【露營零失手食譜】新手一樣整到打卡able露營料理+露營燒烤教學！

【露營零失手食譜】新手一樣整到打卡able露營料理+露營燒烤教學！

告別炎炎夏日又係露營嘅季節！早前政府宣布重開政府轄下露營地點及戶外康樂設施，放寬一系列防疫嘅措施。近依幾年香港人都熱愛親親大自然，露營時食住大家用心整嘅野食，享受舒適嘅風景非常治癒。

不過又唔係個個都係廚神，露營煮嘢食有時仲會好狼狽好亂，最後可能會就咁煲熱水食個公仔麵就算。但其實露營煮嘢食可以好簡單好有儀式感，甚至露營BBQ都可以輕鬆完成，整到色香味俱全又高質嘅打卡able露營料理。Kama Delivery小編成日去露營，一於同大家分享露營煮食嘅注意事項同簡易露營食譜啦！

露營料理煮乜好？

露營準備事項做得足，到要煮果陣手忙腳亂就好麻煩 😢

露營料理技巧 1：提早plan定食啲咩

好多人露營前十分鐘先急急腳買哂所有食材，點知到時先發現唔夠露營用具而十分狼狽，小編建議大家提早plan定食咩，提早準備好每餐食材，咁就唔會未開始就甩碌。

露營料理技巧 2：提前準備好食材

小編平時會提早將食材嘅包裝拆開，按數量將會用嘅食材清洗乾淨入袋，以免帶得太多去造成浪費。而有啲食材亦可以喺屋企提早切定，例如午餐肉、青瓜、蔥、辣椒、香腸等等，用保鮮紙包好保鮮，咁就可以快啲煮到嘢食！

露營料理技巧 3：可以買現成食材/只需要翻熱嘅露營速食

而家supermarket有好多現成速食食材，例如咖喱，不但簡單容易，大家都可以將速食配搭其他食材，就可以變成一道豐富嘅懶人露營料理。

4款超簡單露營食譜分享

露營食譜推介 ①
超簡易豪華露營BBQ＋迷你露營BBQ爐

露營用炭燒爐煮食，香味撲鼻嘅氣味直衝到鼻，極正！BBQ焦香嘅味道比gas爐更吸引！不過Kama Delivery小編話你知，唔係所有露營營地都有露營燒烤爐比大家燒烤，如果想喺露營燒烤或者唔洗帶咁多燒烤用品去，大家可以試吓喺露營果陣用迷你露營方便燒烤爐，只需要用火柴/打火機就得！Kama Delivery推出咗迷你＋超方便燒烤爐，入面有齊炭粒、燒烤夾、燒烤掃、即棄手套、濕紙巾等燒烤用具，極直係露營BBQ福音！另外，「炭一炭」燒烤拼盤中有超過17款食材，包括秘製一口牛粒、日式蟹蓋配多士4件、蒜蓉小魷魚等海鮮肉類，仲有紫蘇雞肉丸串、日式汁燒年糕、芝士牛油雜菇等配料。

立即查看更多：Kama Delivery「炭一炭」燒烤拼盤

露營食譜推介 ②
壽喜燒

露營吃壽喜燒聽落好離地？其實輕鬆冇難度，仲可以整到同餐廳一樣嘅質素同味道添！先喺熱鍋上搽牛油，再煎香牛肉片，連埋即食生雞蛋一齊食或者之後加水一齊煮又得，然後喺熱鍋度加入壽喜燒汁同水，再加入蔬菜、舞茸菇、金菇、豆腐、蒟蒻等材料，蓋上鍋蓋，煮滾煮熟即可。大家可以早一日預備乾淨食材，按需要嘅份量包裝好、切好就可以減少煮食功夫。

露營食譜推介 ③
All Day Breakfast

All Day Breakfast一直都深受歡迎，露營整都唔太難！準備好雞蛋、麵包、火腿、菇等，由最乾淨嘅食材開始煎，再重新擺盤組裝就可以。如果有不沾大鐵板烤，更可以一次過煎熟，打卡又靚。

露營食譜推介 ④
三文魚雞肉燉飯

超！簡！單！超！簡！單！超！簡！單！（要講3次！）小編身為超級大懶人，最鍾意將所有嘢食一鑊熟！只要前一晚將三文魚同雞肉切粒調味，淨食鹽同白胡椒粉或者淨係照燒汁醃好，再將洋蔥、香蔥切粒裝好。露營時只要倒入白米、醃好嘅肉同蔬菜同時煮熟即可，肉類嘅油份同蔬菜嘅甜味會喺煮果陣滲入白飯，白飯亦帶有咸香嘅味道！

除了正餐，大家都可以帶野餐小食帶同去camping

▶︎ 順便睇埋：【野餐小食＋飲品推薦🌸】1個鐘輕鬆搞定！

希望以上嘅露營料理技巧同露營食譜可以比到啲靈感大家✨ 想輕鬆露營BBQ不如直接搵我哋幫手啦～Kama Delivery「炭一炭」燒烤拼盤已經為你準備好最豐富嘅美食同燒烤用具，慳返預備食物嘅煩惱，Kama Delivery仲可以直接送到你嘅露營地點，只要車去到嘅地方，我哋一樣送貨，包保你可以同親朋好友露營方便燒烤無煩惱！

聯絡我們

WhatsApp 查詢／訂購熱線：5188 0757 / 6599 9941

Email：info@kamadelivery.com

追蹤我們

Facebook．Instagram．Youtube