【聖誕節家中也需儀式感!】5個質感聖誕裝飾推介

聖誕節家中也需儀式感 | 5個質感聖誕裝飾推介

【聖誕節家中也需儀式感!】5個質感聖誕裝飾推介

一年一度聖誕節又到啦!每年嘅聖誕節係小編最期待嘅節日,除咗出街同親友打卡之外,點少得同屋企人好好裝飾屋企,令屋企每個角落都可以感受到溫暖嘅聖誕氣氛🌲✨仲可以邀請朋友上嚟開聖誕party一齊玩!(同場加映:搞手必備 | 完美聖誕Party5項要點

聖誕裝飾推介 | 為屋企增添聖誕氣氛

每年盛事,大家都會R爆頭,點令家中充滿濃濃聖誕感而又帶有質感呢? 聖誕裝飾要點準備先好睇?Kama Delivery為你介紹5個滿滿質感嘅聖誕小裝飾,令家中充滿濃厚聖誕感✨由門口去到客廳,再去到房都能充滿聖誕感!

預訂聖誕到會 【美食外賣2023 —預訂教學篇】

【聖誕到會推介|Party必備聖誕套餐|免運費優惠】聖誕節係全年大家最引頸以待節日之一,聖誕到會套餐亦成為每年聖誕節嘅基本配置,聖誕節離不開Party聚會,亦離不開美食相伴!我哋提供專業聖誕美食到會服務,依照你所要求嘅日期及時間將美食送上,我們嘅聖誕到⋯⋯ 繼續閱讀

提升美感小技巧

技巧 1:裝飾前諗一諗咩style!

裝飾前要決定好風格 | 提升美感小技巧

裝飾屋企/party場所最重要係style嘅一致性~唔好左一忽日系文青,右一忽Y2K,中間整個鄉村風😂,決定好就可以向果個方向準備。

技巧 2:定好主調顏色!

主調顏色的重要性 | 提升美感小技巧

可以視乎屋企/party場所主調顏色而決定,例如木系傢私較多,可以考慮清新日系簡約風或美式復古嘅飾品。最好只選擇2-3隻顏色,唔好太花巧而失去重心焦點!

5個滿滿質感聖誕裝飾推薦

聖誕裝飾推介1:門口位置

門上面最經典一定係掛聖誕花圈!依家坊間都多咗好多唔同款色,其中乾花花圈同新鮮聖誕松圈都好受歡迎,天然聖誕松散發幽香,更有自然、森林嘅感覺。想要獨一無二嘅聖誕花圈,不妨發揮小創意自己整或者改現成嘅聖誕花圈~

聖誕裝飾推介2:玄關櫃位置

聖誕裝飾推介 | 玄關位置要如何佈置?

入到門口如果有一陣陣香味,必定令環境嘅氣氛昇華!小編個人好鍾意依種有松果同玉桂嘅香味蠟燭,清新木質香味配搭温和甜甜香味,成間屋即刻注入濃厚聖誕氣氛!

聖誕裝飾推介3:大廳/窗台位置

聖誕節點少得聖誕樹呢!節日嘅核心就係大家一齊裝飾聖誕樹,掛上聖誕裝飾品同燈飾。如果屋企冇咁多位,都可以買一棵迷你聖誕樹!而上面嘅飾品除咗可以用松果同波波燈裝飾,依家都好興用檸檬乾同棉花裝飾添~
不過如果係買天然聖誕樹,唔需要天然聖誕樹嘅話,記得拆返裝飾落嚟拎去聖誕樹回收呀~減少節日浪費。

聖誕裝飾推介4:牆壁掛飾

聖誕牆壁掛飾推介 | 為屋企增添節日氣氛

牆壁上嘅小掛飾size唔洗太大,如果唔係就好易搶咁其他大型聖誕裝飾。細細哋嘅白色旗仔或者松果仔都係唔錯嘅選擇!

聖誕裝飾推介5:聖誕大餐餐桌佈置

聖誕裝飾推介 | 聖誕大餐的餐桌佈置

先鋪上一大塊麻質布料,再擺放聖誕大餐,麻質布料可提高奢華感!再放埋聖誕植物同蠟燭,氣氛馬上變得更聖誕,質感馬上升級!聖誕大餐餐桌佈置最重要係豐富嘅美食啦,熱辣辣嘅聖誕火雞、香滑濃郁嘅芝士火鍋、超大個士多啤梨忌廉蛋糕等等~(同場加映:5款聖誕節應景食物)放好充滿聖誕感嘅美食,熄少少燈再點埋蠟燭,即刻有哂feel~

Kama Delivery喺度預祝大家聖誕快樂☺️好好享受全年最奇妙嘅節慶✨想多啲時間佈置屋企同買聖誕禮物,歡迎隨時瀏覽我哋網站或者WhatsApp我哋查詢訂購詳情,Have a very fairy Christmas!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|PexelsUnsplash

*未經許可,以上文章不得轉載或引用*