新手主人必讀文章|8件養哥基狗你要知道的事|Kama Delivery西式到會外賣公司

 

【8件養哥基狗你要知道的事】​

 

哥基狗全名「威爾斯柯基犬」(Corgi),屬於牧羊犬品種,主要分成「卡狄肯威爾斯柯基犬」和「潘布魯克威爾斯柯基犬」;雖然佢個樣生得Cutie腳又短,但佢的確同邊境牧羊犬,甚至作為警犬嘅德國牧羊犬屬同一犬種,飼養智商排名高居第11嘅哥基狗,訓練起嚟都冇咁吃力,但當然你要夠耐性,由於哥基狗對唔同事物有極大好奇心,而且膽大包天,如果你唔響屋企,返到去見到滿目瘡痍,唔好奇怪,訓練不足雙方都有責任,唔好一味話佢過動活躍,養狗仔唔單單係娛樂解悶工具,同小朋友一樣需要嘅係耐心教育、循循善誘,唔係高壓呵責就用嘅!

 

_____________

 

「不棄養,不傷害」係對寵物嘅基本尊重,可惜結果事與願違,越受歡迎嘅狗種如哥基犬,棄養趨勢上升,更有一隻哥基犬被棄養三次嘅情況,幼年哥基BB因為體型細小,屋企範圍唔駛好大,而且樣貌可愛,容易令人一見鍾情,所以深受都市人喜愛,但因為養之前冇了解哥基狗有咩特點或者需要注意咩事項,一覺得麻煩就棄養或者送俾人,極不負責任,所以希望大家養任何竉物前,了解下自己適唔適合養寵物先,尤其是如果你有意養哥基狗仔,你睇哂成篇文章再決定,三思而行,犬隻被棄養後會對人類有所防備,接二連三嘅棄養可能會演變成敵意造成極大陰影,直接影響寵物遇上好主人嘅機會。

 

_____________

 

哥基狗8大飼養要點

 

_____________

 

1. 腳短易污糟,要常注意清潔

注意清潔|8件養哥基狗你要知道的事|Kama Delivery美食速遞外賣

 

哥基狗天生腳短,人稱矮狗,底盤都低,肚仔毛容易污糟,尤其落街放電,污水、泥濘等會黏住毛髮,藏污納垢,易引起皮膚病,所以每次落街後都必須徹底清潔,如果你嫌麻煩嘅話,請你諗清楚,但如果你已經養緊,請你堅持做好護理喇!

 

_____________

 

2. 為食易肥,要注意狗狗飲食

注意飲食|8件養哥基狗你要知道的事|Kama Delivery美食速遞外賣

 

哥基狗非常為食,見到狗仔賣萌一刻,有好多主人都抵受唔住誘惑,因為太過溺愛,咩都俾狗狗食,令狗狗容易癡肥,影響內臟及骨骼健康,每餐份量必須適中,營養要均勻,加上唔好懶,哥基犬作為畜牧犬,需要嘅運動量極大,定時運動亦有助哥基犬減重,癡肥會狗重哥基犬嘅行動負擔。

 

_____________

 

3. 叫聲洪亮,咩都吠一餐

叫聲洪亮|8件養哥基狗你要知道的事|Kama Delivery美食速遞外賣

 

好奇心重嘅哥基狗,叫聲非常洪亮,屋仔細細隨時聽到餘音,隔離屋亦會受到哥基犬叫聲所波及,無論係有人開門、電話響、多士機果下叮一聲會隨便引發哥基犬一輪偉論發表,而且屋企有細路、老人家亦容易俾突如其來嘅叫聲嚇親,所以養之前除左自己嘅問題,都要考慮埋屋企適唔適合。

 

_____________

 

4. 毛量大,換毛期長

換毛期長|8件養哥基狗你要知道的事|Kama Delivery美食速遞外賣

 

哥基犬對比邊境牧羊犬嚟講,望落去好似毛量唔係大,咁你就大錯特錯,哥基犬毛量絕對唔細,足夠包覆你間屋每個角落,換毛一年兩次,三月到六月及九到十一月,換毛期可持續幾個月至半年,呢樣野係比較煩心,但主人們請多包容,唔好因為哥基犬換毛感到煩厭,因為換毛期間,更加要多啲梳毛,好好適心護理。

 

_____________

 

5. 時刻關注哥基狗脊椎健康

脊椎健康|8件養哥基狗你要知道的事|Kama Delivery美食速遞外賣

 

天生腳短,要負荷體重本身已經難,上面講過哥基犬仲要容易肥,成犬10公斤至20公斤係唔出奇,長年依賴4隻短腿支撐唔容易,所以為左哥基犬脊椎健康,除左上落樓梯最好抱住之外,控制體重亦係不二法門,養哥基犬,可以美臀,但必須健美。

 

_____________

 

6. 運動量大,需要放電

運動量大|8件養哥基狗你要知道的事|Kama Delivery美食速遞外賣

 

香港地小人多,寸金尺土,哥基狗偏偏好動活躍,對運動量需求大,除非你屋企好大夠佢跑,否則主人最好每日可以帶毛孩放電兩次,Weekend去下公園放電順便野餐chill下,運動量唔夠,屋企又冇地方活動,狗狗容易抑鬱成病,每次放狗最好15-30分鐘,亦有助狗狗伸展筋骨,精神爽利!

 

_____________

 

7. 腸胃差,易肚屙

腸胃差|8件養哥基狗你要知道的事|Kama Delivery美食速遞外賣

 

哥基犬身為咁為食嘅狗狗,但好唔好彩地擁有一副比較差嘅腸胃系統,一食錯野隨時上吐下瀉,建議採用含益生菌嘅狗糧,有助提高狗狗免疫力,同時保護腸道健康,除左保健,當然不忘預防,哥基狗好為食亦唔挑食,但有啲野無論佢點嗲你賣萌,你都要堅持護食,護住唔好俾佢食呀!

 

_____________

 

8. 哥基狗忌食清單

忌食清單|8件養哥基狗你要知道的事|Kama Delivery美食速遞外賣

 

【生肉】生肉細菌含量極高,以哥基犬咁弱嘅腸胃盞又痾又嘔,肉類必須高溫煮熟,再待冷卻才可作用狗食。

【高鹽食品】上文提過哥基犬本身已經是脫毛高手,過量攝取鹽分會令毛孩脫毛加劇,絕對要注意。

【易碎、尖銳骨頭】雞、鵝、鴨的骨頭易碎,邊位銳利,對哥基狗本身已經弱的腸胃可謂落并下石,會令毛孩腸胃出血、便秘等,應以牛、羊大骨頭取代,唔易碎仲磨埋牙添。

【油膩食物及甜食】哥基犬屬易胖體質,油膩食物及甜食容易令毛孩肥胖,加重脊椎負擔之餘,亦會誘發一系列疾病如糖尿病、心臟病、腎病等。

 

_____________

 

注意飲食|8件養哥基狗你要知道的事|Kama Delivery美食速遞外賣

 

最後一項是陪伴,哥基狗非常黏人,主人再忙亦應該多抽時間陪伴毛孩,最好家庭成員中有人可以長時間陪伴毛孩,避免毛孩覺得孤獨,呢項唔只哥基犬,任何寵物都需要主人陪伴,否則容易出現行為問題,而往往狗狗嘅行為問題主人都未必察覺關自己事,所以做主人之前,應全面審核自己的時間,如果真係冇時間,純粹做一個餵食員,咁不如唔好養寵物,最後提提大家,支持領養,不購買!

 

🔼「果籽」介紹哥基狗仔  🔼

 

Kama精緻小食野餐盒|與毛孩野餐必備之選|Kama Delivery到會外賣服務
 

暑假帶毛孩放電,最好梗係去野餐熱點,如西九海濱長廊、山頂公園、大埔海濱公園等,都係寵物友善勝地,哥基犬可以響草地自由奔跑,同時間又可以認識下其他狗仔,滿足佢嘅運動需求之餘,主人一邊欣賞大自然,假日遠離石屎森林,心曠神怡一下,一邊食住Kama Delivery嘅野餐盒,味道好顏值高,司機會直接送到指定場地,歡迎於我地網站或WhatsApp我地訂購!

 

【點我查看野餐盒外賣】

 

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

 

追蹤我們

FacebookInstagramYoutube

 

 

延伸閱讀

新手訂購到會必睇【網站手機落單圖文教學】

【飲品到會重新定義】

野餐食物外賣推薦【懶人包系列】

狗狗生日Party點慶祝?【3個寵物派對場地推介】

【狗仔寵物美容服務】奴才新手必讀 護理點止扮靚咁簡單?

【10件養松鼠狗你要知道的事】

 

部份圖片出處

https://www.pexels.com

https://unsplash.com

 

 

*未經許可,以上文章不得轉載或引用*