【夏季熱傷害】中暑的應對錦囊|Kama Delivery到會餐飲外賣專家

【夏季熱傷害】中暑有咩症狀?中暑、熱衰竭及熱痙攣3個應對錦囊

  【夏季熱傷害】中暑有咩症狀? 夏日炎炎,戶外活動頻繁,開心同陽光玩遊戲,其實熱傷害風險,隨時導致熱中暑,小朋友就更加要注意中暑症狀喇,要了解中暑,先要了解中暑嘅原因。我地人類屬於恆溫性動物,即身體會透過機制控制體溫,避免過熱過冷,正常人體體溫係攝氏36-37度,當我地體溫於高溫之下,身體會透過機制降溫,以排汗蒸發身體熱量,但大量排汗會導致身體陷入缺水,如果無適時補充水份,隨時出現熱傷害,熱傷害包括熱痙攣、熱衰竭及熱中暑,唔好睇少中暑,死亡率可遲50%-70%,是非常危險嘅熱傷害,尤其小朋友、長者一旦中暑,後果更加嚴重,所以預防中暑好緊要,一齊睇睇中暑有咩症狀同點樣解決!   中暑、熱衰竭及熱痙攣3個應對錦囊 熱傷害死亡率高嘅原因係,人體因為排汗降溫,導致流失大量水份鹽份,體溫過高會同時破壞內臟及血管,容易令人出現衰竭,所以我地必須分清3種不同程度嘅熱傷害有咩症狀,盡可能響中暑前讓身體降溫。   _____________   【輕程度熱傷害】熱痙攣   熱痙攣死亡率雖遠低於中暑,但亦伴隨一定嘅危險,由於體溫持續過高一段時間,水份鹽份過度流失,導致肌肉細胞之間的空隙收窄,神經末梢壓力加劇,誘發抽筋疼痛,甚至痙攣。痙攣下容易出現呼吸困難,導致休克。   _____________   解決熱痙攣嘅方法建議   真係中暑點算好?將患者移到陰涼位置,人保持側臥,因為抽搐有機會導致嘔吐,側臥可防嘔吐物噎塞呼吸管道,然後解開患者衫鈕同腰帶,敞開上衣降溫,以常溫開水或鹽水補充水份,熱痙攣患者通常透過休息補水可以自行恢復,當然如果情況持續,最好都係送去醫院啦。   _____________   【中程度熱傷害】熱衰竭   睇到衰竭兩個字就知距離中暑不遠了,熱衰竭患者其實旁人一察幾乎可以幫佢Call定白車,長時間嘅水分蒸發及流失嘅狀態下,身體熱量無辦法排走,加上無適時補充水份同鹽份,結果發生脫水、急性內臟衰竭、內臟損傷、昏迷、休克、甚至會導致死亡。熱衰竭患者一般面色呈蒼白、大量出汗、感到暈眩及頭痛等。   _____________   【高程度熱傷害】熱中暑   即係我地成日講嘅中暑,係熱傷害中最嚴重嘅等級,中暑患者身體已經無法正常排汗,身體內熱量過剩而排唔走,患者體溫飆高至攝氏40度-41度絕非稀奇,並伴隨頭暈、抽搐、休克及心跳過快等症狀。若察覺有人中暑,必需立即送去醫院治理,頭先都講過中暑死亡率高,延遲治療亦可能導致其他永久性傷害,中暑患者跟熱衰竭患者最大分別係中暑患者面色潮紅,多已半休克狀態。   _____________   解決熱衰竭同熱中暑嘅方法建議   首要即時Call白車,之後應對方法同處理熱痙攣差唔多,主要是將患者帶去陰涼處,令佢身邊停止排汗,等待救護車嘅同時,除左補水之外,亦可以濕毛巾放響患者頸側或腋下,亦可以風扇降溫,待救護員一到,患者嘅情況同用左咩方法降溫,都需要話俾救護員知道。   _____________   中暑高危者   了解咗中暑成因,有某幾類人比較容易出現熱傷害,例如長者、小朋友、孕婦等,另外就係容易大量排汗人士,例如長期服用藥物人士或肥胖人士等,所以大熱天時響出面要特別留意自己身體狀況,適時補水,避免中暑。   _____________   如何預防熱傷害? 1️⃣ 外出時帶備足夠的水或電解質飲料。 2️⃣ 炎炎夏日應該著淺色衫,避免過量吸熱。 3️⃣ 烈日當空,避免進行劇烈運動或長程的遠足等活動。 4️⃣ 活動盡量安排響下午,避開日頭最猛烈嘅時候。 5️⃣ 切勿停留於悶熱嘅空間內,例如停左車就唔好坐響入面啦。 6️⃣ 進行活動途中感到任何不適,就算係好輕微嘅不適,都要立刻停止所有活動,直到身體恢復正常,因為往往唔起眼嘅不適,就係熱傷害嘅先兆。             夏天出去玩,野餐又好,船P又好或者去海灘都好,消暑點少得Kama Delivery嘅消暑孖寶?夏日水果茶同珍珠奶茶,特大容量5公升裝,唔係消暑咗咁簡單,直頭係透心涼,絕對有效預防中暑危機,我地嘅送貨服務覆蓋香港九龍新界,跨越區域界限為你送貨消暑,宜家訂購夏日水果茶,仲送你「爽滑百香果Q凍」,仲點會中暑呢?即刻WhatsApp我地落單啦!     【點我查看到會飲品外賣】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 野餐食物外賣推薦【懶人包系列】 【船河到會安排懶人包】 5L桶裝珍珠奶茶【派對外賣必飲】 【飲品到會重新定義】   部份圖片出處 https://www.pexels.com https://unsplash.com     *未經許可,以上文章不得轉載或引用*        
2021-06-21
【DSE、大學生暑期工】Part Time招聘攻略2021|Kama Delivery到會外賣專家

【DSE、大學生暑期工】Part Time招聘攻略2021

  【DSE、大學生暑期工Part Time招聘攻略2021】   話咁快6月都過左一半,意味長達兩個月嘅暑假即將來臨,中學生好大學生好,都會趁暑假呢兩個月時間搵兼職暑期工做,陀飛輪都咁唱,你獻出了十吋時和分,可有換到十吋金?唔駛返學嘅時間,虛度光陰不如趁暑假賺下零用錢,可以賺錢又可以賺工作經驗,最緊要嘅當然係暑期工對於面試者嘅要求唔高,基本上一見就有咁滯,做得好隨時變成一份固定Part Time;踏入今年暑假,暑期工嘅種類依然係五花八門,DSE、大學生應該搵咩暑期工做好?搵暑期工又要留意啲咩?對於未踏足社會嘅一班莘莘學子,睇完呢篇文章,希望你可以避免墜入陷阱,搵到適合自己嘅暑期工,充實自己之餘,亦充實荷包,咁先可以Work Life Balance!   _____________   搵Part Time、暑期工招聘好地方推介   科技年代,搵暑期工梗係上網搵啦,下面求職網站對暑期工都有獨立分類,無論僱主資料、工作職務、返工地點、預期人工等都有刊列,慳返好多問野時間,當然,你亦可以透過篩選,直接搜尋自己心儀嘅行業、地點、招聘形式等,一矢中的,雖然暑假工嘅工種比較少,但對於無任何工作經驗嘅學生哥嚟講,都足夠有突啦!   1. 兼職網 網址:http://www.parttime.hk     2. Indeed 網址:https://hk.indeed.com/     3. JobsDB 網址:https://hk.jobsdb.com/hk     4. 香港好工網   網址:https://www.hkgoodjobs.com/   _____________   暑期工四大長青行業   暑期工嘅工種選擇確係比較少,但每個暑期總有啲工種會大量請人招聘,而且唔需要工作經驗,要求亦唔高,基本上滿足僱傭條例年滿15歲已經可以求職,可能中四學生哥已經可以體驗下職場生活,因為某啲行業響暑假可以話係當時得令,求才若渴,連帶週邊行業對人手上亦需求大增,暑假做咩好?不妨參考下以下四大暑期工長青行業,睇下啱唔啱自己心水。   1. 飲食業   暑假一定多左人出街食飯,一日三餐日日煮,想攰死你老媽子咩?平時仔女要返學,星期六、日都可能忙做功課溫書,所以暑假期間一家大細出街食飯嘅意欲一定大咗,學生哥唔駛返學,又多左同朋友行街食飯,餐廳當然需要更多人手應付生意,無論餐廳樓面服務員或廚房學徒等,基本都有在職培訓,邊做邊學,有冇工作經驗唔重要,而且通常至少包一餐,慳左都算賺左啦。     賣下廣告,Kama Delivery都歡迎對飲食行業有興趣嘅你加入我地嘅大家庭,工作經驗多少不拘,暑期工實習、兼職或長工我地都無任歡迎。不論係文職定係廚房職位,我地都有空缺。歡迎大家電話查詢或者WhatsApp聯絡我地,期望充滿活力嘅你加入我地嘅團隊。   Kama Delivery招聘熱線:6570 0439 即時WhatsApp:http://wa.me/85265700439   2. 售貨員   全職Sales通常都需要一定工作經驗,因為除左賣野,你亦需要應付客戶咨詢同具備良好溝通技巧,滿足客戶要求甚至處理客戶投訴,但暑期工一般請售貨員主要係理貨同做分流,又或者一啲比較簡單行業如百貨公司,當然,你有成功銷售最好,做銷售可以增加同唔同嘅人相處嘅機會,亦係提升待人接物、應變能力同口才嘅好機會,外向嘅你不妨可以一試,話唔定有驚喜嘅收獲。     3. 倉務員   暑假多咗人行街買嘢,帶動零售業之餘,倉務、理貨嘅相關工作量當然亦隨之上升,從事倉務工作最重要嘅係體力勞動,學歷、經驗都係次要,主要職責係包裝同搬運,絕對需要任勞任怨,暑假期間通常都會大量請兼職,不過主要請男仔多,另外因為18歲以下人士從事體力勞動工作會有相關限制,所以倉務工作一般會請「夠枰」嘅男同學。     4. 問卷專員   好多企業會透過客戶問卷了解客戶嘅諗法,制定未來推廣及銷售方針之餘,順便留低潛在客戶嘅電郵或電話方便日後跟進。暑假條街比平日多人,所以問卷調查專員亦係暑期工嘅招聘常客,雖然亦算體力勞動,暑假天氣炎熱,企喺條街同人做問卷,都辛苦嘅,但同倉務相反,一般請女仔多,原因好簡單,女生訪問員被拒絕嘅機會比男生低很多,而且面對女嘅訪問專員,受訪者會比較願意留低聯絡方法,尤其係受訪者係男性,你懂的,今次女學生就有優勢喇。   _____________   【新興暑期工】Blogger/產品評級專員   好多學生年紀輕輕但才華洋溢,能夠寫出吸晴嘅文章,字字珠璣,而且具備專業攝影執圖技巧,依加呢個年代,執靚相已經係年輕一代本能,唔想埋沒才華,可以趁暑假寫Blog投稿又或者建立個人專頁、頻道,可能係寫關於DSE、遊記、手遊、桌遊、運動、美食等等,好多公司都會透過Blog提高網站能見度,如果你寫得一手好文章,又想賺錢又想舒舒服服,不妨當暑期工咁做,寫得好隨時會邀請你幫公司寫產品用後感,長寫長有,過左暑假都有份固定Part Time收入啦!   _____________   【老生常談】暑期工5大求職陷阱   年青人剛剛踏足社會,經驗不足又心急嘅情況之下,容易被不法之徒有機可乘,暑期工陷阱一睇再睇,騙徒手法層出不窮,五條中一條你都唔好做,荀工真係咁多咩!隨時浪費時間,賺唔到錢仲要倒輸就唔好啦。   1. 無任何學歷或經驗要求,但人工極高   常見於社交平台分享,標題極具吸引,咩在家工作日均4位數收入、可以去旅行兼賺錢諸如此類;因為大型招聘網站需要僱主披露公司資料,但因為呢類型公司招聘嘅職位同職能比特殊,所以唔會作出披露,學生搵暑期工容易被人工高吸引,作出錯誤決定,隨時係從事非法工作,無要求,人工高,佢成家去哂做啦,做咩要出Post請你?     2. 未開工先俾錢   常見於模特兒或演藝工作,例如好多自稱星探嘅人會花言巧語話要捧你做林志玲、下一個姜濤,但你必須要俾錢上堂,學唱歌、做戲、模特兒訓練等,上哂堂就安排你出Show、簽經理人合約,暑假好多商演活動叫你盡快報名,最後可能做咗次「臨記」就冇哂聲氣,唔係話呢啲就一定假,但決定前必須調查對方身份來歷、公司背景、公司資料或者有咩藝人,最好問下爸爸媽媽意見先做決定。     3. 騙取個人資料   有啲公司會先WhatsApp你,同你講完一大輪就問你WhatsApp身分證、銀行卡同地址證明俾佢話幫你預約見工,你唔好急,預約見工通常有你個姓同電話號碼就夠,其他嘢大可正式簽約先提供,好多同學仔少見工,以為係既定程序,又心急搵暑期工就掉以輕心,最後無端端洩露個人資料,惹上一身錢債,所以對於個人資料必須加倍小心提防。     4. 層壓式推銷騙局(傳銷/直銷)   層壓式推銷屢見不鮮,到今時今日仲係好多人中招,點解你會中招?因為你朋友中左招,你以為你朋友有好野益你,帶你聽講座,講台上有個自稱藍寶石伯爵嘅人好似鬼上身咁,話自己年薪千萬,下線數千,你嘅美好人生,由呢個暑假開始,只需要入貨搵下線,抽佣之類,之後你就同你朋友入貨,幫佢脫離險境,自己就萬劫不復,都係果句,唔好即時做決定,問多幾個人先,暑期工搵下零用錢賺下旅行洗費,唔駛做伯爵嘅。     5. 暑期工都要簽約及留意細則   有一句名言叫魔鬼在細節,要防範好簡單,你可以聽左佢講咩先,錄埋音都怕,然後咩都唔好簽,成份合約帶走俾父母睇下先,真係冇問題先簽名帶返去,了解合約先簽名係權利,簽左名就代表你同意,所以奉勸各位記住「唔好急,慢慢嚟」。       最後講多樣野,香港合法工作年齡雖然係13歲,但非常多限制,僱主一般唔會考慮,所以搵暑期工,15歲以上會比較適合,15歲以下建議你暑假搵啲興趣班學下野,充實自己,機會從來只係留俾有準備嘅人,趁暑假期間,不論DSE、大學生,一齊搵份Part Time,賺下錢之餘,又可以開拓人脈、擴闊視野!   以上資訊係由Kama Delivery提供,我地致力為全港各區炮製同送遞西式到會美食,為大家嘅聚會同派對增添一份「滋味」!     【點我查看滋味到會外賣餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 野餐食物外賣推薦【懶人包系列】 【11款開Party大食會餐單ideas】 謝師宴籌辦攻略2021 【一文睇清場地選擇及慶祝方式】 【學校到會美食外賣推介2021】   部份圖片出處 https://www.pexels.com     *未經許可,以上文章不得轉載或引用* *以上資料只供參考,如有變動或錯誤,恕未能立即更新*        
2021-06-15
狗狗生日Party點慶祝?【3個寵物派對場地推介】|Kama Delivery到會外賣專家

狗狗生日Party點慶祝?【3個寵物派對場地推介】

  狗狗生日Party點慶祝?【3個寵物派對場地推介】   香港嘅毛孩係好幸福嘅,好多「家長」對毛孩嘅愛不下於親生骨肉,食好著好住好已經係好基本,寵物Spa、學校、Party Room,甚至坐私人飛機出國去旅行都有,而開寵物派對嘅名目亦五花八門,狗狗生日會、貓狗弄璋或弄瓦之喜、甚至竉物婚禮等,侍奉主子一生快樂幸福絕對係奴才應該的,雖然香港係一個開明社會,但始終唔係每個地方都歡迎毛孩內進,單單係寵物友善餐廳、Cafe已經係寥寥可數,一眾毛孩家長要開竉物派對、慶祝狗狗生日Party,喺場地或形式上有咩好選擇呢?   _____________   寵物放電首選 草地揮灑汗水 中山紀念公園   位於西環嘅中山紀念公園,擁有一個極大嘅草地,毛孩們可以盡情奔走,一眾家長揀場地開寵物派對聚會,首當其衝當然係令竉物有足夠活動空間,其次中山紀念公園平時亦有好多家長帶毛孩們野餐,無論係主人定萌竉們都可以識到新朋友,開Party最緊要係熱鬧開心,大草地自然景觀影相一流。中山紀念公園交通便利,距離西營盤港鐵站只係幾分鐘路程,而一眾駕車人士亦可於中山紀念公園體育館旁嘅停車場泊車,非常方便,公園望出去可大覽九龍半島沿岸景色,心曠神怡。   _____________   嘆著冷氣放狗 室內狗公園 Five by 5 網址:http://fiveby5.hk 電話:6511 0550   夏天怕去室外地方熱得滯?去Five by 5嘆住冷氣放狗夠寫意未?位於荔枝角嘅Five by 5室內室外佔地超過4000呎,室內有竉物專用party玩具,其中更包括毛孩波波池,各位家長怕熱又驚毛孩們容易中暑,可以選擇響室內狗聚、開生日會,室內亦有近2000呎空間,竉物有足夠活動空間之餘,家長們都可以圍埋食下野,傾下育狗經,等晏少少冇咁熱,可以帶狗狗玩Five by 5嘅室外玩樂設施,例如滑梯、竉物游泳池等,場地更貼心提供竉物救生衣,雖然好多狗狗本身都識游狗仔式,但著住救生衣自然可以無憂無慮咁游水放電啦,游完水亦有提供沖水及吹乾毛孩嘅設備,服務貼心主人安心,避免毛孩冷親,各位家長開竉物派對點少得美食呢?場地內可以選擇燒烤或到會美食,直程可以由朝玩到晚,邊玩邊食,讓毛孩留下一個難忘嘅回憶。   _____________   竉物Cafe 派對包場一條龍服務 Ruff and Fetch 拉夫寵物生活 網址:https://www.ruffandfetch.com 電話:2348 0262   響竉物cafe慶祝毛孩生日派對唔係咩新鮮事,搵合適場地往往係主子們一大難題,但位於佐敦嘅Ruff and Fetch樓高三層,先講食物,Ruff and Fetch提供狗狗專屬餐單,毛孩專屬肉批、生日蛋糕、雞蛋仔等美味可口,主人亦可以響cafe享用西式美食,最重要係無論室外或室內用餐區,狗狗嘅活動範圍都唔會有任何限制,寵物派對中人狗可以一齊開餐,大快朵頤,飲飽食醉之後,可以有埋毛孩落二樓,享受毛孩專屬嘅美容spa按摩服務,提供深層清潔護理,仲可以泡個牛奶浴,再做埋焗油,一句講晒,做人有時都不及做狗好,隔住個Mon我都聞到陣葡萄㗎。食完玩完,SPA都做埋,再落一樓掃貨Shopping,毛孩專屬用品及食品,所有商品進口自日本韓國等地,品質有保證,由營養食品到日用品如竉物孭帶、床仔及帳篷都一應俱全,開完狗狗Party仲可以帶走咁多戰利品,家長們同毛孩們都一定大滿足。       希望今次介紹嘅地方可以為想開竉物派對嘅你提供場地靈感,Kama Delivery一直以來都係毛孩嘅擁躉,提供多款多人美食到會套餐,適合唔同人數嘅竉物派對聚會,加上我地嘅Party到會外送服務跨越地區性界限,無論你響香港九龍定新界,響野餐場地、酒店、寵物Party Room、會所甚至係屋企開毛孩派對,我地嘅外送服務都會準時將美食送到,歡迎WhatsApp或者致電我地查詢,亦可以響Kama Delivery網站訂購美食到會。     【點我查看到會直送餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 野餐食物外賣推薦【懶人包系列】 【高級到會推介】讓你自訂獨一無二嘅外賣餐單 【跨區外賣速遞推介】 最快30分鐘送到你手上 【10件養松鼠狗你要知道的事】     *未經許可,以上文章不得轉載或引用* *以上資料只供參考,如有變動或錯誤,恕未能立即更新*        
2021-06-10
【新屋入伙拜四角步驟懶人包】喬遷之喜儀式禁忌2021|Kama Delivery到會外賣服務專家

【新屋入伙拜四角步驟懶人包】喬遷之喜儀式禁忌2021

  【新屋入伙拜四角步驟懶人包】喬遷之喜儀式禁忌2021   喬遷之喜可以講係人生最大喜事之一,香港地成功入屋上車世紀級困難,對年青人嚟講,新屋入伙拜四角成為重大課題,既定儀式程序同方法,禁忌眾說紛紜,當然,好多後生仔都百無禁忌,但拜四角唔代表迷信,買左樓一住可能十幾二十年,甚至住過世,拜四角亦只係做一次,亦只能做一次,求個安心絕對唔係迷信,有見及此,買左樓嘅你留意啦,本文會由拜四角嘅儀式步驟、程序、擇吉日等等,注意事項同禁忌向你全面解說,要做就做到最好。   新屋入伙拜四角先要注意時間,如果新居需要裝修,裝修即等於動土,咁裝修前就要先擇日拜四角,但如果新居無需裝修,咁拜四角就可以正式入伙前擇日去做,咁何謂入伙前?大家注意入伙唔係你入去住果日,有兩個界定方式,如果新家會打算安設神位,神位入宅當日就係入伙日,如果新居並無打算安設神位,就以米缸進宅當日起計為入伙日,當然現代人應該唔會有米缸呢樣野,咁一般盛器都係可以嘅,但搬米缸入宅一樣有相關儀式,記得米缸嘅白米上要有兩封利是,入面要有紙幣、茶葉同白米,待吉時搬缸進宅,寓意衣食富足,成世唔洗憂柴憂米,而新屋入伙拜四角儀式必須在之前擇吉日完成。   _____________   關於擇吉日拜四角   拜四角當然要擇個好時辰啦,當然你誠心到搵堪輿師父俾意見就最好,但求個安心的話,第一需避開兩個時候,就係農曆新年期間同農曆七月份,即相傳鬼門關開放的日子,農曆新年正月初一到十五,應避免打掃或搬運,所以拜四角響過年期間可免則免,否則有損財運,所以農曆新年期間地產買賣同租務成交都特別少;農曆七月亦唔好拜四角,有說唔好農曆七月十四當日拜就得,但始終農曆七月都比較敏感,唔好咁硬頸,一年間365日有大把好日,打開通勝日曆,日曆當日寫有,「宜移徒」、「宜入宅」都適合拜四角,時間上盡量於午時前開始,即下午一時前開始,下午或入夜前完成都可以,踏入2021下半年,有咩吉日吉時啱新居拜四角呢?可以參考下列時辰。   【2021下半年】新居入伙拜四角吉日吉時 新曆 11/07(11:00-13:00)是日沖虎 新曆 29/08(09:00-11:00)是日沖兔 新曆 12/09(09:00-11:00)是日沖蛇 新曆 05/10(09:00-11:00)是日沖龍 新曆 12/11(11:00-13:00)是日沖馬 新曆 07/12(07:00-09:00)是日沖羊 如以上生肖當日相沖,揀第二日會比較好,通勝日曆會寫明當日沖咩生肖,可免則免。   _____________   咁揀好吉時吉日,拜四角最緊要準備咩呢?準備好又點拜呢?   拜四角第一樣野當然係要去買材料啦,去衣紙鋪同老闆講要拜四角,佢會識執俾你,正常會有一份大嘅衣紙連黃色屋契,填好連埋最大果份衣紙放於廳中心,預備紅蘿蔔切開五份,用嚟插紅燭同香,步驟係先響廳中心點2枝紅燭後再點9支香,然後於家中四個角先點1支紅燭再點3枝香,備好祭品例如花生、豆腐、芽菜,連皮肥豬肉、糖果等分五份及準備燒酒一枝,祭品放喺五個白色紙碟上,家中四角及廳中心各放一份,準備7隻紙杯,廳中心放燒酒3杯,四角分別放四杯水,然後返返廳中心,通知一聲呢個地方你已經買左或者租左,然後開始化寶,由中間最大果份開始燒,然後順時針將四角的衣紙燒掉,待衣紙及香燭香支燒完,成個拜四角儀式正式完結,記得跟返化寶次序,將房間燒完嘅衣紙香燭用掃把掃出廳,再一次過掃出門口,所有祭品及用具都要掉哂佢,唔好又拎返入屋用,有人屋企燒唔到衣紙,可以拎落街燒,求個安心,做到幾多就幾多。   關於新樓入伙拜四角更詳細嘅教學,可以睇下面條片,會教埋你點填張屋契添,所謂各處鄉村各處例,呢個例子係最普遍做法,簡單得嚟不失傳統,唔代表個個地方都啱用。     _____________   拜四角禁忌   所有拜神儀式都有禁忌,拜四角亦都一樣,禁忌其實都好容易避免,請留意以下幾點: 1. 拜四角必須在動土前或入伙前完成,早上至中午開始,而且最好在下午或入夜前完結。 2. 如果家中有孕婦,應避席拜四角儀式,請老公或家人代勞,拜四角並唔需要所有家庭成員參與。 3. 唔需要裝修嘅朋友,拜完四角唔好心急拿拿聲搬入去,入伙亦要選個吉日,最好選擇通勝日曆上寫住宜「移居」或「安床」嘅日子先好入伙。 4. 拜四角不宜穿白衣或麻質衣服。 5. 切勿用口吹熄燃燒中嘅香燭或衣紙,應該耐心等佢哋自然熄滅,真係要整熄佢都只能用手撥熄,唔尊重之餘亦會產生危險。   _____________   當然入伙後仲有一樣野好緊要,就係開入伙派對,新居入伙拜四角係因為屋企長期無人氣,所以先要拜神通知一聲,咁開返個Party,請多啲朋友嚟踩旺個場,所謂笑聲笑聲,旺財旺丁,最後一點,記得開完Party,當晚全屋要開住燈過夜,如果開燈怕訓唔著,帶住眼罩訓都要㗎啦。   入伙Party點可以少得美食佳餚呢?Kama Delivery貨架上有唔同套餐,適合唔同人數嘅Party,免運費全港送貨,無論你新屋入伙Party開喺邊度,我地嘅送貨服務都會準時送到,令你派對吉時開席,入伙Party首選我地嘅皇牌套餐Master King Set,食材豐富體面,份量足夠12-15人,更可因應人數調整份量,歡迎致電或WhatsApp我地,響網站訂購都得㗎。   新居入伙派對到會套餐首選   Master King Set 套餐內容 柚子沙律、泰式青木瓜大蝦沙律、煙鴨胸凱撒沙律(共15杯) 黑松露蒸蛋(15隻) 蜜汁烤雞翼(12件) 日式章魚燒(12件) 蘆荀番茄烤雞墨西哥卷(12件) 白酒忌廉汁藍青口拼大蜆(3磅) 一口焗芝士蟹肉釀菇(12件) 香檳牛油汁比目魚配番茄莎莎(12件) 焗德國豬手(1隻/已切件) 龍蝦海鮮Mac n Cheese意大利飯(5磅) 黑松露野菌忌廉闊條麵(3磅) 流心芝士龍蝦三文治(12件) 即棄餐具(包括刀、叉、匙、紙碟)(15套) 食物夾(2個)   【點我查看更多到會外賣菜單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 牛魔福音【4款高質牛扒外賣必食推介】 【飲品到會重新定義】 原隻燒乳豬外賣到會【公司開張、慶功活動必叫】 【派對食物外賣推薦】 免運費直送+送小食     最後更新日期:07-06-2021 *未經許可,以上圖片及文章不得轉載或引用*        
2021-06-07
【戶外婚禮點攪好?】3個戶外婚宴場地大解構|Kama Delivery到會速遞服務專家

【戶外婚禮點攪好?】3個戶外婚宴場地大解構

  【戶外婚禮點攪好?】3個戶外婚宴場地大解構   結婚一世人一次,邊個唔想盡善盡美,疫情下好多酒樓、酒店婚禮都要取消,取而代之就係戶外婚禮,響戶外擺酒宴客有別於一般傳統婚宴,傳統婚禮定好圍數,有時請唔哂所有親朋好友,順得哥情失嫂意,另外有好多因素影響開席時間,例如玩遊戲、換裝或婚禮儀式等有機會出現延滯,餓親我可以,但餓親細佬長輩就唔得啦!   戶外婚禮可以容納人數多,而且可以流水式進場,可以邀請更多賓客,場地活動空間大,朋友間聚舊都容易啲,流水式進場亦有好處,傳統婚禮有敬酒環節,即係新人領著兄弟姊妹們跟每枱賓客敬酒答謝抽空參與,好多參與者為免尷尬都會等到敬酒後先離開,但流水式嘅戶外婚禮,就算真係嚟左一陣要走,賓客都可免除尷尬,可見戶外婚宴更具彈性。另外婚宴形式唔再係等廚房做好,再等儀式完左先開席,因為戶外婚禮多以自助形式,完全唔需要賓客捱肚餓觀禮睇成長片段,咁戶外婚禮又有咩選擇呢?即刻等小編推薦一下俾大家揀!   _____________   城中美景 襯托浪漫 居高臨下 空中婚禮   The Air專辦戶外婚禮,位於尖沙咀The One,交通便利,鄰近尖沙咀地鐵站,而且有特大停車場配套,揸車搭車都同樣方便,The Air響The One 16樓,空中花園眺望維港醉人景緻,由藍天白雲見證浪漫,幸福滿瀉,夜晚更可將整個維港夜景盡收眼底,未飲醉先陶醉,The Air適合攪輕婚禮或雞尾酒會式婚宴,場地大概可容納60人,除左場地,美景配套外,結婚有一系列大小事項需要安排,新人冇經驗唔駛怕,The Air提供一條龍嘅婚禮統籌服務,無論場地佈置、化妝師安排、攝影安排、服裝、律師、司儀等,由擁有超過10年經驗嘅囍宴大師Wedding Master為一眾新人統籌婚禮大小事項,香港人又要顧搵食,血肉之軀唔駛抖咩,有專業婚禮統籌公司因應你嘅需要,安排夢幻婚禮,省卻左唔少煩惱,咁就冇交鬧啦!     The Air 查詢電話:9138 7379 網址:http://www.theair.hk   另外,The Air亦有提供婚禮餐飲服務,按人頭收費,以自助餐形式提供西式精美小食及酒水,但同酒店唔同,你可以選擇安排自己心儀嘅餐飲服務,例如我地Master Kama嘅一口小食套餐,可以根據你婚禮人數調整小食份量,包裝好準時送到,我們曾為眾多戶外婚宴提供餐飲外送服務,經驗豐富,亦希望有幸成為你婚禮中嘅一份子。   _____________   Kama Delivery 一口派對小食套餐   以下食物份量將按所選人數提供(共10款) 黑松露蒸蛋 蟹肉沙律青瓜塔 巴馬火腿蜜瓜沙律杯 芒果醬海蝦酥盒 芝士菇菇酥盒 一口菠菜芝士薯餅 蘆筍蕃茄烤雞墨西哥卷 【3選1】迷你牛油鮮蝦包/迷你蟹肉沙律包/迷你龍蝦包 意式奶凍 布朗尼蛋糕   【點我查看一口小食套餐】   _____________   幸福搖籃 孕育浪漫 藍天碧海 海上婚禮   海上婚禮近年大受歡迎,疫情下旅行結婚遙不可及,以大型遊艇舉辦婚禮,有旅行嘅感覺,海上婚禮亦漸趨成熟,而且非常有特色,一眾新人絕對值得一試,去戶外搞婚宴都未必一定係草地上!而玻璃船就係近年嘅新選擇,如果你以為玻璃船只係Gimmick,船仔細細辦戶外婚禮唔夠體面,你就大錯特錯,Float Wedding玻璃船共有兩層,提供超過3000呎空間,設施更加應有盡有,露天吧枱、新娘房、室內及戶外音響、餐飲區,更有人造草地證婚區,航行路線亦有選擇,維多利亞港及南港島區,最貼心嘅係總共4個碼頭巡賓客上船,分別係中環、銅鑼灣、香港仔同觀塘,船上亦有提供婚宴餐飲服務,酒水亦有提供,唔鐘意可以同一眾親朋好友去南丫島勁擦海鮮,選擇具彈性,當然,海上婚宴最重要有四點要留意,船上裝飾擺設必須固定好,船身擺動裝飾擺設容易翻側;髮型師好緊要,海風大會吹亂髮型,專業髮型師就係你嘅救生圈,輸個髮型幾唔抵呢;化妝師再唔係只係補粧,海風潮濕,對粧容有一定影響,用咩化妝品,有咩要注意,新郎新娘係婚禮主角,贏個髮型點夠呢;當然,唔少得專業嘅攝影團隊,要捕捉到新人最美一刻之餘,企得穩好緊要,上下盤都要穩陣,慳咩都好,呢幾樣貴貴都唔慳得。   FLOAT Wedding 香港獨一無二嘅玻璃船 電話:9280 3774 網址:https://float-hk.com   _____________   人情味濃 普村同慶 簡單隆重 圍村婚禮   香港有唔少圍村,左鄰右里都識,圍村居民人情味濃且團結,結婚咁大件喜事當然係一齊攪靚佢啦,圍村好多長輩,做後輩嘅又點好意思要佢地舟車勞頓呢?好多團村居民結婚會響村內公家地方設戶外婚宴,唔駛派帖亦唔駛賣廣告,一擺就全村都知,Kama Delivery亦有為圍村新人提供婚宴餐飲,更可自訂專屬餐單,此外,因為賓客眾多,我地更可提供上門侍應服務員到場招呼賓客飲食,由運送、設宴、招待一手包辦,圍村設宴喜興氣氛濃厚,由開始到婚宴完結都不停有賓客進出,不斷為一對新人添上祝福,圍村設宴挽下手百幾二百人,我地會憑豐富經驗,為婚宴主任度身訂造菜單,分憂婚禮餐飲安排,等一對新人留下難忘嘅回憶。       Kama Delivery炮製各式套餐及單點一口小食,包括各式各樣嘅沙律、主菜、意粉、甜品等等,適合各類型嘅戶外婚禮活動。婚宴乃人生大事,不容忽視,我地期望憑著豐富嘅餐飲經驗,為你嘅親朋好友打造非一般嘅美食享受。我地期待成為你完美婚禮嘅一份子,歡迎致電或WhatsApp我地查詢!   【點我查看婚宴到會套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 牛魔福音【4款高質牛扒外賣必食推介】 【高質外賣推薦】 二人世界到會套餐 慶祝紀念、生日飯必睇 3月14日白色情人節 【2021求生攻略】 【人夫必讀】5個慶祝結婚紀念日嘅方法     最後更新日期:04-06-2021 *未經許可,以上圖片及文章不得轉載或引用*        
2021-06-04
Father's Day父親節外賣套餐2021|Kama Delivery到會速遞服務專家

【Father's Day外賣套餐2021】

  【Father's Day外賣套餐2021】   今年6月20就喺Father's Day,老老竇竇又點可以唔慶祝下,除左預備一份有心思嘅禮物,又點少得用美食慰勞偉大嘅Daddy呢,Kama Delivery每逢節日都會推出特色套餐,等大家可以舒舒服服一家人享受美食,唔洗排隊又唔會限住你食幾耐,套餐以外,平時供應嘅食物都可以訂得到,而且盡享4大會員外送優惠,輕鬆下單流程等你安心又放心,提提大家,節日訂單最好提前一星期以上訂購,為咗確保食物品質,滿額就會提前截單,依加就一齊睇下爸爸節限定外送套餐啦!   _____________     Father's Day 限定外賣套餐食物份量適合4-5人享用 龍蝦蒸蛋(5隻) 鮮果大蝦沙律(5杯) 北海道烤芝士雞肉餅(5件) 芝士蟹籽焗青口(5隻) 一口煙肉荔枝卷(5件) 德國香腸拼盤、酸椰菜、芥末醬、茄醬(1磅) 即棄餐具(包括刀、叉、匙、紙碟)(5套) + 主菜(4選1) 焗德國豬手(1隻/已切件) 【+100】香烤T骨配秘制Tiger醬(1件/450g) 【+130】炭燒美式肉眼扒(1件/400g) 【+130】西班牙烤乳豬配燒汁、焗薯(1份/約10件) + 飯/意粉(4選1) 香蒜和牛蘆筍炒飯(3磅) 日式帶子蟹肉炒飯(3磅) 63°C溫泉蛋卡邦尼意大利粉(3磅) 【素食】黑松露野菌忌廉闊條麵(3磅)   _____________     🔼 肉眼扒最適合係「食肉獸」嘅爸爸們 🔼 今年氣溫好似提前進入盛夏咁,同呢個Summer PaPa外送套餐內容一樣,全部食物菜式都係火熱推介,當中仲加入左唔少全新矜貴菜式,牛同海鮮相信都係唔少男士大愛,整個套餐有8道菜,小編我就特別喜歡美式肉眼扒,外送到面前肉質仍然粉嫩,牛味濃郁而且充滿肉汁,芝士蟹子焗青口配搭新穎,而帶子蟹肉炒飯都喺唔可以錯過嘅選擇,合家歡大人細路都咁鍾意食!       🔼 飯後一點甜推介:特濃朱古力布丁 🔼 嫌個餐未夠豐富滿足Daddy?仲可以追加甜品冧下爸爸,食左一定令佢心滿意足,喜歡朱古力可以試下特濃朱古力布丁,平時做野辛苦想滋潤進補一下,就要試試桂花燕燕喇,清爽可口岩晒夏天食,幫你消暑又降溫!       今次Father Day外賣套餐加購欄增設追加件數,如果多一兩個屋企人一齊食都唔洗擔心,可以彈性增加件數食物,Kama Delivery一直以來都用心做好食物外送體驗,不斷改善產品同服務,定期更新會員獎賞同優惠,今個爸爸節,就放心交俾我哋去為你預備食物啦!   【點我查看父親節外賣套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 牛魔福音【4款高質牛扒外賣必食推介】 【飲品到會重新定義】 香港地親子活動去邊好【2021暑假篇】 【10款實用父親節禮物推薦 送給爸爸一個不一樣的2021】     最後更新日期:31-05-2021 *未經許可,以上圖片及文章不得轉載或引用*        
2021-05-31
遊船河到會美食推薦2021|Kama Delivery外賣速遞服務專家

【船P到會美食推介2021】

  【船P到會美食推介2021】   夏日炎炎,好多人都會選擇船P出海活動,享受一下碧海藍天曬下日光浴,船P到會外賣服務好緊要,出海唔少得參與海上運動,跳水、滑板、滑梯等消耗唔少體力,唔食飽啲點掂呢?Kama Delivery美食外送服務曾為超過100個船P活動提供美食外送,精心安排指定時間送到碼頭,仲有一系列適合船p飲品供應讓大家盡情吃喝玩樂,臨近夏日暑假,小編特登精選八款最受歡迎嘅船P美食推介俾你地,為船P參與者玩得開心,食得放心,等大家都有個Happy Summer!   _____________   1️⃣ 船P到會美食推介 1️⃣ Kama 酥盒拼盤   酥盒一向都受歡迎,酥盒酥脆,餡料豐富,一口一件,方便食用。拼盤包含灸燒龍蝦芒果醬酥盒、牛油果鮮蝦酥盒、煙三文魚乳酪酥盒及芝士菇菇酥盒各2件,船P參與人數挽下手都10個人以上,每個人喜好不一,拼盤種類多,啱哂船P呢啲咁多人參與嘅活動。   _____________   2️⃣ 船P到會美食推介 2️⃣ 德國腸拼盤   德國稱為香腸王國,品質保證,四款不同類型嘅德國腸,司華力腸、熱狗腸、意式香腸同牛仔腸組成嘅德國腸拼盤,配以茄醬及芥末醬,口感豐富,香腸類一直係派對常客,大人啱食細路更愛,船P又點少得佢。   _____________   3️⃣ 船P到會美食推介 3️⃣ 龍蝦蒸蛋   出海梗係要有海鮮食先有儀式感,龍蝦蒸蛋外型可愛,鮮甜龍蝦配香滑蒸蛋,我地亦貼心附贈細匙羹,好食又方便,船P好少坐定定,行到邊食到邊,又唔駛拎住個碗行,夠哂瀟灑。   _____________   4️⃣ 船P到會美食推介 4️⃣ 西班牙烤乳豬配燒汁、焗薯   西班牙乳豬一直亦深受Party客嘅青睞,原因係西班牙乳豬出名皮脆肉嫩又Juicy,同港式乳豬比較,港式乳豬一般燒好左,我地嘅西班牙乳豬運送前先進行烤焗,經過運送後仍保持一定溫度,成隻上又得,切件上都得,唔試唔得。   _____________   5️⃣ 船P到會美食推介 5️⃣ 四款烤焗牛扒外送   Kama Delivery四款烤焗牛扒囊括最適合做牛扒嘅部位,分別係肉眼、T骨、牛肋扒(即帶骨牛小排)同重量級斧頭牛扒,各有特色,而且仲幫你切好哂,我地選用美國安格斯級牛肉,牛味香濃,油分較少但肉汁豐盈,出海玩咁費體力,當然要食肉補充下啦。   _____________   6️⃣ 船P到會美食推介 6️⃣ 迷你美式漢堡包/迷你夏威夷漢堡   迷你美式漢堡同迷你夏威夷漢堡造型的骰可愛,有著極高嘅顏值,出海船P玩一半時間都係影相,靚仔靚女梗有大把,影相用迷你漢堡做襯托就啱哂啦,另外迷你漢堡分美式同夏威夷版,美式版本適合愛食肉嘅朋友,比較膩肉嘅朋友食夏威夷版,各取所愛。   _____________   7️⃣ 船P到會美食推介 7️⃣ 雞皮餃子   外脆內軟,香脆雞皮油香滿滿,包覆嫩滑雞肉,更有脆脆蔬菜粒豐富口感,雞皮餃子於日本嘅居酒屋一直長青,而且人氣不減,建議收到就即刻享用,避免雞皮長時期擺放,有損雞皮脆度。   _____________   8️⃣ 船P到會美食推介 8️⃣ 袋裝DIY奶茶   一般開船P,飲極都係罐裝或盒裝飲品,了無新意而且悶到嘔,Kama Delivery嘅袋裝DIY奶茶正好打破呢個悶局,5L袋裝奶茶備有6種配料,分別係口感系列嘅小芋圓、椰果及黑糖晶球;滑嘟嘟系列嘅珍珠、原味布丁及手工仙草,總有一款你會飲上癮,奶茶分2.5公升及5公升,2.5公斤任選一個系列,5公升會包含兩個系列,令你嘅船上派對變得不一樣。       如果怕麻煩唔想自己揀,開船P更可以選擇Kama Delivery嘅Junk Boat Party Set,16-18人份量,免運費送到碼頭交收,幫你Set好菜單,非常方便。   Junk Boat Party Set 食物份量適合16-18人的船P/船河派對外賣享用 柚子青木瓜沙律(18杯) 蜜汁烤雞翼(18隻) 牛油果鮮蝦酥盒(18件) 德國香腸拼盤(2磅) 一口煙肉荔枝卷(18件) 焗德國豬手(2隻/已切件) 意式燒煙燻鴨胸三文治(18件) 迷你美式漢堡包(18件) 日式松露蟹肉炒飯(5磅) 比利時朱古力長條巴夫(18件) 即棄餐具(包括刀、叉、匙、紙碟)(18套) 食物夾(2個)   【點我查看遊船河外賣套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 牛魔福音【4款高質牛扒外賣必食推介】 【6-8人到會套餐外賣推介】 野餐食物外賣推薦【懶人包系列】 【飲品到會重新定義】     最後更新日期:30-06-2021 *未經許可,以上圖片及文章不得轉載或引用*        
2021-05-28
【人夫必讀】5個慶祝結婚紀念日嘅方法|Kama Delivery外賣到會預訂

【人夫必讀】5個慶祝結婚紀念日嘅方法

  【人夫必讀】5個慶祝結婚紀念日嘅方法   如何保持甜蜜婚姻嘅溫度?夫妻間最重要嘅日子,莫過於結婚週年紀念日,有數據指出,有為數不少嘅丈夫每年都因為結婚紀念日點慶祝而搲爆頭,而且婚齡愈長就愈難諗,亦有一班佢根本就唔記得邊日係結婚紀念日,因為唔係公眾假期,報紙雜誌又冇講,又唔係好似情人節咁,個個拿住紮花有提示,通常係老婆以為你攪驚喜,前一晚問你聽日準備左啲咩,做老公先恍然大悟,心跳急升,仲緊張過玩Resident Evil,更有一小部分,認為結婚紀念日唔需要慶祝,勇氣可嘉,古代被稱為勇士,通常打頭陣,所以勇士嘅下場一般悲壯。結婚紀念日代表夫妻感情嘅年度升溫,所謂千世修來共枕眠,咁有意義又點可以虛度呢?小編為你精選五個慶祝結婚紀念日嘅方法,一年一次,氹老婆開心,千萬唔好懶!   _____________   浪漫搖籃 海上之旅   通常一大班人去果啲叫船P,租隻遊艇出海玩,都係聯誼下或者聚下舊,一般遊艇租8-10小時,租金過萬基本,設施再齊d可能有卡拉ok或娛樂設施就更貴,所以兩個人如果想以浪漫海上之旅慶祝結婚周年紀念日,可以選擇帆船,租金比較低之餘,寓意深遠,有個四字成語「一帆風順」,意思是帆船掛滿帆隨順風行駛,了無阻擋,婚姻亦係一條非常漫長嘅路╴如果一直無阻擋,亦即係兩人婚姻路一順到底,白頭到老,老婆聽到你咁用心準備,一定自己都羨慕自己,其實帆船都有豪華版,但比遊艇嘅豪華版當然比較遜色,但性價比高,所以出海慶祝結婚週念紀念日,兩人響帆船吹住海風,隨時睇埋日落夠哂浪漫,所謂「夕陽無限好,唔夠老婆好」,咁重要嘅日子,課小小金,冇問題啦。   _____________   結婚周年紀念 讓愛衝上雲霄   雖然而家去旅行都仍然係奢想,但只要你有心,一樣可以同心愛嘅人衝上雲霄,香港被稱為東方之珠,景觀上有相當嘅觀賞價值,慶祝結婚週年紀念日最緊要係共同創造難忘回憶,坐著直昇機翱翔天空,浪漫愛意隨直昇機起飛一同上升,Heliservice於香港主要嘅直昇機服務提供商,服務中當然不乏觀光,搭飛機嘅經驗相信大家都有,但直昇機就唔係人人都坐過,加上飛機只係睇到雲層,坐直昇機先可以將城市美景盡收眼底,除左城市景觀外,仲可以揀俯瞰地質公園或獅子山,Heliservice同時擁有香港半島酒店嘅品牌,遊覽完咁靚嘅香港後,落機去嘆返個半島Tea,淨係哂命都值回票價啦。   _____________   Glamping 讓繁星見證幸福   Glamping 同 Camping 形式相同,但Camping係體驗野外生活,Glamping係享受野外生活。所謂Camping,係喺野外地方,自己紮營,廁所、水源、用電都唔會全面提供,靠嘅係本能,但Camping有助鞏固夫妻關係,野外露營老婆咩都旨意晒你,你諗下你幾威,結婚週年紀念日咁重要,俾哂位你發揮最Charm嘅一面,但如果你處理不善,或者弄巧成拙,後果就可能不堪設想,一個咁重要嘅日子留下污點,用1:99漂白水都洗唔甩,所以,去Glamping就穩陣好多啦,一般Glamping都同Clamping一樣,選址都係響野外地方,但唔需要紮營,意味你唔會因為紮營紮得唔好而承受惡果,Glamping會提供類露營車嘅地方俾入Camp嘅人,水、電及廁所齊全,甚至有廚具及寢具,可以感受野外生活之餘,基本生活所需亦垂手可得,走出營車,被繁星包圍,浪漫指數急升,仲可以睇埋日出,結婚週年紀念日有難忘嘅經歷同記憶,同時享受寧靜嘅二人世界,夫復何求,Staycation又點止酒店一個選擇呢?   _____________   結婚週年紀念日 天倫樂系 擁抱自然空氣,野餐共享天倫樂,結婚週年紀念日唔止屬於兩個人,特別係已經組織小家庭嘅夫婦,大日子點可以咁獨食呢?孩子作為父母心頭肉,又係愛情結晶品,慶祝點可以少得佢呢?野餐可以令平時生活喺繁囂都市嘅小朋友同大人們擁抱自然空氣,市區人煙稠密,氣溫悶熱,野餐地區多遠離市區,玩都玩得盡興健康啲,另外,要組織野餐活動非要簡單,熱門場地如觀塘海濱花園、西九文化區、迪欣湖等,真係帶張墊同帶個人去就得,完全無限制,亦唔駛煩食嘅問題,Kama Delivery嘅野餐盒高達14種食材,包裝精美,有甜點有咸點,而且送貨服務可以自選時間,由司機直接車到野餐場地,即收即食,小朋友放完電,一家人坐喺咁幽美嘅地方,伴隨優質食材,唔需要千金堆砌,要過一個溫馨嘅結婚週年紀念日毫無難度。     Kama野餐盒內容 蘆荀番茄烤雞墨西哥卷(4件) 牛油果鮮蝦酥盒(2個) 煙三文魚沙律杯(3杯) 柚子沙律杯(3杯) 法式芝士、加拿大煙火腿配多士  烤墨西哥脆片(芝士醬、番茄莎莎) 迷你牛角包(3個) 芝士火腿酥皮批(3個) 法式朱古力酥皮批(3個) 法式酥皮蘋果批(3個) 迷你葡式蛋撻(2個) 榛子朱古力泡芺(5粒) 馬卡龍(3粒) 自選布丁杯組合(2選1)  時令水果 即棄餐具(包括刀、叉、匙、紙碟)(5套)   🔼【點我查看套餐詳情】🔼   _____________   甜蜜的二人世界 結婚都係為左組織一個家,最後一個方法當然係響屋企慶祝啦,一家人唔想同人迫,又唔想舟居勞頓,無論你係慶祝10週年定20週年,正所謂Home Sweet Home,當然係在家千日好啦!趁老婆返工或者搵個理由令佢先出門,老公就怖置屋企,等老婆一入屋,本身無預期你咁浪漫,為左俾佢一個驚喜嘅結婚週年紀念日,準備左咁多野,當然,如果你識煮野食,親自下廚煮一餐豐富嘅晚餐,煎塊靚牛扒,記得洗埋碗,老婆都一定好滿足,慶祝結婚紀念日最緊要係有心,但如果你唔擅長煮野食,就唔好勉強,勉強無幸福,你可以揀Kama Sweet for Two二人套餐外送服務,顏值及內涵俱備,老婆返到嚟,先俾你怖置屋企嘅藝術天分震懾,再俾你份禮物吸引,再俾美食迷惑,然後當然係被你嘅誠意打動,至少感動幾日,仲唔係好男人典範?如果有小朋友嘅你,仲可以同小朋友一齊怖置,小朋友知道父母愛得濃烈,安全感同幸福感都會提升,對心理成長有幫助,另外,多個人提你,咁你咪少個機會唔記得囉。     Kama Delivery  結婚週年二人美食套餐 龍蝦海鮮湯(2碗) 黑松露蒸蛋(2隻) 焗蒜蓉牛油龍蝦(1隻) 即棄餐具(包括刀、叉、匙、紙碟)(2套) + 【三選一】主菜 焗德國豬手(1隻/已切件) 【+$70】香烤T骨牛扒配秘制Tiger醬(450g) 【+$70】西班牙烤乳豬配燒汁、焗薯(1份/約9-10件) + 【二選一】飯/意粉 日式松露蟹肉炒飯(2磅) 鮮茄虎蝦扁意粉(2磅) + 甜品拼盤 經典原味紐約芝士蛋糕、朱古力布朗尼、 法式原味泡芙(每款2件)   🔼【點我查看套餐詳情】🔼       作為人夫,平時可能忙於工作,但記住唔好忽略老婆仔。畢竟結婚紀念日一年只得一次,錯過咗就唔好啦。我地K​ama Delivery除咗有以上嘅小型到會套餐之外,亦都炮製不少單點美食跟套餐,迎合各種場合同派對嘅需求。小編係呢度祝大家百年好合,夫妻間永遠都恩恩愛愛!   【點我查看更多外賣套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 【高質外賣推薦】 二人世界到會套餐 慶祝紀念、生日飯必睇 【高級到會推介】讓你自訂獨一無二嘅外賣餐單 3月14日白色情人節 【2021求生攻略】 【派對食物外賣推薦】 免運費直送+送小食     最後更新日期:24-05-2021 *未經許可,以上圖片及文章不得轉載或引用*        
2021-05-24
九龍區三大打卡酒店泳池推介|香港Staycation

九龍區三大打卡酒店泳池推介

  九龍區三大打卡酒店泳池推介   迎接夏日不一定要到人頭湧湧的沙灘。隨著防疫措施逐變放寬,泳池重開,各大香港酒店的靚泳池又成為了另一個香港人週末去Staycation的理由。本文將會介紹三間在九龍區各具特色的香港Staycation酒店泳池,每間都有不同的賣點,值得一試!   _____________   逸東酒店   去Staycation其中之一個原因當然是感受去外地旅行的滋味,位於佐敦的逸東酒店的泳池設計就充滿異國風情。逸東酒店的天台泳池雖然不算大,但淺藍色的復古建築包圍整個泳池,加上屋頂上的Flamingo,感覺就好像到了摩洛哥旅行一樣。酒店更有紅鶴水泡提供,輕鬆拍出夏日清涼感覺的打卡照片。   _____________   香港朗廷酒店   喜愛異國風情的話,還可以考慮同位於油尖旺區的朗廷酒店。位於十五樓的室外泳池主色為藍白希獵風格,簡約設計配上藍天亦不失酒店整體給人的典雅氣息。而泳池旁邊亦有舒適的躺椅和水力按摩池,酒店更不時提供各式各樣的精美小食和飲品,可算是服務最為周全。   _____________   香港麗思卡爾頓酒店   香港麗思卡爾頓酒店泳池設計上沒有上面提及的酒店泳池華麗,但他位於 118樓、目前全港最高的室內泳池便是他最大的賣點。泳池的其中一邊緊接落地大玻璃,讓你可以邊暢泳邊從高空俯瞰欣賞維港全景,可以說是只有入住香港麗思卡爾頓酒店才有的獨特體驗。     根據不同酒店的規定,重開後的游泳設施或需提前預約或登記以控制人數。如想確保可以在入住期間享受到酒店泳池,建議可在訂房前先查詢清楚。        
2021-05-21
10款實用父親節禮物推薦|送給爸爸一個不一樣的2021|Kama Delivery到會服務專家

【10款實用父親節禮物推薦 送給爸爸一個不一樣的2021】

  【10款實用父親節禮物推薦 送給爸爸一個不一樣的2021】   每年逢六月第三個星期日都是父親節,在剛過去的母親節同媽咪慶祝又買蛋糕又買花,父親節當然不可以沒有任何表示,記得今年6月30日就是慶祝偉大嘅爸爸節啦!咁到底父親節禮物適合送什麼呢?一般爸爸都會鍾意功能性較強,日常都可以用到的物品。男仕普遍講求實際,所以今次小編就會推薦實用父親節禮物給大家參考,價錢由平到貴都有,連學生哥都負擔得到,立即睇睇有什麼好建議啦!   _____________   鋁合金屬鍍鉻刮鬍刀   一日之計在於晨,而每個爸爸起身第一件事,除了刷牙洗面,就是剃鬚吧!滿面鬚根會讓人看起來無精神,非常影響別人的觀感,就算平日有留鬚的習慣,也要好好修剪整理,才能帥氣外出,所以一把好的刮鬍刀絕對是父親節禮物的不二之選! 價格:HK$262.5 https://tinyurl.com/yfqtksk2   _____________   型格太陽眼鏡   想要型仔除了儀容整潔,偶爾都要加些道具增加顏值,要令人眼前一亮,一副太陽眼鏡必不可少,太陽太猛的時候更加可以用來遮光,如果爸爸有揸車的習慣,太陽眼鏡絕對是他開車時面對猛烈太陽的救星! 價格:HK$670 https://tinyurl.com/ye4dnfat   _____________   YOOX小牛皮帶   一條恰到好處的皮帶,絕對能為整個造型畫龍點睛。想讓人看出穿搭有沒有Taste,皮帶的質量就好重要,真皮再配上銀扣,低調又沉穩的顏色,平衡上下半身的配搭,讓爸爸上班被大讚有Taste吧! 價格:HK$542.88 https://tinyurl.com/yzn7bgt4   _____________   男士自動機械手錶   手錶可以給人守時、有責任感的形象,無論你Daddy平時是否手錶愛好者,大部分的男士其實都對手錶有一種難以言喻的憧憬,特別是那種能看見一分一秒跳動的自動機械錶。 價格:HK$142.17 https://tinyurl.com/yg58a3t5   _____________   SAINT LAURENT黑色皮革錢包   SAINT LAURENT的黑色皮革錢包簡單印上Logo,荔枝紋皮帶出硬朗的感覺,內裡設計為最基本的折疊設計,有四個卡位、散紙包、兩個紙幣隔層。大部分爸爸都是屋企經濟支柱,一個成熟又實用的銀包,最適合送給爸爸做父親節禮物。 價格:HK$3800 https://tinyurl.com/yhugwyqz   _____________   CASETIFY BASKETBALL LEATHER CASE   很多男士年輕的時候都是運動健將,放學打波玩到天黑才回家,但返工之後要揹起成頭家,自娛的時間減少,就算依然鍾意籃球,都只可以半夜趁老婆仔女瞓晒睇NBA。這款手機殼與NBA聯乘,背部以籃球為設計靈感,冇得拎起個波,都可以摸下個Case過過手癮啦! 價格:HK$509 https://tinyurl.com/ygarlp9w   _____________   Adidas RESPONSE 跑鞋   雖然難以約到一班老友出去打波,但始終要做下運動才能保持健康,接下來推介的是父親節禮物健康之選—跑鞋。最近疫症緩和,運動場重開,是時候和爸爸一齊去做運動鍛練一下,健康之餘亦可增加親子時間。 價格:HK$599 https://tinyurl.com/yg3h944n   _____________   PIQUADRO 男士背包   如果你爸爸是一個工作型爸爸,這個多功能背包可能是你的好選擇,採用天然皮革作物料,長42cm、寬32cm、深17cm,僅重0.79kg,而且有多個間隔,實用又穩重,背部可放手提電腦,非常適合上班時使用。 價格:HK$3100 https://tinyurl.com/yhze6nyt   _____________   BlitzWolf®藍牙降噪HiFi立體聲低音運動耳機   下一款要建議給大家的精選父親節禮物,就是日常生活中經常要用到的運動無線耳機,以藍芽連接手機,有主動降噪功能,配備HiFi立體聲功能。無論是日常、做運動、開車都一樣可以用。 價格:HK$521.49 https://tinyurl.com/yzjbu6rt   _____________   Hanes男士平角褲   最後一款要介紹的父親節禮物,是每日都要用到,非常貼心的「孖煙囪」,絕對是便宜又溫馨的選擇!夏天的時候最好挑選柔軟透氣的質料,最好以棉質為主,另外一般而言,大牌子的平角褲無論布料,抑或橡筋都比較耐用,所以記得要買性價比最高的款式啊! 價格:HK$184.25 https://tinyurl.com/yg4vfqnp       除了為爸爸送上禮物,大家不妨跟爸爸以及家人大吃一番,一盡孝子孝女的本份。Kama Delivery在這一方面就能幫到你,我們專營全港各區的到會外賣服務,並且消費滿一定金額,就能享有全港大部份地區的免運費優惠。不論是3-5人的小型套餐,還是10人以上的套餐,我們都同樣供應。在此,小編預祝各位爸爸—父親節快樂!   【點我查看父親節外賣到會】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 【Party Food 派對食物到會推薦】 【高級到會推介】讓你自訂獨一無二嘅外賣餐單 【6-8人到會套餐外賣推介】 【派對食物外賣推薦】 免運費直送+送小食     *未經許可,以上文章不得轉載或引用* *以上資料只供參考,如有變動或錯誤,恕未能立即更新*        
2021-05-18