【聖誕節家中也需儀式感！】5個質感聖誕裝飾推介

【聖誕節家中也需儀式感！】5個質感聖誕裝飾推介

一年一度聖誕節又到啦！每年嘅聖誕節係小編最期待嘅節日，除咗出街同親友打卡之外（同場加映：2022聖誕節好去處），點少得同屋企人好好裝飾屋企，令屋企每個角落都可以感受到溫暖嘅聖誕氣氛🌲✨仲可以邀請朋友上嚟開聖誕party一齊玩！（同場加映：搞手必備 | 完美聖誕Party5項要點）

每年盛事，大家都會R爆頭，點令家中充滿濃濃聖誕感而又帶有質感呢？ 聖誕裝飾要點準備先好睇？Kama Delivery為你介紹5個滿滿質感嘅聖誕小裝飾，令家中充滿濃厚聖誕感✨由門口去到客廳，再去到房都能充滿聖誕感！

裝飾屋企/party場所最重要係style嘅一致性～唔好左一忽日系文青，右一忽Y2K，中間整個鄉村風😂，決定好就可以向果個方向準備。

可以視乎屋企/party場所主調顏色而決定，例如木系傢私較多，可以考慮清新日系簡約風或美式復古嘅飾品。最好只選擇2-3隻顏色，唔好太花巧而失去重心焦點！

門上面最經典一定係掛聖誕花圈！依家坊間都多咗好多唔同款色，其中乾花花圈同新鮮聖誕松圈都好受歡迎，天然聖誕松散發幽香，更有自然、森林嘅感覺。想要獨一無二嘅聖誕花圈，不妨發揮小創意自己整或者改現成嘅聖誕花圈～

入到門口如果有一陣陣香味，必定令環境嘅氣氛昇華！小編個人好鍾意依種有松果同玉桂嘅香味蠟燭，清新木質香味配搭温和甜甜香味，成間屋即刻注入濃厚聖誕氣氛！

聖誕節點少得聖誕樹呢！節日嘅核心就係大家一齊裝飾聖誕樹，掛上聖誕裝飾品同燈飾。如果屋企冇咁多位，都可以買一棵迷你聖誕樹！而上面嘅飾品除咗可以用松果同波波燈裝飾，依家都好興用檸檬乾同棉花裝飾添～
不過如果係買天然聖誕樹，唔需要天然聖誕樹嘅話，記得拆返裝飾落嚟拎去聖誕樹回收呀～減少節日浪費。

牆壁上嘅小掛飾size唔洗太大，如果唔係就好易搶咁其他大型聖誕裝飾。細細哋嘅白色旗仔或者松果仔都係唔錯嘅選擇！

先鋪上一大塊麻質布料，再擺放聖誕大餐，麻質布料可提高奢華感！再放埋聖誕植物同蠟燭，氣氛馬上變得更聖誕，質感馬上升級！聖誕大餐餐桌佈置最重要係豐富嘅美食啦，熱辣辣嘅聖誕火雞、香滑濃郁嘅芝士火鍋、超大個士多啤梨忌廉蛋糕等等～（同場加映：5款聖誕節應景食物）放好充滿聖誕感嘅美食，熄少少燈再點埋蠟燭，即刻有哂feel～