寵物醫療保險2026【貓貓狗狗醫療開支係棄養原因？】

① 主人嘅責任

當然，為寵物買醫療保險唔係為咗單純降低寵物被棄養嘅機會，係確保寵物面對疾病時，可以只少得到洽當治療，當寵物醫療開支可以由保險公司承擔，亦可有效降低主人因為缺乏醫藥費而「無奈」棄養，你可曾諗過你的寵物比你更無奈？大家都知，寵物係主人生命其中之一，但你就係佢唯一，係佢生命嘅全部，希望大家做緊主人、準主人、打算做主人嘅人諗清楚先做決定，寵物響出面嘅世界生存唔到，寵物係你需要寵愛嘅動物，面對疾病時，共同面對解決，而唔係一棄了之。

② 醫療費用透明度

香港獸醫診所唔算少，但收費間間唔同，寵物醫療費用透明度低，成為好多主人卻步，拖延寵物得到適當治療原因，更有唔少天真嘅主人僥倖認為寵物過幾日會自己好返，觀察多幾日先決定，建議呢類主人唔好養任何寵物，坊間好多寵物頻道，可以俾你日夜觀察。寵物醫療保險日趨必要性，人類醫生同動物醫生唔一樣，人睇醫生望聞問切，小病小痛成個過程可能都係幾分鐘就下一位，甚至已經發展到視像診病，但獸醫要了解寵物嘅病情，就算唔係重病，都需要比較詳細檢查，更加需要寵物嘅配合，藥物及器材亦冇人類用嘅咁普及，所以寵物睇醫生收費比人更貴亦係好合理。

③ 留意異樣

作為一個有責任心嘅奴才，平日最多留意貓貓狗狗飲食胃口、大小二便有冇異樣，因為寵物唔能夠表達自己有咩唔舒服，以身體普通嘅病如腸胃炎、感冒等，動輒四位數字醫療費用，不幸晚間急診甚至需要數千元，如身體出現炎症或需動手術，由診金、麻醉費、手術室費及手術費、驗血費、照x光、藥物或保健產品隨時過萬，而睇一次醫生並唔保證唔需要再覆診，為逃避高昂的寵物醫療費用，棄養嘅念頭就會出現。

④ 保費及受保品種

寵物醫療保險可以有效將寵物醫療開支風險轉嫁到保險公司身上，保費會根據寵物年紀、健康狀況、先天性疾病等有調整，但唔會太大幅度，留意返香港寵物醫療保險一般只涵蓋貓狗，其他動物暫時不受保，就算冇寵物醫療保險，做主人都要確保寵物們可以得到治療，藥到病除。