【你未必知道的感恩節小知識】Thanksgiving係感謝啲咩？點解感恩節會大減價？點解一定要食烤雞？

【你未必知道的感恩節小知識】Thanksgiving係感謝啲咩？點解感恩節會大減價？點解一定要食烤雞？

每年11月第4個星期四就係美國嘅感恩節（感恩節英文：Thanksgiving，全稱Thanksgiving Day）。雖然感恩節唔算係香港比較流行嘅節慶節日，甚至都唔知係咩嚟，不過個個都知依段時間好多公司都有做速銷大優惠。Kama Delivery 喺度同大家介紹Thanksgiving由來同慶祝食物啦～😻

感恩節嘅故事要由1620年嘅北美洲講起。1620年，一班喺英國受迫害嘅清教徒移民至美洲新大陸，但因為唔適應當地天氣及環境，加上冬天饑寒交迫，令好多新移民染病身亡。當地原居民印第安人為幫助佢哋更快適應美洲大陸的生活，就教他們狩獵、種植技巧。1921年就迎來大豐收，依批人民為咗感謝上帝嘅恩賜，邀請埋印第安人舉辦連續3天嘅狂歡活動表達謝意，成為現代感恩節嘅雛形。依個傳統一直流傳至1863年，美國總統林肯將感恩節統一定為國定假日，並在當日休假一天，家家戶戶聚首一堂，準備豐盛嘅食物慶祝。

1939年前嘅感恩節其實唔係11月第4個星期四，而係11月最後一個星期四，當時嘅美國總統羅斯福擔心感恩節太接近12月，縮短聖誕購物季節，而為經濟復蘇帶嚟不利影響，所以感恩節改至11月第4個星期四，而咁啱嘅係依一日就喺正黑色星期五前，係美國最大型購物優惠活動，連帶感恩節都會有優惠活動。

火雞其實係美洲特產，比起清教徒移民去到美洲之前，當地印地安人已經馴服牠們。移民前喺英國，他們習慣吃鵝慶祝豐收，但因為當時仲未喺美洲養鵝，就以火雞代替住先。後來發現火雞仲好食過鵝，而且產量比鵝豐富，火雞從始就成為慶祝感恩節必備嘅傳統食物之一。

有趣嘅係，原來每年都有一隻火雞會喺白宮外獲美國總統「特赦」，永不宰殺並被飼養至老死。據說，獲赦免嘅火雞其實BB果陣已被選定，除咗享受聽音樂、人工飼養等特殊待遇，更要被訓練習慣相機閃光燈同噪音，細細個開始練定喺赦免儀式上都可以啖啖定～