【5款口紅顏色推薦】夏日扮靚靚必睇

【5款口紅顏色推薦】夏日扮靚靚必睇

市面上有咁多口紅，顏色又咁多，每個牌子都咁多新款式，點㨂好？精緻既妝容，又點少得令到整體妝容突出既口紅呢？而且，唔同既口紅都會有唔同既功效，例如唔同品牌既口紅，會有唔同色號，亦有分絲絨同霧面質感，亦有分唇膏，唇彩，唇蜜等。香港地下天又熱又濕，究竟邊啲唇膏、口紅先適合？

首先，顏色方面，而家通常會用2種色調去㨂口紅黎配合自己膚色，暖色調（另稱： 黃調，黃底肌，英：Warm Toned）同冷色調（另稱：藍調，藍底肌，英：Cool Toned），點樣知道自己櫻桃小嘴係屬於邊種色調，最簡單方法，就係睇下自己係曬傷既時候，皮膚會唔會變紅，定係直接變成黑（小麥色 Wheat Skin或 古銅色 Bronze Skin），如果馬上變紅就係藍調，變黑既話就係黃調。合適藍調皮膚既口紅顏色，可以考慮裸粉色或桃紅色，因為本身皮膚膚色都類近粉色，所以適合粉色系。而膚色類近奶油色既人，可以考慮橙色系口紅，例如珊瑚粉，或者鮭魚粉色（英：Salmon Pink）。

雖然而家出街都仲要帶口罩，但同朋友聚會，點都要化下妝，影相打下咭，加上各大名牌都推出夏季新款口紅，小編今日推薦幾款夏日口紅俾大家，YSL-全新絕色輕霧唇膏系列，網紅叫黑絲絨煙管唇膏禁忌緋紅。

YSL出既呢個系列口紅「始於緋紅，終於赤裸」，以「#1966自由罌粟紅」呢個主打色為主，配合其他唔同6種程度既色調，調製出呢個以「裸唇」為主既系列。同時，係YSL第一次用天竺葵，加入荷荷巴油等多種保濕及保水成份，令到妝容更持久貼服。

「#1966罌粟緋紅」，被稱為「改變氣質的神級唇色」，非常顯白既色調，「顯白天花板」。靈感來自於1966年YSL發表既第一套煙管褲裝，係紅中帶有橘既罌粟紅色調，亮點就係非常顯白。

「#311赤裸野桃」就係帶有薰衣草紫調既灰粉玫瑰色，塗上小咀舒適無負擔，顏色突顯氣質，又高雅百搭，大受少女歡迎，想夏天更具誘人魅力就岩晒！

「#314 禁忌栗紅」係社交網絡討論度超高既一款口紅唇膏，因為#314 顏色好似被烤過既栗子配色，感覺獨特，同埋不會令人覺得暗沉，帶有歐美風格。

點解將2款擺埋一齊？因為「#312 裸蜜杏紅」同「#315 迷情赤紅」色調上都非常接近，被稱為雙胞胎口紅，#312顏色帶有少少朱古力色調，而#315係高級版既「焦糖柿紅」，2款都係搽上咀唇之後，令人感覺氣質高雅，奢華氣場完全唔同晒。

最後當然要介紹埋「#313 裸身赤愛」，偏向橘色調，非常適合夏天搽，顏色鮮艷又迷人！