【4大水腫成因】飲水與水腫關係你又知幾多？

根據非正式統計，平均每3個香港人就有1個受水腫問題困擾，腳水腫、眼水腫、月經前水腫、面部水腫、產後水腫、下身水腫、老人腳水腫等發生係身體不同嘅部位；水腫成因有好多種，而對於飲水同水腫關係，大家又知幾多呢？大家可能會覺得，飲水個個都會飲啦，但係，大家又有無正確咁飲呢？或者每日飲幾多水先為之正確？飲水多就會水腫？定飲水少先會水腫？幾時飲水會比較好？其實唔講唔知，正確飲水都係一個好大既學問！

香港人，特別係男性或煙民，飲食方面太過重口味，或者太鹹過濃，當食得太多鹽份既時候，會增加腎臟排鈉負荷，引發血壓上升，因體內攝取過多嘅鹽分，使細胞外鈉離子濃度升高，係體內吸附了大量水分，以致血管內體液增加，最終形成身體浮腫、水腫、血壓升高身體會增加鈉，隨住鈉增加，身體水份就會被強留積聚係身體內，咁就會變成左水腫。

下， 又話怕水腫唔好飲咁多水？好多人以為解決水腫就要飲少D水，但其實剛剛相反，反而飲用正確既水量，身體先唔會缺水而自動存起身體內，點樣先叫正確既水量？由細到大都聽到每日要飲8杯水，其實每個人身體都唔同，要點計算？一般基本而言，建議用自己體重去計算，再乘以30C.C，就知道自己每日最少飲幾多水，舉例，體重60公斤既人要飲最少1800C.C 既水，如果要進行飲水減肥，就要乘以40C.C，即係一日飲水量為2400C.C左右。

另外，每日飲既水係咪所有液體都得？美國農業部膳食指南建議飲品盡量飲用清水，或者無味或無熱量既飲品，而且有D飲品含有咖啡因又或者係碳酸飲料，飲得多有機會會導致胃酸過多、焦慮等問題，所以衛生署亦建議每日唔好超過300毫克既咖啡因。

一個人係長時間坐或者站立企係度，腳既循環容易減慢變差，又容易出現浮腫，所謂腳水腫或小腿水腫問題。好多人因為唔同職業關係令自己長時間保持一個姿勢，好似Office人、售貨員、司機等等，所以盡量間唔時換換動作，或每隔一段時間就郁下做下申展動作，坐得多就起身活動下，平時返工企得多，就著對舒適既健康鞋，確保定時有適合既休息時間，避免腳水腫形成！

上左年紀，身體出現種種問題，因為某D疾病而引起水腫，例如肝硬化、心臟衰竭、或腎臟病等，都會出現水腫既問題，或者長期服用某D藥物，例如高血壓藥物，含有類固醇成份嘅藥物，非類固醇抗發炎藥物等，都係引起水腫原因，所以呢類病患者需要跟足醫生指示適當飲水量，去控制水腫問題。

「中醫角度黎講，按穴位都有助消除水腫，大家不妨參考下！」