂呢個餐同小朋友慶祝生日嫁。另外,我哋貨架上亦有唔同生日會外賣套餐,適合喺會所、Party Room搞生日會用,歡迎瀏覽我哋網頁或者WhatsApp向客服查詢!

點我查看更多到會美食!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|PexelsFreepik

*未經許可,以上文章不得轉載或引用*