【帶埋寵物過開心聖誕】5大打卡好去處2023（持續更新）

【帶埋寵物過開心聖誕】 5大打卡好去處2023（持續更新）

聖誕節就到啦！周圍嘅街道同商場已經掛滿聖誕裝飾，聖誕節節日氣氛非常濃厚。🌲作為毛孩家長，都好想帶主子出去共渡聖誕，外出散步放電之餘，仲可以喺靚靚嘅聖誕裝飾前面打卡，為主子留下倩影。💓依2年愈嚟愈多pet friendly商場同餐廳，非常歡迎毛孩家長帶埋寵物一同享受假期。🐕🐈

今次Kama Delivery小編幫大家整合 2023 香港貓狗好去處推介清單，精選推介寵物友善商場、毛孩公園同寵物聖誕市集，予主人和寵物一同打卡影相留念，共渡美好聖誕～

各位毛孩家長可以帶狗狗去海洋公園玩啦！❄️香港海洋公園推出全新寵物友好計畫，即日起至2023年3月的逢星期一及星期四，「無限FUN入場證」持有人即日起可以於指定日子無限次帶狗狗一齊遊玩海洋公園多個樂園園區！除咗可以搭海洋列車，仲可以探訪北極動物、太平洋海象、睇魚仔！🐋各位奴才仲可以喺園內小食亭買狗狗雪糕，同埋喺禮品廊買狗狗精品比一眾狗主子打卡！不過留意返暫時只供狗狗入園～未有貓貓份。😢

想再chill啲，可以book埋海洋公園萬豪酒店，萬豪酒店非常歡迎攜帶寵物入住。每房最多可容納2隻狗狗，酒店內更有狗公園給各位狗狗住客放放電。

大受香港人歡迎嘅20米超巨型聖誕樹又反嚟啦！企喺聖誕樹下面，大家都好似變哂細細粒小矮人咁，2022年聖誕節以「海岸歐陸聖誕小鎮」為主題，即日起至2023年1月1日登場，小鎮內亦有佈置聖誕小樹、聖誕馴鹿同古典電燈柱等裝飾。西九亦係超級pet friendly嘅公園，設超大型草地比狗狗放風，周圍都有好多寵物友善餐廳，打完卡可以同主子搵位坐低休息下～店內除咗有靚靚飲品同小食，更有提供狗狗小食同狗狗雪糕。又或者同主子坐草地聽住海浪嚟一場浪漫嘅聖誕野餐～

鍾意迪士尼同PIxar人氣動畫嘅大家注意啦！11月16日起，可以帶埋家中主子一起去到旺角朗豪坊 Fluffy Festival，同大大粒毛毛球所砌成嘅夢幻6米巨型毛毛球聖誕樹打卡，充滿玩味感嘅毛毛聖誕節一反傳統。Pixar Fully Collection 系列嘅產品可以喺Catalog全線門市及官網上可以買到喇，當中包括寵物背心、背帶連袋仔、寵物圍巾同背帶～上面仲印有怪獸大學嘅毛毛同大眼仔，超級可愛！快啲帶埋毛孩去打卡同揀聖誕禮物啦！💓🎒

今個聖誕香港寵物平台 PET-A-HOOD 聯同K11 MUSEA，一齊同各位毛孩家長同主子賀聖誕同倒數🌟！即日起至2023年1月2日，去到7/F Elephant Grounds 餐廳對面，就可以見到巨型advent calendar比毛孩打卡，只要完成簡單任務，仲可以獲得精美聖誕禮品一份！2022年11月26(六)、27日（日） 及 12月18日（日）、25日（日）期間仲有限定慈善拍攝日，資深寵物攝影師TAMARA更會親身嚟到現場進行慈善拍攝，為寵物拍攝精美相片，活動所有收益將扣除成本開支後，捐贈到寵物慈善機構：香港動物基金（HK PAWS），為慈善略盡綿力。

K11 MUSEA 都係寵物友善商場，可以租借寵物BB車同主子Shopping，商場入面有多間寵物友善餐廳同毛孩公園，Chill住感受聖誕節日氣氛。⛄️

市集由12月9日起逢星期五、六、日舉行，當中包括啟德區內首個滾軸溜冰場、寵物限定fun區等，大人小朋友同毛孩都可以大玩特玩！除咗有超過50檔攤位輪流登場，品嘗充滿聖誕特色嘅美食外，更可帶主子到藝術壁畫同巨型聖誕裝置前打卡影相同欣賞本地歌手包括許廷鏗、馮允謙、黃妍、Per se、石山街（小編好鍾意石山街💓到時可以帶埋貓貓聽歌）等live music show表演！