開Party聖誕禮物攻略|交換禮物推介清單|美食到會外賣服務|Kama Delivery Service

【拜拜2020】開Party聖誕禮物攻略 交換禮物推介清單

  難捱又難過的2020年好快到尾聲,萬聖節一過尖沙咀海旁和中環摩天大廈的聖誕燈飾就會徐徐掛起,提示住我哋一年中最普天同慶嘅節日聖誕節要嚟喇!今年因為新冠肺炎(COVID-19)疫情,無得去旅行,連倒數依類戶外派對活動都未必可以舉行,距離聖誕節仲有一段時間,不如預先計劃定搞個室內私人Party,想慳水慳力唔煮嘢食,仲可以計好人數叫到會食物開大食會添!同場加映:【聖誕禮物$100/$200/$300蚊大集合】     🔼 每年聖誕節都總會有大大小小聖誕派對 🔼   講到聖誕大食會,交換禮物活動一定唔少得,近年嘅交換方式仲越嚟越新奇趣,Set定禮品類別、Budget等等條件,一方面收窄買聖誕禮物範圍,另一方面又可以減少收到唔想要嘅禮物嘅機會。如果想認認真真買份聖誕禮物,小編已經四出搜集不少攻略,針對不同的朋友圈分咗親子禮物、同事禮物、閨蜜禮物、麻甩禮物,將2020年最強聖誕禮物組合推薦畀大家。     【麻甩聖誕禮物】   小同、中同聚會,大學同學Re-U通常都會搵聖誕做籍口去Party Room玩,同學聚餐交換禮物惡搞居多,不過就算Budget得個百幾二百蚊都係要花時間出去買嘅,到底有咩聖誕禮物惡搞得嚟又有實用性?   實用超群禮物篇     每年聖誕交換禮物,梗會出現一兩份令人欲哭無淚,但又勁實用嘅禮物,善良嘅會買包裝紙巾、暖包,小編抽過邪惡小小嘅有M巾同埋Condom,講真,好實用,識你咁多年唔通唔玩得咩,但抽中依啲禮物真係會令人興奮到拳頭都硬了。 (Budget:Budget幾多就買夠嗰個數)     運程書、通勝     🔼 朋友聚餐嘅聖誕禮物通常都係惡搞,小編最「驚」典收過運程書 🔼   都係個句,咁多年朋友冇理由唔玩得,買禮物更加百無禁忌,當你收到一份包得靚靚仔仔、扁長方型嘅禮物,但拆開原來係幫你指點迷津嘅運程書、通勝,只要唔係舊年個本,你應該已經要還神。溫馨提示,運程書會比通勝易明。 (Budget:$48-88)       【親子聖誕禮物】   小朋友過聖誕就最開心,因為一定有禮物收,無論係家庭聚餐,定係一大班小朋友聖誕派對,家長都要諗定有咩啱小朋友玩又會學到嘢,純粹買玩具嘅年代已經Out喇!   立體拼圖     同傳統Puzzle唔同,立體拼圖會大舊啲,唔擔心會畀小朋友唔小心食落肚,而依一類禮品通常會有得意嘅圖案,可以提高小朋友認知能力,又可以訓練其智力同埋手眼協調。(Budget:$150-400)     兒童迷你相機     🔼 兒童相機可以令小朋友樂於探索世界 🔼   大個小小嘅小朋友可以買一部兒童迷你相機,雖然像素唔高,但影咗嘅相一樣可以睇返,而且係電子相機點影都唔會心痛菲林。可以讓小朋友透過鏡頭更細心咁觀察世界,亦可以用相片紀錄小朋友對世界認知嘅成長。(Budget:$200-300)       【同事聖誕禮物】   第四個老是常出現嘅聖誕派對就係公司聯歡會,一般會係Admin同事係平安夜個日負責訂到會同埋派對內容,而大家就負責買禮物交換,同事禮物一般唔使太有心思,反而係實用為重點,畢竟你買得唔好,可能會畀人笑一年。     抱枕、坐墊     如果你嘅工種係長期坐Office,買抱枕、坐墊應該係安全牌,就算唔鍾意、唔想拎返屋企,擺係公司點都會有用,有啲Cushion甚至係2in1連埋被,冬天最啱用。     酒水     🔼 買酒出事機率低,諗唔到買咩可以考慮下 🔼   如果你公司開完Party唔使坐返埋位做嘢,不妨買酒做交換禮物,同樣地唔鍾意可以即時飲咗去,一人一杯乾咗佢,轉個頭大家就唔會記得你買咗咩禮物,何樂而不為?       【閨蜜聖誕禮物】     Staycation     因為冇得去旅行嘅關係,好多人都鍾意Staycation,約埋3-4個閨蜜Book酒店房過一個又Chill又Grand嘅聖誕節,通常人數唔多,亦係最知己嘅好朋友,買禮物一定要貴精不貴多。     Christmas Gift Set     🔼 Christmas Gift Set有很多不同選擇 🔼   因為大家都係女仔,送Beauty Gift Set係其中一個好選擇,因為一個Set入面會有唔同化妝品同護膚品,有啲可能係平時唔捨得買或者唔知好唔好用嘅產品,送Gift Set就可以一次過試晒。而且Christmas Gift Set嘅價錢Range好大,平平哋Hand Cream Set又有,貴少少揀Countdown Box Set亦得。(Budget:$200-1000)     訂製閨蜜手鏈     想禮物更有意思,訂造同閨蜜手飾都可以納入考慮列表之中,情侶裝興咗好多年,而閨蜜就係近年大趨勢,可以按對方喜好去訂造,一個專屬閨蜜之間嘅友情認證,將來一齊戴出街影相打卡特別靚㗎!(Budget:$200-400)       希望以上嘅貼士可以幫到大家,2020年大家都過得好艱難,希望隨住聖誕節嘅來臨,大家都可以開開心心咁渡過剩餘嘅日子,以一個樂觀嘅心態迎接新嘅一年。係呢度小編代表Kama Delivery預祝大家聖誕節同新年快樂!!!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【派對食物如何度身訂造】 小朋友生日會食物推介【精緻到會餐單持續更新】 聖誕節到會外賣2020 【預訂教學篇】     部份圖片出處 https://www.pexels.com     *未經許可,以上圖片及文章不得轉載或引用*        
2020-10-29
【聖誕交換禮物2020】貼地實用禮物$100/$200/$300蚊大集合|美食到會外賣服務|Kama Delivery Service

【聖誕禮物$100/$200/$300蚊大集合】

  之前小編嘅【男女友實用生日禮物推介2020】點閱率十分理想,所以決定再接再厲💪,同大家分享一下聖誕節禮物推介。適逢聖誕節將至,2020年嘅最後一份禮物唔知大家準備成點呢?送同事、送朋友、送閏蜜、送戀人、送屋企人,參加聖誕party交換禮物份份都唔同,一時間要諗送咁多禮物,當然要分budget啦,好多時$100/$200/$300蚊都係聖誕禮物熱門選擇,平價一樣可以實用貼地嘅禮物,既然係2020年最後一份禮物,更加應該認真挑選,馬虎不得🤡。小編就為大家整理出一8份貼地實用聖誕禮物參考一下🤓,去馬~       $100蚊聖誕禮物推介   1. 潤唇膏   冬季天氣乾燥寒涼,男女老少都需要滋潤一下,潤唇膏絕對係大眾化之選,百元以下交換聖誕禮物必備,每年聖誕各大牌子都會陸續推出聖誕限定潤唇膏,有散買亦有套裝,有平有貴,大把選擇,立即click入黎睇下最新秋冬潤唇膏!       2. 暖手袋     迎接聖誕亦象征冬天嘅來臨,今年冬天受拉尼娜嘅因素影響,預計氣溫會比去年下降,將會出現不少10℃以下日子,相信暖袋會成為怕凍人士必須品。有聖誕襪造型嘅暖袋、聖誕樹造型嘅暖袋、馴鹿仔造型嘅暖袋。不單止提供到溫度,還可以暖化人心,百元以下禮物唾手可得,送女仔不可多得實用又可愛嘅禮物🎁。     3. 口罩一盒   可能係2020年最熱門聖誕party抽獎交換禮物之一,受肺炎疫情影響,口罩已經成為人人嘅必需品,實用程度100分,依加價格回落,$100蚊樓下隨時買到兩盒,始終每日都要用,收到呢份禮物未必會好有驚喜,但總好過一啲最終投閑置散嘅無聊擺設或公仔,至於其他防疫抗疫用品大家都可以考慮,總對夠晒實用貼地😷         $200蚊聖誕禮物推介   4. 自製DIY零食福袋     用$200去超市零食店執袋零食參加抽獎,執到漲卜卜一大袋十足聖誕老人一樣,薯片、朱古力、糖果、杯麵人人都岩食,即時打開禮物仲可以同大家開心share,立即DIY你既零食福袋啦🤣🤣     5.手機殼     雖然iPhone 12已經出左,但都有唔少人選擇唔換手機住,呢個時候一個得意嘅手機殼可以提供更多嘅"新鮮感",幫手機換下衫仔,聖誕圖案類型手機殼$200蚊以上下大把選擇。聖誕樹🎄公仔、聖誕老人公仔、或者係著住聖誕衫嘅卡通人物🤩🤩🤩,如果你嘅朋友仔/戀人係鐘意某些卡通人物,就可以向呢方面入手啦,立即click下有咩最潮最新手機殻😉🤫🤫🤫     6.香薰     香薰有獨特嘅香氣令人感到舒服放鬆,尤其是臨近年尾,相信個個人嘅工作壓力都比較大,追數趕deadline,努力獲取更多嘅年度花紅,香薰就顯得係一份不可多得嘅禮物。現時已經有好多聖誕套裝嘅香薰推出,$200蚊以下相信都有唔少選擇,不單止香氣四溢,包裝也非常精美,價錢亦比較便宜,熱門交換禮物之選,機會來啦飛雲😆。       $300蚊聖誕禮物推介   7. 聖誕日曆禮盒/倒數禮盒     呢個係近年比較Hit嘅一種禮盒,係12月頭送去,每一個格仔代表每一日嘅禮物,足足有成三十份禮物,依加每年年尾各大品牌爭相仿效,用$300蚊budget一樣搵到!!並且玩味十足,令收到嘅人每一日都會帶住喜悅期待嘅心情🥰🥰🥰。當然亦可以加入一D新意,例如每一日答岩一條問題先可以拆當日嘅禮物😏😏😏,但不適用於送女朋友時😱,各位自行決定啦~😎     8.聖誕大餐     聖誕禮物從來都不局限於形勢或者物件,為心愛嘅戀人,家人,好朋友,準備一餐無比豐厚嘅聖誕大餐係非常浪漫嘅一件事,情侶之間可以準備燭光晚餐加上鮮花襯托🤩感情瞬間急速升溫,當然如果自己嘅廚藝唔過關嘅,不妨考慮一下聖誕節到會食物😝😝 。我哋Kama Delivery菜色選擇包羅萬有,一件龍蝦包配搭一塊香烤T骨牛扒配秘制Tiger醬都唔錯架,廚房團隊用心製作,現正準備推出聖誕套餐,敬請期待,滿滿聖誕氣氛之餘仲可以根據人數調整份量,岩嗮二人過聖誕嘅你地。建議大家盡早預訂查詢,隨時Full order 😭😭😭。不過大家都可以做定功課先,睇一睇小編之前為大家預備嘅【聖誕到會預訂教學】🤭       希望以上嘅貼士可以幫到大家,2020年大家都過得好艱難,希望隨住聖誕節嘅來臨,大家都可以開開心心咁渡過剩餘嘅日子,以一個樂觀嘅心態迎接新嘅一年。係呢度小編代表Kama Delivery預祝大家聖誕節同新年快樂!!!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【派對食物如何度身訂造】 小朋友生日會食物推介【精緻到會餐單持續更新】 聖誕節到會外賣2020 【預訂教學篇】     部份圖片出處 https://www.pexels.com     *未經許可,以上文章不得轉載或引用*        
2020-10-27
8個搞笑好玩團體遊戲推介|美食到會外賣服務|Kama Delivery Service

【8個搞笑好玩團體遊戲推介】

  【8個搞笑好玩團體遊戲推介】   臨近每一年嘅年尾,聖誕節、農曆新年嘅氣氛越趨濃厚,派對party活動一個接一個,少不免要玩下團體遊戲,搞笑一下提高熱鬧氣氛,無論公司annual dinner、team building、聖誕party、學校團體集體活動、朋友gathering生日會等等,好多時都要預早準備集體遊戲,今次小編就精選推介8個好玩又搞笑團體遊戲俾大家,等你哋可以更順利組織下一個開心party活動!     好玩團體遊戲1. 誰是臥底     娛樂性極高嘅遊戲活動推介,比較適合7至10人,不過如果多人嘅話都可以分組別玩,將臥底逐個捉出黎,絕對係好玩又刺激嘅集體遊戲!唔想自己預備紙仔詞句仲可以去Google Play Store搜尋‘’誰是臥底’’協助大家玩!   遊戲玩法:提前準備對紙仔,兩個詞語要係近似類別,例如:河粉 與 米粉,老虎 與 獅子, 牛奶 同 豆漿。。。當中只有一張係唔同嘅詞語就係臥底(多人玩可以加多啲卧底數量),其餘都係相同詞語,然後每個人依次在抽一張紙仔,當然臥底都唔知自己係卧底啦!   大家抽好紙仔之後,每人可以依次序發言,描述手持嘅詞語,當然又係唔可以講出答案啦,描述嘅時候唔可以畀我底發現!    每一輪發言完畢之後, 所有人投票選出懷疑嘅臥底,得票最多嘅人就出局!     好玩團體遊戲2. 呯嘭嘩     傳統集體遊戲呯嘭嘩好多人都玩過,叫下嗌下簡單又好玩,喜歡大吵大鬧值得推介!   遊戲玩法:所有人圍圈,隨便找第一個發施號令嘅人,由佢開始遊戲。第一位開始嘅人隨意指著是但一個人嗌「呯」或者「嘭」,分別如下……   被人指住「呯」了嘅人,就要指著其他人說「呯」或者「嘭」。 被人指住「嘭」了嘅人,就甚麼動作都唔洗做,但被指人身旁嘅兩個人就要做「嘩」嘅動作。     好玩團體遊戲3. 超級無敵大電視     相信無論你係大人定小朋友,就算自己無玩過,應該都有睇過電視綜藝節目玩「超級無敵大電視」,眾人搞笑肢體語言令你樂趣無窮!   遊戲玩法:各人分成兩隊,每隊派出一個負責估螢幕顯示的詞語,然後其他隊友輪流利用動作 / 口述俾提示,提示當然唔可以包含答案嘅任何一個字啦,如果唔係就當輸左。估中最多果隊,就係勝出者。     好玩團體遊戲4. 非洲話事啤     簡單嘅遊戲推介,容易上手,樂趣多多,多人集體玩一流!最開心莫過於睇住人受罰個一幕,話唔定係你party活動最難忘嘅回憶!   所需道具:撲克啤牌一副 (不需Joker)   遊戲玩法:每人獲派一張啤牌,但自己不能看那張牌並把該牌放在自己嘅額頭上,讓其他人都能夠睇到自己頭上嘅牌,然後各人就開始討論如何懲罰敗方,例如懲罰指定動作、飲酒、唱歌,只要想到就要做,拿出一個桶,每人斟酒一次,輸家就灌晒佢都唔錯。   勝負條件: 最簡單的玩法係牌最小嘅人輸(葵扇煙最大,階磚2最細),又可以是大家討論下遊戲勝負條件,可以是黑牌輸、單數牌輸、最大嘅牌輸等等都可以……     好玩團體遊戲5. 拍7     經典嘅多人集體遊戲拍7,想提高難度就可以由100倒數開始!    遊戲玩法:大家依次序從100開始順序倒數,數到含有7或7嘅倍數就要拍手或指定動作  (比如:7,14,17等都不能數出),下一人繼續數下面的數字。違反規則或者忘記動作嘅人就需要受罰。     好玩團體遊戲6. 收買佬     公司活動team building經常出現,其實都好適合小朋友party派對玩架,可以考驗大家嘅團體合作性,增加凝聚力,搞笑又好玩!   遊戲玩法: 1 . 參加者分成兩組,多人嘅3組4組都可以,圍圈坐好,活動主持人在每組嘅旁邊放置一張椅子。   2 . 遊戲開始時,主持人會講出要收集嘅物品,每組參加者要將指定的物品放到自己組別嘅椅子上,鬥快收集到指定嘅物品!   3 . 收集得最快最齊嘅隊伍勝出!     好玩團體遊戲7. 一蚊幾毫     簡單輕鬆嘅集體遊戲,作為party活動開始之前,大家熱身一下都唔錯!   遊戲玩法: 1. 分成男女兩組,男仔價值1蚊,女仔價值5毫子。 2. 主持人講出一個數字,男女組員依數字自由組合。例 如:4蚊,就是4男,2女3男或8女 3. 每次講出數字後,眾人要迅速成組 4. 入不到組的,就為輸家等懲罰     好玩團體遊戲8. 數字球     學生讀書時代經常玩嘅集體遊戲推介,入大學O Camp必玩之一,好玩之餘又可以營造輕鬆嘅氣氛!   需要道具:球體一個   遊戲玩法: 1 . 所有參加者圍圈企好,順序報數喊出,大家要記好自已嘅數字。   2 . 由1號參加者開始先,將球用力向上拋(不可向下拋得),並同時喊出一個數字,如6號。   3 . 叫完6後,1號參加者就要返到自已原來嘅位置,6號參加者就要出來將個波接住,如成功接住個波,則可喊出另一個數字嘅參加者來接球。   4 . 如6號參加者未能成功將球接住,其他參加者就要立即離開,走得越遠越好。   5 . 6號參加者係地下執返個波後要大喊「停」,號令其他跑緊嘅人停下來,之後要用球拋向其他參加者,如擲中其他人,就由其他人重新開始喊數字拋球;如擲不中,6號參加者就要接受懲罰。       團體遊戲活動除咗可以帶動Party氣氛,仲可以減少活動冷場,促進人與人之間嘅感情;公司team building入面可以令新同事新人更容易融入工作環境;學校入面就可以令同學之間增加合作性,特別對小朋友成長有幫助;遊戲只在娛樂開心,搞笑好玩團體遊戲仲有好多種,有機會為大家介紹推介更多啦!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 小朋友生日會食物推介【精緻到會餐單持續更新】     *未經許可,以上圖片及文章不得轉載或引用*        
2020-10-20
聖誕節到會外賣2020 【預訂教學篇】|美食到會外賣餐飲服務|Kama Delivery Service

聖誕節到會外賣2020 【預訂教學篇】

  話咁快又就嚟到2020嘅年尾,大家都準備迎接普天同慶嘅聖誕節同新嘅一年,喜慶嘅節日好多時候都需要美食到會伴隨,公司annual dinner、朋友派對、學校聖誕party大食會一個接一個,聖誕節到會外賣服務查詢同訂購都特別多,今次小編就黎預告一下聖誕大餐預訂流程同常見問題,並預祝大家 Merry Christmas & Happy New Year!     【聖誕到會預訂教學及貼士】     聖誕節同埋農曆新年期間,都係每年我哋最繁忙嘅日子,為咗令兩個重要節日嘅外賣到會服務更加流暢,公司都會做出特別嘅訂購安排,人客對於各方面都有不少嘅疑問,例如訂制聖誕到會套餐、提前預訂時間、外賣優惠、自訂服務、新年物流運送收費等等;小編就收集過往幾年嘅經驗,綜合左以下幾個熱門常見新年及聖誕到會預訂問題,為大家做足準備!   熱門問題1: 你好,想訂聖誕節到會套餐,要提前幾耐落單? 送貨時間點樣揀架?   【回答】12月至1月聖誕新年期間到會訂單比較多,一般平日至少提前2日,週末及公眾假期至少提前3日,當然越早就越好啦,公司都會因應情況而有機會提前截單。     熱門問題2:我哋christmas party有23人,請問套餐食物份量可以更改嗎?見你地啲set有啲20件,有啲30件…..   【回答】我哋嘅到會套餐,包括聖誕節及新年款式,都可以因應閣下活動人數而作份量調整,配合唔同人數同場合,只要話我哋知你睇中邊個套餐同人數,就可以幫你調整份量同報價。     熱門問題3:想要你哋個聖誕節到會Set,下星期六食,點樣訂購?畀錢有咩方法?   【回答】你可以透個我哋網站上選購、WhatsApp聯絡或直接係電話下訂單;網上登記成為會員就方便記錄資料及享有各種會員限定優惠,聖誕節及新年大時大節更有優先訂購福利,WhatsApp只需提供填寫到會內容、詳細地址、外送日期及時間、收取人姓名及電話。       付款方式有:信用卡(Visa, Master, American Express, 銀聯)/ 轉數快 FPS / Payme / ATM 銀行轉帳等等,所有到會預訂都係全數預付,不設貨到付款。     熱門問題4:下星期同朋友搞聖誕party,食物方面想特別啲豐富啲,有咩到會推介?想問你哋嘅指定到會服務係點?   【回答】明白嘅,只需要喺我哋單點到會食物揀選你心水菜式,話我地知參加party嘅人數,我地就會制定適當份量嘅餐單,然後再報價錢俾你,一個屬於你嘅聖誕大餐menu就係咁簡單!     熱門問題5:你好,我公司下星期搞聖誕大食會,想訂你地到會服務,請問免運費(地面交收)即係點?運費點計?   【回答】免運費(地面交收)即是指送到指定大廈或屋苑樓下停車位收取食物,送餐司機就嚟送到會打電話聯絡你,到時只要幫手去拎一拎食物就可以免運費!如果不足消費金額或必需送上門,就需要再收取運費   偏遠地區或特別日子例如聖誕節正日、平安夜、除夕、大年初一、二、三可能有特別附加費需收取     熱門問題6:想預訂聖誕節到會套餐,請問最早最夜幾點鐘送貨架?   【回答】我們一般最早外賣送貨時段為早上11:00-11:30am,最夜係晚上9:00-9:30pm,其餘送貨時間就需要收取附加費或預先查詢!         2020年係肺炎疫情籠罩下,大家都過得不容易,小篇希望香港人盡快脫離帶口罩嘅生活,見到大家燦爛嘅笑容,迎接一個更好嘅2021年!雖然公司仲未推出新年及聖誕節到會套餐,但明白好多人客呢都會為唔同聖誕新年活動提前準備,希望以上資料能夠幫到大家更快捷訂購我哋聖誕節到會服務,Kama Delivery Catering會時刻優化人客到會訂購體驗,以客為先,提供高質食物之餘仲得到星級待遇,喺難忘嘅節日入面,能夠讓我們嘅到會食物參與其中,成為你哋最佳嘅派對夥伴!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 小朋友生日會食物推介【精緻到會餐單持續更新】     最後更新日期:01-12-2020 *未經許可,以上圖片及文章不得轉載或引用*        
2020-10-12
好食到會菜式全新登場【每月更新】|美食到會外賣餐飲服務|Kama Delivery Service

好食到會菜式全新登場 【每月更新】

  喺肺炎疫情沒完沒了情況下,叫到會外賣食嘅人越嚟越多,始終到會服務同一般餐廳外賣唔同,好食到會係專門做外送食物嘅專業服務,而餐廳一般都係以堂食為先,小編身邊朋友經常都用外賣平台order醫肚仔,但遇上嘅問題都唔少㗎,peak hour等太耐、漏單錯單、甚至乎食物翻瀉等問題屢見不鮮;自己一個人食或者人數少都仲可以處理,如果人數多嘅活動或者party就麻煩又尷尬,另一方面,外賣到薈喺食物選擇上面更加多元化,為咗保持新鮮感,我哋Kama Delivery定期都會推出好食到會嘅菜式報答一直支持我哋嘅粉絲!     一年四季春夏秋冬,不論打風定落雨,我地廚師團隊都會努力搜刮世界各地嘅新鮮食材,為大家調製好食到會美饌,迎合不同人客嘅喜好口味,力求創新,為大家歡樂嘅時光增添多一份色彩,美食從來都係重要活動嘅最佳配角;而小編我當然就要竭盡所能,送上最新最update嘅好食到會推介^ ^     即刻就介紹一下最新好食到會系列:   1. 火辣辣小龍蝦(麻辣)     盛夏岩岩過去咗,秋風開始起,除咗係食大閘蟹嘅季節,係時候要食啲辣野暖下個肚仔。Kama Delivery好多王牌菜式都係用龍蝦嚟做主角,見香港越嚟越多人都愛上小龍蝦,我哋當然要捕捉呢個機會,最新推出十三香火辣辣小龍蝦,嗜辣嘅朋友更加唔可以錯過,每隻都新鮮多膏,肉質爽嫩,而且配上惹味麻辣汁,包你一食就上癮,食極唔停口!     2. 炸迷你忌廉蟹肉薯餅     來自日本嘅迷你忌廉蟹肉薯餅,外層黃金香脆內裏軟綿綿,而且耐熱保溫好,送到你面前都唔會凍冰冰,作為party food小食最適合不過,大人細路都讚好食,到會食物就係要試多幾款先開心滿足,所以迷你one bite size就唔會怕食滯,一絲絲蟹肉配上幼滑忌廉,諗起都覺得肚餓。     3. 手工綜合仙草凍     仙草話佢係寶島名菜經典一啲都唔過份,自從喺香港出現之後,已經孕育咗唔少「仙草控」,不論飲品同甜品配搭都成日見到佢,屬於草本植物嘅仙草味道清爽帶微甘,有下火美容養顏功效,好似我咁貪靚就岩晒,Kama自家製燒仙草甜品份量十足,除左有紅糖底同奶茶底選擇之外,仲有布丁(香芋或雞蛋原味)、高纖椰果、煙煙靭靭嘅小芋圓做配料,好食又健康,Party到薈就係需要一款別緻甜品做happy ending先滿足架嘛!     4. 焗紐西蘭青口     好食到會海鮮推介系列,大隻生猛嘅紐西蘭青口,鮮甜味美爽口又啖啖肉,兩個口味分別係蒜蓉牛油同芝士蟹子,怕蒜味太濃嘅朋友仔,真係要試試芝士蟹子呢個配搭,包保你驚喜十足,芝士味唔會蓋過青口本身嘅鮮味,蟹籽又會多一份口感,真係鮮上加鮮,喜歡貝殼類海鮮嘅你又點可以錯過新嘗試呢?     5. 特濃朱古力布丁     特濃朱古力布丁除左係Little Friend小朋友套餐有得揀之外,散叫都有㗎,試過嘅人客都叫好叫座,亦係細路哥至愛,濃沃嘅可可味道,細滑嘅布甸,面頭仲有五顏六色嘅棉花糖襯托,真係好睇又好食,到會甜品再唔係得啫喱糖咁悶喇!     6. 香煎北海道帶子蒜蓉多士     Kama多士系列一直都好受人客歡迎,所以我哋就乘勢推出香煎北海道帶子蒜蓉多士。日本嘅元貝最有名就莫過於北海道出產,上環海味街好多嘅瑤柱乾貝都係用北海道嘅貨制作,當然新鮮食都唔會差得去邊啦,用上刺身級別嘅帶子,慢煮香煎到半生熟正正係恰到好處,煎好開邊鋪上香脆多士上面,睇落矜貴又好食嘅到會菜式,招呼朋友客人一流,宴會派對必備!     7. 手打墨魚滑多士     講到手打墨魚滑,打邊爐就食得多啦,原來將墨魚滑塗喺脆口卜卜嘅多士上面一樣咁好食,用嚟作為party food又或者招呼人客都一流,墨魚骨裏面仲有粒粒嘅墨魚肉,爽口彈牙,好食到停唔到口!     8. 迷你法式酥皮蘋果批     千層法式酥皮蘋果批係經典法式甜品之一,係貴婦high tea必點小食,金黃鬆脆嘅酥皮配上酸甜蘋果肉,簡直甜而不膩,迷你size不會太飽,食到會就喺要試多幾款野食嘛!     9. Kama酥盒拼盤     貪心嘅吃貨對食物款式嘅慾望係無窮無盡,Kama酥盒拼盤就可以一次過滿足你4個願望,小型party到會就啱曬,人數唔多都可以試多幾個口味,講到最好食係邊款呢?小編我就最推介炙燒龍蝦芒果醬酥盒,龍蝦係我地嘅signature,好食程度魅力沒法擋,芒果同龍蝦肉竟然可以咁夾,你又點可以唔試呢?       小編嘅好食到會推介系列會持續update,大家一定要定期留意我嘅最新情報,能夠成大家為party活動嘅一份子,Kama Delivery團隊一定會盡最大努力同心思,演繹出最好嘅到薈服務俾你哋!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 小朋友生日會食物推介【精緻到會餐單持續更新】     *未經許可,以上圖片及文章不得轉載或引用*        
2020-10-08
小朋友生日會食物推介【精緻到會餐單持續更新】|美食到會外賣餐飲服務|Kama Delivery Service

小朋友生日會食物推介【精緻到會餐單持續更新】

  小朋友生日會食物推介   又到咗小朋友一年一度嘅生日會?煩惱緊Party嘅食物安排?作為廿四孝爸爸媽媽嘅你,為咗幫佢留下美好嘅童年回憶,拍低最天真無邪嘅一面,生活再忙碌都要抽時間出嚟好好準備,費盡心思搞個開心又難忘嘅生日Party俾你哋個心肝寶貝!   童年嘅時光一去不返,小編都好掛住細個仲係無憂無慮嘅時候,每年生日會除左收到好多生日禮物之外,Daddy媽咪仲幫我約埋一大班親戚朋友仔一齊大玩特玩,不論環境佈置、生日蛋糕、鋪滿長枱嘅Party食物都令我好期待,興奮嘅心情令每年生日會前一晚都訓唔著覺,諗返起真係令人十分回味!    而家嘅父母生小孩都係一個起兩個止,所以搞小朋友生日會都越嚟越講究,當中生日會食物都好考大家功夫,細路仔都好要面子,喺一大班親朋戚友面前又點可以失威呢?!   菠蘿腸仔、咖哩魚蛋、炸春捲、芝士火腿三文治呢類傳統Party Food食物,相信無論大人小朋友聽見都覺得悶悶哋,作為搞手嘅爸爸媽媽,又點會想見到一大堆食物淨番喺檯面呢?要滿足小朋友奄尖嘅胃口,不妨可以考慮下我哋Kama Delivery 全新推出嘅小朋友派對到會套餐- Little Friend Party Set!     Little Friend Set 食物份量適合7-8人的小朋友生日到會派對享用   鮮果粟米乳酪沙律(8杯) 日式章魚燒(10粒) Shake Shake蝦片(2磅盒) 焗蒜香檸蜜雞翼(10隻) 意式一口肉丸(10粒) 炸迷你忌廉蟹肉薯餅(8件) 墨魚多士拼蝦多士(各4件) 迷你美式漢堡拼迷你夏威夷漢堡(各4件) 拿破崙雜腸意大利粉(3磅) 【二選一】海洋荔枝啫喱/特濃朱古力布丁(8杯) 榛子朱古力泡芙(8件) 即棄餐具(8套)   套餐多達12款高質精緻嘅食物選擇,當中包括沙律、前菜、小食、主菜、甜品,到贈品都係我哋團隊精心傑作,贈品🐻熊啤啤造型外賣樽,款式可愛之餘又實用,樽裏面仲載滿咗我哋特別調較嘅Homemade Milkshake,而且仲有🍫朱古力同🍓士多啤梨兩個口味可供選擇,作為我哋對小朋友生日嘅小小心意!     🔼 Homemade Milkshake|迷你Bear Bear造型外賣杯 🔼   至於食物方面,廚師喺設計呢個小朋友到會套餐時,食物都希望能夠做到大人細路都啱食,始終生日Party都有唔同嘅人參加,醫好來賓個肚仔都係Party搞手一大任務!滋味可口嘅大食會食物絕對為難忘嘅派對更加錦上添花!     🔼 墨魚多士拼蝦多士 🔼   重點食物介紹墨魚多士拼蝦多士呢對🏳️🏴「黑白雙殺」,用上墨魚滑同蝦膠製作而成,塗上四四方方嘅多士上面,香口而且彈牙,一口Size真係好適合Party派對!       🔼 海洋荔枝啫喱/特濃朱古力布丁 🔼   至於甜品方面,清新嘅🌊海洋荔枝啫喱,顏色鮮豔之餘仲加入左清甜荔枝肉,絕對唔係一般啫喱糖可以比較;而另一個款式🍫特濃朱古力布丁,又能滿足「朱古力控」需要,濃郁可可味道,幼滑嘅布丁口感,仲唔係得到大人細路嘅殺手鐧?!       而且我哋為咗方便大家,提供咗一系列派對用品供大家選購,適合用於大小Party嘅佈置用品,當中包括🎉各款生日帽、🍴精美即棄餐具、🕯️生日蠟燭等等;俾大家更加輕鬆籌辦一個完美嘅派對!(接此訂購)       喺小朋友生日會派對上面,食物嘅挑選絕對係擔當重要嘅角色,Kama Delivery好明白大家嘅需要,兼顧不同場合同埋人客嘅喜好,持續研製新穎高質嘅到會食物,餐單設計保持新鮮感,人客得到嘅滿足同快樂就係我哋最好嘅推動力,協助你地完滿順利完成每一個Party活動!   ▶ 訂購小朋友到會套餐 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 【家庭聚會Party Food到會推介】     *未經許可,以上圖片及文章不得轉載或引用*        
2020-09-28
錯誤食物配搭知多點【健康篇】|美食到會外賣餐飲服務|Kama Delivery Service

錯誤食物配搭知多點【健康篇】

  食物配搭的學問   食物配搭同科學一樣都係一門學問,科技進步亦加速了飲食習慣嘅衍生。同廚師搭配食材唔同,錯誤嘅食物或飲品配搭會加速對自己身體嘅破壞,影響身體機能,以至各種毛病出現,日積月累更加會危害身體健康,以下就等小編為大家介紹5知常見嘅錯誤飲食習慣。     錯誤食物配搭1. 奶茶+蛋糕     現代人high tea下午茶嘅熱門選擇,飲杯奶茶食個cake仔美味無比,可謂最療癒嘅Lady Time活動!蛋糕想要口感濃郁綿密,即代表需要大量嘅糖同油,有時可能會添加起酥油,人造黄油等含有反式脂肪酸嘅材料。而奶茶通常由奶精調教而成,熱量大約每杯200-300卡路里,即使選擇少糖”、“低糖”,其中嘅糖量依然好高。糖份攝入過多,不單止會導致肥胖,仲會造成視力減弱,蛋白質流失,腸道免疫力下降,血管壽命短,對皮膚傷害也不少,貪靚愛美嘅你一定要注意⚠️     錯誤食物配搭2. 咖啡+朱古力     兩種香濃嘅食材融合帶來更香濃嘅味道,呢個配撘外國人就最喜歡不過,雖然呢兩種係屬於苦味嘅食材,疊加之後唔會產生更多嘅苦味,反而行成更香甜嘅口味。同埋黑咖啡可以加速體內脂肪嘅消化,純度較高嘅朱古力都係低脂之選,所以成為白領們熱愛嘅早餐搭配飲品? 但兩者都係含有可卡因,雖然可以為我地帶來提神醒腦嘅效果,但如果經常搭配飲用,會對自身嘅神經系統同心臟帶來影響,因為可卡因並唔可以實質提供能量俾我地,佢更似一種麻醉劑,"麻醉"自身嘅神經系統,感覺唔到疲勞,但實際嘅身體可能真係需要休息。常見症狀為神經失常,身體質素變差,抵抗力下降。要知道可卡因也是屬於"毒品"一類🧐,有興趣了解嘅朋友仔可以睇睇「Narcos」了解了解😎。     錯誤食物配搭3. 薯仔+白飯     港人大排檔名物「傻仔牛柳粒」、家庭飯「薯仔炆排骨」、川菜「香辣土豆絲」等等都係我地香港人最常見嘅熱門菜色。但你又知唔知,薯仔同其他嘅蔬菜類有好大嘅分別,因為佢嘅澱粉質含量極高,達到15%-20%,係蔬果種類當中嘅佼佼者,甚至仲高過南瓜3倍咁多,同白飯嘅澱粉質含量有得揮。 當薯仔同白飯搭配一齊,就等於你一餐食左兩份主食,碳水化合物嚴重超標,因為人體嘅脂肪除左糖分之外,碳水化合物也是脂肪積聚嘅來源。可引發高血壓,脂肪,血管堵塞,心臟病等等不良疾病,糖尿病患者更加要少食為妙!     錯誤食物配搭4. 即食麵+腸仔     即食麵同腸仔係經常OT加班達人嘅標配,糧尾救星。有齊澱粉質,蛋白質,肉類豐富元素嘅殿堂級食品其實暗藏殺機。高油,高鈉,高卡路里,大概每包即食麵平均含有6.6g鹽分或更多,但實際每人每日鹽分攝入需要少於6g才為之健康。而腸仔,午餐肉也是鹽分極高平均每100克左右的腸仔其中就含鹽 2.8g. 即食麵配腸仔就係鹹上加鹹,經常這樣食會導致血壓上升,還會对肝腎功能損害大,鈉鹽攝入多還會導致骨質疏鬆,長期食用就等於慢性自殺。     錯誤食物配搭5. 食海鮮+飲啤酒     海鮮魅力沒法擋小編梗係明,大多數海鮮含有嘌呤和苷酸,而啤酒中則富含分解這兩種成分的重要催化劑就係維生素B,如果一路食海鮮一路飲啤酒,會令有害物質加速生成,從而增加血液中嘅尿酸含量,形成尿路結石,如果自身嘅代謝系統較慢,就更容易導致血尿酸水平急劇升高,誘發痛風,痛風性腎病,痛風性關節炎,所以,所以男士們要嘆海鮮就唔好再啤啤佢喇!       以上資訊由Kama Delivery提供,我地專注提供美食到會外賣餐飲服務,加入環球菜式配上優質食材,提供沙律、派對小食、主菜、素食到會等多款主題菜單。除了單點美食外,更提供多款到會套餐,承接多人大型到會服務,為大大小小不同生日派對、婚宴、酒會、企業公司活動、朋友聚會Party或小朋友生日會等場合提供美食到會服務。   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 【家庭聚會Party Food到會推介】     部份圖片出處 https://www.pexels.com https://unsplash.com/     *未經許可,以上圖片及文章不得轉載或引用*        
2020-09-23
6個必睇外國美食電視節目推介|美食到會外賣餐飲服務|Kama Delivery Service

【6個必睇外國美食電視節目推介】

  外國美食電視節目推介   唔知大家有無一個習慣就係食飯之前一定要開部劇出來,一路睇一路食呢?😏😏究竟點解食飯+煲劇可以甘夾?因為睇劇所帶來嘅歡樂心情可以大大增加食欲,所以好多人都養成左呢個習慣。無論男女老少、一家大細,小編記得阿媽以前食飯係要追住「來自星星的你」一路食一路睇,從不缺席🤣🤣。小朋友唔食飯係經常發生嘅事,阿媽就會獎勵佢睇卡通片條件係要食飯😏😏。除左普通嘅劇集之外,亦有好多人中意睇美食節目,因為美食節目更能激發食欲,小編今次就為大家介紹一些唔錯嘅外國美食類節目,如果喜歡烹任嘅你就更加不能錯過。     1. Master Chef     人人講起美食節目都會諗起Master Chef,就好似講起喜劇就會諗起周星馳一樣,係一個代名詞。劇中有比賽嘅緊張氣氛,亦有喜悅,難過嘅節目氣氛帶去,其中嘅亮點就係入面嘅美食不限種類地區,更重要係廚師全部都係業餘嘅人士,來自五湖四海包羅萬有,精彩絕倫!😆😆當然最大嘅賣點就係世界級廚神「Gorden Ramsay 」,無論係氣質或是廚藝,無可挑剔,作為金字招牌屹立每一季綜藝美食節目榜。     2. Chef's Table     Chef's Table係由一眾世界著名嘅大師級廚師👨🏻‍🍳Gaggan Anand, Massimo Bottura, Alex Atala等為你深入介紹高級餐廳嘅廚房係如何運作?高級嘅食材如何選擇?高級嘅料理作品係如何創作出來呢?每一位廚師對食材嘅追求與自己對美食嘅信念都一一傳達,一邊欣賞美食界嘅交響樂,一邊可以了解更多料理嘅技巧。十分值得推薦比每一位「食家」享用😆。     3. Julie & Julia     Julia係一為居住法國嘅美國人,佢希望將自己嘅食譜發揚光大,可惜出版後銷情慘淡。而Julie係一名客服部嘅小職員,升職無望嘅她聽聞朋友透過寫Blog成功突圍,自此佢亦受到啟發想做一名Blogger。由於佢廚藝不精,無辦法寫出好嘅教材Blog,靈機一動選擇左一本不知名嘅食譜書,書中有524道料理菜式,經過一次又一次嘗試,佢嘅blog人氣慢慢升高,亦推動左Julia嘅食譜書暢銷,因為Julie係Blog有寫埋自己對呢本食譜嘅心得同技巧,令到大家更能明白食譜嘅吸引之處。片中除左Julie一次次食材後最終成功煮出美味嘅食物外亦帶出堅持總會有出路,非常勵志動人,值得觀看。     4. 尹食堂     尹食堂係韓國嘅美食電視節目,一班毫無廚房經驗嘅演員去一個陌生嘅城市開一間韓式嘅餐廳,一來可以推廣韓國嘅美食去世界各地,亦可以服務係世界各地嘅韓國人,包括留學生,或者簽證工作者,可以品嘗到自己嘅家鄉味道。由食材嘅採購,處理到烹調,可以見到演員們一步步進步,亦有演員們嘅"獨家食譜"供大家學習。節目帶來美食、歡樂,亦有唔少令人感動嘅片段,係一部富有人情味嘅飲食節目😍。     5. Hairy Bikers: Mums Know Best     由BBC製作嘅另類美食節目,兩個土生土長嘅英國人,透過電單車遊行英國各地區,探訪各地嘅村莊、農場,收集各地即將失傳嘅食譜,除左美食與廚藝嘅展現,更多嘅係路途中嘅風景,人情味以及每份食譜嘅由來及其代表嘅意義。隨著節目嘅發展現時已拓展到全世界,香港,日本,韓國等等國家,唯一不變嘅依然係騎電單車出行,非常值得一睇嘅影視節目,開闊大家嘅眼界!     6. Ugly Delicious     Ugly Delicious係由Netflix出品嘅美食記錄片,主持人為著名嘅大廚 David Chang 主持,佢係一個韓國人卻成功係美國建立飲食帝國,甚至一度登上 「Times」雜誌封面,靠嘅就係不斷摸索同創新。該記錄片所表達嘅就係美食唔應該有限制,唔應該有權威,或者唔應該一成不變麻木堅持「正宗」,廚師需要永遠保持對食物嘅好奇心不斷創作!例如Pizza,意大利人永遠覺得意大利嘅Pizza先係正宗嘅Pizza,一定要落San Marzano番茄同水牛芝士嘅薄餅先可以稱為正統Pizza,意大利人最不屑就係聽到Pizza 加火腿同菠蘿,透過邀請唔同人士品嘗探討正宗與創新之間如何平衡?正如David Chang講:「堅持正宗,是否就失去創新?提出改變,是否在抗衡傳統?」值得大家深思探討!       我地Kama Delivery定時定候都會一齊睇下唔同嘅飲食節目,一班同事嘻嘻哈哈之餘又可以吸收一下新事物,廚師同事每次更加係金睛火眼,可能睇電視有助激發大家料理創作思維,話唔定下一個新嘅到會菜式就係咁樣練成🤣!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【派對食物如何度身訂造】 【家庭聚會Party Food到會推介】     部份圖片出處 https://www.pexels.com     *未經許可,以上圖片及文章不得轉載或引用*        
2020-09-16
【9個情侶拍拖的攻防戰 你又中幾多個?】|美食到會外賣餐飲服務|Kama Delivery Service

【9個情侶拍拖的攻防戰 你又中幾多個?】

  情侶拍拖的攻防戰   「單身覺得拍拖好,拍拖覺得單身好」係時下一眾巴打絲打嘅心聲,情侶拍拖嘅感覺總是會這樣時好時壞。究竟時下嘅年輕情侶們要經過怎樣的愛情洗禮才能有此覺悟呢?兩個人相處日子久了,問題同轉變隨之而來,今次等小編介紹下情侶之間那些奇怪的戀愛攻防戰,睇睇你哋又中幾多個😊。     1. 態度轉變     初初一齊情侶雙方都無微不至,女方溫柔體貼,男方無微不至,簡直係理想中的那個他/她。拍拖時間一長,好似識左好耐嘅「陌生人」一般,情願打機都唔多陪佢(女仔),而女方可能就係由溫柔體貼進化成抬杠選手同空手道黑帶🤕,永遠記住唔好睇小女朋友嘅臂力,雖然又瘦又幼,但收拾你時會力大無窮🤫。     2. 天氣不似預期     當天氣差時你想出街睇最新上演嘅美國隊長,女朋友就會話天氣甘差,出去會淋親又會感冒發燒。但當女朋友天氣差時遇上大減價或者新開嘅餐廳要潮聖,👩🏻:無雨喔,呢D微微細雨係無辦法傷我分毫,因為我有著多幾件。🤬🤨     3. 行街     初初同女朋友行街拍拖,都會積極帶佢挑選適合佢嘅衣物,行足一日都無問題,仲好開心添😇。但一齊耐左之後行街,行兩步路覺得隻腳要斷,辛苦到抖唔到氣。但係要買自己嘅野時,例如game、鞋等等,就健步如飛,仿佛阿甘附體一般。😜陪女朋友行街,女朋友就focus係有咩靚衫或者新款包包,而你就focus係邊度有凳坐 。典型情侶拍拖實況,唔知你又中唔中呢🤣🤣     4. 戒口     當你女朋友見到你想食炸野,就會同你講熱氣又唔好食。當你女朋友見到你流小小鼻水就會限制你唔准食凍野🥶。但奇怪嘅係,當你女朋友M到,你叫佢唔准食凍野時,佢就會話因為M到令到個人火爆,需要凍野來為自己降溫如果唔係可能會發燒😊。又或者你叫佢唔准食辣野嘅時候,佢就會話辣椒可以激發人體更好吸收並且富含維他命ABCDE。。你唔識就唔好出聲啦😒。你👦🏻😮。。。。。。。。     5. Party聚會     當你女朋友知你出去聚會時有女仔,你出左呢個門口就唔好翻來/你係咪唔愛我啦? 當你想解釋D女仔結嗮婚生埋仔叫佢安心時:哦,原來你萬般解釋係為左出去識埋D有夫之婦 真係膽大包天! 你👦🏻😮😑😑😑。當你女朋友出去聚會時有男仔,佢就會話呢個世界唔係男人就係女人啦,係咪一齊甘耐對我一D信任都無,我對你好失望😡。跟住就一陣風甘衝左落樓。而你👦🏻🤐可能只係想叫佢早D翻 點解比佢殺個措手不及。少年道行太淺還需繼續修行🤦🏻‍♂️。     6. 買野Shopping     當男朋友買左對新款波鞋,佢👩🏻:呢對你咪有咯,上半年先買左一對,宜家先半年又買一對,甘女朋友洗唔洗半年換一次啊?對鞋都係幾塊膠就要過千,買禮物送比我唔好咩?究竟你個心仲有無我呢個Bb! 當你女朋友買野,你👦🏻:呢個粉盒你唔係有咩? 佢👩🏻:有無搞錯阿,究竟我D野你有無擺上心,果個粉盒係20年春季限定,而呢個係20年夏季限定,我買來打扮自己靚都係想你係朋友面前多翻D面子,而你竟然質疑我! 你👦🏻😮😮最終屈服認輸買多幾個粉盒送比佢。     7. 無聽電話     當你女朋友打比你無聽時,佢👩🏻覺得你係專登唔聽或者同第二個女仔傾緊,左一個右一個所以唔得閒聽你電話,又或者係同班fd去玩到天昏地暗最終變左心所以唔聽你電話。而你👦🏻可能只係開緊會,但當你打翻去想解釋時,佢👩🏻:我都未話你就同我解釋,一定係身有屎,我唔想聽你業餘嘅解釋,果然男人無一個係好嘅!😮😮😮 當你打比女朋友佢無聽時,你👦🏻覺得佢可能忙緊做野又或者開緊會,所以便不再打擾佢。但佢👩🏻:有無搞錯打得一個電話就唔打,即係唔關心我啦,萬一我有咩意外點算,你係咪唔愛我啦宜家(其實佢真係開緊會)!你👦🏻😮😭     8. 我想試一啖     當女朋友話唔肚餓叫你自己嗌野食時,往往最終佢都會要求比佢試一啖,比左你就無得食,唔比你就玩完。最終呢一啖當然係食左成碗野嘅八成😏😏 當你想試女朋友嘅食物,佢👩🏻:想食咪自己嗌咯,知唔知宜家肺炎好嚴重,食物要食翻自己嘅避免交叉感染,你有無常識嘎? 而你👦🏻😮🙇🏻‍♂️🙇🏻‍♂️簡直係情況拍拖日常點滴…     9. 揀餐廳     今晚食邊間好?食咩類型?從來都唔係真係因為要諗食咩,而係真心想搵D野鬧下你發泄一下🤫。而你👦🏻當聽到呢個問題時,心中已經暗屌一句大事不妙。當你話日式,👩🏻:有無搞錯呢D天氣食生冷野係咪想我病!當你話中式,👩🏻:中式會唔會老土左D食到悶,你個人點解一D都唔浪漫!當你話西式,👩🏻:上次咪食左西式咯,你明知上次果份main course 我有食淨就係代表麻麻地咯,一D都唔上心!而你👦🏻👀:(上次個main你只係淨左半粒車厘茄咋。。)當你話BB中意食咩就食咩,👩🏻:甘大個人一D主見都無,我係知食咩就唔問你啦,定係你係出邊成日用呢招溝女吖!而你👦🏻😵😪。     揀餐廳呢D情侶拍拖小問題究竟如何化解呢?Kama Delivery 係一間匯聚各國美食Party Food到會外賣公司,無論你想食咩種類通通滿足到你,有齊各款小食、主菜、甜品俾你挑選,並且有24小時專人客服解答你,為你度身訂做味道好賣相好嘅到會食物,甚至包你度橋都得🤔😏,仲等咩快D預訂啦!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【派對食物如何度身訂造】 【家庭聚會Party Food到會推介】     部份圖片出處 https://www.pexels.com     *未經許可,以上圖片及文章不得轉載或引用*        
2020-09-10
【外賣優惠9月推介】 全港免運費送到你手上|美食到會外賣餐飲服務|Kama Delivery Service

【外賣優惠9月推介】 全港免運費送到你手上

  食住好嘢齊心抗疫   8月份經歷第三波疫情高峰期,踏入9月份幸好疫情好轉,社會陸續放寬各行各業,但吃貨們千萬唔可以鬆懈,2人限聚令及堂食禁令措施持續,外賣優惠梗係唔可以停,等小編陪你緊守崗位,繼續食住好嘢齊心投疫!     免運費—抗疫到會套餐     唔想hea食飯盒同等到頸都長嘅外賣平台,梗係張選擇一間準時、有交帶嘅外賣服務,等我地話你知到會點樣比一般外賣好啦;8月推出抗疫外賣套餐Family Gathering Set大受人客歡迎,只需$368就可享受6款滋味菜色,仲專享全港免運費送貨,邊晚想做個「無飯煮婦」鬆一鬆休息一下,只要搵我哋客服落單,最快唔洗60分鐘就送到你手上,「即叫-即煮-即送」,呢個期間限定嘅優惠只限星期一到五供應,公眾假期除外,把握限時外賣優惠,閒日都可以食到美味可口嘅佳餚!       「轉數快」專享到會優惠       睇得小編分享,又點會得一個外賣優惠咁簡單,精彩著數荀野不停開心share,經我地Kama Delivery網站落單,結帳頁面輸入促銷優惠碼「FPS88」,只要用方便快捷嘅轉數快找數,即可獲得精緻甜品或小食一份,等大家飯後一點甜,黎個Sweet Ending!完成訂單先發現唔記得入優惠碼?唔緊要!只要WhatsApp我哋客戶服務同事講聲就得喇!       滿額送到會購物金     貴為我地嘅客戶,梗係要悉心照顧來報答你哋嘅支持啦,成為我地會員,每次到會外賣訂購滿$800,更可享有10%購物金回贈,例如訂滿$800,就可以獲得$80嘅購物金,下次訂野食個時又可以慳多筆,外賣優惠回贈不設上限,亦不設限期換領架!等疫情結束,Party重開,就喺用購物金最佳時機啦!       免費更改到會訂單日期     獎賞福利未完未完,喺肺炎疫情期間,同朋友仔屋企人聚會都有機會臨時取消,我哋都好明白大家憂慮,心大心細唔敢提前預訂食物,所以每張到會外賣訂單特設一次免費更改享用日期優惠,等大家早咗預訂都唔洗太過擔心,臨時活動改期都唔怕,不論訂購金額多少,只要食物到貨前24小時聯絡我哋,立即可以為你作出更改安排,下次享用時間亦可另行通知!       我們不一樣的服務溫度,造就人客更輕鬆方便安排餐飲活動,每每站在你的角度出發,承諾帶給你更精彩的外賣體驗,並且時刻為你送上各種到會外賣優惠! Kama Delivery Catering – 你的派對伙伴   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【派對食物如何度身訂造】 【家庭聚會Party Food到會推介】     *未經許可,以上圖片及文章不得轉載或引用*        
2020-09-04