5招改善讀寫障礙 【家長必讀策略】
讀寫障礙,又稱失讀症,即係小朋友並無智力發展問題,但偏偏對於閱讀及書寫文字舉步維艱,讀寫障礙學童無辦法專注閱讀、連續書寫文字等問題,但大部分學童一般心散,容易被周邊事物影響,專心閱讀做功課本身已經艱難,所以往往發現學童有讀寫障礙都唔係家長,而係學校老師,如果孩子本身確診專注力不足過動症,好大機會會伴隨讀寫障礙,望子成龍嘅家長面對讀寫障礙千萬唔好急,失讀症學童亦希望同其他同學一樣學習,壓力太大會打擊佢地原本已經所剩無幾嘅自信,會更加討厭返學讀書,今次同大家分享5招策略幫助失讀症學童緩減閱讀時出現嘅困難,但並非根治,因為現時並無百分百治癒嘅方法,但至少令失讀症患者減低學習時嘅痛苦!

所謂上天閂左你道門,會開返隻窗俾你,好多讀寫障礙患者不但智力冇問題,反而比其他人高,甚至係某方面嘅天才,物理學家愛因斯坦、已故蘋果公司總裁喬布斯、發明家愛迪生、影星湯告魯斯、香港音樂作家盧冠廷等都係讀寫障礙患者,但響某方面嘅發展卻成就非凡,作為家長應該關注孩子嘅天賦,尤其係藝術方面,唔好一味追求學業成績,糟蹋孩子天賦。
點分學童係唔想讀書定讀寫障礙呢?可以留意孩子有冇以下失讀症特徵:

1. 分唔清形狀相似嘅文字,例如木同水、土同士、目同月等,可能寫寫下會寫錯而不自知。
2. 詞語同單字錯亂,例如幸運一詞,見到會讀啱,但如果拆開,失讀症患者會將運讀成幸。
3. 寫字一般上面大下面細,例如寫草花頭、竹花頭嘅文字會非常明顯。
4. 左右顛倒,例如木字邊、言字邊係響左邊,讀寫障礙學童往往會寫咗右邊。
5. 寫字經常多一劃少一劃,冇人提點自己唔會發現。
閱讀障礙除咗有程度之分外,主要分成兩個類別,如果發現學童出現閱讀障礙,可尋求專業人士協助確定種類,對症下藥。
1. 讀寫障礙

即係上文提及過,可以理解文中意思,但閱讀獨立文字或詞語都感到困難,閱讀時容易跳字跳行,寫作時亦難以連續書寫,朗讀、表意上有困難。
2. 理解障礙

同讀寫障礙相反,有閱讀獨立文字或詞語嘅能力,但當文字詞語連結起嚟成為長篇文章,就理解唔到文中意思。
5招改善讀寫障礙 【提升兒童的學習能力】
家長可以點幫助失讀症學童?當然可以尋求醫生或專業人士嘅幫助,但響陪太子讀書嘅時間,可以透過以下5招策略,幫助佢地更容易接受讀寫文字。
策略1. 幫助孩子建立閱讀節奏

以手指或筆尖帶領孩子閱讀,可以觀察到孩子嘅閱讀速度,同佢地一齊搵出最舒服嘅速度,可以提高孩子嘅閱讀興趣,同時可以加強讀寫障礙學童嘅專注力。
策略2. 簡化閱讀介面

讀寫障礙在閱讀時,容易跳字甚至跳行,所以選擇閱讀素材前,應該選擇字體大、間距大嘅書籍,減少跳字或跳行嘅機會。
策略3. 以遊戲形式進行認字

例如在沙灘上寫字,或者將認字加入親子遊戲當中,遊戲中嘅孩子會特別集中,但對於失讀症孩子應避免談輸論贏,挫折會打擊孩子自信心,連玩遊戲都冇動力。
策略4. 開啟多感官學習模式

策略5. 以鼓勵代替責罵

失讀症除咗令孩子學習崩潰,更會令家長心情始起彼落,剛剛教完嘅字可能眨吓眼忘記得一乾二淨,做家長千萬唔好氣餒,反而要鼓勵孩子再接再厲,你發洩完對孩子嘅學習毫無幫助,讀寫障礙唔係一種罪,係一種病,更加唔好開口埋口同其他正常學童做比較!
「或者大家可以參考一下網上教材,某程度上都可以幫助到小朋友學習!」
5招改善讀寫障礙
父母嘅倍伴同鼓勵對於讀寫障礙學童有強大嘅幫助,響學校同學唔理解,會做成自我形象低落,連父母都唔理解,孩子孤獨感會凌駕一切,趁假日一班寶爸寶媽帶小朋友開返個Party,交流經驗對了解小朋友有莫大幫助,Kama Delivery有專門為小朋友開生日會或者聯歡會嘅美食外賣套餐,營養均衡,亦可因應在場人數調整食物數量,歡迎瀏覽Kama Delivery網站或者WhatsApp我哋查詢訂購!
聯絡我們
WhatsApp 查詢/訂購熱線:5188 0757 / 6599 9941
Email:info@kamadelivery.com
追蹤我們
延伸閱讀
*未經許可,以上文章不得轉載或引用*