5個公司Party Game推介【多人公司活動必睇】

公司Party Game推介 1. 恐怖飲品

開口中嘅優化版，先準備榨汁機將生甘筍、苦瓜、芫荽、蔥、韭菜、蒜頭等榨成汁及其他重口味調味料，1-100任叫一個號碼，叫中主持人手中嘅號碼就輸，每人叫號碼之前需選一樣材料加入杯中，輸家將要品嚐大家親手調製的恐怖結晶，例如主持人手中號碼係60，第一個叫70的話，下一個要在1-69選一個，一步步收窄，刺激之餘當有同事自作自受，場面會十分熱鬧，公司少人的話可以由1-50開始。

公司Party Game推介 2. 默契大考驗

兩人一組，兩組對決，需準備20粒骰，每人五粒，主持人會講出一個數字，範圍在12-24內，同點數骰不能超過兩粒，每組要鬥快完成，而同組的人如果擺出一模一樣的排列，就算時間較慢都可獲勝，賞罰自訂。

公司Party Game推介 3. 物品接龍

以公司會出現嘅物品玩接龍，例如主持人講電腦，下家要以公司會出現嘅人或物接落去，例如老闆，板車，車輪等，接唔到落去即輸，賞罰自訂，簡單又易明！

公司Party Game推介 4. 擺明靠害

每人將寫有動作或句子貼於額頭，想辦法令對方做出或講出佢額頭貼住嘅動作或句子，適合團體活動，例如你見到你上司額頭貼住拍手，你可以帶頭大家一齊為老闆鼓掌，咁你上司就會好記得你，賞罰自訂。

公司Party Game推介 5. 玩你老闆

所謂藝高人膽大，將所有同事嘅中文名寫響張紙度，然後叫你老闆配對，根據統計，由於公司成日有新人，十個老闆九個唔知邊個打邊個，除非你老闆對公司大小事都好上心，當老闆配對錯誤，員工們可以各出奇謀為老闆解脫尷尬，好玩之餘亦可表現自己嘅急才，賞罰自訂。