香港3大結婚教堂推介【無宗教信仰都可以在教堂舉行婚禮？】

如果要響香港結婚教堂舉辦婚禮，一般都只係開放俾該教堂或宗教嘅受洗教友（男女方至少其中一方已受洗），例如有180年歷史嘅聖約翰座堂，因為屬於聖公會教省，所以準新人如果響聖約翰座堂舉行婚禮，其中一方必須為聖公會領洗教友，咁無宗教信仰又可唔可以響教堂行婚禮呢？

香港無宗教信仰嘅準新人如果想響教堂行婚禮亦有3個結婚教堂選擇，不過首先點解咁多人想響教堂行婚禮呢？響教友嘅角度，當然係與神嘅祝福有關，同時代表尊重及承諾；但非教友或無宗教信仰者，因為教堂氣氛莊嚴神聖，教堂獨特外觀加上內部裝飾，為婚禮增添豐富色彩，所以就算我冇宗教信仰，教堂始終都係行婚禮嘅不二之選，我哋綜合咗三間最多人選擇嘅教堂選擇，但因為開放俾非教友行禮嘅教堂始終唔多，爭崩頭嘅情況下大家要早少少準備。

結婚教堂首選 – 愉景灣海濱白教堂

愉景灣海濱白教堂建於2013年，相比其他教堂歷史相對冇咁悠久，不過最為人熟悉及吸晴嘅莫過於教堂外型以等腰三角形設計，有現代感之餘亦不失莊嚴；四周環繞採用落地玻璃，自然光再加上無敵海景，已經係一個極具浪漫氛圍嘅婚禮背景。佔地約234平方米可容納120位賓客進行證婚，或設置60人的宴會，有顏值亦有內涵，成為首選當之無愧。點去愉景灣？中環三號碼頭搭乘渡輪，約25分鐘即可到達愉景灣或乘搭港鐵東涌站DB01R巴士，或港鐵欣澳站DB03R巴士，都可到達愉景灣碼頭。

經典之選 – 伯大尼小教堂

有近150年歷史嘅伯大尼小教堂採用歐陸設計，花崗石建造，拱形陽台加上彩繪玻璃窗處處散發教堂嘅莊嚴及經典，而且極具電影感，伯大尼小教堂而家由香港演藝學院接手管理，作為校舍及表演場地，所以無宗教信仰嘅準新人都可以租用行禮。

取景一流 – 三育書院景輝堂

三育書院景輝堂雖然係基督堂，但同時接受非教友租用行婚禮，在三個結婚教堂推介中，佔地面積最大，教堂內部可以容納300人，計埋外面嘅大草原佔地5萬平方尺，而坐堂牧師可為新人簽署婚書，新人無需另聘婚姻監禮人(律師)證婚，適合舉辦大型婚禮，過去亦有好多電視劇及電影婚景輝堂取景，一對準新人亦儼如電影及電視劇中的男女主角。

常見行禮程序

無宗教信仰於教堂行禮有咩程序？相對教友舉辦婚禮，有宗教信仰婚教堂行婚禮一般有神父領唱、甚至會邀請司琴、詩班等參與，但無宗教信仰的話行禮程序就比較簡單，一般如下：

1. 來賓入座
2. 女方家長入場
3. 神父陪同新郎及伴郎進入會場
4. 神父會帶領歌唱，並宣布婚禮開始，眾立
5. 父親陪同新娘進入教堂，走到聖壇前，伴娘及花童也會在後方跟隨入埸
6. 新娘父親會將新娘嘅手交給新郎
7. 神父進行祈禱、獻詩及宣誓儀式
8. 新人宣誓結為夫婦並交換戒指
9. 兩位新人致謝及在婚禮證書上簽名
10. 新郎和新娘會攜手離開禮堂，婚禮結束
11. 拋花球和拍照留念，一般會舉辦茶會並等待晚宴