牛奶過敏 VS 乳糖不耐症【食物過敏系列】

牛奶過敏 VS 乳糖不耐症【食物過敏系列】

小編經常收到客人既查詢，因為對牛奶過敏想食物走奶類成分，或避免有奶類成份既食物，特別係小朋友，家長都會份外關注進食過敏成份。咁咩係牛奶過敏？咩係乳糖不耐症?？牛奶過敏同乳糖不耐症有咩徵兆同症狀？

牛奶過敏 (英文：Milk Allergy) 或叫牛奶蛋白過敏，其實係指免疫系統對於牛奶中既蛋白質產生左過敏既反應，由於牛奶含有豐富既蛋白質，當中八成為酪蛋白 (英文：Casein)，其餘兩成就係乳清蛋白 (英文：Whey Protein)，而大部份對牛奶過敏既人，都對呢兩種蛋白質過敏嫁。過敏症狀可能好快速咁反映出黎，進食後數由幾分鐘到兩小時內就出現症狀，又或者係延遲反應，進食後四十八小時，或者要幾日先出現症狀。

症狀主要係胃腸道、皮膚同呼吸既過敏反應，可以由經微到嚴重，甚至危及生命既過敏性休克。最常出現係兒童時期，特別係0-2歲BB既時候，對牛奶有過敏反應既BB都係第一年會經歷既過敏反應，當中有80%孩童隨住長大而唔再對牛奶過敏，但亦可能有機會去到5歲。

另外，有媽媽們都會有個疑問，就係母乳餵哺會唔會都影響到BB出現牛奶過敏? 其實都有機會嫁，前提係媽媽需要注意自己既飲食習慣，避免進食左含有牛奶或乳製類成分既食物，因為牛奶蛋白會進入母奶中，從而令到BB攝取到牛奶蛋白，繼而引發過敏症狀，各位父母或者餵哺母乳既媽媽就要留意下啦。