【2022年世界幸福國家】全球最幸福國家係邊度？

【2022年世界幸福國家】全球最幸福國家係邊度？

到底一個幸福既國家或地區，需要以咩作為準則呢？而我地香港又稱唔稱得上幸福既地方呢？世界上同亞洲最幸福國家又係邊？一份由網絡出版既國際調查報告，世界幸福報告（英語：World Happiness Report），報告涵蓋全球146個國家同地區嘅幸福指數，根據人均國內生產總值GDP、預期健康壽命、社會支持、社會自由、經濟、貪污等因素評估，甚至亦增加左因為COVID-19既環境及影響，衡量各國幸福程度，以得出過去3年既平均分數作排名，滿分為10分。於2022年報告當中，而香港係幸福國家排行第81，中國就排行72名。

2022年世界最幸福國家排名中，第一名依然係連續5年當選既芬蘭，喺2022年既分數為7.821，根據財經媒體《CNBC》報導指出，芬蘭擁有友善既生育同托嬰政策，所有新手媽媽都會收到一份超過60件BB用品既禮物，包括溫度計、奶樽、毛衣、睡袋，BB唔同尺寸既衣服，而且，新手父母仲可以有10個月既育嬰假期；讓國民增加生育率。

第二個原因係芬蘭亦布有良好既醫療保健系統，完善教育系統制度，以及良好既城市規劃上，全民醫療保健系統令到芬蘭人擁有高水準既醫療照顧、高品質生活等呢D都係影響成為最幸福國家既關鍵，有9成以上既當地人認為佢地既生活係達到平均狀態。

可能耳濡目染嘅關係，將幸福嘅政策宣揚開去，令芬蘭鄰近既北歐國家亦係幸福排名較高，例如丹麥（排名第2）、瑞典（排名第7） 、挪威（排名第8）。

咁2022年東亞地區最幸福國家係邊度呢？就港人第3個鄉下台灣，人民幸福指數喺全球排名第26，分數6.512，比2021年輕微上升左0.05分，而排名雖然對比2021年下跌左少少，由24名跌左2名，但依然佔亞洲地區比較高分，超越左新加坡（排名第27），其餘最幸福國家排名較前嘅亞洲地區有日本（排名第54），韓國（排名第59）等國家。

由2018年開始，台灣已經連續4年位居世界幸福報告前段班。根據韓國國會未來研究院係2022年6月29日發布既「國民幸福焦點」報告，分析出台灣人點解係面對經濟壓力，中國軍事威脅既情況下，仲可以排名咁前。

報告顯示，轉捩點出現係2016年既政黨輪替。總統蔡英文執政後，通過最低工資同其他親勞工階級政策，同時支持對半導體等重要產業發展，令到台灣經濟同社會活力開始復甦。根據報告顯示，台灣係2020年既經濟成長率係3.1%，2021年係6.28%，有持續成長，令到經濟有轉好，提高人民生活水平。加上，即使2019年爆發既COVID-19，台灣政府成功既防疫政策，亦係一個好重要既原因之一，令到台灣人對政府既信任度大幅提高，生活係寶島真係幸福感滿滿。

難怪香港有咁多人會選擇移民去台灣啦。移民台灣既資料，可以參考我地呢篇: