【西餐餐桌禮儀知多少？】8種令人尷尬嘅NG儀態行為（下集）

【西餐餐桌禮儀知多少？】8種令人尷尬嘅NG儀態行為（下集）

每個地方都有唔同嘅飲食文化同餐桌禮儀，隨時一個唔小心就出事，更可能比其他客人覺得你嘅行為唔尊重。上一集，Kama Delivery教大家去到西餐餐廳，如何正確使用西餐餐具（傳送門🚪），未睇嘅可以睇返西餐餐具握法同西餐刀叉擺放方法，今集一齊睇吓8種令人尷尬嘅餐桌禮儀儀態同行為，睇吓自己平時食西餐有冇唔小心發生NG行為！

香港人喺餐廳或者酒吧飲酒，都習慣一齊cheer碰杯，仲要大大聲嗌「飲杯～！」，不過去到西餐餐廳千祈啱好咁做！唔需要嗌更唔需要碰杯，只要輕輕舉杯，更顯得自己大方得體。

喺西餐餐廳食嘢記得唔好邊食嘢邊說嘢，一來非常冇禮貌，更有機會噴出食物。另外都要記住食嘢時發出聲音都係西餐餐桌禮儀大忌，咀嚼時記得要閉住口。

西餐餐廳嘅餐桌禮儀其中一大原則係慢，放慢動作享受美食嘅樂趣，唔好吃喝同時進行，應該先吞哂口入面嘅食物再飲飲品，如果唔係會好似好狼吞虎嚥咗。

細細個成日比屋企人鬧，手肘放上枱好冇禮貌，又會阻住人。西餐餐桌禮儀入面一樣都視呢個行為十分冇禮貌，更係不耐煩嘅表現！

呢個係一個極度冇禮貌嘅行為，可能大家睇得太多電影學壞咗，覺得咁樣好似好型😂。去到西餐餐廳，甚至其他餐廳都千祈啱好咁做，侍應唔係你條𡃁，希望大家都可以尊重餐廳中服務客人嘅員工～

撩牙呢啲嘢都係去返廁所搞會好啲～一個唔該啲食物殘渣彈到周圍都係就唔太禮貌同衛生啦！

西餐餐廳嘅餐桌禮儀中，餐廳入面只可以食嘢，佢哋極度尊重美食，所以各位ladys記得去洗手間補妝、梳頭等等，以免打擾到其他食客。

如果喺西餐餐廳食嘢發現食物太熱未放到入口，切勿唔顧顧儀態用口吹，其實可以邊傾計邊攤涼再開始食用～
另外！都唔好太熱熱叫BB豬幫你吹凍凍再餵餵～因為都唔啱西餐餐廳嘅餐桌禮儀㗎～