面試問題【5大見工問題2023】助你踢走搵工絆腳石

面試問題 – 究竟要點應對？

臨近年尾，好多人拎左分紅都心郁郁想跳槽轉工，所謂魚唔過塘唔肥，但見工面試問題往往係求職者嘅地獄，就算你見工經驗再老到，答錯問題隨時都萬劫不復，其實好多難攪見工面試問題係冇標準答案，因為每個hr面試官想聽到嘅答案都唔一樣，佢哋只係想透過答案了解你嘅個人性格、特質，俗語有云「天外有天，人外有人」，一定有做嘢比你更優秀嘅人，但優質性格就唔係人人有，隨咗呢個之外，個人背景亦好重要，呢篇文章唔係咩天書，只係針對一啲難攪嘅常見見工面試問題，剖析面試官想知道啲咩嘢，對症下藥，增加面試成功嘅機會，助你踏上青雲路！

面試問題 – 第1條難攪見工問題—自我介紹

非常基本，但亦同時係好多人嘅惡夢，就係自我介紹。自我介紹最忌長，講半日都唔到題，最重要係眼神接觸，最好成個過程都望住面試官，保持自信，hr想透過你嘅自我介紹了解你嘅個人特質，家庭背景，多於你講到自己有幾適合呢份工作，自我介紹最好分成兩個部分，個人及工作，個人方面，先了解工作需要，例如性格外向、婚姻狀況、有冇仔女等都有關係，因為好多需要加班工作都偏好單身人士、銷售工作需要性格外向；工作方面，最忌擦錯鞋，好多畢業生會稱讚公司規模大，自己可以學到好多嘢，請你唔係嚟學嘢，係你要話俾面試官知道你點樣職在其位幫到公司，更甚嘅係唔好響自我介紹討論人工福利，目的性太明顯會却減誠意，影響面試成功嘅機會。

第2條難攪見工面試問題—點解揀呢間公司？

點解要嚟我哋公司亦係好經典嘅見工面試問題，基本上你自我介紹完冇耐就會出現，面試官想知嘅係你有幾適合，唔係佢間公司有幾勁，每個人都想入大公司發展﹐你話我知我間公司有幾勁你想入嚟做，你配唔配先係重點，面對呢題見工面試問題，係表現出我知你間公司嘅規模大，所以先適合我嘅發展，要有果種因為你公司先配得上我嘅氣燄，係因為你公司需要我，所以我選擇你公司，自信係每間公司想要見到嘅性格特質，但唔係自吹自擂，有幾多講幾多，配合到你面試嘅職位需要就可以。

第3條難攪見工面試問題—離職原因

上一份工離職原因，基本上一定會問，因為呢題見工面試問題關連到歸屬感同忠誠度，對公司歸屬感愈高，工作表現愈好，最忌係講上一份工有咩唔好、上司唔好、老闆唔好、福利唔好經常OT等等，顯得自己懦弱，你今日講得上一間公司有幾差，他日你都會咁講我間公司，所以要表達嘅係自己舊公司好好，但人望高處，自己嘅才能、經驗亦達到相當程度，良禽擇木而棲，亦係時候響一間適合自己發揮所長嘅公司，長期發展作出貢獻。

第4條難攪見工面試問題—接受OT？

你願意加班工作嗎？呢題見工面試問題唔係表面上咁簡單，你以為單純話答句我願意就可以共諧連理，咁你就大錯特錯，冇一個打工仔願意加班工作，你以為公司想你加班？燈油火蠟唔駛錢咩？你盲中中話我願意，證明你冇思考能力，因為你了解過工作內容，你絕對有能力響工作時間內完成你嘅工作，唔會加重公司嘅負擔，但如果公司有額外嘅工作分配，為咗公司嘅利益，會願意配合加班工作，呢題常見見工問題算係陷阱題，面試官想聽嘅係你臨場反應，唔通有求職者會答加班不了咩，個個都答願意架啦，咁呢題見工面試問題仲有咩意義呢？

第5條難攪見工面試問題—處境題目

最後一題通常都係處境題，想了解嘅係應變能力高低，當遇到呢類見工面試問題，首要嘅係唔好慄，因為一般冇標準答案，甚至面試你果個都未必答到，佢亦唔預期你會答到，但你遇上難題嘅反應係佢最想觀察嘅，甚至會直接role-play，特別係管理階層職位或銷售職位，你未必可以直接解決佢嘅問題，但應變能力可以幫你避重就輕轉移視線，所以你其實唔需要斟酌佢問嘅問題要點答，係要諗點兜彎同天馬行空，例如佢會話同樣嘅產品或服務，人地平百分之五，我地堅持唔減價，個客又嫌貴，你會點做？冷靜沉默扮思考數秒先回答，你唔需要同佢斟酌價錢，應該針對你個人優點、公司品牌、附加價值等轉移視線，用你急才口才通關！

當然，如果你唔需要尋尋覓覓，得到公司重用扶搖直上平步青雲，見工面試問題你雖然唔駛理，但升職加薪都要同同事慶祝一下，Kama Delivery新推出嘅小食盒、野餐盒內容豐富，非常適合訂嚟賀升職，若然你搵到更好嘅工作，前途無量，作為散水餅同樣啱駛又得體，歡迎隨時WhatsApp我哋或於我地網站訂購查詢，預祝各位仕途順順利利！

點我查看賀升職外賣美食

聯絡我們

WhatsApp 查詢／訂購熱線：5188 0757 / 6599 9941

Email：info@kamadelivery.com

追蹤我們

Facebook．Instagram．Youtube