9個特別的慶祝生日方法及活動推介

9個特別的慶祝生日方法及活動推介

今年生日做咩好?

生日對於好多人黎講都係最重要嘅節日,最簡單當然係食返餐「生日大餐」。但除此之外,大家經常都苦惱頭痕仲可以點樣慶祝自己、情人伴侶、家人朋友嘅牛一,如何渡過一個難忘同不一樣嘅生日,記念呢個特別嘅Moment。小編今次就為大家整理9個慶祝生日嘅方式,特別介紹下生日好去處,等大家都可以「生日快樂」!同場加映:【男女友實用生日禮物推介】

1. 租露營車慶祝

特別的慶祝生日方法 | 租露營車

慶祝生日唔一定要出國去旅行,Staycation亦一定要去酒店,租露營camping唔洗搭飛機一樣有旅游feel,香港新界同離島有不少特色露營車選擇,適合一班朋友齊齊玩樂親親大自然,有2人浪漫情侶車、4-5人溫馨家庭車選擇,玩樂設施包括燒烤場、四輪滑板車、扭扭車、搖搖床、有機農場等等應有盡有,或者嗌定一個野餐盒,享受下大自然又有特色打卡位影下相,都係慶祝生日不錯嘅Idea!【立即查看人氣露營地點預訂】

2. 酒店慶祝

酒店慶祝生日

Book間酒店房慶祝亦係熱門嘅慶祝生日方法之一,為左製造特別驚喜俾生日主角,基本動作提前上去粉飾佈置一番,根據自己或者另一半嘅喜好點綴完美嘅生日套房!可以提前約埋朋友埋伏係酒店,又或者突然其來嘅到訪,都會令壽星公有意想不到嘅驚喜。當然如果係情侶過生日,二人世界更加係浪漫之選無得輸啦。蛋糕再甜都及唔上兩個人嘅甜蜜幸福,所以係酒店慶祝絕對係情侶二人世界不二之選。最近大家因為Covid-19肺炎疫情問題搞到無得去旅行,無得飛唯有係香港酒店實行Birthday Staycation「宅度假」一下啦,經過小編一番研究酒店推介,價格優惠最抵莫過於Trip.com【立即查看最新酒店優惠】

3. Shopping 慶祝

特別的慶祝生日方法 | Shopping Time!

聽到購物Shopping肯定男女老少都眼前一亮。既然慶祝一年一度嘅生日,放開懷抱盡情購物買、買、買!或者將呢份咁特別嘅禮物送俾你最重視嘅人,例如係老婆、女朋友或者閨蜜,把握生日呢24小時入面掃晒平時唔舍得買嘅衫褲鞋襪、手袋包包、限量波鞋、手飾化妝品…… 網購好、出街掃又好,呢一日買齊你愛不惜手嘅野返屋企,不失為一個特別嘅慶祝方式,保證你過得開心又難忘!

4. 海邊慶祝

海邊慶祝生日

享受下陽光與海灘,吹住海風,望住比基尼,仿佛所有壓力都與自己無關!去海邊慶祝生日最重要係場地唔洗錢,自備簡單嘅野餐食物,約埋朋友,係海邊可以打下排球,曬下太陽;如果怕有悶場,又可以選擇d有燒烤場嘅海灘,可以自己炮製美味嘅BBQ大餐;一班人互動之間有助速進彼此間感情,如果有心儀的他/她更可以把握機會表白啦。

5. 澳門快閃慶祝

特別的慶祝生日方法 | 澳門快閃旅行

生日便是運氣最好嘅時間,當然係過大海係賭台試下手氣贏盡佢。每年澳門嘅酒店都會推出酒店船飛嘅套餐,個別酒店更有生日嘅優惠。平時係香港太耐,生日假期不多嘅朋友仔就可以選擇近近地過個大海!同埋澳門亦有好多街頭小食,特色餐廳。最好於出發之前計劃好Budget,小小地玩下自在娛樂,贏左皆大歡喜,輸小小就當購買來年嘅好運氣!

6. Party Room 慶祝

Party Room 慶祝生日

匿埋係工廈Party Room亦係香港人過生日標誌性嘅地點。通常派對房間都包羅萬有,可以唱K、打麻將、 打機、波波池、VR體驗等等。數之不盡嘅歡樂設施!最重要係場地夠大,價錢公道,岩嗮一大班好友知己一齊過生日。有唔少Party Room都會幫你地佈置好或者會提供佈置用具,慳水慳力。小編會建議大家選擇較尾端嘅時間,因為比較便宜並且過埋12點正是切蛋糕嘅好時機,最後再嗌埋一個美味得體嘅到會外賣劃上完美嘅ending!

7. 唱K慶祝

特別的慶祝生日方法 | K歌之王

K房係香港人其中一個最經典嘅慶祝生日地點,約埋三五知己好友,食野、飲酒、嗌爆喉嚨唱到天昏地暗。通常生日期內去都會有生日優惠,例如折扣或者送食物 ( 蛋糕,酒水等等 )。如果想為另一半慶祝的話更可以佈置下場地或者選擇主題K房。有音樂有氣氛,開埋支紅酒、香檳,生日即時High爆燈!

8. 餐廳慶祝

餐廳慶祝生日

無論米芝蓮或米豬蓮,無論高級西餐或浪漫平民餐,都係慶祝生日不錯嘅選擇。小編平時就會縮衣縮食,留到另一半生日再食餐勁!通常巴打們都會選擇酒店Buffet,皆因酒店比人一種高級奢華嘅感覺,而自助餐食物款式包羅萬有。怕Buffet人多私隱度唔夠,搵間靜靜地西式海景餐廳慶祝,龍蝦海鮮,嘆下和牛,埋尾法式甜品蛋糕,係生日慶祝嘅標配食物!

9. 屋企慶祝

特別的慶祝生日方法 | 係屋企最舒服

現時病毒肆虐,屋企慶祝生日係最安全嘅方法。可以提前準備食材紅酒,簡單佈置。一家人團團圓圓係屋企食飯亦是現時繁忙嘅香港人渴望嘅事情。籍著生日和屋企人分享呢份喜悅。或者係情侶之間嘅二人世界,燭光晚餐都係不錯嘅選擇,上Youtube睇下食譜煮下野食,不失為一個特別慶祝嘅方法!又或者可以叫我地嘅到會外賣服務,小至2-3人嘅迷你套餐,到10多人嘅美食套餐,我地都有提供,而且仲有多款單點美食可以挑選,例如有各款一口小食、海鮮、甜品、飲品等等。▶ 訂購到會套餐傳送門

小編最深刻嘅生日就係小時候學生年代,不論小學、中學、大學時代;好多次都遇上學校考試嘅大日子,吹完蠟燭食完生日蛋糕是但慶祝又拎返起本書拼命溫習,真係好不難忘嘅生日回憶!

以上資訊同貼士係由Kama Delivery提供,我地係疫情期間會繼續為大家服務,希望用美食為大家打打氣!

【點我查看到會外賣菜單】

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYoutube

延伸閱讀


部份圖片出處|PexelsUnsplash

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。