6個必睇外國美食電視節目推介|美食到會外賣餐飲服務|Kama Delivery Service

 

外國美食電視節目推介

 

唔知大家有無一個習慣就係食飯之前一定要開部劇出來,一路睇一路食呢?😏😏究竟點解食飯+煲劇可以甘夾?因為睇劇所帶來嘅歡樂心情可以大大增加食欲,所以好多人都養成左呢個習慣。無論男女老少、一家大細,小編記得阿媽以前食飯係要追住「來自星星的你」一路食一路睇,從不缺席🤣🤣。小朋友唔食飯係經常發生嘅事,阿媽就會獎勵佢睇卡通片條件係要食飯😏😏。除左普通嘅劇集之外,亦有好多人中意睇美食節目,因為美食節目更能激發食欲,小編今次就為大家介紹一些唔錯嘅外國美食類節目,如果喜歡烹任嘅你就更加不能錯過。

 

 

1. Master Chef

 
Master Chef|外國美食電視節目推介

 

人人講起美食節目都會諗起Master Chef,就好似講起喜劇就會諗起周星馳一樣,係一個代名詞。劇中有比賽嘅緊張氣氛,亦有喜悅,難過嘅節目氣氛帶去,其中嘅亮點就係入面嘅美食不限種類地區,更重要係廚師全部都係業餘嘅人士,來自五湖四海包羅萬有,精彩絕倫!😆😆當然最大嘅賣點就係世界級廚神「Gorden Ramsay 」,無論係氣質或是廚藝,無可挑剔,作為金字招牌屹立每一季綜藝美食節目榜。

 

 

2. Chef's Table

 
Chef Table|外國美食電視節目推介

 

Chef's Table係由一眾世界著名嘅大師級廚師👨🏻‍🍳Gaggan Anand, Massimo Bottura, Alex Atala等為你深入介紹高級餐廳嘅廚房係如何運作?高級嘅食材如何選擇?高級嘅料理作品係如何創作出來呢?每一位廚師對食材嘅追求與自己對美食嘅信念都一一傳達,一邊欣賞美食界嘅交響樂,一邊可以了解更多料理嘅技巧。十分值得推薦比每一位「食家」享用😆。

 

 

3. Julie & Julia

 
Julie & Julia|外國美食電視節目推介

 

Julia係一為居住法國嘅美國人,佢希望將自己嘅食譜發揚光大,可惜出版後銷情慘淡。而Julie係一名客服部嘅小職員,升職無望嘅她聽聞朋友透過寫Blog成功突圍,自此佢亦受到啟發想做一名Blogger。由於佢廚藝不精,無辦法寫出好嘅教材Blog,靈機一動選擇左一本不知名嘅食譜書,書中有524道料理菜式,經過一次又一次嘗試,佢嘅blog人氣慢慢升高,亦推動左Julia嘅食譜書暢銷,因為Julie係Blog有寫埋自己對呢本食譜嘅心得同技巧,令到大家更能明白食譜嘅吸引之處。片中除左Julie一次次食材後最終成功煮出美味嘅食物外亦帶出堅持總會有出路,非常勵志動人,值得觀看。

 

 

4. 尹食堂

 
尹食堂|外國美食電視節目推介

 

尹食堂係韓國嘅美食電視節目,一班毫無廚房經驗嘅演員去一個陌生嘅城市開一間韓式嘅餐廳,一來可以推廣韓國嘅美食去世界各地,亦可以服務係世界各地嘅韓國人,包括留學生,或者簽證工作者,可以品嘗到自己嘅家鄉味道。由食材嘅採購,處理到烹調,可以見到演員們一步步進步,亦有演員們嘅"獨家食譜"供大家學習。節目帶來美食、歡樂,亦有唔少令人感動嘅片段,係一部富有人情味嘅飲食節目😍。

 

 

5. Hairy Bikers: Mums Know Best

 
Hairy Bikers: Mums Know Best|外國美食電視節目推介

 

由BBC製作嘅另類美食節目,兩個土生土長嘅英國人,透過電單車遊行英國各地區,探訪各地嘅村莊、農場,收集各地即將失傳嘅食譜,除左美食與廚藝嘅展現,更多嘅係路途中嘅風景,人情味以及每份食譜嘅由來及其代表嘅意義。隨著節目嘅發展現時已拓展到全世界,香港,日本,韓國等等國家,唯一不變嘅依然係騎電單車出行,非常值得一睇嘅影視節目,開闊大家嘅眼界!

 

 

6. Ugly Delicious

 
Ugly Delicious|外國美食電視節目推介

 

Ugly Delicious係由Netflix出品嘅美食記錄片,主持人為著名嘅大廚 David Chang 主持,佢係一個韓國人卻成功係美國建立飲食帝國,甚至一度登上 「Times」雜誌封面,靠嘅就係不斷摸索同創新。該記錄片所表達嘅就係美食唔應該有限制,唔應該有權威,或者唔應該一成不變麻木堅持「正宗」,廚師需要永遠保持對食物嘅好奇心不斷創作!例如Pizza,意大利人永遠覺得意大利嘅Pizza先係正宗嘅Pizza,一定要落San Marzano番茄同水牛芝士嘅薄餅先可以稱為正統Pizza,意大利人最不屑就係聽到Pizza 加火腿同菠蘿,透過邀請唔同人士品嘗探討正宗與創新之間如何平衡?正如David Chang講:「堅持正宗,是否就失去創新?提出改變,是否在抗衡傳統?」值得大家深思探討!

 

 
Kama Delivery|美食到會外賣服務|專享各種優惠

 

我地Kama Delivery定時定候都會一齊睇下唔同嘅飲食節目,一班同事嘻嘻哈哈之餘又可以吸收一下新事物,廚師同事每次更加係金睛火眼,可能睇電視有助激發大家料理創作思維,話唔定下一個新嘅到會菜式就係咁樣練成🤣!

 

▶ 訂購到會套餐傳送門 ◀

 

WhatsApp: 5188 0757 / 6599 9941        Email: info@kama.hk

 

 

延伸閱讀

訂購到會服務熱門問題【不斷更新】

5L桶裝珍珠奶茶【派對外賣必飲】

【飲品到會重新定義】

【派對食物如何度身訂造】

【家庭聚會Party Food到會推介】

 

 

部份圖片出處

https://www.pexels.com

 

 

*未經許可,以上圖片及文章不得轉載或引用*