6款好玩Board Game推介【家庭遊戲必備】|美食到會外賣餐飲服務|Kama Delivery Service

6款好玩Board Game推介【家庭遊戲必備】

  老少皆宜嘅家庭遊戲   漫長疫情改變我地嘅生活,多左時間留係屋企,無論係父母定還是兄弟姊妹,翻工又或者翻學都受到唔少嘅影響。既然多左同屋企人係屋企相處嘅時間,何不好好把握增進大家感情呢?通常我地翻到屋企都係自己煲下劇又或者電話粥,甚至鎖自己係間房度打機,碌IG、 FB,幾乎每日都機不離手,變相即使係屋企都好似隔住棟墻,可能人越大越同父母弟妹有距離,難以搵到共同嘅愛好。今次小編就為大家介紹一D老少皆宜嘅家庭遊戲,好玩樂融融嘅Board Game桌遊推薦比大家係家中同屋企人互動娛樂🙌🏻。       1. 大富翁     大富翁作為經典中嘅經典遊戲,曆久不衰,絕對係Board Game界嘅不老傳奇!有好多人會認為大富翁毫無新意,唔好玩。甘你就錯啦,大富翁其實力求創新,一路以黎出左非常多款不同版本嘅大富翁,例如:復仇者聯盟、權力的遊戲、馬里奧版本、地產大亨、最快版、最長版本等等,就好似Air Jordan 1咁出左多年都不停換顏色去吸引人穿著。       2. 三國殺     三國殺作為風靡一時嘅Board Game王,培養左非常多高級演員嘅玩家,透過精湛嘅演技同高深嘅臥底策略,帶來樂趣嘅同時亦很好訓練了我地嘅思維能力,簡直係一舉多得。小編還記得中學時期每晚放學都要同同學們玩翻鋪,甚至中史老師亦不時加入戰場令難度升級,其吸引程度拍得住「LOL」,其實同大富翁一樣,三國殺亦推出左好多唔同嘅版本,現代殺、海賊殺、演員殺等等,真係好玩又值得推介!       3. 狼人殺     如果話三國殺培養高級演員嘅玩家,甘狼人殺培養嘅係奧斯卡級數嘅影帝玩家。作為現時最為流行嘅Board Game係全球盛行,網絡比賽甚至綜藝遊戲節目都頻繁出現,例如係台灣嘅「娛樂百分百」度就有一個《凹嗚狼人殺》嘅單元。其魅力係在於唔單止桌遊玩家感受到樂趣,連旁觀者都樂趣無窮,其精髓在於了解遊戲規則後,發揮演技搭配出色嘅演講技巧,好似無間道嘅梁朝偉,係兩邊來回遊走力求生存,非常建議Present能力較弱嘅朋友仔不妨試試鍛煉自己,一家大細家庭遊戲玩一流!😎       4. 我是大老闆     近幾年比較冷門嘅Borad Game,可能好多人都未曾聽過,但小編可以非常負責地講「我是大老闆」係好玩嘅遊戲。正所謂無商不奸,係遊戲裡面每一位都係白手起家嘅商人,透過商人(玩家)之間嘅交流與協商,而去決定是否達成呢單生意?應該同邊個合作先可以令利潤最大化?如何係一眾合夥人中脫穎而出?如何討價還價?究竟誰最終先係最後贏家?係互動之餘培養自己與人談判嘅技巧同能力,非常值得推介!🤩       5. 誰是臥底     相比前面幾款難度較高嘅Borad Game推介外,誰是臥底相對比較輕鬆好玩,少左爾虞我詐,討價還價嘅戲碼,靠對生活嘅認知能力,去判斷究竟大家手牌係咩物件,再加以融入,相對適合屋企有年齡較細嘅小朋友,認知多D,諗多D,估下誰才是臥底,絕對係兒童桌遊之選。       6. 阿瓦隆     阿瓦隆係以圓桌武士亞瑟王為故事背景,主要係陣營嘅對抗,如何可以團隊合作完成任務,如何隱藏身分對抗敵營?陣營對抗類型遊戲的代表作,遊戲過程中壞人要猜誰是梅林,好人陣營既要保護梅林又要讓任務成功,完全就係心理戰鬥同策略佈局嘅遊戲。相比起前面嘅Borad Game推介,阿瓦隆嘅優點係容易上手又好玩,每場嘅遊戲對抗時間也不會太長,增加玩家之間嘅信任合作,間中放下水更加可以令到大家友誼升溫😝😝。       以上係小編為大家推介嘅好玩Board Game,疫情之下有家庭聚會、朋友gathering打發時間一流,如果大家有其他更加高娛樂性嘅Board Game又或者玩後感都可以分享同留言🙌🏻。   以上資訊由Kama Delivery提供,我地專注提供美食到會外賣餐飲服務,加入環球菜式配上優質食材,提供沙律、派對小食、主菜、素食到會等多款主題菜單。除了單點美食外,更提供多款到會套餐,承接多人大型到會服務,為大大小小不同生日派對、婚宴、酒會、企業公司活動、朋友聚會Party或小朋友生日會等場合提供美食到會服務。   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 【家庭聚會Party Food到會推介】     部份圖片出處 https://www.pexels.com https://boardgamehot.com/     *未經許可,以上圖片及文章不得轉載或引用*        
2020-09-01
男女友實用生日禮物推介2020|美食到會外賣餐飲服務|Kama Delivery Service

【男女友實用生日禮物推介2021】

  又煩惱緊今年男朋友、女朋友生日送咩好?情侶之間每一年梗係有幾個特別嘅日子需要大肆慶祝,情人節、拍拖、結婚週年紀念日、誇張啲甚至乎每相識100日都要慶祝一下,當然,雙方嘅生日就更加要隆重其事啦;相識一起時間較短嘅男女朋友,當然想為對方留下好印象,打下好啲愛情根基,而一起時間長的,就想絞盡腦汁製造難忘嘅驚喜,感動對方成為你嘅小確幸,不論男仔定女仔,能夠得到被愛同受寵嘅感覺永遠係最幸福的!記得睇埋:【9個特別的慶祝生日方法及活動推介】   實用禮物點揀好?   送禮物意義在於能夠取悅對方,讓對方睇得出你嘅心思同誠意,有時比起禮物本身價值更加重要;當然,遍地拜金港女港男嘅香港,要取得送禮平衡的確唔容易,下下一句「物輕情義重」了事相信只會成為分手、掟煲嘅導火線,特別係感情未穩固嘅情侶,每一次送生日禮物俾對方都係感情路上嘅重大挑戰,已婚嘅夫妻一樣要每年搵idea哄下老公仔老婆仔開心啦!今次小編就搵左10款for him or for her嘅實用生日禮物推介俾大家多個方向解決下送禮煩惱!   FOR HIM – 鬚刨     男仔經常都會為剃鬚而感到煩惱,因為唔剃嘅話會俾人感覺不修邊幅,剃嘅話又好容易皮膚敏感。作為女朋友,緊係要為男友諗諗計,呢個時候送上鬚刨作為生日禮物就至合適不過。為佢挑選一個岩用嘅鬚刨,等佢可以好好keep住個靚仔樣!      FOR HIM – 藍牙耳機     藍牙耳機越出越多,而且功能包羅萬有。如果男朋友仔經常聽歌睇youtube,仲係用住普通耳機嘅話,咁就最好送返佢一個高質嘅藍牙耳機,最好就揀返隻佢鍾意嘅顏色,等佢可以襯返成個造型。     FOR HIM – 背包     相比起女仔,男仔用背包嘅場合就多好多,無論係返工定出街,好多時都會帶埋背包。而且好多時間,要幫埋女朋友仔裝野或者留返對手幫佢拎野。呢個時候,送返個背包俾佢就至岩啦!咁就可以一舉兩得,到時候用返佢嘅背包黎裝自己嘅野,實用至極!      FOR HIM – 男士護膚品     護膚係女孩子嘅天職,男士係呢方面就差好遠,好多時候都只會用清水洗臉就算。所以作為女朋友,就可以幫幫男朋友挑選岩用嘅護膚品,作為生日禮物送俾佢,等佢可以好好跟你學習一下護膚嘅祕訣。     FOR HIM – 健身用品     疫情下,Gym Room經常都強制關閉,想去Keep Fit都唔得。不過,近年越黎越流行在家健身同運動,想男朋友回復返fit到爆嘅身型,變返一個有型嘅oppa,就可以送上健身用品作為生日禮物,例如可折疊跑步機就係一個熱門選項,岩哂係蝸居生活嘅香港人。       FOR HER – 加濕器     女朋友仔就最著緊自己嘅皮膚,送佢一部加濕器,等佢係屋企都可以保持著靚靚嘅狀態,畢竟皮膚嘅濕度係好重要架!宜家嘅加濕器造型千變萬化,各種卡通造型都有得揀選。所以揀返一個佢心愛嘅卡通人物造型嘅,佢一定會喜出望外,絕對係暖男之選!     FOR HER – 各種收納袋/盒     女仔總會有好多野要收藏好,例如化妝品、手飾、護膚品、耳環等等濕碎野。呢個時候,為佢送上造型精美嘅收納袋/盒就最適合,等佢可以好好收藏自己嘅心肝寶貝,唔駛整到成張化妝枱亂哂龍。     FOR HER – 頭髮造型器     每次出街前,女仔都會悉心打扮一番,而髮型更加係重中之重,唔同場合甚至會整唔同嘅髮型。所以,送上頭髮造型器俾佢地,等佢地可以打造出唔同嘅髮型,無論係返工look,定係行街look,都可以keep住咁靚!     FOR HER – 保溫杯     女仔嘅身體通常都會比男仔差。作為男朋友,有責任要好好照顧自己嘅女友,特別係天氣轉冷嘅時間,就要更加注意女朋友嘅健康。所以送上保溫杯作為生日禮物,都係一個好選擇黎。等你唔係佢身邊嘅時候,佢都可以感受到你嘅「溫暖」!     FOR HER – 行李箱     雖然暫時無得生日去旅行當送禮物住,但相信係不久嘅將來,總會有機會再同女朋友仔可以去到旅行。宜家提前送佢一個靚靚嘅行李箱都係一個好idea黎。當然唔會送普通款式嘅行李箱,宜家有唔少復古或者文青風嘅行李箱,呢啲就至適合啦!     小編絞盡腦汁,希望幫到大家為至愛送上實用嘅生日禮物推介!唔洗成日煩男友送乜好?女友生日買咩好⋯⋯不過禮物都係次要,最緊要大家平時要多啲體諒對方,真心相愛先至最重要!   以上資訊由Kama Delivery提供,我地專注提供美食到會外賣餐飲服務,加入環球菜式配上優質食材,提供沙律、派對小食、主菜、素食到會等多款主題菜單。除了單點美食外,更提供多款到會套餐,承接多人大型到會服務,為大大小小不同生日派對、婚宴、酒會、企業公司活動、朋友聚會Party或小朋友生日會等場合提供美食到會服務。   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 【家庭聚會Party Food到會推介】     部份圖片出處 https://www.pexels.com https://unsplash.com/     *未經許可,以上圖片及文章不得轉載或引用*        
2020-08-27
家庭聚會Party Food到會推介|美食到會外賣套餐|Kama Delivery Service

【家庭聚會Party Food到會推介】

  Covid-19肺炎疫情一波又一波,限聚令措施禁堂食、停Party Room,吃貨們個個都冇啖好食,家庭聚會、朋友Gathering、聚餐活動都唯有留返喺屋企搞,煮野食又要搞餐懵,屋企附近外賣又食到厭,人小小又想嘆返餐好唔洗煩,不妨考慮下我哋Mini Party Set 3-5人小型到會套餐,喺呢段抗疫嘅時間都可以好好醫下個肚仔,同屋企人朋友仔安在家中享受無菌嘅外賣美食!   到會外賣新選擇 平時好多到會外賣Party Food都係食埋啲hea嘢,菠蘿腸仔、芝士火腿三文治、咖哩角、炸春卷聽見到怕怕,因為大家都可能已經食過無數咁多次,唔會有任何驚喜。今次推介呢個特色迷你到會套餐,餐單設計一啲都唔馬虎,而西式料理為主,由前菜、小食、主菜一共有成六款菜式咁多,試多幾款個個都可以開心share,而且人頭消費都唔洗一百蚊,價錢經濟又實惠,依加用FPS轉數快找數仲有甜品送,CP值性價比十足,作為溫馨家庭、三五知己聚餐就最適合不過!   🔽 Mini Party Set 套餐食物份量適合3-5人小型到會派對享用 🔽        蟹肉粟米濃湯(1袋/約5碗) 白酒忌廉汁大蜆(1.5磅) 蜜汁烤雞翼(5隻) 即棄餐具(包括刀、叉、匙、紙碟)(5套) + 【三選一】主菜 香草燒春雞配烤雞脾菇、雜菜(1隻) 【+$40】焗德國豬手(1隻) 【+$130】西班牙烤乳豬配燒汁、焗薯(1份/約9-10件) + 【三選一】飯/意粉 黑松露野菌忌廉闊條麵(3磅)   63°C溫泉蛋卡邦尼意大利粉(3磅)   日式辣味鰻魚炒飯(3磅)   _____________   小編至like最推介就係白酒忌廉汁煮大蜆,淡淡白酒清香加埋Creamy忌廉汁,入口肥美蜆肉鮮味十足,用埋蒜蓉多士沾啲汁黎食都唔錯㗎;闊條麵一打開蓋已經有濃郁嘅松露味撲鼻,麵條分明唔會漿埋一嚿,外賣Party食就啱晒喇!而另一度主菜,香草燒春雞都好受人客歡迎架,由我哋嘅大廚以天然香草醃製,肉質嫩滑,而且又唔會太肥膩,啱哂係食肉獸嘅朋友仔!   如果套餐內容有個別嘅菜式想更改都冇問題(例如係因為某啲食物唔啱口味或者有食物敏感),只需要睇返我哋單點到會美食,選擇你心水嘅菜式同所需份量,再經WhatsApp同我哋客戶服務員聯絡,等我哋為你安排好一齊,只需要係屋企坐定定等我地送上美食,咁就可以無憂無慮享受家庭聚會嘅時光!   P.S:經網上訂購記得留意我地最新到會優惠,優惠碼活動定期更新,登記會員仲有消費購物金回贈下次用,最荀最著數嘅外賣優惠等你慳多d,想了解更多優惠詳情,可以撳入去我哋嘅優惠專頁睇下—最新優惠!   ▶ 訂購Mini Party Set傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube       以上資訊由Kama Delivery提供,我地專注提供美食到會外賣餐飲服務,加入環球菜式配上優質食材,提供沙律、派對小食、主菜、素食到會等多款主題菜單。除了單點美食外,更提供多款到會套餐,適合不同人數嘅聚會享用,並承接多人大型到會服務,為大大小小不同生日派對、婚宴、酒會、企業公司活動、朋友聚會Party或小朋友生日會等場合提供度身訂造嘅美食到會服務。     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 【外賣優惠8月更新】全港免運費送到你手上     最後更新日期:19-01-2021 *未經許可,以上圖片及文章不得轉載或引用*        
2020-08-21
Staycation香港酒店推介【內含:可帶寵物入住選擇】|Kama Delivery Service

Staycation香港酒店推介【內含:可帶寵物入住選擇】

  最近大家因為Covid-19肺炎疫情問題搞到無得去旅行,無得飛唯有係香港酒店實行Staycation「宅度假」一下啦。當然亦有唔少人喜歡到酒店為朋友慶祝生日、紀念日,甚至係求婚製造驚喜。如果未有心水idea點同另一半慶祝生日,又或者唔知揀邊間酒店可帶寵物毛孩一齊入住?以下為你推介既5大香港網紅酒店就岩哂你啦!       Staycation推介 1: 香港瑰麗酒店 Rosewood   講到近年最熱門嘅酒店一定五少得依間位於尖沙咀既新晉酒店,由於係近年新開,所以所有設施或者都非常新淨。酒店設計高貴奢華,整體為英式復古摩登風,房間內亦可以俯瞰維港夜景,浴室用料更用上大理石材質,氣派十足!   瑰麗酒店嘅口碑服務態度更唔洗多講,五星級嘅服務,入住前仲會為客人講解房間所有設備嘅使用方法。     最重點嘅係酒店可以攜帶寵物毛孩一同入住,小編對上一次去就係同我家狗仔一同入住慶祝生日,酒店仲會為你既寵物準備食物同糧兜。當日酒店經理更得知係狗仔生日,尊登準備埋雞肉小食送比狗狗,話係送比佢嘅生日禮物,實在太窩心喇!   不過價錢就比較貴,一晚雙人住宿需要$4000左右,如果budget唔多就建議考慮第二間。不過價錢貴d,服務同環境就一定有番一定嘅質素,如果男朋友平日慣左去旅行慶祝女朋友仔生日,苦惱今年點樣製造一個難忘嘅生日驚喜?男朋友仔就唔可以慳依筆錢,絕對係物超所值!     🔼 地址: 尖沙咀梳巴利道18號  價錢:⭐️⭐️ 環境:⭐️⭐️⭐️⭐️⭐️ 服務:⭐️⭐️⭐️⭐️⭐️ 地理位置:⭐️⭐️⭐️⭐️       Staycation推介 2: 二十一威菲路酒店 Twenty One Whitfield    依間香港網紅酒店相信唔少人都認識,熱門時期佢地嘅海景房可能要提早一個月前訂先有,可以話相當搶手。趁依加疫情游客少,大家可以試一試丫!   雖然話係酒店,不過其實感覺有啲似公寓式。佢係位於天后,位置有啲隔涉,門面比較細,而且沒有大堂。除咗位置同服務比唔上酒店,房間亦比較細,房間內既設施同裝修都一般般。     不過點解仲有咁多人想住番晚就係因為有大玻璃窗,打卡位坐擁無敵海景。不過要提醒下各位換衣服或者影相時要注意窗外,因為房間都係全透明玻璃,對面嘅係寫字樓,由其喺女仔們要小心啲啊! 之於價錢方面,可以話喺最吸引,淡季嘅時候可能每晚房價唔洗1千蚊,你就可以擁有一整日嘅時間拍出美美嘅網照,哈哈…     🔼 地址: 香港銅鑼灣威非路道21號 🔼 價錢:⭐️⭐️⭐️⭐️ 環境:⭐️⭐️⭐️ 服務:⭐️⭐️⭐️ 地理位置:⭐️⭐️       Staycation推介 3: 芬名酒店 The Fleming   香港雖然有好多5星級酒店,不過設計特別嘅酒店就唔多,位於灣仔嘅芬名酒店就係其中之一。佢嘅前身係一間商務型酒店,後來邀請咗國外嘅設計師,以復古理念進行大改造,最後打造出滿滿設計感嘅酒店,喜歡懷舊風千萬唔好錯過!     酒店內部係英倫海事風格,墨綠色調加上木制家具,復古又高級。酒店門面特別小,不過麻雀雖小,五臟俱全。應有嘅設備都有,整體細節處理得幾好,整潔度亦高,復古之餘唔會比人覺得有種好殘舊嘅感覺。酒店服務質素都達標準,小編對上一次去就係幫朋友慶祝生日,佢地知道後會注動送上一份小禮物以及一封心意滿滿嘅生日卡,而且亦主動聯絡我話有任何需要都可以通知佢哋盡量配合,希望比到朋友一個難忘嘅生日會。   價錢方面亦屬大眾化,提供唔同房型比大家選擇,地理位置亦十分方便,距離灣仔地鐵站只係幾分鐘路程。平時通常都係女仔閨蜜開Party,如果女朋友都想為男朋友仔制造生日驚喜,不訪可以考慮吓依間性價比高嘅酒店喔。     🔼 地址: 灣仔菲林明道41號 🔼 價錢:⭐️⭐️⭐️⭐️ 環境:⭐️⭐️⭐️ 服務:⭐️⭐️⭐️⭐️ 地理位置:⭐️⭐️⭐️⭐️       Staycation推介 4: 香港康德思酒店 Cordis    如果爸爸媽媽想帶小朋友去住酒店玩番一日又有無介紹?梗係有啦! 都知道依家因為疫情問題小朋友長期要留係屋企,學又返唔到,旅行又無得去,小朋友生日想搞個生日會都唔得。父母又唔洗咁擔心,不如考慮帶佢地到旺角康德思酒店玩住一晚放下電,放鬆一下。     酒店早前推出左親子住宿Package,入住家庭套房 (2個大人、2個11歲或以下小童)。酒店就會喺泳池内提供卡通浮床、兒童戲水池。玩完水又可以帶小朋友欣賞扭氣球表演、面部彩繪等、自家製雪條等親子活動… 唔夠玩仲可以參加埋佢地既兒童烘焙班㖭丫!   講返酒店房間内就唔算大,不過基本設施都算齊全,滿足日常所需。而之於地理位置就非常優越,酒店對面就係朗豪坊商場。如果唔想去咁遠嘅離島,又想同小朋友係市區玩返一日,真係不妨考慮吓依間。     🔼 地址: 旺角上海街555號 🔼 價錢:⭐️⭐️⭐️⭐️ 環境:⭐️⭐️⭐️ 服務:⭐️⭐️⭐️ 地理位置:⭐️⭐️⭐️⭐️       Staycation推介 5: 美利酒店 The Murray    最後一間為大家介紹係近年香港新酒店除咗尖沙咀嘅Rosewood,仲有另一間都係網絡相當火紅,就係位於中環嘅美利酒店,可以話喺中環新地標,唔少人就算無預訂酒店都會黎潮聖打卡chill一下,因為酒店係一棟純白色建築,外牆有著巨大栱門,帶有輕摩洛哥風,品味非凡。其實酒店前身是英國現代主義建築師設計的大廈,後來再改造成酒店。     房間內設施亦十分講究,床上用品、沐浴產品都係用上歐洲牌子。裝修方面都十分高級典雅,白包大理石搭配金色嘅五金,一定能夠影出大量高質照片係IG呃like。另外呢間酒店都可以攜帶貓/狗寵物一齊入住,而且係所有房型都適合,check in時只要寫底需要嘅寵物用品,酒店都會為你提供,十分貼心服務。除咗房間内,酒店餐廳亦不時推出貓狗專屬嘅下午茶套餐,想同毛孩一齊慶祝特別日子一定唔可以錯過。   本身酒店價格屬偏高,但最近疫情亦推出特別住宿優惠,最平一晚雙人房$3300,要知道平時一晚原價需要$7000或以上,所以可以話非常抵,搞到小編都想帶埋屋企隻毛孩一齊去丫!     🔼 地址: 中環紅棉路22號 🔼 價錢:⭐️⭐️⭐️ 環境:⭐️⭐️⭐️⭐️ 服務:⭐️⭐️⭐️⭐️ 地理位置:⭐️⭐️⭐️       酒店就揀好啦,不過總要醫下個肚仔嘅。雖然依家好多酒店都有埋餐廳,大家仲可以叫Room Service送到上酒店房,不過要知道價錢一定唔平,亦唔係間間酒店都有做緊餐廳優惠。唔想食得貴,又唔想落街食,咁就不如考慮下叫返個高質到會嘆下啦!    我地Kama Delivery提供多款人數Party套餐,小至3至4人都有,而且亦提供多個送貨地點,只要訂購滿$688即可免運費,想即日下單都可以WhatsApp我地查詢。   仲諗咁多仲咩丫?快啲揀好酒店,訂定嘢食,同朋友/情人一齊慶祝節日啦!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【叫外賣到會懶人包】 6個必睇注意事項 【飲品到會重新定義】 【派對食物如何度身訂造】 【外賣優惠8月更新】全港免運費送到你手上   部份圖片來源 https://thefleming.com/en/rooms/ https://www.cordishotels.com/ https://www.instagram.com/poochie_the_frenchie/     *未經許可,以上圖片及文章不得轉載或引用*        
2020-08-14
【叫外賣到會懶人包】 6個必睇注意事項|Kama Delivery Service

【叫外賣到會懶人包】 6個必睇注意事項

  叫外賣到會懶人包    喺肺炎疫情持續嘅情況底下越嚟越多人都要叫到會食,但好多人對於叫到會外賣嚟食呢都比較陌生,而且普遍人對於傳統嘅到會外賣都認為係多人用餐先至會用到嘅服務,其實依加好多小型聚會、迷你party小至2,3個人都會叫到會㗎,另外,專門做到會外賣服務嘅公司同平時餐廳叫外賣都好大分別㗎,一般餐廳叫外賣嚟食講求快靚正,但係做到會嘅公司就可以滿足到人客唔同嘅需要,可以根據人客嘅要求製作特定嘅餐單,除咗有專屬嘅客製化服務之外,更加重要嘅就係到會公司會特別注意食物嘅質素、包裝、保溫、送貨嘅時間,特別係一啲重要嘅場合好似婚宴、公司企業活動、生日會、百日宴咁;小編知道好多第一次訂購到會嘅新手都有唔少嘅疑問,今次就同大家探討一下叫到會6大注意事項啦!       1. 活動參與人數     活動派對嘅參與人數多少直接影響咗訂購到會食物嘅內容,但係都明白搞活動未必咁準確可以預到參加嘅人數,特別係比較多人嘅活動,香港地好多大忙人未去到最後一刻都唔答唔到你出唔出席到,好似遊船河呀、生日會、party room咁,完全明白大家嘅苦況,小編建議大家訂購10人以上嘅到會,可以喺食物方面預鬆少少,或者多加一至兩人嘅份量,當然如果你經Kama Delivery叫到會外賣,如果臨時需要加單,我哋都會盡我哋最大嘅努力去配合,只要透過返WhatsApp同我哋嘅同事聯絡返就可以了,藉此希望幫到大家順利籌辦活動!       2.食物喜好     每個人對食物都有獨特嘅喜好、有啲人就偏向中式有啲人就鍾意西式、有啲人就特別鍾意食辣、有啲人就唔食牛肉或者佢係素食者、有小朋友參加就可能需要一啲簡單啲嘅食材同埋要食得方便啲最好就係冇骨嘅嘢食、有啲人就怕熱氣或者on diet減緊肥冇咁鍾意炸物或者油膩嘅嘢;嘩!咁活動搞手或者負責叫到會外賣嘅你咪好頭痛?   咁又唔使太過擔心,等小編我俾啲方向大家啦,首先大家可以睇下活動嘅主角係邊個,例如如果係farewell嘅活動,到會食物理所當然會遷就要歡送嘅人物啦;但如果呢一個係一啲企業公司活動嘅簡介會,要招待人客嘅,咁食物方面可能比較大眾化會好啲,方便嘅一口size party food就最岩喇,食係上黎會比較方便,而且賣相方面亦比較吸引!   咁如果係一般嘅家庭、朋友聚會,或者閨密三五知己去酒店開party,叫到會就簡單得多喇,人數較少比較容易掌握大家對食物嘅喜好,唔想麻煩一般唔同人數嘅到會套餐都可以滿足大家,想彈性一啲亦都可以更改套餐入面嘅嘢食選擇,而且食物數量都可以作更改。我哋有啲人客都會係預設嘅套餐更改一下食物數量,例如將適合8-10人享用嘅Happy Share Set稍為增加一下食物份量,只要補回差價就可以了。Kama Delivery就提供客製化到會食物任你選服務,希望每一款菜式都係人客喜歡嘅!       3. 到會食物份量   一般叫到會外賣嘅menu都會清楚列明每一款食物嘅數量,例如:以件、杯數、或者重量(磅、Kg)去量度,以件數計嘅菜式就相對容易預算,只要按活動參加嘅人數人頭去計就可以啦。例如我哋嘅沙律係一律以杯裝作為數量,大家就可以一目瞭然咁挑選。另外我哋好多嘅一口小食,好似Kama酥盒同Kama多士,都係會以件數黎計算。根據Kama Delivery過往接收到會查詢嘅經驗,一般人客對於主食嘅份量預算有最大嘅疑問,例如3磅意粉即係幾多?足夠幾多人食?   畢竟平時出去餐廳堂食叫飯、麵都唔會列明重量,所以人客對呢方面比較含糊疑惑我哋都理解嘅,其實一般出面食到嘅一碟飯呀或者意粉嘅重量,大概都係1磅左右,但因為叫到會通常都會有好多其他嘅食物,好似小食、沙律、前菜、海鮮等等,你通常叫到會都係開party呢啲開心嘅時刻,一般人對於呢啲澱粉質飽肚嘅嘢食需求比較少,所以可能每一個人預算大概半磅嘅份量已經足夠喇,如果活動係以女士或者小朋友為主,每1磅可能已經足夠3-4人享用!       4. 送貨時間     選擇送貨嘅開餐時間都要好好拿捏,預得太早又驚未人齊搞到啲食物凍晒,預晏咗又怕餓親大家肚仔,而且香港嘅交通擠塞問題又係世界級,所以我哋都不時預到人客更改收貨時間! 而我哋選擇送到會嘅收貨時間,一般以半個鐘為一個時段,例如如果預計19:00就人齊,咁樣可以選擇18:45-19:15送到,但如果係重要嘅活動例如好似船p呢啲咁樣要配合開船時間,又或者宴會、酒會;咁樣就可能要選擇預早少少提前收貨,可以特別備註remark,例如係早上11:30半鐘開船,咁樣可以選擇返11:00-11:30收貨,確保係指定時間之前收到食物,根據以往嘅統計,我哋90%以上嘅訂單都能夠準時送到人客手上,不幸遇上交通意外或其他因素引致延誤,我哋都會第一時間通知客人,保持良好嘅溝通!     5. 預算Budget     預訂外賣到會好多時都以人均消費做預算,有啲人客就喜歡俾一個Budget出黎,等我哋幫手草擬menu,食豪啲食平啲豐儉由人,視乎返大家嘅需要,只求飽肚想食抵啲經濟啲有一系列唔同人數號到會套餐,想豐富啲食得開心啲可以自選單點到會餐單,例如:西班牙烤乳豬、法式香草烤羊架、香草牛油燒生蠔、海膽蟹肉忌廉意粉呢啲矜貴嘅食材一般就唔會放喺度會套餐入面,當然,人客可以係套餐入面更換部分菜式,換成自己心水嘅食物,平時我哋好多人客都會選擇一個套餐作為藍本,然後更改部分款式,成為自己派對專屬嘅到會套餐!另外,大家要留意我哋當時有無做免運費優惠,只要單次消費滿一定金額,就可以乘機節省埋運費,而我哋定期都會做返唔同優惠,回饋一直支持我哋嘅人客們,大家有興趣可以撳入「最新優惠」嘅頁面睇睇。       6. 用餐場合   黎到最後一個point喇,亦都係小編認為叫到會外賣最重要嘅一個,唔同嘅場合梗係需要唔同嘅食物去配合,為咗令大家叫外賣到會更加得心應手,而家就同大家分享返8個最熱門常見嘅到會場合:     Party Room到會     最近受到肺炎疫情嘅影響,Party Room就好難會用得著,但相信疫情總會有消失嘅一天,到時大家就可以相約係Party Room玩返餐飽。去得Party Room玩嘅朋友好多時都會叫埋到會,等大家可以好方便就醫飽個肚仔,係Party Room搞活動都係希望一班朋友開開心心,有個地方一齊gathering聚一聚,所以小編建議大家訂購到會外賣時,小食、輕食比重可以多一啲,太多澱粉質主食造成食物浪費就唔好啦,始終好多朋友仔都係志在玩唔係志在食嘅!     小朋友生日會到會     爸爸媽媽幫心肝寶貝搞生日會慶祝又大一歲,揀場地約朋友仔參加都會費盡心思,咁樣叫到會外賣時嘅嘢食就要大人細路都啱食,小朋友都鍾意一啲簡單可口嘅食材,好似德國腸仔拼盤、迷你美式漢堡、一口煙肉荔枝卷、焗牛油粟米呢啲菜式都好受歡迎;另外,通常小朋友生日會都已經訂製一個好靚嘅蛋糕,所以應該都唔需要額外訂購到會甜品,我哋除咗為你準備美食之外,亦都增設咗派對用品專頁,好似生日用嘅蠟燭、生日帽,仲有精美嘅餐具方便大家佈置小朋友嘅生日會,等大家唔駛四圍騰,無需再騰出時間去購買呢啲額外用品。     聖誕到會   普天同慶嘅日子就特別多party同埋聚會,不論公司、學校、朋友仔都會應下節,順便交換下禮物或者抽下獎,整個12月每日都接到大量聖誕到會查詢,個個都想食聖誕大餐,唔少人客都會點聖誕到會套餐、又或者單點散叫原隻燒火雞、麵包布甸呢啲傳統聖誕節食物!而我哋過往都會因應聖誕節嘅來臨,限定推出具特色嘅Kama Christmas套餐,俾大家係屋企都可以好好感受一下節日嘅氣氛。我哋一般都係每年11月尾或者12月頭就會推出聖誕限定到會套餐,而通常都只會發售一個月左右,錯過咗就要再等多一年,所以大家到時到候就記住要留意下啦!如果想了解多啲聖誕訂到會嘅常見問題,可以瀏覽我哋另一篇嘅文章—聖誕節到會外賣2020 【預訂教學篇】       家庭聚會 House Warming     新屋入夥House Warming或者家庭聚會好多時都懶得煮,選擇叫外賣到會就乾手淨腳唔洗煩喇,留係屋企就可以食得casual啲唔使咁拘謹,多元化嘅食物款式又可以配合不同人嘅口味,一心一意享受相聚嘅時光!而我哋新推出嘅Family Gathering Set就好適合係屋企享用,無論係當午餐定晚餐嚟食都無問題,適合2-3人享用,而且宜家仲做緊抗疫免運費嘅優惠,幫大家慳多一筆!     Office Party到會   好多時附近同區嘅嘢食、餐廳食到悶悶哋,有同事生日、farewell或者公司有慶祝活動,叫到會外賣作為office lunch或者下午tea一tea都好常見,如果係office lunch嘅就可以特別訂製午餐飯盒,而我哋過往都幫過一啲公司同企業製作午餐飯盒,有關詳情可以經WhatsApp或者電郵同我哋嘅同事查詢。而一般下午茶到會就可以以一口size輕食為主,每個同事配返枝台式手調到會飲品都唔錯架!我哋嘅到會飲品有最啱健康人士飲嘅冷莘茶、清涼消暑嘅果茶同各款又濃又滑嘅台式奶茶,有別市面上一般嘅飲品。     新年到會   中國人最重視嘅節日莫過於農曆新年,團年飯、開年飯、春茗叫到會外賣,最緊要加返1、2款好意頭、開運既新春菜式,中式到會就最多人選擇盤菜。雖然我哋Kama Delivery係主打西式到會,但每逢農曆新年期間,一樣會限定推出應節嘅農曆新年套餐同菜式,而且我哋嘅大廚會特意設計各款中西Fusion嘅菜式,等大家係傳統節日中都可以感受一下新意,好似之前就有推出過八式撈起、紅糖酒釀丸子、西班牙乳豬配八寶海鮮龍蝦汁意大利飯等等,都係好受歡迎㗎!所以一到新年,大家就記住留意一下我哋精心打造嘅新年到會套餐啦!     船河到會     搞船p遊船河玩水上活動享受陽光與海灘,小編建議唔好食得太飽喇,影響腸胃不適就唔好啦,簡單到會食物容易幫助消化就最岩喇,有時可能上咗船擺一段時間先至食,所以不耐存放例如炸物就未必合適喇,大家可以參考下我哋大廚精心研製嘅 Junk Boat Party 船河外賣到會套餐,款式都係精挑細選,專為船p到會而設架!呢個套餐預設適合16-18人享用,不過都可以按情況更改返食物內容同份量,只要同我哋同事溝通返就可以。如果大家想知道更多船河到會安排嘅注意事項,可以參考一下我哋另一篇懶人包—【船河到會安排懶人包】。     宴會、酒會、公司企業商業活動     婚宴、商業機構、企業大型活動,一般都需要特定既到會服務,例如自訂到會menu、上門侍應、租借餐具等等客製化服務,預訂呢類大型到會要注意預留充足時間,因為洽談服務內容都需要一定嘅時間,例如結婚新人或者公司活動有時會想訂造特別嘅旗幟佈置係食物上面粉飾一下、預訂特別嘅食材等等;食物方面,招待賓客食物最好大眾化一點,多元化食物選擇、精繳嘅款式就最適合不過,好似我哋嘅一口派對小食套餐就特別為呢類到會服務而設!       以上長篇分析研究都係小編收集所有同事意見,嘔心瀝血嘅Tips分享,希望幫到叫到會外賣嘅新手啦,令到大家可以順利搞掂任何活動。Kama Delivery Catering Team 一直力求盡善盡美,每個部門嘅同事都堅守自己嘅崗位,務求用滋味食物喚醒人客味蕾,以及貼心嘅客戶服務,為大家帶來非一般外賣到會嘅體驗,讓每位人客都Love at First Bite!   ▶ 訂購到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【派對食物如何度身訂造】 【外賣優惠8月更新】全港免運費送到你手上     *未經許可,以上圖片及文章不得轉載或引用*        
2020-08-05
【外賣優惠8月更新】全港免運費送到你手上|Kamadelivery

【外賣優惠8月更新】全港免運費送到你手上

  全港禁堂食外賣優惠限定   政府宣佈由7月29日起全日禁堂食,預計維持7-14天走唔甩,我哋都知道大家冇啖好食,食附近外賣有食到悶悶哋?用外賣平台叫嘢食又冇乜保證,一時送貨遲到、一時漏單又遲跟進投訴無門;大熱天時自取外賣又身水身汗;小編明白大家都想用最優惠嘅價錢食返餐好嘅。   等我哋Kama Delivery幫幫你,全新推出抗疫Family Gathering Set,只需要$368就可以盡享六款精緻菜色,仲要全港免運費送貨,想即刻食仲可以打電話或者Whatsapp我地客服專員,落單之後最快一個鐘就送到你手上,呢個期間限定嘅優惠只限星期一至五供應(公眾假期除外),一般送貨到達時間為11:30am – 9:30pm,無論係當午餐定晚餐嚟食都無問題,千祈唔可以錯過呀!   而因應疫情關係,我哋都加強了實施相關嘅抗疫措施,例如廚師們在處理食物時會全程配戴口罩及手套,並且定時消毒各種設施及用具,務求為大家送上美味而且安全嘅大餐。     🔼 訂購套餐即送 Kama Delivery 保溫袋 🔼       🔼 部份食物會以錫紙盒作保溫包裝 🔼     外賣優惠唔單止價錢要貼地,食物質素同埋食物嘅溫度都好緊要㗎,我哋堅持每一宗訂單都係用一架車送貨,唔會夾單送貨,即叫即送;食物除咗用錫紙盒或者特厚膠盒做好保溫包裝,外面仲會用埋環保保溫袋嚟送貨,令到美食一直保持熱度,等大家得到最好嘅味覺享受。今次呢個迷你家庭套餐,我哋大廚都費盡心思,由餐湯前菜小食到主菜都一絲不苟,主菜仲可以三揀一,大家可以跟據自己嘅口味去挑選,希望大家都可以開開心心咁食住抗疫!依家就同大家介紹下呢個套餐有啲咩食啦:         Family Gathering Set 外賣優惠套餐 (食物份量適合2-3人小型到會享用) _____________     蟹肉粟米濃湯(600-700ml)(約2-3碗)   蒜蓉多士(3件)   蜜汁烤雞翼(6隻)   鮮茄虎蝦扁意粉(2磅)   蒜蓉牛油焗野菌雜菜(2磅)   即棄餐具(3套)     主菜(3選1)     焗德國豬手(1隻)   香草燒春雞配烤雞脾菇、雜菜(1隻/2磅)   BBQ豬仔脾(4隻)   _____________       Kama Delivery每次推出新嘅套餐都會加入一啲新嘅元素,今次大廚就加入咗餐湯畀大家,當然唔會係紅白湯,呢一個蟹肉粟米忌廉濃湯,絕對唔係罐頭粟米湯可以媲美,我哋用咗新鮮粟米、洋蔥粒打碎磨蓉,營養豐富又健康,而且加入淡淡嘅蟹肉,鮮味盡出!用蒜蓉多士沾啲湯嚟食更加別有一番滋味!整個Family Gathering Set有六款嘢食都有顧及大家各方面嘅需要,色香味俱全,絕對係非一般嘅外賣質素,大家仲唔快啲撳入嚟order試下?!   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【派對食物如何度身訂造】 到會優惠|最新著數推廣     最後更新日期:01-12-2020 *未經許可,以上圖片及文章不得轉載或引用*        
2020-07-29
到會外賣派對食物如何度身訂造|Kamadelivery

【派對食物如何度身訂造】

  好多人客都想擁有專屬嘅派對食物餐單,咁樣我地Kama Delivery客制化度身訂造服務就岩晒你喇,我地好明白作為活動搞手已經需要兼顧好多項工作,例如:選擇場地、約朋友預人數、甚至乎場地佈置到食物安排等等繁瑣工作,為左令你減少煩惱同負擔,我地派對食物規劃專員一定竭盡所能幫你製作最合適最perfect嘅到會餐單,一個專為你而設嘅menu,讓你輕鬆籌辦唔同大小嘅party!   派對食物自訂流程及須知   Step 1     預留充足時間訂購,一般平日預早一至兩天訂購基本上冇問題,週末星期六、日或公眾假期較多訂單就最好預早兩至三天,確定好派對活動日期及用餐時間,就可直接同我地同事聯絡。若然大頭蝦真係唔記得提前安排食物,臨時臨急需要訂購「急單」,我地都會盡最大努力配合!     Step 2       自訂屬於你嘅派對食物餐單、份量,只需話我地知大概用餐人數、食物預算budget;最重要就係對食物嘅喜好,例如活動參與人當中有無小朋友、素食者、餐單是否需要包括甜品、飲品、包裝要求等等;如果想到一d我地無嘅菜色或口味,即管話俾我地知,廚師們一定會盡量配合,務求令人客得到最佳用餐體驗!     Step 3     確認訂單,期待我們為你送上獨一無二嘅Party Food!   _____________   Kama Delivery 一直貼心照顧每位人客需要,致力提供價格親民嘅派對食物,除此之外,自從新型冠狀病毒疫情Covid-19來襲,我地都特別注重食物安全及同事衛生防範,加強實施抗疫相關措施:   *全體員工上班期間全程配戴口罩 *每天量度同事及訪客體溫 *食物處理全程配戴手套,確保衛生 *定時消毒各種設施及用具   _____________   【若想查看我們提供的到會套餐,請點擊下圖】         抗疫期間,外出到餐廳用餐風險較多,外送派對食物可以減少外在風險,咁就可以輕鬆享受美食啦!   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【最受歡迎10人到會套餐推介】 【船河到會安排懶人包】     *未經許可,文章不得轉載或引用*        
2020-07-22
10人到會套餐推介|Kamadelivery

【最受歡迎10人到會套餐推介】

  感謝人客支持,Kama Delivery每日都收到好多到會預訂查詢,其中我地客服同事收到最多人客詢問8-10人食有咩好介紹同推介,自從受到Covid-19肺炎疫情影響,小人數聚餐或party、甚至乎公司office lunch hour叫我地到會黎食都愈來愈多,今次小編就介紹一下我地最高銷量10人到會套餐 Happy Share Set!   人客選擇我地嘅其中一個原因就係套餐包含款式多,而且客製化服務更可以配合客人需要及喜好,彈性調整食物份量或者更改款式,Happy Share Set 呢個8-10人到會套餐由沙律前菜、小食、到主菜就足足有成10款菜式咁多,定價$980,人均消費$100有找,經濟又實惠,把握唔同優惠推廣,隨時可享免運費服務同飯後甜品,依加我地就一齊睇睇套餐精彩內容!     1. 柚子沙律(10杯)   2. 蘆荀番茄烤雞墨西哥卷(10件)   3. 蜜汁烤雞翼(10件)   4. 日式章魚燒(10件)   5. 香烤薯角(1磅)   6. 香草燒春雞(1隻)   7. 德國香腸拼盤、酸椰菜、芥末醬、茄醬(2磅)   8. BBQ原條豬肋骨(10件)   9. 黑松露野菌欖油扁意粉(3磅)   10. 日式豬軟骨蛋炒飯(3磅)     雖然價錢唔貴,但菜單設計絕不馬虎,豬、牛、雞、海鮮樣樣齊,用料食材每天新鮮直送,其中 蘆荀番茄烤雞墨西哥卷 及 黑松露野菌欖油扁意粉 兩款就係最多人客讚賞嘅菜式,小編就特別喜歡墨西哥卷,幾款配料簡直係完美搭配,加上秘製醬汁作為開胃前菜一流;另外,Kama大廚團隊更會定期更新套餐內容,加入不同新元素,等回頭幫襯人客保持新鮮感,亦可以試下唔同嘅口味,「10人到會,10個菜式,一齊Happy Share!」   ▶ 訂購10人到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【到會公司的日常篇】 【船河到會安排懶人包】     最後更新日期:16-10-2020 *未經許可,以上圖片及文章不得轉載或引用*        
2020-07-15
大廚推介23種減肥食材,讓你邊吃邊瘦

【大廚推介23種減肥食材,讓你邊吃邊瘦】

  減肥瘦身你要知   7月份過左小暑,即將迎接盛夏嘅階段,如果大家仍然對自己體重唔滿意就要好好把握喇,夏天減肥事半功倍相信都唔洗懷疑,香港人工作時間長,生活節奏亂,再加上無時間去做運動,令身體積聚左唔少脂肪,當然最有效嘅方法就係運動燃脂,除此之外健康飲食亦是不可缺少,合理運動加上健康嘅飲食先係最佳嘅減肥方式。小編今次就請來Kama Delivery嘅大廚作詳細訪問,為大家整理出23種日常適合減肥嘅食材,等大家可以邊食邊瘦!       23種精選減肥食材   1. 奇異果     人稱「獼猴桃」嘅佢非常高纖,可以促進腸道蠕動,改善排便問題。而且維生素C含量高,係檸檬嘅3倍,可以抗氧化同美白,係低升糖指數水果,大廚就推薦黃肉金奇異果俾大家,因為。。美白護膚效果係最好架!       2. 蒟蒻     人稱「魔芋」嘅蒟蒻當然有其獨特嘅魔法令你愛不釋手,具有降血糖血脂、降壓、減肥養顏、通便開胃等功效。脂肪含量很少但有飽腹感,含有豐富的膳食纖維。用來代替澱粉質就岩晒喇!       3. 堅果類     食nuts除左對大腦有益外,還可以提供大量嘅膳食纖維,膳食纖維可以減少對糖分油脂嘅吸收,從而令脂肪囤積得越來越少,當然一般零食nuts有大量鹽份大廚就唔建議喇,鈉含量過多導致肥胖就帶來反效果!       4. 冬瓜     大廚話冬爪係去除濕熱、水腫另一補品,冬瓜富含膳食纖維,還可以增加飽腹感,所以話冬瓜是一種保持體型,控制體重的理想蔬菜,特別夏天係當造盛產季節,又平又靚齊齊煲冬瓜!       5. 海帶     海帶所含有的海藻酸能抑制人體對脂肪的吸收,並且含有豐富的膠質,有效去除水腫,絕對係女生恩物,仲可以促進體內毒素和廢物的排除出,自然係減肥不二之選啦。       6. 牛油果     小編就曾經聽過有人用牛油果沾壽司豉油當三文魚刺身食喇,佢含有大量有益人體健康的不飽和脂肪酸,增加飽腹感的同時又不易轉換為身體脂肪,因此食用牛油果係唔會變肥,好處多不勝數,吃法又多,好似我地就有招牌牛油果蟹肉酥盒,好多客人食過都再嗌,又點可以唔mark低佢?!       7. 牛肉     牛肉含有高質量蛋白質,係人體每日所需鐵質嘅最佳來源,具有強筋壯骨、補虛養血、修復組織,當然食肥牛,油花最多部位就無咩幫助,大廚建議食用牛柳牛脊低脂部位就最適合減肥喇!       8. 黑胡椒     調味減肥食材必備,含有胡椒鹼的化合物,能抑制脂肪細胞的形成,嗜辣嘅朋友就岩晒喇,食辣野仲可以促進新陳代謝,提高基礎代謝的能量消耗,消耗更多脂肪,減肥話咁易!       9. 枸杞     枸杞中富含甜菜堿可加快脂肪分解,並且可以抑制脂肪囤積,用黎滾枸杞瘦肉湯係香港人常見做法,不過大廚溫馨提示大家,枸杞屬於寒涼食材,滾湯宜加一、兩片薑中和一下就perfect喇!       10. 青瓜     青瓜除左可以敷眼去黑眼圈之外,仲係天然的瘦身美容食材,女性減肥佳品,能清腸胃、排毒素,夏日炎炎食岩晒!       11. 綠茶     減肥瘦身必飲嘅綠茶含有豐富的茶多酚,能夠抑制體內澱粉酶、蔗糖酶活性,降低糖類吸收速度,避免身體分泌過多胰島素,防止脂肪堆積,除左飲用,不少甜點都可以加入綠茶製成架,就好似有我地熱賣緊嘅草莓抹茶布甸!       12. 魚油     唔係講笑,食油都可以減肥架,魚油富含OMEGA-3、OMEGA-6;加速身體生熱,消耗更多卡路里。還可以反分解代謝防止肌肉流失,抵抗脂肪生成,今次仲唔係終身「瘦」用!       13. 西柚     當中維生素P有利於保養美容,另外,維生素C就參與人體膠原蛋白而成,促進抗體生成。減肥人士嘅餐單都少不了它,用來配搭其他做果汁一流!       14. 苦瓜     苦瓜被稱為「脂肪殺手」, 含有高能清脂素,可以通過改變腸細胞孔網,阻止脂肪、多糖等熱量大分子物質的吸收,怕苦嘅朋友仔不妨試下苦瓜蘋果汁加蜂蜜飲下!       15. 西蘭花     西蘭花中含有豐富的膳食纖維,在蔬菜排行榜都係靠前,能夠增強飽腹感,促進腸道蠕動,幫助提高代謝和促進排便,清清地西蘭花配雞胸肉又一餐!       16. 低脂牛奶     飲用低脂奶能增強骨骼,當體內缺少鈣元素時,會使脂肪更容易堆積。經常喝牛奶可以補充鈣質,讓減肥進行得更順利。       17. 雞胸肉     食雞胸健身減肥好多人都知,皆因雞胸含蛋白質、脂肪、鈣、磷、鐵、鎂、鉀、鈉、維生素A、B1、B2、C、E及鹽酸等成分, 係脂肪含量較少嘅肉類,用黎整沙律食就最適合不過!       18. 藍莓     食藍莓可以明目護眼之外,仲係減肥食材好選擇,當中含有多種多酚類物質,酚酸就是其中重要的一類,具有良好的營養功能和抗氧化等藥理活性,用新鮮藍莓做果醬塗麵包做早餐都幾好架!       19. 三文魚     同食用魚油道理相近,三文魚富含不飽和脂肪酸、蛋白質及維生素D等。富含的歐米伽3脂肪酸對心臟有益,還能增強記憶改善情緒;不過大廚就提及到愈來愈多三文魚寄生蟲問題,其實煮熟食一樣不遜色,而且煮法都好多,例如香煎三文魚扒配蕃茄沙沙就健康又美味!       20. 蘋果     蘋果含有豐富嘅膳食纖維同多酚類化合物,促進腸道內有益菌的生長。每日生吃2~3個蘋果能起到減輕體重的作用,蘋果絕對係減肥好幫手!又或者當成沙律材料,配搭其他食材製作出紅菜頭伴香檸青蘋果莎莎或者吞拿魚青蘋果沙律,都不失為一個好煮意!       21. 雞蛋     雞蛋控聽見一定好開心,雞蛋中含有大量嘅維生素,礦物質同蛋白質,對身體健康有不錯嘅效果,身體好左,吸收快,脂肪囤積自然就會減少,部期大熱「水煮雞蛋減肥法」就絕對唔可以錯過!       22. 百香果     百香果富含豐富的維生素和纖維素,食百香果又可以增加胃部嘅飽腹感,減少多餘熱量的攝入,抑制人體對脂肪的吸收!       23. 大白菜     白菜能促進腸壁蠕動,可以幫助消化,加快排除毒素的功效,去便便有問題人事必選!         坐言起行:「零贅肉,靚Body」,介紹左咁多減肥食材俾大家,煮返一百幾十款健康菜式相信難唔到大家,仲唔快d訂立減肥餐單schedule,一齊變靚d!     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【到會公司的日常篇】 【健康到會食物點樣揀好?】     部份圖片出處 https://www.pexels.com https://unsplash.com/     *未經許可,以上文章不得轉載或引用*        
2020-07-10
2020持續更新小朋友放電好去處

小朋友放電好去處【2021持續更新】

  相信各位家長都按奈不住要帶小朋友周圍去放電喇,受COVID-19新冠肺炎疫情影響,小朋友停學好一段時間,街又少去、興趣班又無得上,小朋友已經累積不少精力未好好悉放,爸爸媽媽又陪佢地「困獸鬥」好一段時間,香港疫情有放緩跡象,各類社會設施、娛樂場所都陸續回歸正常,而最重要既係,暑假日子又就黎到喇,家長們都要好好計劃一下小朋友放電好去處, 作為Kama Delivery嘅小編,等我就update下有邊度可以俾寶貝釋放能量啦!       Donut Playhouse     位於尖沙咀新地標K11 Musea嘅 Donut Playhouse,除左有全港最巨型嘅室內滑梯,仲有全新遊戲 Donut Golf Club,是全港唯一以科學為主題的室內兒童高爾夫球遊樂場,場內分別設有「遊戲區」、「練習區」、「觀眾草坪」,成績好仲可以登上「高爾夫龍虎榜」威水下,從小培養對高爾夫球興趣,長大後咪可以陪Daddy練波囉!  玩到累累地,旁邊仲有Donut Café試試以冬甩為主題的特飲及全港獨有的意式雪糕檳,有得玩又有得食,小朋友仲唔開心死?!     地點:尖沙咀梳士巴利道 18 號 K11 MUSEA, Donut Playhouse, B2(地鐵站 J2 出口) 開放時間:上午 11 時 – 下午 7 時(清潔時間:下午 1 時 30 分 – 2 時 30 分) 對象:4 – 10 歲 收費:HK$130/20分鐘       SuperPark Hong Kong     小朋友放電必選推介!來自芬蘭嘅45,000呎型室內遊樂場Superpark Hong Kong,已經重開左喇!SuperPark提供多款遊樂設施,包括迷你賽車、彈床、大滑梯、室內攀石牆、滑板等下應有盡有,絕對適合一家大細盡情放電!樂園重啟後更減少入場人數,兼且每日5次全面消毒,做足防疫措施,咁貼心服務真係俾個like佢!     地點:香港九龍海輝道18號一號銀海地下(鄰近奧海城) 開放時間:每日分為4節,適用於星期一至日 Section A:11:00am-1:00pm Section B:1:15pm-3:15pm Section C:3:30pm-5:30pm Section D:5:45pm-7:30pm 費用:Section A、B、C:HK$120 | Section D:HK$100       山頂廣場:「大富翁夢想世界」     貴位全球首個大富翁主題館,選址香港太平山頂不無道理,「大富翁」相信係唔少爸爸媽媽集體回憶,趁著旅館減少唔洗同人迫,快D帶小朋友感受一下啦!埸館佔地20,000呎,海量影相打卡位任你拍,最大賣點是引入全息投影科技及4D 遊戲技術,把銀行、水務局、監獄、地契等經典遊戲元素,立體呈現於訪客眼前,唔講唔知,大富翁已經面世85年喇,場館多個紀念活動、佈景主題,大富翁先生仲隨時驚喜現身!     地點:香港山頂道118號 山頂廣場3樓301號舖 開放時間:星期一至日:上午10:00  – 下午8:00(最後入場時間為下午7:00) 成人收費:HK$260 小童收費:HK$220       石門Play Easy室內遊樂場     另一個親子放電好去處,位訴沙田石門嘅「Play Easy 輕鬆玩」室內兒童遊樂場,面積多達12,500呎,場內設有多個不同主題玩樂區,包括7大遊樂場園區及3大區域門票設施,當中包括球池王國、超級彈床、海綿池、造型小火車、兒童釣魚池、波波池等等,今次小朋友仲唔玩返夠本,放足電?!     地點:沙田石門安群街1號京瑞廣場2期102A1 基本入場門票包括遊戲區1-7,追加門票適用於遊戲區(不同遊戲區有不同收費) 基本門票(一名成人+一位小童): 星期一至四(公眾假期除外),每小時HK$80 (額外成人$45)/ 會員每小時HK$30 星期五、六、日及公眾假期,每小時$120 (額外成人$80)/ 會員每小時HK$45       迪欣湖野餐     位於欣澳,全港最大嘅人工湖,絕對係免費親子活動之選,恬靜優美嘅環境,最適合一家大細嚟渡過一個愉快嘅假期。小朋友無邊際跑動範圍可以放足電,靜下來可以欣賞下美麗嘅湖景同山景外,仲可以係草地上野餐添。另外,迪欣湖亦有腳踏船同腳踏遊覽車等設施出租服務,食飽飽之後租架單車或艇仔到處遊覽,簡簡單單又一日!     開放時間:每日上午9:00至晚上7:00(免費入場) 腳踏船/腳踏遊覽車出租服務:每天上午10:00至下午5:00。(雙人艇$70/半小時、$120/小時;四人艇$85/半小時、$150/小時)(腳踏遊覽車:雙人單車$100/小時;四人單車$120/小時)       香港太空館     康文署宣佈由7月1日起恢復正常開放時間喇,太空館兩個全新展廳「宇宙展覽廳」及「太空探索展覽廳」,展品由60多件增至百多件,7成都是互動展品,大家可以當新地方再玩過。其中一件互動展品「迷失太空」讓小朋友體驗置身太空的失重狀態。太空館除了引人入勝的展品外,更是一個睇戲好地方。太空館嘅何鴻燊天象廳不時上映不同的全天域電影或立體電影,門票仲平過入戲院!     日期:即日至2020年4月30日 逢星期二休館(公眾假期除外) 時間:每日1:30pm、5:00pm、8:30pm 地點:香港太空館何鴻燊天象廳 票價:24元(前座)、32元(後座)       荔枝角:Home 焙小日子     來自台灣過江龍嘅Home 焙小日子,又係一個親子好去處,係屋企成日諗住整甜品,但又唔想整完一大輪仲要自己洗返晒啲煲煲罉罉,帶埋小朋友黎呢度就岩晒喇,店內提供晒所有原材料同設備工具,最開心整完唔使自己洗野,平板電腦有份食譜畀你照住整,逐個step慢慢整,在場店員亦會提供協助,成功俾小朋友放電之餘,仲有個製成品拎返屋企慢慢嘆! 除左荔枝角,將軍澳同荃灣都有分店!     地址:荔枝角長順街15號 D2 Place TWO 305號 電話:39973485       八鄉小白兔農莊     小朋友成日都話要養呢樣養個樣?一於帶佢去小白兔農莊接觸下唔同小動物啦!兔仔、烏龜、羊等等可愛動物應有盡有,農莊佔地近十萬呎,BBQ、開party、營火會乜都得,小朋友更可以係草地四處奔跑放電。農莊內亦設有各類室內及戶外遊樂設施,一家大細齊來親親大自然!     地址:八鄉橫台山永寧里芝麻嶺1號 開放日期:每天(需提前一天預約) 開放時間: 11:00-23:30 交通方法:元朗阜財街何明記門口坐608小巴,坐到總站/54/251B 巴士,在芝麻嶺站下車 查詢電話:5546 1226     希望小編以上實用「小朋友放電」資訊可以幫到手,等家長門可以少D煩惱,小朋友又可以過一個難忘又開心嘅暑假啦!     以上資訊由Kama Delivery提供,我地專注提供美食到會外賣餐飲服務,加入環球菜式配上優質食材,提供沙律、派對小食、主菜、素食到會等多款主題菜單。除了單點美食外,更提供多款到會套餐,承接多人大型到會服務,為大大小小不同生日派對、婚宴、酒會、企業公司活動、朋友聚會Party或小朋友生日會等場合提供美食到會服務。   ▶ 訂購多人到會套餐傳送門 ◀   聯絡我們 WhatsApp: 5188 0757 / 6599 9941 Email: info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 5L桶裝珍珠奶茶【派對外賣必飲】 【飲品到會重新定義】 【健康到會食物點樣揀好?】 搞百日宴 vs 擺滿月酒   部份圖片出處 kkday.com klook.com     *未經許可,以上文章不得轉載或引用*        
2020-06-30