草飼牛 VS 穀飼牛【牛牛大對決】

相信香港人最鍾意食既肉類一定係牛肉，正所謂無牛不歡，開心食牛唔開心又食牛，根據2020年數據顯示，人均牛肉入口量接近50公斤，換算大約係約170塊10安士既牛扒。而香港入口既牛肉產地，通常來自巴西、美國、印度同中國，而中國同時係香港進口活牛既唯一來源地，即係平時街市肉檔買嘅新鮮牛肉。

至於急凍或者冰鮮類別，大家最常係超級市場都會發現牛肉包裝上印有草飼牛或者穀飼牛既名，但大家又知唔知草飼牛同穀飼牛有咩分別？邊款適合你胃口多啲呢？一齊了解一下！

係指將牛放養係可以自由活動既大草原，等牛可以自由移動、散步，呼吸清新既空氣，所以草飼牛脂肪量比較少。而且放養既草飼牛係食天然既牧草及同當造既植物，新鮮牧草中含有較多既胡蘿蔔素，所以草飼牛排既脂肪顏色偏淡黃色。口感方面帶有種特殊既香味，建議大家食草飼牛時可以先唔好落調味料，慢慢品嚐草飼牛既原味。自然環境成長既草飼牛，成熟期大概30至36個月，對比穀飼牛既油脂也都相對少，所以食落會比較紮實有嚼勁。

係指將牛圈養在係牧場中入面飼養，活動空間範圍被限制，而且去到一定既重量時，飼料會由原本的既牧草改成大麥、小麥、玉米、黃豆、酒糟等去飼餵，唔同產地會有唔同的既穀飼料配方。穀飼牛成熟期大概18至24個月，比草飼牛少12個月，油脂含量多，油花分布均勻，令到穀飼牛既肉質鮮美軟嫩，當煎牛排果陣香氣濃郁主要就是係因為牛既油脂。