購物車內無任何商品
posts
【除夕煙花2025邊度睇最好？】最佳煙花觀賞點推介
【除夕煙花2025邊度睇最好？】最佳煙花觀賞點推介
踏入12月即將送舊迎新，隨著除夕煙花嘅煙火聲、歡呼聲、背景音樂聲，2025年將成為過去，雖然除夕煙花2025嘅活動細節尚未公佈，但到底去邊度先係睇除夕煙花嘅最佳位置呢？每年嘅除夕煙花或光影匯演都係選址香港維多利亞港上空上演，本文將推介除夕煙花最佳觀賞點，你可以選擇於室外觀賞煙花，萬眾同歡，亦可選擇室內煙花觀賞點，與挈愛親朋甜蜜倒數迎接新嘅一年。
室外除夕煙花觀賞點推介
以下係由香港旅遊發展局提供俾市民或遊客嘅煙花匯演最佳觀賞位置，主要集中香港、九龍近海區域，不過大家要留意，除夕當晚煙花觀賞點會有大量人流，政府可能會採取人流管制，封路、改道，甚至拒絕市民進入該區域，所以如果選擇室外觀賞點，務必要早啲去霸位，而離開時盡量用公共交通工具會比較方便，一般港鐵會於當晚提供通宵服務。
港島區
港島區包括除夕煙花觀賞地點包括中環9號至10號碼頭一帶、金紫荊廣場、銅鑼灣避風塘、怡和午炮、山頂及盧吉道瞭望台、香港東岸公園。 
中環9號至10號碼頭
金紫荊廣場
銅鑼灣避風塘
怡和午炮
九龍區
九龍區除夕煙花觀賞地點包括尖沙咀星光大道至香港文化中心外沿海一帶、天星碼頭、西九龍藝術文化區、M+、觀塘海濱長廊、飛鵝山、札山道、龍翔道觀景台、紅磡碼頭、啟德空中花園1331、忠義街公園。 
星光大道
天星碼頭
西九龍藝術文化區
觀塘海濱長廊
飛鵝山
紅磡碼頭
室外除夕煙花觀賞點推介當然唔會少得維多利亞港，坐響舒適嘅觀光船，以最近嘅距離睇煙花，如果唔介意氣氛冇兩岸咁熱鬧，參加除夕倒數海上遊響維港上欣賞煙花匯演會係一個極好嘅選擇，有興趣可以留意https://cruise.com.hk，緊貼相關消息。
室內除夕煙花觀賞點集中響位於香港、九點沿岸酒店，但並非每間酒店房間都睇到煙花，視乎係咪海景房，如果想於酒店房睇煙花，記得問清楚酒店職員，叫佢哋為你嘅目的安排房間，因為基乎都係五星級酒店，房價唔平，如果又睇唔到煙花就非常唔值得。
室內除夕煙花觀賞點 – 5間酒店推介
香港君悅酒店
香港君悅酒店直接面向維多利亞港，而且所有客房及套房中有高達一半以上可以直接俯視到 180 度維港景色及天際線，另外，香港君悅酒店設有9間世界級餐廳及酒吧，唔止可以震撼視覺，更加係一場餐饗盛宴。
香港君悅酒店地址
地址：香港灣仔港灣道一號（會展站B3出口／灣仔站A5出口）
電話：2588 1234
香港文華東方酒店
除夕煙花酒店推介點少得老牌酒店，享譽盛名嘅文華東方酒店巧妙結合現代奢華風及東方傳統，酒店房間坐擁維多利亞港嘅壯麗景觀，同時設有有九間各具風格嘅餐廳及酒吧，包括兩間米芝蓮星級推介，老字號5星級品牌信心之選，不過客房有城市景同海景選擇，Book房前要留意選擇。
香港文華東方酒店地址
地址：香港中環干諾道中5號（中環站F出口）
電話：2522 0111
【預訂聖誕到會】聖誕節同埋農曆新年期間，都係每年我哋最繁忙嘅日子，為咗令兩個重要節日嘅外賣到會服務更加流暢，公司都會做出特別嘅訂購安排，人客對於各方面都有不少嘅疑問，例如訂制聖誕到會套餐、提前預訂時間、外賣優惠、付款方法、物流運送⋯⋯⋯⋯ 繼續閱讀
香港維港凱悅尚萃酒店
香港維港凱悅尚萃酒店嘅維港軒尊貴海景客房，兩邊大玻璃無死角直接飽覽除夕煙花美景，而且更係寵物友善酒店，香港好多寵主都視毛孩為屋企人，除夕倒數又點可以唔預埋佢？而且間間酒店房都可以望到維港，想帶寵物一齊倒數嘅你要及早預訂啦！
香港維港凱悅尚萃酒店地址
地址：香港北角邨里1號（北角站A1出口）
電話：3762 1234
香港瑰麗酒店
香港瑰麗酒店貴為全球50大酒店之一，亦係另一間寵物友善酒店，座落於尖沙咀梳士巴利道18號，與K11 Musea相隣，集美食、購物、住宿、交通於一身，每間海景房內都設有一大面落地窗，可一覽無遺維多利亞港醉人景致，除夕煙花更加可以盡收眼底，價錢於尖沙咀區內比較貴，不過只能講物有所值。
香港瑰麗酒店地址
地址：九龍尖沙咀梳士巴利道18號（尖東站／尖沙咀站J出口）
電話：3891 8888
香港嘉里酒店
香港嘉里酒店屬於香格里拉集團旗下嘅五星級酒店，坐落於九龍海旁，可飽覽維港畔一帶嘅風光與景色，加上酒店有超過六成客房或套房都係海景房，除咗可以舒適欣賞除夕煙花，酒店亦設有4 間高質素餐廳和及1 個戶外酒吧，享受無擠逼之下嘅熱鬧。
香港嘉里酒店地址
地址：九龍紅磡灣紅鸞道38號（黃埔站C2出口／紅磡站B1出口）
電話：2252 5888
新推出
$1088
新推出
$1688
新推出
$2388
$688
$268
$70
$138
$198
$168
$128
$828
$1088
除夕倒數派對除咗場地外，飲食安排亦相當重要，除咗選擇酒店餐廳外，更加可以選擇Kama Delivery嘅美食到會服務陪你倒數，我哋餐單上設有唔同人數份量嘅美食到會套餐，你可以因應派對參與人數選擇，訂購金額滿HKD$688更可享免運費地面交收服務，無論你決定響室內過除夕定室外，我哋嘅美食到會套餐響選擇上及送貨服務都可相應配合，菜單提供由餐湯、小食、沙律、主食、肉類、海鮮、飯及意粉、甜品、飲品甚至室外燒烤套餐、野餐盒一應俱全，作為你最佳嘅派對飲食夥伴，一定有適合你嘅選擇，歡迎隨時瀏覽我哋網站或者WhatsApp我哋客服人員查詢美食到會訂購詳情及報價。
聯絡我們
追蹤我們延伸閱讀
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
