【5種素食分類｜究竟食齋係咪就健康？健康素食又要點？】

純素直情唔用有動物成分嘅食物，包括奶、蛋、甚至蜂蜜，甚至植物五辛即蔥、蒜、韭、洋蔥同興蕖，佛教徒亦嚴禁食用五辛，所以基本上好多純素者都係佛教徒，唔止食，純素者甚至著衫或者用品都唔會用有動物成份嘅嘢，包括皮草、羽絨等，可謂將食齋推至最乾淨嘅境界，亦會拒絕使用任何經過動物測試或實驗嘅化妝品，身體力行愛自己、愛動物、愛地球，唔少人應為食齋食到咁盡，身體都唔慌好得去邊，畢竟有好多營養需要響肉類中攝取，但有唔少純素運動員都響比賽中獲得佳績，正正證明純素者並非病夫。

奶素者依然秉持素食原則，但食齋之餘，係會接受食用奶類副產品，如芝士、酸奶等，是否會直接飲用牛奶或者食用五辛則因人而異，牛奶副產品亦含豐富鈣質，有助素食者攝取鞏固骨骼健康。

同奶素者差唔多，蛋素者會食用蛋類製品如蛋糕、煎餅等，但唔會食用動物嘅肉或奶類製品，會唔會直接食蛋或者五辛則因人而異，蛋類製品如蛋糕含豐富動物蛋白質，有助素食人士提升免疫力。

呢類素食人士比較多選擇，蛋奶素者會食用蛋類及奶類製品，食唔食五辛因人而異，好處上面已經介紹過，只係響唔觸犯素食原則上攝取食用動物嘅營養，亦因為冇純素咁齋，容易持之以恆。

同純素者大致相同，不過會食用五辛，但五辛都係植物，點解純素者食齋又唔食得呢？五辛咪味道重，帶有刺激性，容易影響脾氣，所以修佛之人亦唔會食用五辛，亦令五辛成為素食者種類中嘅一員。