【BB不停喊咩原因？】5招解決方法等你有覺好訓

【BB不停喊咩原因？】5招解決方法等你有覺好訓

新手既爸爸媽媽最常見既問題之一，就係BB成日喊、喊唔停，搞到自己手足無措，又唔知BB點解喊，BB又唔識講野，表達唔到佢係唔舒服定肚餓，抑或扭計想瞓覺等既原因，唯有用喊既方式去表達，作為爸爸媽媽既，只好推測BB喊既原因，不過有時候真係唔知道係咩原因嫁，嚴重既話，可能需要搵專業人仕幫手處理添。BB持續不停喊既原因有好多，普遍就係生理上原因，小編總給6個最常見既原因俾各位爸爸媽媽知。

如果尿片濕左或者污糟左，令到BB因為濕淋淋或者黏住而唔舒服，咁爸爸媽媽就可以留意下BB有無不停扭動身體，踢腳，另外，BB既喊聲都偏為高音頻，但最簡單既，可以用手摸摸尿片，如果真係濕左就快D換左尿片，避免太耐而令到BB屁股既皮膚敏感同出紅疹。

BB肚餓，都會有D小特徵，爸爸媽媽不妨留意一下自己BB肚餓會有無D小動作，例如，啜手指，個頭轉動比較頻繁，或者吐舌頭等，然後先開始喊。所以各位父母不妨多多留意，好好掌握BB既餵奶時間同奶既份量，培養好BB既飲食習慣。

由於BB大腦仲未發展成熟，有時會比較難入睡，所以會出現扭計要瞓覺既情況，如果BB不時打喊露，碎眼，好煩躁，喊聲偏向低音頻，咁就代表BB想瞓覺啦。可以將燈光教暗D，或者可以嘗試俾佢聽D柔和舒服既音樂，俾BB慢慢入睡。

BB唔舒服既原因亦有好多，分為外在同內在因素。外在因素可能係環境吵，天氣太冷或太熱太焗，蚊叮蟲咬，衣服唔岩身太緊等既原因都會令到BB喊。內在因素可能係因為腸胃消化唔好，有機會係對奶粉過敏，或者係飲奶既時候有太多空氣，之後又無好好掃風等，而產生腸胃唔舒服。

BB對聲音特別敏感，如果聲音比較大或者尖銳，BB都會非常驚同不安，例如車聲或者響安、尖叫聲、嗌交既聲音等，如果發現BB面色變差，或者僵硬，眼神驚恐，各位爸爸媽媽可以將BB抱係胸前輕輕拍，安撫返BB情緒。

知道原因就要對症下藥，新手爸媽必讀，5個簡單既安撫方法，讓喊唔停嘅寶寶靜止下來，一齊認識以下5S救星！