家庭遊戲【6款好玩必備Board Game推介】

家庭遊戲【6款好玩必備Board Game推介】

漫長疫情改變我地嘅生活，多左時間留係屋企，無論係父母定還是兄弟姊妹，翻工又或者翻學都受到唔少嘅影響。既然多左同屋企人係屋企相處嘅時間，何不好好把握增進大家感情呢？通常我地翻到屋企都係自己煲下劇又或者電話粥，甚至鎖自己係間房度打機，碌IG、 FB，幾乎每日都機不離手，變相即使係屋企都好似隔住棟墻，可能人越大越同父母弟妹有距離，難以搵到共同嘅愛好。今次小編就為大家介紹一D老少皆宜嘅家庭遊戲，好玩樂融融嘅Board Game桌遊推薦比大家係家中同屋企人互動娛樂🙌🏻。

1. 大富翁

大富翁作為經典中嘅經典遊戲，曆久不衰，絕對係Board Game界嘅不老傳奇！有好多人會認為大富翁毫無新意，唔好玩。甘你就錯啦，大富翁其實力求創新，一路以黎出左非常多款不同版本嘅大富翁，例如：復仇者聯盟、權力的遊戲、馬里奧版本、地產大亨、最快版、最長版本等等，就好似Air Jordan 1咁出左多年都不停換顏色去吸引人穿著。

2. 三國殺

三國殺作為風靡一時嘅Board Game王，培養左非常多高級演員嘅玩家，透過精湛嘅演技同高深嘅臥底策略，帶來樂趣嘅同時亦很好訓練了我地嘅思維能力，簡直係一舉多得。小編還記得中學時期每晚放學都要同同學們玩翻鋪，甚至中史老師亦不時加入戰場令難度升級，其吸引程度拍得住「LOL」，其實同大富翁一樣，三國殺亦推出左好多唔同嘅版本，現代殺、海賊殺、演員殺等等，真係好玩又值得推介！

3. 狼人殺

如果話三國殺培養高級演員嘅玩家，甘狼人殺培養嘅係奧斯卡級數嘅影帝玩家。作為現時最為流行嘅Board Game係全球盛行，網絡比賽甚至綜藝遊戲節目都頻繁出現，例如係台灣嘅「娛樂百分百」度就有一個《凹嗚狼人殺》嘅單元。其魅力係在於唔單止桌遊玩家感受到樂趣，連旁觀者都樂趣無窮，其精髓在於了解遊戲規則後，發揮演技搭配出色嘅演講技巧，好似無間道嘅梁朝偉，係兩邊來回遊走力求生存，非常建議Present能力較弱嘅朋友仔不妨試試鍛煉自己，一家大細家庭遊戲玩一流！😎

4. 我是大老闆

近幾年比較冷門嘅Borad Game，可能好多人都未曾聽過，但小編可以非常負責地講「我是大老闆」係好玩嘅遊戲。正所謂無商不奸，係遊戲裡面每一位都係白手起家嘅商人，透過商人（玩家）之間嘅交流與協商，而去決定是否達成呢單生意？應該同邊個合作先可以令利潤最大化？如何係一眾合夥人中脫穎而出？如何討價還價？究竟誰最終先係最後贏家？係互動之餘培養自己與人談判嘅技巧同能力，非常值得推介！🤩

5. 誰是臥底

相比前面幾款難度較高嘅Borad Game推介外，誰是臥底相對比較輕鬆好玩，少左爾虞我詐，討價還價嘅戲碼，靠對生活嘅認知能力，去判斷究竟大家手牌係咩物件，再加以融入，相對適合屋企有年齡較細嘅小朋友，認知多D，諗多D，估下誰才是臥底，絕對係兒童桌遊之選。

6. 阿瓦隆

阿瓦隆係以圓桌武士亞瑟王為故事背景，主要係陣營嘅對抗，如何可以團隊合作完成任務，如何隱藏身分對抗敵營？陣營對抗類型遊戲的代表作，遊戲過程中壞人要猜誰是梅林，好人陣營既要保護梅林又要讓任務成功，完全就係心理戰鬥同策略佈局嘅遊戲。相比起前面嘅Borad Game推介，阿瓦隆嘅優點係容易上手又好玩，每場嘅遊戲對抗時間也不會太長，增加玩家之間嘅信任合作，間中放下水更加可以令到大家友誼升溫😝😝。

　新推出　

訂購到會服務熱門問題【不斷更新】

【跨區外賣速遞推介】 最快30分鐘送到你手上

【家庭聚會Party Food到會推介】

到會餐單推薦2023【過百款美食選擇】

Home Party食物大檢閱2023 【懶人攪手必讀推薦】

【飲品到會重新定義】

登入

註冊

【跨區外賣速遞推介】最快30分鐘送到你手上