8個有效減壓的方法

 

香港 = 堅「離」地城?

 

香港作為世界上數一數二壓力大嘅城市,皆因樓貴車貴讀書貴樣樣貴,在這急促生活節奏嘅城市裡,壓力嘅形成和增加都非常之快。難怪反映貧富差距指標嘅「堅尼系數」一直高企不下,2016年公佈數值為0.539,根據聯合國指引一個城市數值0.3以下情況良好,0.4係警戒線,0.6以上有可能引發社會暴亂發生;數值每5年發佈一次,小編覺得係2019下半年香港已經靜雞雞衝上0.6呢個關口……

 

壓力普遍存在於世界各地每一個角落,每一個人都有屬於佢自身嘅壓力。壓力過大輕則失眠失調,重則精神錯亂一心尋死。 稍微一不留神,壓力已經可以令到身體機能急速下降,不知不覺患上各種疾病,極端者甚至走向人生嘅終點。所以舒解壓力變得非常重要,今次就為大家介紹8招常用嘅減壓方式啦!

 

 

 

第一式:吐苦水大法

 

跟知心人吐苦水有助減壓

 

正所謂「三五知己,圍爐吐苦水」,當心中積壓情緒壓力過大就好想宣洩出來,覺得屋企人或另一半唔理解你,呢個時候就要搵知心人出來傾訴。搵一個安靜嘅環境,例如係清吧或者係西餐廳,嗌幾杯啤酒幾個小食,盡情表達內心不滿。醉意上頭,呢一刻所有煩惱壓力都頓時消失嗮!唯一缺點就係知己難求,大家一定要好好珍惜身邊人!

 

 

 

第二式:睡眠大法

 

充足的睡眠有助減壓
 

小編經常幻想自己生活無憂無慮,「住洋樓、養番狗」日日吃好西。呢個時候就會聽到另一個我既內心os: 發夢冇咁早啦你!其實訓返個好覺發下白日夢,絕對係舒壓好方法。

 

睡眠最主要係放鬆腦神經同身心,令自己身體進入一個最舒服嘅狀態,並且一訓覺就會同外界斷絕,隔絕煩惱。進入夢鄉享受自己潛意識構造出來嘅理想生活,通常現實嘅壓力或者煩惱往往可以係夢里浮現,例如,現實中你好想擁有名牌手袋、豪華跑車、靠海大別墅;甚至有機會係夢中可以諗到現實煩惱嘅解決方法添,小編都忍唔住想即刻去「發夢」!如果平時煩惱多又少出街,不妨在家中「發夢」啦!又或者選擇海邊度假屋或者海灘,吹住海風來訓,效果都唔錯架!

 

 

 

第三式:行山大法

 

行山有助減壓
 

喜歡享受大自然,約埋朋友,帶齊裝備行山亦係非常有效嘅方法。香港除左海畔多,山亦好多。行山係運動之一,運動除左可以令你身體健康,同時亦令頭腦變得清醒,讓自己更容易諗到解決方法。 可謂一舉兩得。

 

加埋行山可以欣賞沿途風景,selfie一下同時呼吸新鮮空氣,與大自然融為一體,爬得越高風景自然越優美,增加自己對生活嘅幹勁,自然事半功倍。不過現時嘅人對行山嘅慾望越來越低,所以會比較難約人一齊行山,記住宜家肯陪你出來行山嘅都係「真愛」吖!特別留意,切勿係翻工時間去行山,否則唔單止舒緩唔到壓力,可能會比人扣埋花紅添!

 

 

 

第四式:Shopping大法

 

購物有助減壓但謹記要量力而為
 

對於小編黎論,購物係終極有效嘅方法,能醫百病、萬事萬靈!最好就係任性任意瘋狂盡情去買!即時咩壓力煩惱通通唔記得嗮。

 

而對平時生活上種種不如意或倒霉時,將平時唔敢買,唔捨得買,盡情掃晒佢返屋企,相信無咩事係一個Hermes或者一隻Rolex搞唔掂嘅,買一件唔夠買夠兩個三個,買到滿意為止!諗起小編都有小小興奮,可惜「這些機會不是屬於我的」

 

當然呢個方法唔係人人岩用,各位都要量力而為,免得有反效果出現,解決完一個問題帶來另一個問題就唔好啦!

 

 

 

第五式:煲劇療法

 

煲劇有助減壓
 

煲劇療法廣泛又大眾化,不論係煲電視連續劇、綜藝節目、電影,總有一樣你岩睇!

 

小編首推電視劇,出色嘅電視劇情節通常能夠扣人心弦,忍唔住追完一集又一集,令人沉迷其中,睇睇下壓力煩惱亦隨之而忘記!

 

  •  喜劇,透過戲中搞笑嘅情節配合演員獨到嘅演技,令自己身心愉悅開懷大笑。歡樂往往係解決煩惱最直接嘅方法,小編亦經常睇喜劇令自己開心愉悅減少煩惱。

 

  • 悲劇,悲劇嘅劇情通常都好慘,令人心生憐憫,睇到人地甘慘而比較自己時,就會覺得自己嘅煩惱壓力可能都唔係咩大不了,從而身心得到釋懷。

 

  • 動作片,呢個就未必個個都岩,如果你嘅煩惱或者壓力都係來自某個人(例如:同事、包租婆,合夥人,伴侶,老闆等等)嘅話,甘就岩啦,因為通常動作片嘅精髓除左主角夠靚/型之外,就係打交,一個打人,一個被打。只要自己將角色代入做打人果個,被打嘅就代入為令你討厭果個,必定暢快淋漓,大快人心!

 

小編就唔太推薦睇愛情片,原因就係通常愛情片嘅劇情都會寫得離地,什麼大雨天橫跨幾百公里送感冒藥,又或者親自去北太平洋捉你最愛嘅長腳蟹煮比你食(WTF)!女士睇壞腦,男士就睇到爆粗!

 

 

 

第六式:打機療法

 

打機有助減壓
 

唔知大家身邊嘅人又或者自己有無經常比屋企人,同事鬧,得不到認同而產生壓力和煩惱。打機嘅好處就係無人知你樣貌如何,學歷如何,能力如何。係虛擬嘅世界結識朋友,表現出精湛嘅技術從而得到其他玩家嘅認可,提升自己嘅自信心。甚至遊戲亦會帶來戀情,小編身邊亦有朋友從遊戲結識到戀人。不過,亦會有人工作失意,打機又比人話「廢」,都唔緊要。因為有單機遊戲或者人機對戰,通常遊戲嘅難度會迎合玩家降低,所以打機唔好嘅人都可以一試!  

 

 

 

第七式:唱K大法

 

唱K有助減壓
 

聽音樂能夠陶冶性情,而唱歌嘅特色在於,係K房唱得大聲唔怕俾人X。最岩幾個朋友放聲大叫,宣洩情緒和心中嘅不滿,一路唱一路X。平時文靜嘅朋友或者同事都即刻變身為歌神,唔係佢唔想低調而係呢一刻佢要爆了! 邊唱邊飲,再同朋友玩下骰盅,所有壓力都拋於腦後! 

 

 

 

第八式:美食療法

 

【新推出】Premium Master自選人數套餐

 

根據非正式統計,成為「吃貨」經常食好西能夠令自己舒緩情緒,美食嘅效果就更加不同凡響。係週末嘅夜晚,熄左手機,手揸82年嘅快樂神仙水(Coke-Cola),一邊享受你喜歡嘅食物,仿佛成個世界都係你嘅,一齊世間煩囂通通與你無關。

 

小編誠意推薦週末舒壓套餐Kamadelivery,等Kama到會外賣變身成為你嘅減壓殺手,每一樣食物菜式都係由廚師團隊用心製作,保證每一位客人都食得滋味痛快,多款環球派對美食菜單小食、海鮮任你揀!

 

WhatsApp: 5188 0757 / 9835 7004        Email: info@kama.hk

 

 

 

快啲CLICK入去睇下我地嘅多人到會套餐!

 

 

Kamadelivery的推薦到會美食

Chef Choice

 

有關龍蝦的單點到會美食

龍蝦到會美食

 

Kamadelivery的多人到會套餐

多人到會套餐

 

 

文章標籤

多人到會套餐

 

部份圖片出處

https://www.pexels.com